بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ءۇرىمجى قالاسى 100 دەن استام «شارۋاشىلىق قۇرۋ بازارىن» سالادى

2023.01.13 15:09     كەلۋ قاينارى : حالىق تورابى

  جۇمىسشىلار جۋرنالىنىڭ ءتىلشىسى ۋ دوسى حابارلايدى. جۋىردا، شينجياڭ ۇيعۇر اۆتونوميالى رايونى ءۇرىمجى قالاسى اقپار جاريالاۋ ءماجىلىسىن وتكىزىپ، ماجىلىستە جاريالانعان «ءۇرىمجى قالاسىنداعى كىرىسى تومەن توپتاردىڭ جۇمىستانۋىنا، شارۋاشىلىق قۇرۋىنا، كىرىسىن ارتتىرۋىنا قاتىستى ءۇش جىلدىق ارەكەت جوسپارىندا» (تومەندە قىسقارتىلىپ «جوسپار» دەپ اتالادى) بۇكىل قالاداعى ەڭبەككۇشتەردىڭ اراسىنداعى قيىنشىلىعى ەڭ اۋىر بولعان ۇزاق ۋاقىتتان بەرى جۇمىسسىز قالعاندار، ەڭبەككۇش قۋاتى بار ەڭ تومەنگى تۇرمىس دەڭگەيى قامتاماسىزداندىرىلاتىن وتباسىلار ءارى ەڭ تومەنگى تۇرمىس دەڭگەيىن قامتاماسىزداندىرۋ ولشەمىنە تاياعان وتباسىلار، يكەمدى جۇمىستانعاندار اراسىنداعى كىرىسى تومەن ادامدار قاتارلىلارعا نازاردى شوعىرلاندىرىپ، شىن اتى بويىنشا يكەمدى باسقارۋ، جۇمىس ورىندارىن كەڭەيتۋ، شارۋاشىلىق قۇرۋعا قولداۋ كورسەتۋ، كاسىپتىك ونەرىن جوعارىلاتۋ، قىزمەت وتەۋدى جاقسارتۋ، ەڭ تومەنگى شەكتەن تۇسىرمەي كومەكتەسۋ قاتارلى التى ءتۇرلى ارەكەتتى ورىستەتۋ ارقىلى كىرىسى تومەن ادامداردىڭ جۇمىستانۋىن، شارۋاشىلىق قۇرۋىن كۇش سالا ىلگەرىلەتۋ ايتىلعان.

  «جوسپاردا» مىنالار ورتاعا قويىلعان: «شارۋاشىلىق قۇرۋ» بازارىن سالۋ ارقىلى كىرىسى تومەن ادامداردىڭ جۇمىستانۋىن، شارۋاشىلىق قۇرۋىن، كىرىسىن ارتتىرۋىن ىلگەرىلەتۋ كەرەك، شارت – جاعدايى بار ءمالى باسقارمالارىنىڭ (اۋىل – قالاشىق) كەمىندە بىردەن «شارۋاشىلىق قۇرۋ بازارىن» سالۋى كەرەك ەكەندىگى، جىل سوڭىنا دەيىن كەمىندە 100 دەن استام «شارۋاشىلىق قۇرۋ بازارىن» سالىپ بولۋ كەرەك ەكەندىگى، جايما ورىندارىنىڭ كەمىندە %50 تەن استامىن كىرىسى تومەن ادامداردىڭ شارۋاشىلىق قۇرۋعا پايدالانۋىنا تەگىن نەمەسە تومەن باعادا قامداپ، وزىندىك قۇنى تومەن، قولايلى، بارلىق فاكتورلار قامتىلعان، اشىق فورماداعى ءبىر توپ ۇلگى بازالاردى قالىپتاستىرۋ كەرەك ەكەندىگى ايقىن بەلگىلەنگەن.

  مۇنان سىرت، ءۇرىمجى قالاسى تيانشان رايونى، سايباق رايونى، شۇيموگۋ رايونى كىرىسى تومەن ادامدار ءبىرشاما شوعىرلانعان وڭىرلەردە الەۋمەتتىك سيپاتتاعى «ۋاقىتتىق جۇمىس بازارىن»، «ۋاقىتتىق جۇمىس پۋنكتىن» قۇرۋدى تۇيىندە سىناق ەتىپ، «كاسىپتىك كۋرس قۇرىلىمدارى + ادام كۇشى بايلىعى جاعىندا قىزمەت وتەۋ قۇرىلىمدارى + ۋاقىتتىق جۇمىس بازارى (پۋنكتى)» سىندى قىزمەت وتەۋدىڭ جاڭا فورماسىن قالىپتاستىرىپ، كىرىسى تومەن ادامدارعا جۇمىس تانىستىرۋ، ولاردىڭ جۇمىس ىستەۋىنە جەتەكشىلىك ەتۋ، ولاردىڭ كاسىپتىك شەبەرلىگىن جەتىلدىرۋ قاتارلى قاتىستى الەۋمەتتىك جۇمىستانۋعا قىزمەت وتەۋ تۇرلەرىن ازىرلەپ، كىرىسى تومەن ادامداردىڭ جاقىن جەردە، سول جەردىڭ وزىندە جۇمىستانۋىن ىلگەرىلەتەدى.

  سونىمەن بىرگە، شارۋاشىلىق قۇرۋ الەۋمەتتىك اۋماعىن قۇرۋدى تياناق ەتىپ، «ءبىر جىلدا نىعايتۋ، ەكى جىلدا جوعارىلاتۋ، ءۇش جىلدا ورنىقتى ارتتىرۋ» پرينسيبى بويىنشا، 2023 – جىلى يكەمدى جۇمىستاندىرۋ مەن ۋاقىتتىق جۇمىستاندىرۋ، وتپەلى جۇمىستاندىرۋ ورىندارى ارقىلى جۇمىستاندىرۋدى ەڭ تومەنگى شەكتەن تۇسىرمەۋدى نەگىز ەتىپ، كىرىسى تومەن ادامداردىڭ «بارلىعىنىڭ جۇمىستانۋىنا، اي سايىن كىرىسى بولۋىنا» قۇلشىنا كەپىلدىك ەتۋدى؛ 2024 – جىلى دەربەس شارۋاشىلىق قۇرۋشىلار مەن كاسىپورىنداردا ورنىقتى جۇمىستانۋشىلاردى نەگىز ەتىپ، شەبەرلىگىن جەتىلدىرۋ ارقىلى كىرىسى تومەن كاسىپ سالاسىنان شەبەرلىكتى قاجەت ەتەتىن كاسىپ سالاسىنا قاراي ويىستىرىپ، كىرىسى تومەن ادامداردىڭ كىرىس ورەسىن ۇزدىكسىز جوعارىلاتۋدى؛ ءۇشىنشى جىلعا بارعاندا، شارۋاشىلىق قۇرۋ سۋبيەكتىلەرىنىڭ ورنىقتى تيجارات جۇرگىزۋى مەن كاسىپورىنداردا جۇمىستاندىرۋدى نەگىز ەتىپ، قىسقا مەرزىمدىك ۋاقىتتىق جۇمىس ورىندارىن ۇزاق مەرزىمدىك ورنىقتى جۇمىس ورىندارىنا قاراي ويىستىرىپ، كىرىسى تومەن ادامداردىڭ كىرىسىن ورنىقتى ارتتىرۋدى، كىرىسى تومەن ادامداردىڭ تابىس سەزىمىن، باقىت سەزىمىن، حاۋىپسىزدىك سەزىمىن ۇزدىكسىز جوعارىلاتۋدى ايقىندادى.

  كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار