حولەرا ىندەتىنىڭ ەلىمىزگە تارالۋىنان ساقتانۋ ءۇشىن، كەدەن باس مەكەمەسى 2023 – جىلعى 3 – ءنومىرلى ۇقتىرۋىن جاريالادى
2023.01.12 15:55 كەلۋ قاينارى : حالىق تورابى
جۇڭگو اقپارات تورابىنىڭ 1 – ايدىڭ 11 – كۇنى بەرگەن حابارى. كەدەن باس مەكەمەسى تورابىنىڭ حابارلاۋىنشا، كەدەن باس مەكەمەسىنىڭ 2023 – جىلعى 3 – ءنومىرلى ۇقتىرۋىندا (حولەرا ىندەتىنىڭ ەلىمىزگە تارالۋىنان ساقتانۋ جونىندەگى ۇقتىرۋ) بىلاي دەلىنگەن: دۇنيە جۇزىلىك دەنساۋلىق ساقتاۋ ۇيىمىنىڭ 2022 – جىلى 12 – ايدىڭ 16 – كۇنى حابارلاۋىنشا، دۇنيە ءجۇزى بويىنشا حولەرا ىندەتىمەن اۋىرعانداردىڭ جانە قازا بولعانداردىڭ سانى ۇزاق جىلدار بويى ۇزدىكسىز تومەندەگەن سوڭ، 2022 – جىلى كۇرت ارتقان، 29 مەملەكەتتە حولەرا ىندەتى كۇرت تارالعان نەمەسە حولەرا ىندەتىنە شالدىققان ناۋقاستار بايقالعان، مۇندا، نيگەريا، كامەرۋن، مالاۆي، كونگو (كينشاسا)، كەنيا، ەفيوفيا، سومالي، گايتي، سيريا، ليۆان، فيليپپين، بانگلادەش، اۋعانستان قاتارلى ەلدەردە حولەرا ىندەتى ۇزدىكسىز تارالعان.
حولەرا ىندەتىنىڭ ەلىمىزگە تارالۋىنان ساقتانۋ، شەكارادان كىرىپ – شىعۋشىلاردىڭ سالاماتتىق حاۋىپسىزدىگىن قورعاۋ ءۇشىن، «جۇڭحۋا حالىق رەسپۋبليكاسىنىڭ مەملەكەت شەكاراسىنا قاتىستى دەنساۋلىق ساقتاۋ – كارانتيندەۋ زاڭى» جانە ونىڭ اتقارىلاتىن ەگجەي – تەگجەيلى ەرەجەسى قاتارلى زاڭ – تۇزىمدەردەگى بەلگىلەمەلەرگە ساي، تومەندەگىدەي ۇقتىرۋ شىعارىلدى:
ءبىرىنشى، جوعارىدا اتالعان مەملەكەتتەردەن كەلگەن ادامداردان ەگەر ءىشى ءوتۋ، قۇسۋ قاتارلى اۋرۋ بەلگىلەرى بايقالسا، شەكارادان كىرگەن كەزدە كەدەن مەكەمەسىنە ىرىقتىلىقپەن مالىمدەۋى كەرەك، كەدەن مەكەمەسىنىڭ دەنساۋلىق ساقتاۋ – كارانتيندەۋ قىزمەتىنە جاۋاپتى قىزمەتكەرلەرى بەلگىلەمەدەگى ءتارتىپ بويىنشا مەديتسينالىق شارالاردى قولدانۋى ءارى تەكسەرۋگە قاجەتتى ۇلگى الۋ قىزمەتىن ورىستەتۋى كەرەك.
ەكىنشى، جوعارىداعى مەملەكەتتەردەن كەلگەن ءارى ىندەتپەن جۇعىمدالعان، ياكي، جۇعىمدالۋ كۇمانى بار اۋە قاتىناس قۇرالدارى، كەمە، جۇك قورابى، جۇك قاتارلىلاردى بەلگىلەمەدەگى ءتارتىپ بويىنشا دەنساۋلىق ساقتاۋ شارالارىن قولدانىپ ءبىر جاقتى ەتۋ كەرەك.
بۇل ۇقتىرۋ جاريالانعان كۇننەن باستاپ كۇشىنە يە بولادى، كۇشىنە يە بولۋ مەرزىمى 6 اي.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
