لي كىچياڭ بازار باقىلاپ – باسقارۋ باس مەكەمەسىندە قىزمەت تەكسەرگەندە ءارى اڭگىمە ءماجىلىسىن باسقارىپ اشقاندا مىنانى دارىپتەدى
ساياساتتى تياناقتاندىرىپ، بازار تۇلعالارىنىڭ قيىن وتكەلدەن وتۋىنە كومەكتەسىپ، رەفورمانى تەرەڭدەتىپ، بازاردىڭ ومىرشەڭدىك كۇشى مەن قوعامنىڭ جاسامپازدىق قۋاتىن اناعۇرلىم تاسقىنداتۋ كەرەك
2023.01.13 16:23 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 12 - كۇنى، بەيجيڭ. 1 - ايدىڭ 9 - كۇنى مەملەكەتتىك كەڭەستىڭ زۇڭليى لي كىچياڭ بازار باقىلاۋ - باسقارۋ باس مەكەمەسىنە بارىپ قىزمەت تەكسەردى ءارى اڭگىمە ءماجىلىسىن باسقارىپ اشتى. ول بىلاي دەپ دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا 20 - قۇرىلتايىنىڭ جانە ورتالىقتىڭ ەكونوميكالىق قىزمەت ءماجىلىسىنىڭ رۋحىن دايەكتىلەندىرىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن تياناقتاندىرىپ، بازار تۇلعالارىنىڭ قيىنشىلىعىن شەشۋ ساياساتىنىڭ تياناقتانۋىن ىشكەرىلەي ويداعىداي يگەرىپ، رەفورما جاساپ، جاڭالىق اشۋدى زور كۇشپەن ىلگەرىلەتىپ، بازار تۇلعالارىنىڭ «توپىراعىن قۇنارلاندىرىپ»، ارتۋدى ورنىقتىرۋعا، جۇمىستانۋدى ورنىقتىرۋعا، زات باعاسىن ورنىقتىرۋعا كۇش سالىپ، ەكونوميكانىڭ ورنىقتى قالپىنا كەلۋىن، ۇيلەسىمدى ارالىقتى ساقتاۋىن ىلگەرىلەتۋ كەرەك.
ءبىلىم مەنشىك ۇقىعى مەكەمەسىندە لي كىچياڭ ءبىلىم مەنشىك ۇقىعىن جاراتۋ، قورعاۋ، پايدالانۋ جاعدايى جونىندەگى مالىمەتتى تىڭدادى. ول بىلاي دەدى: بازار باسەكەسىندە جاڭالىق جاراتۋعا كۇش سالۋ بارىنەن دە ماڭىزدى، ءبىلىم مەنشىك ۇقىعىن قورعاۋ دەگەنىمىز جاڭالىق جاراتۋدى، ءبىرىنشى وندىرگىش كۇشتى قورعاعاندىق، جاڭالىق جاراتۋ ارقىلى دامۋدى جەبەۋدە تاباندى بولۋ كەرەك. تاپقىرلىق پاتەنتىن تەكسەرۋ ورتاشا ۋاقىتىنىڭ 5 جىلدىڭ الدىنداعىدان ۇشتەن بىرىندەي قىسقارعانىن بىلگەن سوڭ لي كىچياڭ بىلاي دەدى: جاسامپازدىق جاراتۋ وڭاي ەمەس، ءتىپتى دە ساپالى قىزمەت وتەۋ ارقىلى جاڭالىق جاراتۋ جەتىستىكتەرىن جەدەل كادەگە جاراتىپ جانە پايدالانىپ، كاسىپ سالاسىنىڭ دارەجەسىن جوعارىلاتۋدى جەبەپ، حالىق بۇقاراسىنا باقىت جاراتۋ كەرەك.
لي كىچياڭ بازار باقىلاۋ - باسقارۋ باس مەكەمەسىنىڭ ساندى مالىمەتتەرگە تالداۋ جاساۋ ورتالىعىنا كەلىپ، بازار تۇلعالارىنىڭ دامۋ بەتالىسىن ۇعىستى. بازار باقىلاۋ - باسقارۋ باس مەكەمەسى بىلاي دەپ تانىستىردى: بازار تۇلعالارىنىڭ سانى 10 جىلدىڭ الدىنداعى 55 ميلليوننان قازىر 169 ميلليونعا جەتتى، مۇنىڭ ىشىندە جەكە ونەركاسىپشىلەر مەن ساۋداگەرلەر 110 ميلليوننان استى، شىعىس بولەكتەگى رايونداردىڭ بازار تۇلعالارى بۇكىل ەلدىكىنڭ %46.5 ىن ۇستايدى. لي كىچياڭ بىلاي دەدى: وسى بىرنەشە جىلدا ءبىز «التىنى ورنىقتىرۋدى»، «التىنى قامتاماسىز ەتۋدى» مىقتى يگەردىك، مۇنىڭ ىشىندە ەڭ ماڭىزدىسى بازار تۇلعالارىن قامتاماسىز ەتۋ ارقىلى جۇمىستاندىرۋدى ورنىقتىرۋ، بازار تۇلعالارىن ۇزدىكسىز دامىتۋ، زورايتۋ كەرەك.
اڭگىمە ماجىلىسىندە بازار باقىلاۋ - باسقارۋ باس مەكەمەسى مالىمەت بەردى. لي كىچياڭ بىلاي دەدى: وسى جىلداردا ءبىز بازارلاندىرۋ رەفورماسى بەتالىسىندا تاباندى بولىپ، ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىن ۇزدىكسىز تەرەڭدەتىپ، بازارلانعان، زاڭمەن جونگە سالىناتىن، حالىقارالانعان ساۋدا ورتاسىن قالىپتاستىردىق. ۇكىمەت ورىندارىن ىقشامداپ، ۇقىقتى تومەنگە بەرىپ، شارتتى تومەندەتىپ، كەدەرگىنى جويىپ، باقىلاۋ - باسقارۋدا جاڭالىق اشىپ جانە ونى كۇشەيتىپ، ءادىل باسەكە مەن ساپا حاۋىپسىزدىگىن قامتاماسىزداندىرىپ، قىزمەت وتەۋدى ۇزدىكسىز ساپالىلاندىرىپ، قىزمەت وتەۋدى باقىلاۋ - باسقارۋعا ءسىڭىرىپ، حالىق بۇقاراسىنىڭ ساۋدامەن شۇعىلدانۋىنا، كاسىپورىن قۇرۋىنا اناعۇرلىم كوپ ەركىندىك جانە قولايلىلىق جاراتىپ، كوپ بولىپ شارۋاشىلىق قۇرۋدى، كوپ بولىپ جاڭالىق اشۋدى ىلگەرىلەتىپ، قىرۋار جاڭا كاسىپ سالاسىن، جاڭا كاسىپ كۇيىن، جاڭا ۇلگىنى جارىققا شىعارۋ كەرەك. بازار تۇلعالارىنىڭ قيىنشىلىعى مەن قىسىمىن جەڭىلدەتۋ، ولاردىڭ جەڭىلدەنىپ قايتادان العا اتتانۋىنا قولداۋ كورسەتۋ، سالىقتى ازايتۋ، سالىقتى قايتارۋ، اقىنى تومەندەتۋ سياقتى ساياساتتاردى ۇزدىكسىز اتقارۋ كەرەك، بۇل دا «سۋ جىبەرىپ، بالىق باققاندىق»، سالىق قاينارىن ساقتاعاندىق بولىپ تابىلادى. رەفورمانىڭ ومىرشەڭدىك كۇشى مەن ساياسات ارقىلى قيىنشىلىقتى شەشۋدى قاتار جۇرگىزىپ، بازار تۇلعالارىن جەتىلدىرۋ جانە ۇلعايتۋ ەكونوميكانىڭ ورنىقتى اينالىمىن ساقتاۋدا شەشۋشى رول اتقاردى.
لي كىچياڭ بىلاي دەدى: قازىر ەكونوميكا قالپىنا كەلۋ كۇيىن ساقتاپ وتىر، الايدا بازار تۇلعالارىنىڭ، اسىرەسە، ورتا، شاعىن، ۇساق كاسىپورىنداردىڭ، جەكەشە ونەركاسىپشىلەر مەن ساۋداگەرلەردىڭ قيىنشىلىعى ءبىرشاما زور، سونداي – اق جاڭا ماسەلەلەرگە ءدوپ كەلىپ وتىر. ساياساتتىڭ تۇراقتىلىعىن ساقتاپ، ەكونوميكاعا ساياتىن ءبىرقىدىرۋ ساياساتتىڭ جانە ۇلاسپالى شارالاردىڭ تياناقتانۋىن ۇزدىكسىز ويداعىداي يگەرۋ كەرەك. سالىقتى كەمەيتۋ، اقىنى تومەندەتۋ سياقتى ساياساتتاردىڭ جالعاسۋعا تيىستىلەرىن جالعاستىرۋ، ساپالىلاندىرۋعا تيىستىلەرىن ساپالىلاندىرۋ، بۇرىنعى جالعاستى اتقارىلاتىن شاعىن كولەمدى سالىق تاپسىرۋشىلاردىڭ ارتقان قۇن سالىعىن كەمەيتۋ، كەشىرۋ، ءوندىرىس جانە تۇرمىستىق قىزمەت وتەۋ كاسىبىنىڭ ارتقان قۇن سالىعىن دولايلاستىرۋ ساياساتىن ويداعىداي اتقارۋ كەرەك. فينانس قۇرالدارى قولدايتىن كەلەلى نىساندار قۇرىلىسىن، جابدىقتاردى جاڭالاۋ، قايتا قۇرۋدى ىلگەرىلەتىپ، ناقتى قىزمەت مولشەرىن جەدەل قالىپتاستىرىپ، ءىس جۇزىندىكپەن ۇشتاستىرىپ، تۇرمىستىق قىزمەت وتەۋ تۇتىنۋىنىڭ ءتارتىپتى قالپىنا كەلۋىن ىلگەرىلەتۋ كەرەك. بازار تۇلعالارى كوڭىل ءبولىپ وتىرعان ماسەلەلەرگە جاۋاپ قايتارىپ، شيكىزاتپەن قامداۋ، جۇمىسشى ىستەتۋ، امانات - قارىز قارجىسى سياقتى قيىنشىلىقتاردى شەشۋگە كومەكتەسىپ، كاسىپورىنداردىڭ مەرەكەدەن كەيىن جۇمىستى، ءوندىرىستى جەدەل قالپىنا كەلتىرۋىن ىلگەرىلەتۋ كەرەك. «ەكىدەن استە اۋىتقىماۋدا» تاباندى بولىپ، ءتۇرلى كاسىپورىنداردىڭ مال - مۇلىك ۇقىعىن زاڭ بويىنشا قورعاپ، حالىقتىق كاسىپورىنداردىڭ سەنىمىن سەرپىلتىپ، كاسىپورىنشىلار رۋحىن اسقاقتاتۋ كەرەك. تۇعىر ەكونوميكاسىنىڭ اقاۋسىز، باياندى دامۋىن قولداپ، جۇمىستاندىرۋ مەن تۇتىنۋدى جەبەۋ، ءوندىرىس فاكتورلارىن ۇشتاستىرۋ، جاڭالىق اشۋعا دەم بەرۋ سياقتى رولدارىن اناعۇرلىم ويداعىداي ساۋلەلەندىرۋ كەرەك. ۇكىمەت قۇرىلىمدارىن ىقشامداپ، ۇقىقتى تومەنگە بەرۋ، ۇقىقتى تومەنگە بەرۋ مەن باسقارۋدى ۇشتاستىرۋ، قىزمەت وتەۋدى ساپالىلاندىرۋ رەفورماسىنىڭ تابىستارىن كەڭەيتىپ، بازاردىڭ ومىرشەڭدىگى مەن قوعامنىڭ جاسامپازدىق قۋاتىن اناعۇرلىم نىعايتۋ كەرەك. جەر - جەر، تاراۋلار شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى اناعۇرلىم ويداعىداي ءبىر تۇتاس جوسپارلاپ، جىل باسىنداعى ەكونوميكالىق قىزمەتتى قۇلشىنا جاقسى ىستەپ، بيىلعى ەكونوميكالىق اينالىمدا جاقسى باستاما جاراتۋى كەرەك.
ۋاڭ يۇڭ، شياۋ جيە جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
