شينجياڭ ۋاقىتتىق قۇتقارۋ – كومەكتەسۋ ءتاسىلى مەن ولشەمىن جاريالادى
2023.01.13 14:58 كەلۋ قاينارى : حالىق تورابى
انار بۇلت / شينجياڭ گازەتىنىڭ حابارى. تاياۋدا، شينجياڭ ۇيعۇر اۆتونوميالى رايوندىق حالىق ۇكىمەتىنىڭ تورابى «ۋاقىتتىق قۇتقارۋ قىزمەتىن اناعۇرلىم كۇشەيتۋ جانە ارناعا ءتۇسىرۋ جونىندەگى ۇقتىرۋدى» (تومەندە قىسقارتىلىپ «ۇقتىرۋ» دەپ الىندى) جاريالادى. ۇقتىرۋدا ۋاقىتتىق قۇتقارۋ ءتاسىلى مەن ولشەمى ايقىندالدى.
قۇتقارۋ ءتاسىلى. شارتقا ۇيلەسەتىن قۇتقارۋ وبيەكتىلەرىنە مىناداي قۇتقارۋ تاسىلدەرى قولدانىلادى:
قارجىلاي كومەك. ۋاقىتتىق قۇتقارۋ قارجىسى پرينسيپتىك جاقتان قوعامدانعان جولمەن تاراتىلادى، ۋاقىتتىق قۇتقارۋ وبيەكتىسىنىڭ جەكە ەسەبىنە تىكەلەي بەرىلەدى. قۇتقارۋ قاراجاتىنىڭ تولىق، دەر كەزىندە تاراتىلۋىنا كەپىلدىك ەتۋ كەرەك.
زاتتىق كومەك. قۇتقارۋ وبيەكتىسىنىڭ نەگىزگى تۇرمىس قاجەتىنە ساي، كيىم - كەشەك، كورپە - جاستىق، ازىق - تۇلىك، اۋىز سۋ، جىلىناتىن بۇيىمدار سياقتى تۇرمىستىق بۇيىمداردى تاراتۋ نەمەسە ۋاقىتتىق باسپانامەن قامداۋ سياقتى تاسىلدەردى قولدانىپ قۇتقارۋ كەرەك.
وتكەرمەلى قىزمەت وتەۋ. قيىنشىلىعى بار بۇقارانىڭ ۇقساس ءبىر ءىس سەبەبىنەن نەگىزگى تۇرمىسىندا اۋىر قيىنشىلىق تۋىلىپ، ءبىرشاما ۇزاق ۋاقىت بويى ۋاقىتتىق قۇتقارۋ جۇرگىزگەننەن كەيىن دە قۇتقارۋ وبيەكتىسىنىڭ قيىنشىلىعىن شەشە الماسا، جاعدايعا قاراي ارناۋلى قۇتقارۋ، قايىرىمدىلىق نىسانى، ۇكىمەتتىڭ قوعامدىق قۇتقارۋ قىزمەت وتەۋىن ساتىپ الۋ سياقتى تاسىلدەر ارقىلى قۇتقارۋ قىزمەتىن ورىستەتۋىنە بولادى.
قۇتقارۋ ولشەمى. اۋدان دارەجەلى حالىق ۇكىمەتتەرى جەرگىلىكتى ورىننىڭ ەكونوميكالىق، قوعامدىق دامۋ ورەسىنە، سونداي - اق قۇتقارۋ وبيەكتىسىنىڭ قيىنشىلىق ءتۇرى، قيىنشىلىق دارەجەسى، جالعاسۋ ۋاقىتى سياقتى فاكتورلارعا نەگىزدەلىپ، تۇرگە، دارەجەگە ءبولىپ ۋاقىتتىق قۇتقارۋ ولشەمىن بەلگىلەۋى ءارى قوعامعا جاريالاۋى كەرەك. پرينسيپتىك جاقتان شۇعىل، قيىن تيپتەگى قۇتقارۋ ولشەمى اۆتونوميالى رايوننىڭ قالانىڭ ەڭ تومەنگى تۇرمىستى قامتاماسىزداندىرۋ ايلىق ولشەمىنىڭ 5 ەسەسىنەن، شىعىس تۇرىندەگى قۇتقارۋ ولشەمى اۆتونوميالى رايوننىڭ قالانىڭ ەڭ تومەنگى تۇرمىستى قامتاماسىزداندىرۋ ايلىق ولشەمىنىڭ 8 ەسەسىنەن جوعارى بولمايدى.
اۋىر قيىنشىلىعى بار ىستەردى اۋداندىق (قالالىق، رايوندىق) حالىق ۇكىمەتتەرىنىڭ حالىق ىستەرى تاراۋلارى اۋدان دارەجەلى قالا - اۋىل قوعامدىق قۇتقارۋ جۇيەسى قۇرىلىسى قىزمەتىن سايكەستىرۋ قۇرىلىمدارىنا جولداپ، «جۇمىستى ءبىر – بىرلەپ قاراۋ» ارقىلى قۇتقارۋ ولشەمى مەن سوماسىن تۇراقتاندىرادى، ەڭ جوعارى بولعاندا 30 مىڭ يۋاننان اسىرماۋ كەرەك. شۇعىل، قيىن تيپتەگى قۇتقارۋ وبيەكتىلەرىن ءبىر جولدا تەكسەرىپ بەكىتۋ، دارەجەگە ءبولىپ، قۇتقارۋ ءتاسىلىن قولدانىپ، قۇتقارۋدىڭ دالدىگىن جوعارىلاتۋعا بولادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
