يان - انداعى قوس قولداۋ قوزعالىسىنىڭ 80 جىلدىعىن اتاپ ءوتۋ اڭگىمە ءماجىلىسى بەيجيڭدە وتكىزىلدى
ۋاڭ حۋنيڭ ماجىلىسكە قاتىناستى
2023.01.13 16:27 كەلۋ قاينارى : حالىق تورابى
«حالىق گازەتى»، 1 - ايدىڭ 12 - كۇنى، بەيجيڭ (ءتىلشى جاۋ بيڭ). يان - انداعى قوس قولداۋ قوزعالىسىنىڭ 80 جىلدىعىن اتاپ ءوتۋ اڭگىمە ءماجىلىسى 1 - ايدىڭ 12 - كۇنى حالىق سارايىندا وتكىزىلدى. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ اڭگىمە ماجىلىسىنە قاتىناستى.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق اسكەري ىستەر كوميتەتى ءتوراعاسىنىڭ ورىنباسارى حى ۋەيدۇڭ ماجىلىسكە قاتىناستى ءارى ءسوز سويلەدى. حى ۋەيدۇڭ بىلاي دەدى: ارميانى قولداپ، ولاردىڭ وتباسىنا قامقورلىق جاساۋ، ۇكىمەتتى قولداپ، حالىقتى ءسۇيۋ − قالىڭ ارميا مەن حالىقتىڭ جۇڭگو كوممۋنيستىك پارتياسىنىڭ باسشىلىعىنداعى ۇلى جاسامپازدىعى، توڭكەرىستىڭ، قۇرىلىستىڭ، رەفورمانىڭ تۇرلىشە تاريحي كەزەڭدەرىندە ورنىن وگەيسىتۋگە بولمايتىن ماڭىزدى رول اتقاردى. پارتيا 18 - قۇرىلتايىنان بەرى شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، ارميا مەن جەرگىلىكتى ءار دارەجەلى ورىندار پارتيا مەن مەملەكەت قىزمەتىنىڭ كەلەلى جاعدايىنا قىزمەت وتەۋدى، مەملەكەت قورعانىسى مەن ارميا قۇرىلىسىنىڭ جالپى جاعدايىن كوزدە ۇستاپ، قوس قولداۋ داڭقتى ءداستۇرىن زور كۇشپەن اسقاقتاتتى، قوس قولداۋ قىزمەتىنىڭ ۇيىمدىق باسشىلىعى اناعۇرلىم پارمەندى بولىپ، ۇگىت - تاربيە جۇرت جۇرەگىنە تەرەڭ ۇيالاپ، سوعىسقا دايىندالۋعا، سوعىس جۇرگىزۋگە قىزمەت وتەۋدىڭ بەلسەندى، ناتيجەلى بولۋىنا قىزمەت وتەپ، ەكونوميكالىق، قوعامدىق قۇرىلىسقا كومەكتەسۋدە كورنەكتى ناتيجەگە قول جەتكىزىلدى، ارميا مەن ۇكىمەتتىڭ، ارميا مەن حالىقتىڭ ىنتىماقتاسا كۇرەس جاساۋىنىڭ شۇعىلالى داستانى جازىلدى.
حى ۋەيدۇڭ مىنالاردى دارىپتەدى: پارتيانىڭ 20 - قۇرىلتايىندا مەملەكەتتى قۇدىرەتتەندىرۋدىڭ، گۇلدەندىرۋدىڭ ايبىندى جوباسى جاسالدى. ءبىز پارتيا 20 - قۇرىلتايىنىڭ ورنالاستىرۋىنا ساي، شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، جاڭا داۋىردەگى قوس قولداۋ قىزمەتىن تىڭعىلىقتى ىستەپ، قالىڭ ارميا مەن حالىقتىڭ ەرىك - جىگەرىن، كۇش - قۋاتىن پارتيا تۋى استىنا ۇيىستىرىپ، ارميا مەن ۇكىمەتتىڭ، ارميا مەن حالىقتىڭ ورتالىققا ۇيىسۋ قۋاتىن، ەكپىندەي ىلگەرىلەۋ ىنتىماق قۋاتىن ۇزدىكسىز كۇشەيتۋىمىز كەرەك. نازاردى اسكەر جاتتىقتىرۋعا، سوعىس دايىندىعىنا قىزمەت وتەۋگە شوعىرلاندىرىپ، اسكەري ءبولىم قۇرىلىسىنا زور كۇشپەن قولداۋ كورسەتىپ، رەفورما جانە سوعىس دايىندىعىن جۇرگىزىپ، اسكەري ءبولىمنىڭ مىندەت اتقارۋىن جاپپاي قامتاماسىز ەتىپ، ارميانى قولداپ، اسكەريلەردىڭ وتباسىنا قامقورلىق جاساۋ ساياساتىن، زاڭ - ەرەجەلەرىن تياناقتاندىرىپ، ارميا قۇرۋدىڭ 100 جىلدىعى كۇرەس نىساناسىن جۇزەگە اسىرۋعا دەم بەرۋ كەرەك. حالىق ارمياسىنىڭ تۇپكى ماقساتىن امالياتتا ايگىلەپ، ەكونوميكالىق، قوعامدىق قۇرىلىسقا بەلسەنە ات سالىسىپ جانە وعان كومەكتەسىپ، شۇعىل، قيىن، قاتەرلى، اۋىر مىندەتتەردى جۇرەكتىلىكپەن ارقالاپ، اۋىل - قىستاقتى كوركەيتۋدى جاپپاي ىلگەرىلەتۋگە قولداۋ كورسەتىپ، پارتيا مەن حالىققا تاعى دا تىڭ ۇلەس قوسۋ كەرەك. دۇرىس جولدان تايماي، جاڭالىق اشۋدا باستان - اياق تاباندى بولىپ، ۇگىتتى، جەتەكتەۋدى كۇشەيتىپ، فورما مەن مازمۇندى كەڭەيتىپ، دانەكەردى بايىتىپ، ارميا مەن ۇكىمەتتىڭ، ارميا مەن حالىقتىڭ ىنتىماعى ءداۋىرىنىڭ جاڭا تاراۋىن ۇزدىكسىز جازۋ كەرەك.مەملەكەتتىك كەڭەس زۇڭليىنىڭ ورىنباسارى، مەملەكەتتىك قوس قولداۋ قىزمەتىنە باسشىلىق ەتۋ گرۋپپاسىنىڭ باستىعى سۇن چۇنلان اڭگىمە ءماجىلىسىن باسقاردى. مەملەكەتتىك حالىق قۇرىلتايى تۇراقتى كوميتەتى باستىعىنىڭ ورىنباسارى شىن يۋەيۋە، مەملەكەتتىك ساياسي كەڭەس ءتوراعاسىنىڭ ورىنباسارى ما بياۋ ماجىلىسكە قاتىناستى.مەملەكەتتىك قوس قولداۋ قىزمەتىنە باسشىلىق ەتۋ گرۋپپاسى باستىعىنىڭ ورىنباسارلارى جانە بارلىق مۇشەسى، ورتالىق اسكەري ىستەر كوميتەتى ورگانىنىڭ قاتىستى ءبولىم، كوميتەتتەرىندەگى، بەيجيڭدە تۇراتىن اسكەري بولىمدەردىڭ قاتىستى ورىندارىنداعى جانە بەيجيڭ قالاسىنداعى قاتىستى جاۋاپتى جولداستار، شانشي ولكەسى يان – ان قالاسى سياقتى توڭكەرىستىك بايىرعى رايونداردىڭ ۋاكىلدەرى، جىجياڭ ولكەسى نيڭبو قالاسى سياقتى مەملەكەتتىك قوس قولداۋداعى ۇلگىلى قالالاردىڭ (اۋدان) ۋاكىلدەرى، مەملەكەتتىك قوس قولداۋداعى ۇلگىلى ورىندار مەن جەكەلەردىڭ ۋاكىلدەرى ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
