انحۇيدىڭ ما - انشان قالاسى بالىقشىلاردىڭ سۋ ونىمدەرى كاسىبىن دامىتۋىنا كومەكتەستى
چاڭجياڭ وزەنىنىڭ جاعالاۋىندا كولەمدى باعىمشىلىقتىڭ كىرىسى تەز ارتتى (كوكتەم مەرەكەسىندە نەگىزگى ساتىنى ارالاۋ)
«حالىق گازەتىنىڭ» ءتىلشىسى لي جۇنجيە
2023.01.16 17:17 كەلۋ قاينارى : حالىق تورابى
قاقاعان قىستا انحۇي ولكەسى ما - انشان قالاسى داڭتۋ اۋدانى كۋسايۋەي چاڭجياڭ وزەنى الابىنان شەگىنگەن بالىقشىلاردى باعىمشىلىققا ويىستىرۋ سۋ ونىمدەرى باعىمشىلىق بازاسىنا باردىق، كولگە تۇسكەن كۇن نۇرى شاعىلىسىپ كوزدى ۇيالتادى. سۋ شايانى بازارعا شىعاتىن مەزگىلدەن ءوتىپ كەتسە دە، كولدەگى بالىقشىلار ديزەنفەكسيا جاساپ، ءشوپ ەگىپ ءجۇر، باقتاشى حان باۋلين ءار كۇنى قاربالاستىققا تۇسەدى ەكەن.
بيىل 55 جاستاعى حان باۋليننىڭ وتباسى ۇرپاقتار بويى بالىق اۋلاۋدى كاسىپ ەتكەن. 2019 - جىلى ما - انشان قالاسى چاڭجياڭ وزەنىندە بالىق اۋلاۋعا تيىم سالۋ، بالىقشىلاردى باسقا كاسىپكە ويىستىرۋ قىزمەتىن ورىستەتتى، چاڭجياڭ وزەنىنىڭ نەگىزگى اعارى سانالاتىن ما - انشان بولەگىنىڭ شۋەجياۋا سۋ ايدىنىنداعى بالىقشىلار تۇگەلدەي بالىق اۋلاۋعا قوش ايتتى، حان باۋلين وتباسى دا سونىڭ ىشىندە.
«باستابىندا مەن شياۋحۋاڭجوۋدا تورمەن بالىق باقتىم، كەيىن ۇلكەن سۋ كەلىپ بالىقتاردى اعىزىپ اكەتتى، 30 - 40 مىڭ يۋان زيان تارتتىم». بالىق اۋلاۋعا تيىم سالىنىپ، باعىمشىلىقتا ساتسىزدىككە ۇشىرادى، حان باۋلين ءبىر مەزەت نە ىستەرىن بىلمەدى.
«بالىقشىلاردىڭ <سۋعا جاقىن ورنالاسۋ، سۋعا سۇيەنىپ تىرشىلىكە تۋ> ارتىقشىلىعى بار، ولار سۋ ونىمدەرىن باعۋعا وتە يكەمدى. ءبىز تەكسەرۋ بارىسىندا كوپتەگەن بالىقشىنىڭ حان باۋلينعا ۇقساس تاجىريبەسى كەمشىل بولعاندىقتان بۇراڭ جولعا تۇسكەنىن بايقادىق». ما - انشان قالالىق اۋىل شارۋاشىلىعى، اۋىل - قىستاق مەكەمەسى سۋ ونىمدەرى كەڭسەسىنىڭ مەڭگەرۋشىسى شى شياۋپيڭ بىلاي دەپ تانىستىردى: 2020 - جىلدان باستاپ ما - انشان قالاسى بالىقشىلىققا قوش ايتقان بالىقشىلاردىڭ «كاسىپ الماستىرۋ» بازاسىنان ءبىر توبىن تۇراقتاندىرىپ، جەرگىلىكتى سۋ ونىمدەرى باعىمشىلىعىنداعى باستاماشى كاسىپورىنعا سۇيەنىپ، «سەرىكتەستىك (سەلبەستىك كووپەراتيۆى) + بازا + بالىقشىلىققا قوش ايتقان بالىقشىلار» تيجارات ۇلگىسىن اتقارىپ، ساياسات، قارجى، تەحنيكا سياقتى ءتۇرلى فاكتورلاردى بىرىكتىرىپ، بالىقشىلىققا قوش ايتقان بالىقشىلاردى توپتاسىپ باعىمشىلىقپەن شۇعىلدانۋعا، ۇلگى كورسەتۋ اسەرىن كەڭەيتۋگە شابىتتاندىردى.
بۇل حاباردى ەستىگەن حان باۋلين كۋسايۋەي «بالىقشىلاردى باسقا سالاعا ويىستىرۋ» بازاسىنا بارىپ تەكسەرۋ جۇرگىزەدى. اسفالت جول كولدىڭ اۋزىنا تىكە تۇتاسادى، توكپەن قامداۋ، سۋمەن قامداۋ، وتتەگىمەن قامداۋ، اۆتوماتتى جەم بەرۋ ماشيناسى، كەمە سياقتى قۇرىلعىلارى تولىق. ۇكىمەت ماي اقىسىنىڭ تەڭ جارىمىنا قوسىمشا قاراجات بەرەدى، سەرىكتەستىك سۋ ونىمدەرى باعىمشىلىعىن قامسىزداندىرۋعا قاتىناسقان. «بۇل ارادا باعىمشىلىقپەن شۇعىلدانۋ قولايلى بولىپ قانا قالماستان، الاڭسىز بولادى ەكەنبىز». حان باۋلين 87 مۋ سۋ ايدىنىن مايعا الىپ، قىسقىش شايان مەن ۇساق تەڭىز شايانىن باعۋعا كىرىسەدى.
«بۇرىن وزەن بويىنان بالىق اۋلاپ كەلگەنبىز، قىسقىشتى تۇڭعىش رەت باعىپ وتىرمىز، تەحنيكا ۇيرەنبەسە بولمايدى». بازاعا كەلىپ كوپ وتپەي، حان باۋلين اقىسىز باعىمشىلىق تەحنيكاسىن ۇيرەتۋ كۋرسىنا قاتىناستى. بۇدان سىرت بازادا تاعى دا ارناۋلى قىزمەت كلاسى بار، ءار جولى كولشىك اۋزىن دەزينفەكسيالاۋ، تۇقىم تاڭداۋ، دەرت - دەربەزدەن ساقتانۋ سياقتى شەشۋشى كەزەڭدەردە تەحنيكا قىزمەتكەرلەر جەتەكشىلىك ەتەدى.
قازىر حان باۋليننىڭ كولشىگىندە تۇگەلدەي ساتىلىپ بولدى. وسى كۇندەرى ول كولشىكتى دەزينفەكسيالاۋمەن ابىگەر بولۋدا.
كۋسايۋەي سۋ ونىمدەرى باعىمشىلىق بازاسى بالىقشىلىقتان كاسىپ الماستىرعان بالىقشىلاردىڭ بازاسى دەپ تۇراقتاندىرىلعاننان بەرى بۇل اراعا بالىق باعۋدان قايتقان 17 بالىقشى جينالىپ، جىلدىق كىرىسى ورتا ەسەپپەن 100 مىڭ يۋانعا تايادى. «كوپشىلىك كولەمدەندىرىپ باعۋ، تەحنيكانى بىرگە ۇيرەنۋ، ساتۋ جولىن بىرگە كەڭەيتۋ جولىنا ءتۇستى، بۇل باس – باسىنا ىستەگەننەن الدەقايدا جاقسى» دەدى حان باۋلين.
3 جىلدان بەرى ما - انشان قالاسىندا جيىنى 11 «بالىقشىلىقتان كاسىپ الماستىرۋ» بازاسى قۇرىلدى، جالپى جەر اۋدانى 8مىڭ 958 مۋعا جەتىپ، 405 وتباسىنداعى ءبىر مىڭ 210 بالىقشىنىڭ ورنىقتى جۇمىستانۋىنا، كىرىستەرىن ارتتىرىپ بايۋىنا كومەكتەستى.
تاياۋدا حان باۋلين تاعى دا 40 مۋ جەردەگى ساپالى كولشىكتەگى باعىمشىلىق توقتامىنا قول قويدى، تاعى 150 مۋ وزەن ايدىنىن بالىق باعۋ ءۇشىن جاڭادان كوتەرمەگە الدى، «بيىل تۇتاس جىل بويىندا سۋ ونىمدەرىن ساتاتىن بولدىق» دەدى ول.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
