شي جينپيڭ پارتيا سىرتىنداعى قايراتكەرلەرمەن اڭگىمەلەسكەندە ءارى ولارمەن بىرگە كوكتەم مەرەكەسىن قارسى العاندا مىنانى دارىپتەدى
اناعۇرلىم تاسقىنداعان رۋحاني كۇيمەن مىندەت اتقارىپ، جاۋاپكەرلىكتى ادا ەتىپ، زەيىن - زەردەنى، كۇش - قۋاتتى ۇيىستىرىپ، جالپى جاعدايعا قىزمەت وتەۋدە اناعۇرلىم زور رول اتقارۋ كەرەك
ۋاڭ ياڭ، ۋاڭ حۋنيڭ، ديڭ شۋەشياڭ اڭگىمەلەسۋدە بىرگە بولدى
2023.01.17 16:47 كەلۋ قاينارى : حالىق تورابى
1 - ايدىڭ 16 - كۇنى ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ بەيجيڭدەگى حالىق سارايىندا پارتيا سىرتىنداعى قايراتكەرلەرمەن اڭگىمەلەستى ءارى كوكتەم مەرەكەسىن بىرگە قارسى الدى. ۋاڭ ياڭ، ۋاڭ حۋنيڭ، ديڭ شۋەشياڭ قاتارلىلار اڭگىمەلەسۋدە بىرگە بولدى. سۋرەتتى شينحۋا اگەنتتىگىنىڭ ءتىلشىسى شيە حۋانچى تۇسىرگەن
■ 2023 - جىل − ج ك پ 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ باستاما جىلى، ءۇمىت پەن سىن قاتار ءومىر سۇرۋدە. كوپشىلىكتىڭ ج ك پ 20 - قۇرىلتايىنىڭ رۋحىن جاپپاي ۇيرەنىپ جانە دايەكتىلەندىرىپ، اناعۇرلىم تاسقىنداعان رۋحاني كۇيمەن قىزمەت جاۋاپكەرلىكتەرىن ادا ەتىپ، زەيىن - زەردەنى، كۇش - قۋاتتى ۇيىستىرىپ، جالپى جاعدايعا قىزمەت وتەۋ جاعىندا اناعۇرلىم زور رول اتقارىپ، قالىڭ مۇشەلەر مەن وزدەرى بايلانىس ورناتقان بۇقارانى جۇڭگو ۇلگىسىندەگى وسىزامانداندىرۋدى ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋىن، شابىتتاندىرۋىن ءۇمىت ەتەمىن
■ جۇڭگو كوممۋنيستىك پارتياسىنىڭ باسشىلىعىندا تاباندى بولۋ، جۇڭگو كوممۋنيستىك پارتياسىمەن باستان - اياق ءبىر نيەت، ءبىر تىلەكتە بولۋ، ىنتىماقتاسا كۇرەس جۇرگىزۋ − كوپ پارتيا سەلبەستىگىنىڭ ءتۇبىرلى ساياسي نەگىزى. دەموكراتيالىق پارتيا - توپتاردىڭ ورتالىق كوميتەتتەرىنىڭ جاڭا كەزەكتى باسشىلىق القاسىنىڭ ءبىرىنشى ساياسي جاۋاپكەرلىگى − ساياسي الاۋعا مۇراگەرلىك ەتىپ، ساياسي ورتاق تانىمدى تەرەڭدەتىپ، ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزەتىن ساياسي قاسيەتتى باستان - اياق ساقتاۋ. كوپشىلىكتىڭ ج ك پ 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ساياسي توعىسۋدى تەرەڭدەتۋدىڭ ماڭىزدى مازمۇنى ەتىپ، يدەيالىق - ساياسي جەتەكشىلىكتى كۇشەيتىپ، قالىڭ مۇشەلەر مەن وزدەرى بايلانىس ورناتقان بۇقارانى «ءتورت تانىمدى» كۇشەيتۋگە، «ءتورت سەنىمدى» بەكەمدەۋگە، «ەكىنى قورعاۋدى» ورىنداۋعا جەتەكتەپ، يدەيا مەن ارەكەتتى ج ك پ 20 - قۇرىلتايىندا جاسالعان كەلەلى شەشىمدەرمەن، ورنالاستىرۋلارمەن بىرلىككە كەلتىرۋىن ءۇمىت ەتەمىن
■ جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ وزەكتى مىندەتىن جۇزەگە اسىرۋ بۇكىل ەل بويىنشا جوعارىدان تومەنگە دەيىن ىنتىماقتاسا كۇرەس جۇرگىزۋدى قاجەت ەتەدى
■ جۇڭگونىڭ جاڭاشا ساياسي پارتيا ءتۇزىمىنىڭ ساياسي ابزالدىعىن ويداعىداي ساۋلەلەندىرۋ دەموكراتيالىق پارتيا - توپتاردىڭ وزىندىك قۇرىلىسىن كۇشەيتىپ، ساياسي مەڭگەرۋ قابىلەتىن، ۇكىمەت ىسىنە ارالاسۋ، كەڭەس بەرۋ قابىلەتىن، ۇيىمدىق باسشىلىق قابىلەتىن، سەلبەسىپ بىرگە ىستەۋ قابىلەتىن جانە ءوز ماسەلەلەرىن شەشۋ قابىلەتىن ۇزدىكسىز جوعارىلاتۋىن قاجەت ەتەدى. كوپشىلىكتىڭ پارتيامەن تىلەكتەس بولىپ، وتاندى ءسۇيىپ، حالىق ءۇشىن قىزمەت ىستەيتىن، شىنايى سەلبەسىپ، كاسىپتى قاستەرلەپ، ۇلەس قوساتىن كوپ پارتيا سەلبەستىگى تاڭداۋلى داستۇرىنە مۇراگەرلىك ەتىپ، ساياسيدا تاباندى، ۇيىمدىق جاقتا بەرىك، مىندەت اتقارۋدا پارمەندى، ستيلى تاماشا، ءتۇزىمى اقاۋسىز جۇڭگوشا سوتسياليستىك ساياسي پارتيا بولۋعا قۇلشىنۋىن ءۇمىت ەتەمىن
شينحۋا اگەنتتىگى، 1 - ايدىڭ 16 - كۇنى، بەيجيڭ. ج ك پ ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ 1 - ايدىڭ 16 - كۇنى تۇستەن بۇرىن حالىق سارايىندا دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاۋاپتىلارىمەن جانە پارتيادا، توپتا جوق قايراتكەرلەردىڭ ۋاكىلدەرىمەن اڭگىمەلەستى ءارى كوكتەم مەرەكەسىن بىرگە قارسى الدى. شي جينپيڭ ج ك پ ورتالىق كوميتەتى اتىنان دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ جاڭادان سايلانعان باسشىلىق القا مۇشەلەرىن قىزۋ قۇتتىقتادى، دەموكراتيالىق پارتيا - توپتارعا، ساۋدا - ونەركاسىپشىلەر بىرلەستىگىنە جانە پارتيادا، توپتا جوق قايراتكەرلەرگە، بىرلىكساپتىڭ قالىڭ مۇشەلەرىنە ىقىلاستى سالەم جولدادى جانە كوكتەم مەرەكەسى بايلانىسىمەن باقىت تىلەدى. ول مىنالاردى دارىپتەدى: 2023 - جىل − ج ك پ 20 - قۇرىلتايىنىڭ رۋحىن ۇيرەنۋدىڭ، دايەكتىلەندىرۋدىڭ باستاما جىلى، ءۇمىت پەن سىن قاتار ءومىر سۇرۋدە. كوپشىلىكتىڭ ج ك پ 20 - قۇرىلتايىنىڭ رۋحىن جاپپاي ۇيرەنىپ جانە دايەكتىلەندىرىپ، اناعۇرلىم تاسقىنداعان رۋحاني كۇيمەن قىزمەت جاۋاپكەرلىكتەرىن ادا ەتىپ، زەيىن - زەردەنى، كۇش - قۋاتتى ۇيىستىرىپ، جالپى جاعدايعا قىزمەت وتەۋ جاعىندا اناعۇرلىم زور رول اتقارىپ، قالىڭ مۇشەلەر مەن وزدەرى بايلانىس ورناتقان بۇقارانى جۇڭگو ۇلگىسىندەگى وسىزامانداندىرۋدى ىلگەرىلەتۋ جولىندا ىنتىماقتاسا كۇرەس جۇرگىزۋگە جۇمىلدىرۋىن، شابىتتاندىرۋىن ءۇمىت ەتەمىن.
مەملەكەتتىك ساياسي كەڭەستىڭ ءتوراعاسى ۋاڭ ياڭ، ج ك پ ورتالىق كوميتەتى ساياسي بيۋروسىنىڭ تۇراقتى مۇشەلەرى ۋاڭ حۋنيڭ، ديڭ شۋەشياڭ اڭگىمەلەسۋدە بىرگە بولدى.
جۇڭگو گومينداڭ توڭكەرىستىك كوميتەتى ورتالىق كوميتەتىنىڭ ءتوراعاسى جىڭ جيانباڭ، جۇڭگو دەموكراتيا وداعى ورتالىق كوميتەتىنىڭ ءتوراعاسى ديڭ جۇڭلي، جۇڭگو دەموكراتيالىق مەملەكەت قۇرۋ قوعامى ورتالىق كوميتەتىنىڭ ءتوراعاسى حاۋ ميڭجين، جۇڭگو دەموكراتيانى ىلگەرىلەتۋ قوعامى ورتالىق كوميتەتىنىڭ ءتوراعاسى ساي دافىڭ، جۇڭگو شارۋا - جۇمىسشى دەموكراتيالىق پارتياسى ورتالىق كوميتەتىنىڭ ءتوراعاسى حى ۋەي، جۇڭگو ادىلەت پارتياسى ورتالىق كوميتەتىنىڭ ءتوراعاسى جياڭ زوجۇن، «3 – قىركۇيەك» ءىلمي قوعامى ورتالىق كوميتەتىىنىڭ ءتوراعاسى ۋ ۋەيحۋا، تايۋان دەموكراتيالىق اۆتونوميا وداعى ورتالىق كوميتەتىىنىڭ ءتوراعاسى سۋ حۇي، مەملەكەتتىك ساۋدا - ونەركاسىپشىلەر بىرلەستىگىنىڭ ءتوراعاسى گاۋ يۇنلۇڭ ىلگەرىندى - كەيىنى ءسوز سويلەپ، دەموكراتيالىق پارتيا - توپتاردىڭ، ساۋدا - ونەركاسىپشىلەر بىرلەستىگىنىڭ ج ك پ ورتالىق كوميتەتىنىڭ شىنايى قامقورلىعى مەن زور كۇشپەن قولداۋىندا، مەملەكەتتىك قۇرىلتايلارىن ءساتتى اشىپ، كەزەك اۋىستىرۋ قىزمەتىن تابىسپەن ورىنداۋ جاعدايىن، سونداي - اق كەلەسى قادامداعى قىزمەت جوسپارىن جەكە - جەكە تانىستىردى. پارتيادا، توپتا جوق قايراتكەرلەردىڭ ۋاكىلى شي نانحۋا دا ءسوز سويلەدى. ولار مىنالاردى ءبىلدىردى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، ساياسي توعىسۋدى تەرەڭدەتىپ، وزىندىك قۇرىلىستى جاپپاي ىلگەرىلەتىپ، بەلسەنە مىندەت اتقارىپ، جاۋاپكەرلىكتى ادا ەتىپ، ج ك پ 20 - قۇرىلتايىندا بەلگىلەنگەن نىسانا - مىندەتتەردى جۇزەگە اسىرۋ جولىندا ىنتىماقتاسا كۇرەس جۇرگىزەمىز.
كوپشىلىكتىڭ ءسوزىن مۇقيات تىڭداعاننان كەيىن شي جينپيڭ ماڭىزدى ءسوز سويلەدى. ول بىلاي دەدى: بىرنەشە كۇننەن كەيىن جۇڭحۋا ۇلتىنىڭ ءداستۇرلى مەرەكەسى كوكتەم مەرەكەسى كەلەدى. كوپشىلىكپەن ءبىر اراعا باس قوسىپ، كوكتەم مەرەكەسىن بىرگە قارسى الىپ، دوستىقتى اقتارىلا اڭگىمەلەپ، مەملەكەت ءىسىن بىرگە اقىلداسقانىما وتە قۋانىشتىمىن.
شي جينپيڭ بىلاي دەپ اتاپ كورسەتتى: 2022 - جىل − پارتيا مەن مەملەكەتتىڭ دامۋ تاريحىنداعى اسا ماڭىزدى جىل ءارى پارتيامىزدىڭ بىرلىكساپ ساياساتىن ايقىن العا قويعانىنىڭ 100 جىلدىعى. دەموكراتيالىق پارتيا - توپتار «مۇراتتان اينىماي پارتياعا ىلەسىپ، جاڭا داۋىردە قول ۇستاسا ەكپىندەي العا باسايىق» تاقىرىبىنداعى ساياسي تاربيەنى ىشكەرىلەي ورىستەتىپ، سەلبەسۋ اۋەلگى ماقساتىن ۇمىتپاي، تاڭداۋلى ءداستۇردى ساۋلەلەندىرىپ، يدەيالىق - ساياسي ورتاق تانىمدى اناعۇرلىم بەكەمدەدى. دەموكراتيالىق پارتيا - توپتاردىڭ ورتالىق كوميتەتتەرى مەن پارتيادا، توپتا جوق قايراتكەرلەر رەفورما، دامۋ، ورنىقتىلىق بارىسىنداعى كەلەلى تاقىرىپتار توڭىرەگىندە ىشكەرىلەي تەكسەرۋ - زەرتتەۋ جۇرگىزىپ، دەموكراتيالىق باقىلاۋ جۇرگىزىپ، ج ك پ ورتالىق كوميتەتىنىڭ عىلمي شەشىم جاساۋىنا، ءونىمدى شارا قولدانۋىنا ماڭىزدى دايەك ازىرلەدى. مەملەكەتتىك ساۋدا - ونەركاسىپشىلەر بىرلەستىگى «10 مىڭ كاسىپورىن 10 مىڭ قىستاقتى گۇلدەندىرۋ» ارەكەتىن اتقارۋدى ىلگەرىلەتىپ، حالىقتىق كاسىپورىنداردى قوعامدىق جاۋاپكەرلىكتى بەلسەنە اتقارۋعا، ساپالى دامۋدى جۇزەگە اسىرۋعا جەتەكتەدى. ول ج ك پ ورتالىق كوميتەتى اتىنان كوپشىلىككە شىن جۇرەكتەن العىس ايتتى.
شي جينپيڭ بىلاي دەپ دارىپتەدى: جۇڭگو كوممۋنيستىك پارتياسىنىڭ باسشىلىعىندا تاباندى بولۋ، جۇڭگو كوممۋنيستىك پارتياسىمەن باستان - اياق ءبىر نيەت، ءبىر تىلەكتە بولۋ، ىنتىماقتاسا كۇرەس جۇرگىزۋ − كوپ پارتيا سەلبەستىگىنىڭ ءتۇبىرلى ساياسي نەگىزى. دەموكراتيالىق پارتيا - توپتاردىڭ ورتالىق كوميتەتتەرىنىڭ جاڭا كەزەكتى باسشىلىق القاسىنىڭ ءبىرىنشى ساياسي جاۋاپكەرلىگى − ساياسي الاۋعا مۇراگەرلىك ەتىپ، ساياسي ورتاق تانىمدى تەرەڭدەتىپ، ءبىر نيەت، ءبىر تىلەكتە بولا وتىرىپ، ىنتىماقتاسا كۇرەس جۇرگىزەتىن ساياسي قاسيەتتى باستان - اياق ساقتاۋ. كوپشىلىكتىڭ ج ك پ 20 - قۇرىلتايىنىڭ رۋحىن ۇيرەنۋدى، دايەكتىلەندىرۋدى ساياسي توعىسۋدى تەرەڭدەتۋدىڭ ماڭىزدى مازمۇنى ەتىپ، يدەيالىق - ساياسي جەتەكشىلىكتى كۇشەيتىپ، قالىڭ مۇشەلەر مەن وزدەرى بايلانىس ورناتقان بۇقارانى «ءتورت تانىمدى» كۇشەيتۋگە، «ءتورت سەنىمدى» بەكەمدەۋگە، «ەكىنى قورعاۋدى» ورىنداۋعا جەتەكتەپ، يدەيا مەن ارەكەتتى ج ك پ 20 - قۇرىلتايىندا جاسالعان كەلەلى شەشىمدەرمەن، ورنالاستىرۋلارمەن بىرلىككە كەلتىرۋىن ءۇمىت ەتەمىن. ج ك پ - نىڭ پارتيا تاريحىن ۇيرەنۋ تاربيەسىنىڭ جەتىستىكتەرىن بەكەمدەپ جانە كەڭەيتىپ، جاڭا كەزەكتى نەگىزگى تاقىرىپتىق تاربيە قيمىلىن دەر كەزىندە ورىستەتىپ، جۇڭگو كوممۋنيستىك پارتياسىنىڭ باسشىلىعى مەن جۇڭگوشا سوتسياليزم جونىندەگى ساياسي تانىمدى، يدەيالىق تانىمدى، نازاريالىق تانىمدى، سەزىمدىك تانىمدى ۇزدىكسىز كۇشەيتۋ كەرەك.
شي جينپيڭ بىلاي دەپ اتاپ كورسەتتى: جاپپاي سوتسياليستىك وسىزاماندانعان قۇدىرەتتى ەل قۇرۋ، جۇڭگو ۇلگىسىندەگى وسىزامانداندىرۋ ارقىلى جۇڭحۋا ۇلتىنىڭ ۇلى گۇلدەنۋىن جاپپاي ىلگەرىلەتۋ وزەكتى مىندەتىن جۇزەگە اسىرۋ بۇكىل ەل بويىنشا جوعارىدان تومەنگە دەيىن ىنتىماقتاسا كۇرەس جۇرگىزۋدى قاجەت ەتەدى. دەموكراتيالىق پارتيا - توپتاردىڭ كوپ پارتيا سەلبەستىگىنىڭ ارتىقشىلىعىن وزەكتى جالپى جاعدايدىڭ قاجەتىمەن ۇشتاستىرىپ، ۇكىمەت ىسىنە ارالاسۋ، ۇكىمەت ءىسىن كەڭەسۋ بارىسىندا كوپتىڭ اقىل - پاراساتىن شوعىرلاندىرىپ، دەموكراتيالىق باقىلاۋ بارىسىندا اقىل - كەڭەس بەرىپ، ساياسي پارتيالاردىڭ كەڭەسى بارىسىندا تاماشا اقىل - كەڭەس بەرىپ، جۇڭگو كوممۋنيستىك پارتياسىنىڭ جاقسى اقىلشىسى، جاقسى قولعاناتى، جاقسى قىزمەتتەسى بولۋىن ءۇمىت ەتەمىن. نازاردى جاڭا دامۋ ارناسىن قالىپتاستىرۋ، «ەكىدەن استە اۋىتقىماۋدى» تياناقتاندىرۋ، بىرگە بايۋدى تىڭعىلىقتى ىلگەرىلەتۋ سياقتى كەلەلى ماسەلەلەرگە شوعىرلاندىرىپ، تەكسەرۋ - زەرتتەۋدى ىشكەرىلەي ورىستەتىپ، بەلسەنە اقىل - كەڭەس بەرۋ كەرەك. فورمانى بايىتىپ، ارنالاردى كەڭەيتىپ، دەموكراتيالىق باقىلاۋدىڭ باعىتتامالىلىعى مەن ونىمدىلىگىن ۇزدىكسىز جوعارىلاتۋ كەرەك. قالىڭ مۇشەلەردى جانە وزدەرى بايلانىس جاسايتىن بۇقارانى سەنىمدى بەكەمدەپ، كۇرەس جىگەرىن كۇشەيتىپ، العا باسۋ جولىنداعى تار جول، تايعاق كەشۋلەردەن تايسالماي وتۋگە جەتەكتەۋ كەرەك. مەملەكەتتىك ساۋدا - ونەركاسىپشىلەر بىرلەستىگى كاسىپورىندارعا تيىمدىلىك جاساۋ، قيىنشىلىعىن شەشۋ ساياساتىنىڭ تياناقتانۋىن، ناتيجەسىن كورسەتۋىن ىلگەرىلەتىپ، حالىقتىق كاسىپورىنداردىڭ ناقتى قيىنشىلىقتى شەشۋىنە كومەكتەسىپ، حالىقتىق شارۋاشىلىقتى دامىتۋ سەنىمىن كۇشەيتۋى كەرەك.
شي جينپيڭ مىنالاردى دارىپتەدى: جۇڭگونىڭ جاڭاشا ساياسي پارتيا ءتۇزىمىنىڭ ساياسي ابزالدىعىن ويداعىداي ساۋلەلەندىرۋ دەموكراتيالىق پارتيا - توپتاردىڭ وزىندىك قۇرىلىسىن كۇشەيتىپ، ساياسي مەڭگەرۋ قابىلەتىن، ۇكىمەت ىسىنە ارالاسۋ، كەڭەس بەرۋ قابىلەتىن، ۇيىمدىق باسشىلىق قابىلەتىن، سەلبەسىپ بىرگە ىستەۋ قابىلەتىن جانە ءوز ماسەلەلەرىن شەشۋ قابىلەتىن ۇزدىكسىز جوعارىلاتۋىن قاجەت ەتەدى. كوپشىلىكتىڭ پارتيامەن تىلەكتەس بولىپ، وتاندى ءسۇيىپ، حالىق ءۇشىن قىزمەت ىستەيتىن، شىنايى سەلبەسىپ، كاسىپتى قاستەرلەپ، ۇلەس قوساتىن كوپ پارتيا سەلبەستىگى تاڭداۋلى داستۇرىنە مۇراگەرلىك ەتىپ، ساياسيدا تاباندى، ۇيىمدىق جاقتا بەرىك، مىندەت اتقارۋدا پارمەندى، ستيلى تاماشا، ءتۇزىمى اقاۋسىز جۇڭگوشا سوتسياليستىك ساياسي پارتيا بولۋعا قۇلشىنۋىن ءۇمىت ەتەمىن. باسشىلىق القا قۇرىلىسىن بارىنشا كۇشەيتىپ، ىنتىماقتاسا سەلبەسۋدى جاقسى ىستەپ، باسشىلىق القانىڭ جالپى تۇلعالىق رولىن تولىق ساۋلەلەندىرىپ، ناقتى ىستەر ىستەپ، العا باساتىن، پاك، كىرشىكسىز بولاتىن تاماشا وبراز ورناتۋ كەرەك. بيىل − مەملەكەتتىك ساۋدا - ونەركاسىپشىلەر بىرلەستىگى قۇرىلعانىنىڭ 70 جىلدىعى، ساۋدا - ونەركاسىپشىلەر بىرلەستىگىنىڭ تاڭداۋلى داستۇرىنە مۇراگەرلىك ەتىپ جانە ونى ساۋلەلەندىرىپ، رەفورما جاساپ، جاڭالىق اشۋدا تاباندى بولىپ، ۋاكىل قايراتكەرلەردى تاربيەلەۋدى، جەتەكتەۋدى كۇشەيتىپ، كوپىرلىك، دانەكەرلىك جانە قولعاناتتىق رولدى اناعۇرلىم ويداعىداي ساۋلەلەندىرۋ كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ جانە ورتالىق كوميتەت ۇيىمداستىرۋ ءبولىمىنىڭ باستىعى چىن شي، دەموكراتيالىق پارتيا - توپتاردىڭ ورتالىق كوميتەتتەرىنىڭ، مەملەكەتتىك ساۋدا - ونەركاسىپشىلەر بىرلەستىگىنىڭ قاتىستى جاۋاپتىلارى، ورتالىقتىڭ قاتىستى تاراۋلارىنداعى جاۋاپتى جولداستار قيمىلعا قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
