كوكتەم مەرەكەسى مەزگىلىندە ىندەتتىڭ جاعدايى قالاي بولادى؟ اۋىلعا قايتقاندا جەكەلىك ساقتانۋ شارالارىن قايتكەندە ويداعىداي ىستەۋگە بولادى؟
2023.01.13 15:23 كەلۋ قاينارى : حالىق تورابى
كوكتەم مەرەكەسى مەزگىلىندە ادامداردىڭ ءجۇرىس – تۇرىسى مولايىپ، تۋىس – تۋعان، دوس – جارانداردىڭ باس قوسۋى جيىلەيدى. كوكتەم مەرەكەسى مەزگىلىندە ىندەتتىڭ جاعدايى قالاي بولادى؟ اۋىلعا قايتقان جولدا قانداي ساقتانۋ شارالارىن ويداعىداي ىستەۋ كەرەك؟ اۋىلعا قايتقان سوڭ نەلەرگە كوڭىل ءبولۋ كەرەك؟ مىناداي سۇراۋ – جاۋاپتارعا نازار اۋدارىڭىز.
كوكتەم مەرەكەسى مەزگىلىندە ىندەت جاعدايى قالاي بولادى؟
كەزەكتە، اۋىل – قىستاقتاردا ىندەتتىڭ تارالۋى ۇلكەن قالالارداعىداي تەز ەمەس. الايدا، ىندەتتىڭ تارالۋىنىڭ جالعاسقان ۋاقىتى ءبىرشاما ۇزاق بولۋدا. جۇرتتىڭ كوكتەم مەرەكەسى مەزگىلىندە اۋىلىنا قايتۋىنا بايلانىستى، جەرگىلىكتى ورىندارعا ىندەتتىڭ سىرت جەردەن تارالىپ كىرۋىنىڭ ىقتيمالدىعى بار.
— مەملەكەتتىك جۇقپالى اۋرۋلار مەديتسيناسى ورتالىعىنىڭ مەڭگەرۋشىسى، فۋدان داشۋەسىنىڭ قاراماعىنداعى حۋاشان ەمحاناسىنىڭ جۇقپالى اۋرۋلار ءبولىمىنىڭ مەڭگەرۋشىسى جاڭ ۋىنحۇڭ
كوكتەم مەرەكەسى مەزگىلىندە ادامداردىڭ ءجۇرىس – تۇرىسى مولايىپ، تۋىس – تۋعان، دوس – جارانداردىڭ باس قوسۋى جيىلەيدى. مامانداردىڭ زەرتتەپ تۇجىرىمداۋىنا قاراعاندا، ەلىمىزدىڭ ءىشىنارا جەرلەرىندە ىندەتتىڭ تارالۋىنىڭ ەڭ جوعارعى شەگى كوكتەم مەرەكەسى مەزگىلىندەگى تاسىمال، كوكتەم مەرەكەسى مەزگىلىندەگى دەمالىس كەزىمەن تۇسپا – تۇس كەلۋى مۇمكىن، كوكتەم مەرەكەسى مەزگىلىندە ادامداردىڭ ءجۇرىس – تۇرىسى كوبەيىپ، باس قوسۋ جيىلەيدى، وتە – موتە، بولمە ىشىندە وتكىزىلەتىن قيمىلدار ارتا تۇسەدى، بۇل ىندەتتىڭ تارالۋ حاۋپىن اناعۇرلىم ارتتىرا تۇسۋمەن بىرگە، ىندەتتەن ساقتانۋ – تىزگىندەۋدىڭ قيىندىق دارەجەسى مەن كۇردەلىلىك دارەجەسىن دە ارتتىرا تۇسەدى.
قازىر ماسكىنى جالعاستى تاعۋدىڭ قاجەتى بار ما؟
قازىر ەلىمىزدە جاڭا تيپتى ايدارشا ۆيرۋس ىندەتى ءالى دە ۇقساماعان دارەجەدە تارالۋ كەزەڭىندە تۇر، جەكەلىك ساقتانۋ شارالارىن ويداعىداي ىستەۋدى، ماسكىنى عىلىمي، دۇرىس تاعۋدى ءالى دە باسا دارىپتەۋ قاجەت.
وتە – موتە، ەمحانا، ساۋدا سارايى، ەرەنبازار، بولمە ىشىندەگى ءماجىلىس ورنى، اۋەجاي جانە بەكەت قاتارلى قورشاعان ورتاسى تۇيىق، ادام شوعىرلانعان الەۋمەتتىك ورىندارعا بارعاندا، ۇشاق، پويەز، مەترو قاتارلى الەۋمەتتىك قاتىناس قۇرالدارىنا وتىرعاندا، ليفتكە تۇسكەندە، باستان – اياق ماسكىنى دۇرىس تاعۋ قاجەت، مەديتسينالىق سىرتقى اۋرۋلار ماسكىسىنان جوعارى دارەجەدەگى ماسكىنى تاققان ءجون.
— جۇڭگو اۋرۋدىڭ الدىن الۋ – تىزگىندەۋ ورتالىعى جۇقپالى اۋرۋلاردان ساقتانۋ بولىمشەسىنىڭ زەرتتەرمەنى چاڭ جاۋرۇي
اۋىلعا قايتقاندا جەكەلىك ساقتانۋ شاراسىن قايتكەندە ويداعىداي ىستەۋگە بولادى؟
ءجۇرىس – تۇرىستى ۇيلەسىمدى ورنالاستىرىپ، ساپارعا شىعار الدىندا عىلىمي جوسپارلاپ، باراتىن جەردەگى ىندەت جاعدايىن ۇعىسىپ، جولاۋشى كوپ مەزگىلدەن باسقا ۋاقىتتاردا ساپارلاعان ءجون.
جەكەلىك ساقتانۋ شارالارىن جالعاستى ويداعىداي ىستەپ، ۋاعىندا دەمالۋ، ۇيلەسىمدى تاماقتانۋ، لايىقتى مولشەردە ارەكەتتەنۋ، تاماشا كوڭىل – كۇيدى ساقتاۋ قاتارلى سالاماتتى تۇرمىس سالتىن ساقتاۋ كەرەك.
سونىمەن بىرگە، سالاماتتىقتى باقىلاۋدى كۇشەيتىپ، ءوزىڭىز بەن وتباسىڭىزداعىلاردىڭ دەنساۋلىق جاعدايىن ءجىتى قاداعالاپ وتىرعانىڭىز وڭ.
— جۇڭگو اۋرۋدان ساقتانۋ – تىزگىندەۋ ورتالىعى جۇقپالى اۋرۋلاردان ساقتانۋ بولىمشەسىنىڭ زەرتتەرمەنى چاڭ جاۋرۇي
اۋىلعا قايتقاننان كەيىن قانداي ىستەرگە كوڭىل بولگەن ءجون؟
بارشا بۇقارانىڭ كوكتەم مەرەكەسىن سالاماتتى دا تىنىش وتكىزۋىنە كەپىلدىك ەتۋ ءۇشىن، بۇقاراعا مىناداي ۇندەۋ جاريالايمىز:
ىندەت كوپ تارالعان وڭىرلەرگە تۋىسشىلاي، ساياحاتتاي بارۋدان ساق بولعان ءجون، ىندەت كوپ تارالعان وڭىرلەردەگى بۇقارانىڭ ءجۇرىس – تۇرىستى ازايتقانى وڭ، قارتتار مەن نەگىزدىك اۋرۋى بار ادامداردىڭ مۇمكىندىگىنشە ساپارعا شىقپاعانى ءجون.
وتباسىندا كوپ ادام شوعىرلاناتىن قيمىلدى مۇمكىندىگىنشە وتكىزبەگەن ءجون، كولەمدى بۇتحانا بازارى، كولەمدى بولمە ىشىندەگى كوركەمونەر ويىن – ساۋىق قيمىلى، كولەمدى جارمەڭكە قاتارلىلاردى مۇمكىندىگىنشە ۇيىمداستىرماعان ابزال.
جەر – جەر جەرگىلىكتى ورىنداعى ىندەت جاعدايى مەن ءىس جۇزىندىك جاعدايعا قاراي وتىرىپ، ىندەتتەن ساقتانۋ جونىندەگى ينفورماتسيالار مەن ءجۇرىس – تۇرىس حاۋىپسىزدىگىنە ساياتىن ەسكەرتۋلەردى دەر كەزىندە جاريالاۋى، بۇقارانىڭ ءجۇرىس – تۇرىس جوسپارىن ۇيلەسىمدى ورنالاستىرۋىنا جەتەكشىلىك ەتۋى كەرەك.
— مەملەكەتتىك اۋرۋدىڭ الدىن الۋ – تىزگىندەۋ مەكەمەسى جۇقپالى اۋرۋلاردان ساقتانۋ – تىزگىندەۋ مەڭگەرمەسىنىڭ باستىعى لەي جىڭلۇڭ
اۋىل – قىستاقتاردا ەمدەۋ بايلىعىنا قايتكەندە كەپىلدىك ەتۋگە بولادى؟
مەملەكەتتىك كەڭەستىڭ بىرلەسكەن ساقتانۋ – تىزگىندەۋ مەحانيزمىنىڭ زاتتىق جاقتان كەپىلدىك ەتۋ گرۋپپاسى كۇندەلىكتى رەتتەپ وتىرۋ مەحانيزمىن ورناتىپ، بۇكىل ەلىمىزدەگى جاعدايدى ءبىر تۇتاس جوسپارلاۋعا تاباندى بولىپ، ءار كۇنى ءدارى – دارمەكتەر مەن ەمدەۋگە پايدالانىلاتىن باسقا دا ءتۇيىندى زاتتاردى كۇندەلىكتى ءبىر تۇتاس رەتتەپ وتىرادى.
ىندەتتىڭ جاعدايىنا نەگىزدەلە وتىرىپ، قازىرگى كەزەڭدە اۋىل – قىستاقتا، وتە – موتە، اۋىل – قىستاق ەمحانالارىندا ءدارى – دارمەكتى پايدالانۋعا الدىمەن كەپىلدىك ەتۋ كەرەك.
— مەملەكەتتىك دەنساۋلىق ساقتاۋ – سالاماتتىق كوميتەتىنىڭ نەگىزگى ساتىداعى دەنساۋلىق ساقتاۋ – سالاماتتىق ىستەرى مەڭگەرمەسىنىڭ باستىعى نيە چۇنلەي
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
