شينجياڭنىڭ رەفورما، دامۋ، ورنىقتىلىق ىستەرىنە ساياسي كەڭەستىڭ كۇش - قۋاتىن ارنادى
− 12 - كەزەكتى اۆتونوميالى رايوندىق ساياسي كەڭەستىڭ مىندەت وتەۋ قىزمەتىنە جالپى شولۋ
□ انار بۇلت \ شينجياڭ گازەتىنىڭ ءتىلشىسى جاڭ يۇنمەي
2023.01.13 15:51 كەلۋ قاينارى : شينجياڭ گازەتى
5 جىل بوران - شاشىندى باستان كەشىرىپ، 5 جىلدا قوماقتى ناتيجەگە قول جەتكىزدى.
وتكەن 5 جىلعا قايىرىلا قاراساق، جالپى بارىستىق حالىق دەموكراتياسىن امالياتتا ايگىلەۋ ىزدەنىسى بارىسىندا ساياسي كەڭەس قىزمەتىن كۇشەيتۋ جانە جاقسارتۋ امالياتى بارىسىندا اۆتونوميالى رايوندىق ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە باستان - اياق تاباندى بولىپ، اۆتونوميالى رايوندىق پارتكومنىڭ باسشىلىعىندا بۇكىل رايونداعى ءارقايسى دەموكراتيالىق پارتيا - توپتاردى، حالىقتىق ۇيىمداردى، ءار ۇلت، ءار سالا قايراتكەرلەرىن ىنتىماقتاستىرىپ، باستاپ، پارتيامەن جۇرەكتەس، نيەتتەس بولىپ، حالىقپەن كۇش بىرىكتىرىپ، ساپارلاس بولىپ، داۋىرمەن تەڭ قادامدا ىلگەرىلەپ، ساياسي كەڭەس ىستەرىنىڭ جوعارى ساپالى دامۋىن ىلگەرىلەتىپ، جاڭا ءداۋىردىڭ جاڭا جورىعىنىڭ نىسانا - مىندەتتەرىن جۇزەگە اسىرۋعا اقىل - پاراسات جانە كۇش - قۋات ۇيىستىرىپ، شينجياڭنىڭ رەفورما، دامۋ، ورنىقتىلىق ىستەرىنە قىزمەت وتەۋ بارىسىندا تىڭ ىسكەرلىك ايگىلەپ، تىڭ تاراۋ جازىپ، وسى كەزەكتى ساياسي كەڭەس قىزمەتىن تابىسپەن اياقتاتتى.
نازاريالىق ۇيرەنۋدى كۇشەيتىپ، دۇرىس ساياسي بەتالىسقا تاباندى بولدى
5 جىلدان بەرى، اۆتونوميالى رايوندىق ساياسي كەڭەس ساياسي قۇرىلىستى باستان - اياق ماڭداي الدى ورىنعا قويىپ، ”ەكىنى تۇراقتاندىرۋدىڭ“ شەشۋشى ءمانىن تەرەڭ سەزىنىپ، ”ءتورت تانىمدى“ كۇشەيتىپ، ”ءتورت سەنىمدى“ بەكەمدەپ، ”ەكىنى قورعاۋدى“ ورىنداپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، اۆتونوميالى رايوندىق پارتكومنىڭ ورنالاستىرۋلارىنىڭ تياناقتانىپ تامىر تارتۋىن ىلگەرىلەتتى.
2022 - جىلى پارتيا 20 - قۇرىلتايىنىڭ جەڭىسپەن اشىلۋى جاپپاي سوتسياليستىك وسىزاماندانعان مەملەكەت قۇرۋدىڭ ايبىندى جوباسىن عىلمي كەسكىندەپ، بۇكىل پارتيانىڭ، بۇكىل ەلدەگى ءار ۇلت حالقىنىڭ جاڭا جورىقتا ەكپىندەي ىلگەرىلەپ، جاڭا داۋىرگە ۇلەس قوسۋىنا ايقىن العا باسۋ بەتالىسىن كورسەتىپ بەردى.
قۇرىلتاي اياقتالىسىمەن، اۆتونوميالى رايوندىق ساياسي كەڭەس بۇكىل رايونداعى ءار دارەجەلى ساياسي كەڭەستەردى، ساياسي كەڭەسكە قاتىناسۋشى ورىنداردى، ءار ۇلت، ءار سالا مۇشەلەرىن جانە قالىڭ ساياسي كەڭەس ورگانىنداعى كادرلاردى دەرەۋ اتتانىسقا كەلىپ، پارتيا 20 - قۇرىلتايىنىڭ رۋحىن ۇيرەنۋ، دايەكتىلەندىرۋ، تياناقتاندىرۋ ورلەۋىن كوتەرۋگە ۇندەدى.
يدەيا − ارەكەتتىڭ جەتەكشىسى. ۇيرەنۋ − نازاريادا تاباندى بولۋدى كۇشەيتىپ، وزىندىك پارتيالىلىق شىڭدالۋ مەن جالپىلىق ساپانى جوعارىلاتۋدا، ءسوز جوق، باسىپ وتەتىن جول.
5 جىلدان بەرى، اۆتونوميالى رايوندىق ساياسي كەڭەس نازاريامەن قارۋلانۋدى ۇزدىكسىز كۇشەيتىپ، رۋحاني كالتسيدى تولىقتاپ، سەنىم نەگىزىن بەكەمدەپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىندە پارتياعا كىرۋ سەرتىن قايتا ەسكە ءتۇسىرۋ، پارتياعا كىرۋ ءوتىنىشىن قايتا وقۋ، ”ميكرو پارتيا ساباعىن“ ءوتۋ سياقتى فورمالار ارقىلى اۋەلگى ماقسات پەن بورىشتى جانە مۇرات - سەنىمدى كۇشەيتتى؛ پارتيا تاريحىن ۇيرەنۋ تاربيەسىندە پارتيا تاريحىن ۇيرەنۋ تاربيەسىن مىندەت وتەۋ قىزمەتىنىڭ تۇتاس بارىسىنا سىڭىرۋگە، اسىرەسە، تەكسەرۋ - زەرتتەۋ، كەڭەسۋ قيمىلىمەن بىرگە جوسپارلاۋعا، بىرگە ورنالاستىرۋعا، بىرگە ىلگەرىلەتۋگە تاباندى بولىپ، ۇيرەنۋ فورماسىن قۇلشىنا بايىتىپ، ۇيرەنۋدى، وي جۇگىرتۋدى، امالياتتا ايگىلەۋدى، ءتۇسىنۋدى جەبەپ، ۇيرەنۋ ونىمدىلىگىن جوعارىلاتتى.
كىتاپ وقۋ − ەڭ جاقسى ۇيرەنۋ ءتاسىلى. 2021 - جىلى 3 - ايدا، اۆتونوميالى رايوندىق ساياسي كەڭەستىڭ ”كىتاپ وقۋ مەرەيىنە شومعان ساياسي كەڭەس“ اتىنداعى كىتاپ وقۋ قيمىلى رەسمي باستالىپ، تۇتاس رايونىمىزدىڭ ساياسي كەڭەس جۇيەسىنە قورشاما داۋالى جوق، دەمالىس مەزگىلى جوق داشۋە قۇردى. ”پارتيا تاريحىن ۇيرەنۋ · جۇرەكتەس بولۋ“ سياقتى نەگىزگى تاقىرىپتىق كىتاپ وقۋ شوعىرىن شىعارۋ ارقىلى ”شينجياڭ ساياسي كەڭەسى · قامقورلىق مىنبەرى“ تۇعىرى سياقتىلاردان ويداعىداي پايدالانىپ، اۆتونوميالى رايوندىق ساياسي كەڭەس يدەيا - ساياسي جاقتان جەتەكشىلىك ەتۋدى كۇشەيتۋدىڭ كۇش - قۋاتىن كۇندەلىكتى ومىردە پايدالانىپ، پارتيانىڭ جاسامپاز نازارياسىمەن قارۋلانۋدىڭ تەرەڭدەۋىن، ناقتىلانۋىن ۇزدىكسىز ىلگەرىلەتتى.
ۇيرەنۋ ارقىلى ساياسي دەڭگەي اناعۇرلىم جوعارىلادى، نازاريا ۇيرەنۋ اناعۇرلىم تەرەڭدەدى، پارتيا قۇرىلىسىنا جەتەكشىلىك ەتۋ اناعۇرلىم كۇشەيدى.
5 جىلدان بەرى، اۆتونوميالى رايوندىق ساياسي كەڭەس باس شۋجي شي جينپيڭنىڭ حالىق ساياسي كەڭەسى قىزمەتىن كۇشەيتۋ جانە جاقسارتۋ جونىندەگى ماڭىزدى يدەياسىن شىن مانىندە ىشكەرىلەي ۇيرەندى، جەتە ءتۇسىندى؛ اۆتونوميالى رايوندىق پارتكومنان نۇسقاۋ سۇراۋ، مالىمەت بەرۋ ءتۇزىمىن مۇقيات تياناقتاندىرىپ، اۆتونوميالى رايوندىق پارتكومنىڭ قىزمەت ورنالاستىرۋلارىن دەر كەزىندە جەتكىزدى، دايەكتىلەندىردى؛ ساياسي كەڭەستىڭ پارتيا ۇيىمدارىن كەمەلدەندىرىپ، 8 ارناۋلى كوميتەتتىڭ بولىمشە پارتيا باسشىلىق گرۋپپاسىن قۇرىپ، پارتيالى مۇشەلەردىڭ پارتيا سىرتىنداعى مۇشەلەرمەن بايلانىس جاساۋ ءتۇزىمىن ورناتىپ جانە اتقارىپ، ساياسي كەڭەستىڭ پارتيا ۇيىمدارىنىڭ پارتيالى مۇشەلەردى تولىق قامتۋىن، پارتيا قىزمەتىنىڭ ساياسي كەڭەس مۇشەلەرىن تولىق قامتۋىن جۇزەگە اسىردى.
وزەككە، كەلەلى جاعدايعا قىزمەت ەتىپ، كوپ ءتۇرلى فورمامەن ۇكىمەت ءىسىن كەڭەستى
”اۆتونوميالى رايوندىق ۇكىمەت كاسىپورىنشىلاردىڭ شينجياڭدا دامۋعا الاڭسىز تالپىنىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن قالىپتاستىرۋىن بۇرىنعىداي قولدايدى“... 2022 - جىلى 12 - ايدا اۆتونوميالى رايوندىق ۇكىمەت پەن اۆتونوميالى رايوندىق ساياسي كەڭەس بىرگە وتكىزگەن تۇڭعىش رەتكى شينجياڭ كاسىپورىندارى · توراعامەن بەتپە - بەت كەڭەسۋ اڭگىمە ءماجىلىسى جۇرتتىڭ نازارىن اۋداردى. اڭگىمە ماجىلىستە شينجياڭ كاسىپورىنشىلارىنىڭ ۋاكىلدەرى اۆتونوميالى رايوندىق ۇكىمەتتىڭ باسشىلارىمەن، اۆتونوميالى رايوننىڭ قاتىستى تاراۋلارىنىڭ جاۋاپتىلارىمەن ىشكەرىلەي كەڭەسىپ، پىكىر اۋىستىرىپ، دامۋدىڭ تاماشا شارالارىن بىرگە اقىلداسىپ، دامۋ ورتاق تانىمىن ۇيىستىردى.
5 جىلدان بەرى، اۆتونوميالى رايوندىق ساياسي كەڭەس ارناۋلى كەڭەس قۇرىلىمىندىق رولىن تولىق ساۋلەلەندىرىپ، اقىلداسۋ تۇعىرىن قۇلشىنا قۇرىپ، كەڭەستىك دەموكراتيانى مىندەت وتەۋدىڭ جالپى بارىسىنا ءسىڭىردى. جالپى ءماجىلىستى باستاماشى، ارناۋلى تاقىرىپتا ۇكىمەت ءىسىن كەڭەسۋ سيپاتىنداعى تۇراقتى كوميتەت ءماجىلىسىن جانە ايلىق كەڭەس اڭگىمە ءماجىلىسىن كۇش سالا قۇرۋدى ماڭىزدى ءتۇيىن ەتۋ نەگىزىندە، اۆتونوميالى رايوندىق ساياسي كەڭەس تۋراشىلدىقتان اينىماي، جاڭالىق اشىپ، ۇكىمەت ءىسىن اقىلداسۋدىڭ جاڭا تۇعىرىن، ياعني ماماندار كەڭەس ءماجىلىسىن، ارناۋلى تاقىرىپتىق كەڭەس ءماجىلىسىن، سالالار بويىنشا كەڭەسۋ ءماجىلىسىن... ۇزدىكسىز قۇردى. قازىر رايونىمىزدا ۇكىمەت ءىسىن جان - جاقتى، كوپ ساتىلى، ستەرەولدى كەڭەسەتىن جاڭا جاعداي قالىپتاستى.
ايتا كەتۋگە تاتيتىنى، 2021 -- جىلى اۆتونوميالى رايوندىق ساياسي كەڭەس باتىس سولتۇستىكتەگى 5 ولكە (اۆتونوميالى رايون) ساياسي كەڭەستەرىنىڭ ”جىبەك جولى ەكونوميكالىق بەلدەۋى قۇرىلىسىنا دەم بەرۋ، قىزمەت وتەۋ“ بىرلەسكەن ءماجىلىسىن جوعارى ساپامەن مىندەتىنە الىپ وتكىزدى، بۇل باتىس سولتۇستىك ءوڭىردىڭ اناعۇرلىم كەڭ كولەمدە، اناعۇرلىم كەڭ سالادا، اناعۇرلىم جوعارى دەڭگەيدە ەسىك اشۋدى كەڭەيتۋىندە، باتىس بولىكتى قاۋىرت اشۋدىڭ جاڭا جاعدايىن قالىپتاستىرۋدى ىلگەرىلەتۋدە ماڭىزدى ءمان الدى.
5 جىلدان بەرى، اۆتونوميالى رايوندىق ساياسي كەڭەس وزەكتى ارقاۋ ەتۋگە، كەلەلى جاعدايعا قىزمەت ەتۋگە، قوس باعىتتا كۇش سالۋعا تاباندى بولىپ، ءار سالاداعى مۇشەلەردى بەلسەنە اقىل - كەڭەس بەرۋگە ۇزدىكسىز جەتەكتەپ، جالپى 4022 ۇسىنىس جوبا تاپسىرىپ الدى، 3318 ۇسىنىس جوبانى قاراپ، دەلو تۇرعىزىپ، اۆتونوميالى رايوننىڭ ورنىقتىلىعى مەن دامۋىنا اقىل - پاراسات جانە كۇش قوستى.
مۇنىڭ ىشىندە، 2022 - جىلى بەلگىلەنگەن 12 ءتۇيىندى ۇسىنىس جوبانى اۆتونوميالى رايوننىڭ پارتيا، ۇكىمەت نەگىزگى باسشىلارى، ساياسي كەڭەستىڭ ءتوراعاسى، پارتكومنىڭ ورىنباسار شۋجيى، سونداي - اق پارتكوم تۇراقتى مۇشەلەرى باس بولىپ قۋزاۋشىلىق ەتۋ − جاڭا داۋىردەگى ۇسىنىس جوبا قىزمەتىندەگى ماڭىزدى جاڭالىق اشۋ، سونداي - اق پارتيانىڭ ساياسي كەڭەس قىزمەتىنە باسشىلىعىن كۇشەيتۋ، جالپى بارىستىق حالىق دەموكراتياسىن امالياتتا ايگىلەۋدىڭ ناقتى امالياتى بولدى.
اۆتونوميالى رايوندىق ساياسي كەڭەستىڭ مىندەتىن وتەپ، جاۋاپكەرشىلىگىن ادا ەتۋى ۇكىمەت ءىسىن كەڭەسۋدىڭ سۇبەلى جەتىستىكتەرىن جارىققا شىعاردى.
− نازاردى شينجياڭدى زاڭمەن باسقارۋعا شوعىرلاندىردى. 5 جىلدان بەرى، اۆتونوميالى رايوندىق ساياسي كەڭەس باس نىسانامەن تىعىز بايلانىستىرا وتىرىپ، ۇكىمەت ءىسىن كەڭەسىپ، ءار جىلى نازاردى جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرۋگە شوعىرلاندىرا وتىرىپ، ارناۋلى تاقىرىپتىق ۇكىمەت ءىسىن كەڭەسۋ سيپاتتى تۇراقتى كوميتەت ءماجىلىسىن اشىپ، شينجياڭنىڭ ورنىقتىلىعىنا، دامۋىنا قىزمەت ەتۋ، شينجياڭنىڭ كەلەلى جاعدايىنىڭ ۇزدىكسىز جاقسارۋىنا دەم بەرۋ سياقتى قارارلاردى جاسادى.
− نازاردى شينجياڭدى ىنتىماقتاسا ورنىقتىرۋعا شوعىرلاندىردى. 5 جىلدان بەرى، اۆتونوميالى رايوندىق ساياسي كەڭەس ”جۇڭگو جۇرەگىن، جۇڭگو رۋحىن سومداۋ“ جونىندە 20 نەشە رەت ۇكىمەت ءىسىن كەڭەسۋ قيمىلىن ورىستەتىپ، كوپتەگەن ارناۋلى تاقىرىپتىق بايانداما جازىپ، اۆتونوميالى رايوندىق پارتكومنىڭ عىلمي شەشىم جاساۋىنا ماڭىزدى دايەك ازىرلەپ، جۇڭحۋا ۇلتى ورتاق تۇلعا تانىمىن بەرىك سومداۋعا زەيىن - زەردە، اقىل - پاراسات ۇيىستىردى.
− نازاردى شينجياڭدى مادەنيەتپەن نارلەندىرۋگە شوعىرلاندىردى. مۇشەلەردى ”شينجياڭ الەمدىك مادەنيەت مۇرا ورىندارىن قورعاۋ جانە ودان پايدالانۋ“ نەگىزگى تاقىرىبىن ارقاۋ ەتە ىشكەرىلەي تەكسەرۋ - زەرتتەۋ جۇرگىزۋگە ۇيىمداستىردى؛ ماماندار كەڭەس ءماجىلىسىن اشىپ، تۇڭعىش توپتاعى 25 ەرەكشە مۇراجايدىڭ ماڭدايشالىق اسىپ قۇرىلۋىن ىلگەرىلەتتى... 5 جىلدان بەرى، اۆتونوميالى رايوندىق ساياسي كەڭەس مۇشەلەردىڭ تۇلعالىق رولىن بەلسەنە ساۋلەلەندىرىپ، كوپ ءتۇرلى كەڭەس فورماسىمەن شينجياڭدى مادەنيەتپەن نارلەندىرۋگە دەم بەرىپ، جۇڭحۋا ۇلتىنىڭ ورتاق رۋحاني مەكەنىن قۇرۋعا كۇش قوستى.
ىرىقتىلىقپەن جاۋاپكەرشىلىك ارقالاپ، ىسكەرلىك كورسەتىپ، مىندەتىن وتەپ، جاۋاپكەرشىلىگىن ادا ەتىپ، ناقتى ونىمدىلىككە قول جەتكىزدى
ۋاقىت − كۇرەستىڭ كۋاسى، ىسكەرلىك جاۋاپكەرشىلىك ارقالاتادى. 5 جىلدان بەرى، اۆتونوميالى رايوندىق ساياسي كەڭەس پارتيا ورتالىق كوميتەتىنىڭ شەشىمدەرىن، ورنالاستىرۋلارىن جانە اۆتونوميالى رايوندىق پارتكومنىڭ تالاپتارىن تياناقتاندىرىپ، ءار جاقتىڭ اقىل - پاراساتى مەن كۇش - قۋاتىن ۇيىستىرۋ سىندى ساياسي جاۋاپكەرشىلىكتى ارقالاپ، ارشىندى قاداممەن جاڭا ساپارعا قادام تاستادى.
− جاۋاپكەرشىلىكتى اناعۇرلىم ىرىقتىلىقپەن ارقالادى. كەدەيلىكتەن ارىلتۋدان قامال الۋ اياقتالعان جىلى پارتيا باسشىلىق گرۋپپاسىنىڭ كوپتەگەن مۇشەلەرى جەكە - جەكە اۋىر كەدەي اۋداندارعا بارىپ، شايقاستى باسى - قاسىندا قاداعالاپ، بىرلەسىپ قۋزاۋ - جەتەكشىلىك ەتىپ، 10 اۋىر كەدەي اۋداننىڭ دەر كەزىندە كەدەيلىك قالپاعىن الىپ تاستاۋىنا جەتەكشىلىك ەتتى. اۆتونوميالى رايوندىق ساياسي كەڭەس قوعامنىڭ ءار سالاسىنداعى كۇشتەردى كەدەيلىكتەن ارىلتۋدان قامال الۋدىڭ نەگىزگى شايقاس مايدانىنا ات سالىسۋعا جۇمىلدىردى، ساياسي كەڭەس ورگانى كومەكتەسىپ سۇيەمەلدەگەن 15 كەدەي قىستاق تا تۇگەلدەي كەدەيلىك تىزىمىنەن شىعارىلدى.
”ءبىر نيەت، ءبىر تىلەكتە بولا وتىرىپ ىندەتكە قارسى اتتانۋدان باس تارتپايمىز“! جاڭا تيپتى ايدارشا ۆيرۋس وكپە قابىنۋ ىندەتىنە قارسى اتتانۋ مەزگىلىندە، ساياسي كەڭەس ورگانىنداعى كادرلار ىندەتكە قارسى اتتانۋدىڭ الدىڭعى شەبىندە مىزعىماي تۇرىپ، الەۋمەتتىك اۋماق قىزمەتكەرلەرىمەن بىرگە شاعىن اۋماقتىڭ ءبىرىنشى قورعانىس شەبىن قورعادى؛ ءار ۇلت، ءار سالا ساياسي كەڭەس مۇشەلەرى بەلسەنە ارەكەتتەنىپ نەمەسە الدىڭعى شەپكە ات سالىسىپ نەمەسە ۇيىمداستىرىپ، اتتانىسقا كەلتىرىپ نەمەسە قارجى اتاپ، زاتتىق بۇيىم اتاپ، ىندەتتەن ساقتانۋ - تىزگىندەۋدىڭ مىعىم بىرىككەن كۇشىن ۇيىستىرىپ، نەگىزگى ساتىنىڭ ىندەتكە قارسى اتتانۋ كۇرەسىنىڭ قۇرىش قورعانىن بەكەمدەدى.
”ۇعىسۋ، تيىمدىلىك جاساۋ، توعىستىرۋ“ قيمىلى بويىنشا قىستاقتا تۇرۋ قىزمەتىن ۇزدىكسىز تەرەڭدەتىپ، ”ۇلتتار ىنتىماعىنىڭ بەرەكەلى شاڭىراعى“ جانە ۇلتتار ىنتىماعى بىرلەسكەن دوستىق قيمىلىن ۇزدىكسىز تەرەڭدەتىپ، ءار ۇلتتىڭ ارالاسۋىن، ىشتەسۋىن، توعىسۋىن جەبەدى.
− مىندەت وتەۋدە اناعۇرلىم جاڭالىق اشتى. قول تەلەفونداعى ”شينجياڭ ساياسي كەڭەس مۇشەلەرىنىڭ جىلجىمالى مىندەت وتەۋ تۇعىرىن“ اشىپ، كەز كەلگەن ۋاقىتتا، كەز كەلگەن جەردە اقىل - كەڭەس بەردى؛ بەينە ەكران ءماجىلىسى جۇيەسىنە جالعاپ، كەڭەسكە قاتىناسىپ كوسىلە سويلەي الدى... ”پاراساتتى ساياسي كەڭەس“ قۇرىلىسى ارقىلى مۇشەلەردىڭ مىندەت وتەۋى اناعۇرلىم كەڭ تۇعىرعا يە بولىپ، ”بەتپە - بەت بولۋدان“ ”ءتىلتاقتا ارقىلى سويلەسۋگە“ دەيىنگى ساڭلاۋسىز جالعانۋدى جۇزەگە اسىردى.
− ءتۇزىمدى ونان ارى كەمەلدەندىردى. اۆتونوميالى رايوندىق ساياسي كەڭەستىڭ كەڭەس قىزمەتى ەرەجەسىن جاساپ، حالىق ساياسي كەڭەسىنىڭ ورتاق تانىم ۇيىستىرۋ قىزمەتىن كۇشەيتۋ جانە جەبەۋ پىكىرىن شىعارىپ، ارناۋلى كوميتەتتەردىڭ قىزمەت ءتۇزىمى مەن سالالىق قىزمەت مەحانيزمىن كەمەلدەندىرىپ، ساياسي كەڭەس مۇشەلەرىنىڭ جاۋاپكەرشىلىك ارقالاۋىن كۇشەيتۋدىڭ اتقارۋ پىكىرى سياقتىلاردى جاساپ، ساياسي كەڭەستىڭ كەمەلدى قىزمەت ءتۇزىمى جۇيەسىن قالىپتاستىردى.
− نەگىزگى ساتى ساياسي كەڭەس قۇرىلىسىندا تىڭ قادام تاستالدى. جۇڭگو كوممۋنيستىك پارتياسى ورتالىق كوميتەتى كەڭسەسىنىڭ «جاڭا داۋىردەگى قالالىق، اۋداندىق ساياسي كەڭەس قىزمەتىن كۇشەيتۋ جانە جاقسارتۋ جونىندەگى پىكىرىن» ىشكەرىلەي دايەكتىلەندىرىپ، تياناقتاندىرىپ، اۆتونوميالى رايون، ايماق، اۋدان ءۇش دارەجەلى ساياسي كەڭەستەردىڭ اڭگىمە ءماجىلىسى، اۋىس - كۇيىسى، قىزمەت بايلانىسى سياقتى مەحانيزمدەردى ورناتىپ جانە كەمەلدەندىرىپ، نەگىزگى ساتى ساياسي كەڭەس قىزمەتىنىڭ ءالسىز بولۋ، قىزمەتكەرلەر كۇشىنىڭ ءالسىز بولۋ ماسەلەسىن ءونىمدى تۇردە شەشتى.
جول الىس بولعانىمەن، جۇرە بەرسەك كوزدەگەن جەرىمىزگە جەتەمىز؛ ءىس قيىن بولعانىمەن، ىستەي بەرسەك قالايدا ورىندالادى. اۆتونوميالى رايوندىق ساياسي كەڭەس شي جينپيڭ جاڭا ءداۋىر جۇڭگوشا سوتسياليزم يدەياسىنىڭ جەتەكشىلىگىندە، اۆتونوميالى رايوندىق پارتكومنىڭ باسشىلىعىندا، مىندەت وتەۋدىڭ ءتۇيىنى مەن كۇش سالۋ ءتۇيىنىن اناعۇرلىم ءدال تاۋىپ، جاڭا جورىقتا قايراتتانا العا ۇمتىلىپ، كورىكتى شينجياڭ قۇرۋعا ساياسي كەڭەستىڭ ۇلەسىن قوسۋعا قۇلشىنادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
