ولار جىلدىق سيلىققا يە بولدى، جالپى سوماسى 7 ميلليون يۋان
2023.01.13 16:17 كەلۋ قاينارى : حالىق تورابى
 |
سۋرەتتە: 1- ايدىڭ 10 – كۇنى، استىق ەگەتىن كاسىپكەر ليڭ جيحى (سولدان ءبىرىنشى) ديقاندارعا جىلدىق سيلىق تاراتۋدا. شينحۋا اگەنتتىگىنىڭ ءتىلشىسى جوۋ مي فوتوسى
|
«7 – اترەتتىڭ جىلدىق سيلىعى 280 مىڭ يۋان، 8 – اترەتتىڭ جىلدىق سيلىعى 570 مىڭ يۋان، 9 – اترەتتىڭ جىلدىق سيلىعى 740 مىڭ يۋان، ولار 2022 – جىلى ‹استىق ەگۋ وزاتى› بولىپ باعالاندى!»، — 1 – ايدىڭ 10 – كۇنى، جياڭشي ولكەسى نانچاڭ قالاسى ان – ي اۋدانى ديڭحۋ قالاشىعىنداعى ءبىر اۋلادا، استىق ەگەتىن كاسىپكەر ليڭ جيحى شارۋالارعا جىلدىق سيلىق تاراتتى.
7 ميلليون يۋاننان استام ناق اقشا ۇستەلگە رەتتى تىزىلگەن، اتى اتالعان ءوندىرىس اترەتىنىڭ باستىقتارى قۋانىشتى بەينەدە الدىعا شىعىپ سيلىق الۋدا، ناق مايدانعا جينالعانداردىڭ كوبىنىڭ جۇزىنە كۇلكى ۇيىرىلگەن.
ەلىمىز بويىنشا اتى تانىمالى استىق ەگەتىن كاسىپكەر ليڭ جىحى ىزدەنۋ ارقىلى ءبىر ءتۇرلى باسقارۋ ءادىسىن تاۋىپ شىققان: ءوزىنىڭ اينالىمداعى ەگىستىك جەرلەرىن بولىككە ءبولىپ، ەرلى – زايىپتىلاردان قۇرام تاپقان ءوندىرىس اترەتتەرىنىڭ باسقارۋىنا تاپسىرىپ بەرىپ، ولاردىڭ ءار مۋىنان الاتىن نەگىزدىك ءونىم مولشەرىن بەلگىلەپ، ادەتتە اي سايىن ەرلى – زايىپتىلارعا 5000 يۋان ەڭبەكاقى بەرەدى، جىل سوڭىنا بارعاندا، ولاردىڭ مىندەتتى اسىرا ورىنداعان ءونىم مولشەرىنە نەگىزدەلە وتىرىپ، ولارعا جىلدىق سيلىق بەرەدى.
«ءبىز ەرتە پىساتىن كۇرىشتىڭ ءار مۋىنان 700 جىڭ ءونىم الۋدى، جاي پىساتىن كۇرىشتىڭ ءار مۋىنان 800 جىڭ ءونىم الۋدى بەلگىلەدىك، وسىدان اسقان بولىگىنىڭ الدىڭعى 50 جىڭىنا 50 تيىننان ەسەپتەپ سيلىق بەرەمىز، 50 جىڭنان اسقان بولىگىنىڭ ءار جىڭىنا ءبىر يۋاننان سيلىق بەرەمىز»، — دەيدى ليڭ جيحى. مىسالى، بەلگىلى ءوندىرىس اترەتى ەككەن ەرتە پىساتىن كۇرىشتەن ءار مۋىنا 1000 جىڭ ءونىم الىنعان بولسا، وندا ءار مۋىنا 275 يۋان جىلدىق سيلىق الۋىنا بولادى.
2022 – جىلى ليڭ جيحى 40 مىڭ مۋدان استام ەگىس اتىزىن اينالىمعا سالعان، وڭتۇستىكتەگى كوپتەگەن جەرلەردە قۋاڭشىلىق تۋىلعانىمەن، ليڭ جيحى سوندا دا مول ءونىم الۋدى ىسكە اسىردى، جىلدىق سيلىقتىڭ جالپى سوماسى 7 ميلليون 210 مىڭ يۋاننان اسىپ، ءبىر جىل بۇرىنعىمەن سالىستىرعاندا 2 ميلليون يۋاننان استام كوپ بولعان.
ۇعىسۋعا قاراعاندا، بۇل ليڭ جيحىنىڭ قاتارىنان 12 جىل بويى ديقاندارعا جىلدىق سيلىق تاراتۋى ەكەن، جىلدىق سيلىقتى ەڭ كوپ العان ەرلى – زايىپتىلاردىڭ العان سيلىعى 300 مىڭ يۋان بولعان.
مۇنان سىرت، ليڭ جيحى تاعى ارناۋلى قوعامدىق قىزمەت وتەۋ اترەتىن قۇرىپ، ديقاندارعا ماشينامەن جەر جىرتۋ، مايسا جەتىلدىرۋ، ماشينامەن مايسا ەگۋ، ۇشاقپەن ءدارى شاشۋ، ورۋ قاتارلى قىزمەت وتەۋ تۇرلەرىن ازىرلەدى. قازىرگى تاڭدا، ءبىر وتباسىنداعى ەرلى – زايىپتىلار 500 مۋدان 600 مۋعا دەيىن ەگىن ەكسە، جىلدىق كىرىسى 200 مىڭ يۋاننان 300 مىڭ يۋانعا دەيىن بولادى.
2009 – جىلى اۋىلىنا قايتىپ ەگىن ەككەننەن بەرى، ليڭ جيحى ديقاندارعا جيىنى 43 ميلليون يۋاننان استام جىلدىق سيلىق تاراتقان.
جاڭا جىلدا ول اناعۇرلىم كوپ جەردى اينالىمعا سالىپ، اناعۇرلىم كوپ ديقانداردى اۋقاتتانۋعا، كىرىسىن ارتتىرۋعا جەتەلەۋدى جوسپارلاعان.
مۇنى ەستىگەن توراپتاستار جابال سۇيىنگەندىكتەرىن ءبىلدىرىپ: مەنىڭ جولىمدى توسپاڭدار، مەن ەگىن ەگۋگە كەتتىم، — دەپ قالجىڭداپ، ونىڭ ارەكەتىنە قولداۋ ءبىلدىردى.
كەلۋ قاينارى: حالىق تورابى
 |
سۋرەتتە: 1 – ايدىڭ 10 – كۇنى، جياڭشي ولكەسى نانچاڭ قالاسى ان – ي اۋدانى ديڭحۋ قالاشىعىنداعى سيلىق تاراتۋ ناق مايدانىنان كورىنىس. شينحۋا اگەنتتىگىنىڭ ءتىلشىسى جوۋ مي فوتوسى
|
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
