نەپالدىڭ جولاۋشىلار ۇشاعى اپاتىنان قازا بولعاندار 68 ادامعا جەتتى
2023.01.16 15:55 كەلۋ قاينارى : حالىق تورابى
نەپال ۇكىمەت ءمانساپتىسى 1 – ايدىڭ 15 – كۇنى بىلاي دەدى: نەپالدىڭ سول كۇنى تۋىلعان جولاۋشىلار ۇشاعىنىڭ قۇلاۋ شىرعالاڭىندا قازا بولعانداردىڭ سانى 68 ادامعا جەتتى، مۇنىڭ ىشىندە 6 بالا بار. قازىر قۇتقارۋ قىزمەتى جالعاسۋدا.
نەپال شۋەرىن اۆياتسيا سەرىكتىگىنىڭ 72 ادامدىق جولاۋشىلار ۇشاعى سول كۇنى نەپالدىڭ ورتا بولەگىندەگى بوكلا رايونىنا قۇلادى. نەپال حالىقتىق اۆياتسيا مەكەمەسىنىڭ مالىمدەمەشىسى جاگاننات نيرۋلا شينحۋا اگەنتتىگىنىڭ تىلشىسىنە بىلاي دەدى: قازىر ۇشاق شىرعالاڭعا ۇشىراعان ناق مايداننان 68 مۇردە بايقالدى. نەپال اسكەري جاعىنىڭ مالىمدەمەشىسى كريشينا پراساد بانداري شينحۋا اگەنتتىگىنىڭ تىلشىسىنە بىلاي دەدى: ۇشاقتىڭ %80ى ورتەنگەن، ىزدەۋ، قۇتقارۋ قىزمەتى ءالى دە جالعاسۋدا.
بوكلاعا قاراستى كاسكي اۋدانىنىڭ ءمانساپتىسى بىلاي دەدى: جولاۋشىلار ۇشاعى سايتي وزەنى اڭعارىنىڭ ماڭىنا قۇلادى، قۇتقارۋ قىزمەتكەرلەرى سول كەزدە امان قالعان 3 ادامدى بايقادى ءارى ولاردى جەرگىلىكتى ورىنداعى شيپاحاناعا اپارىپ ەمدەتتى، ءبىراق ول كەيىنگى قۇتقارۋ جاعدايىن يگەرمەگەن.
نەپال حالىقتىق اۆياتسيا مەكەمەسى جاريالاعان مالىمدەمەگە نەگىزدەلگەندە، ATR-72 جولاۋشىلار ۇشاعى جەرگىلىكتى ۋاقىت تۇستەن بۇرىن ساعات 10 نان 30 مينۋت وتكەندە نەپالدىڭ استاناسى كاتماندۋدان بوكلاعا ۇشقان، ساعات 10 نان 50 مينۋت وتكەندە جەر بەتىمەن بايلانىسى ۇزىلگەن. شىرعالاڭعا ۇشىراعان كەزەكشى ۇشاقتا جيىنى 68 جولاۋشى جانە 4 ۇشاق قىزمەتكەرى بار، مۇنىڭ ىشىندە 15 شەتەلدىك بار. وسى 15 شەتەلدىك جولاۋشىنىڭ بەسەۋى ينديالىق، تورتەۋى رەسەيلىك، ەكەۋى كورەيالىق، قالعان تورتەۋى اۆستراليا، يرلانديا، ارگەنتينا جانە فرانسيادان كەلگەن.
كاتماندۋ تليبۋان حالىقارالىق اۋەجايىنىڭ باس ديرەكتورى پرەم ناد تاكۇر اقپار جاريالاۋ ماجىلىسىندە بىلاي دەدى: ۇشاق شىرعالاڭعا ۇشىراعان كەزدە بوكلانىڭ اۋا رايى وتە جاقسى بولاتىن. ۇشاق قۇلاۋدان بۇرىن ۇشقىش تەحنيكالىق كىنارات تۋىلعانى جونىندە مالىمەت بەرمەگەن.
نەپال بيلىك كەڭسەسىنىڭ مينيسترى ابدۇللا حان بىلاي دەدى: نەپال بيلىك كەڭسەسى 5 ادامدىق تەكسەرۋ كوميتەتىن قۇرىپ، شىرعالاڭنىڭ سەبەبىنە تەكسەرۋ جۇرگىزۋدى ءارى 1 – ايدىڭ 16 – كۇنى مەملەكەتتىك ازا ءبىلدىرۋ كۇنى ەتىپ بەلگىلەۋدى ۇيعاردى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
