كوكتەم مەرەكەسى مەزگىلىندەگى تاسىمال بارىسىندا قايتكەندە دەنساۋلىقتى ويداعىداي قورعاۋعا بولادى؟ — بەدەلدى مامانداردىڭ ىندەتتەن ساقتانۋعا قاتىستى قولامتالى ماسەلەلەر جونىندەگى تۇسىندىرمەسى
شينحۋا اگەنتتىگىنىڭ ءتىلشىسى
2023.01.16 16:06 كەلۋ قاينارى : حالىق تورابى
1 – ايدىڭ 8 – كۇنىنەن باستاپ، ەلىمىز جاڭا تيپتى ايدارشا ۆيرۋسپەن جۇعىمدالۋعا «B تۇردەگى اۋرۋلارعا B دارەجەدەگى ساقتانۋ شارالارىن اتقارۋدى» ورىستەتتى. قازىر كوكتەم مەرەكەسى مەزگىلىندەگى تاسىمال باستالىپ، ادامداردىڭ ءجۇرىس – تۇرىسى ارتتى، ساپارلاۋ بارىسىندا جەكەلەر دەنساۋلىقتى قايتكەندە ويداعىداي قورعاي الادى؟ كوكتەم مەرەكەسىنىڭ دەمالىسىنىڭ كەلۋىنە بايلانىستى باس قوسۋ قيمىلىن وتكىزگەندە نەلەرگە كوڭىل ءبولۋ كەرەك؟ جۇرتشىلىق كوڭىل ءبولىپ وتىرعان قولامتالى ماسەلەلەر جونىندە، مەملەكەتتىك اۋرۋدان ساقتانۋ – تىزگىندەۋ ورتالىعىنىڭ جۇقپالى اۋرۋلاردان ساقتانۋ – تىزگىندەۋ مەڭگەرمەسىنىڭ باستىعى لەي جىڭلۇڭ، جۇڭگو اۋرۋدان ساقتانۋ – تىزگىندەۋ ورتالىعى جۇقپالى اۋرۋلاردان ساقتانۋ باسقارماسىنىڭ زەرتتەرمەنى چاڭ جاۋرۇي جاۋاپ قايتاردى.
ءبىرىنشى سۇراۋ: كوكتەم مەرەكەسىنىڭ دەمالىسى تاياپ قالدى، باس قوسۋ وتكىزگەندە نەلەرگە كوڭىل ءبولۋ كەرەك؟
لەي جىڭلۇڭ: مامانداردىڭ زەرتتەپ تۇجىرىمداۋىنشا، ءىشىنارا جەرلەردە ىندەتتىڭ تارالۋىنىڭ ەڭ جوعارعى شەگى كوكتەم مەرەكەسى مەزگىلىندەگى تاسىمالمەن، كوكتەم مەرەكەسى مەزگىلىندەگى دەمالىسپەن تۇسپا – تۇس كەلەدى، ادامداردىڭ ءجۇرىس – تۇرىسى ارتىپ، باس قوسۋ كوبەيەدى، وتە – موتە، بولمە ىشىندەگى قيمىلدار ارتادى، بۇل ىندەتتىڭ تارالۋىنىڭ حاۋىپ – قاتەرىن اناعۇرلىم ارتتىرۋمەن بىرگە، ىندەتتەن ساقتانۋ – تىزگىندەۋدىڭ قيىندىق دارەجەسى مەن كۇردەلىلىك دارەجەسىن دە جوعارىلاتادى.
بارشا بۇقارانىڭ كوكتەم مەرەكەسىن سالاماتتى دا تىنىش وتكىزۋىنە كەپىلدىك ەتۋ ءۇشىن، بىرىنشىدەن، كوپشىلىكتىڭ ىندەت كوپ تارالعان جەرلەرگە تۋىسشىلاي، ساياحاتتاي بارماۋىن دارىپتەيمىز، ىندەت كوپ تارالعان وڭىرلەردەگى بۇقارانىڭ ءجۇرىس – تۇرىستى ازايتۋىن دارىپتەيمىز، قارتتار، سونداي – اق، نەگىزدىك اۋرۋى بار ناۋقاستار مۇمكىندىگىنشە ساپارعا شىقپاعانى ءجون.
ەكىنشىدەن، كولەمدى وتباسىلىق باس قوسۋدى مۇمكىندىگىنشە وتكىزبەگەن ءجون، تۋىس – تۋعان، دوس – جارانداردىڭ باس قوسۋىنىڭ كولەمىن، ادام سانىن بارىنشا ازايتىپ، باس قوسۋ ۋاقىتىن قىسقارتىپ، ءوز دەنساۋلىعىن قورعاۋدى كۇشەيتۋ كەرەك.
ۇشىنشىدەن، ىندەتتەن ساقتانۋ – تىزگىندەۋ جاعدايىنا نەگىزدەلە وتىرىپ، كولەمدى بولمە ىشىندەگى كوركەمونەر ويىن – ساۋىق قيمىلى، كولەمدى جارمەڭكە قاتارلىلاردى مۇمكىندىگىنشە ۇيىمداستىرماعان ابزال، اۋىل – قىستاقتاعى بازار قاتارلىلاردىڭ كولەمى مەن جيىلىگىن ازايتىپ، اۋا الماستىرۋ، ديزەنفەكسيالاۋ قاتارلى ساقتانۋ – تىزگىندەۋ شارالارىن تياناقتاندىرۋ كەرەك.
مۇنان سىرت، جەر – جەر جەرگىلىكتى ورىنداعى ىندەت جاعدايى مەن ءىس جۇزىندىك جاعدايعا قاراي وتىرىپ، ىندەتتەن ساقتانۋ جونىندەگى ينفورماتسيالار مەن ءجۇرىس – تۇرىس حاۋىپسىزدىگىنە ساياتىن ەسكەرتۋلەردى دەر كەزىندە جاريالاۋى، بۇقارانىڭ ءجۇرىس – تۇرىس جوسپارىن ۇيلەسىمدى ورنالاستىرۋىنا جەتەكشىلىك ەتۋى كەرەك. سونىمەن بىرگە، بارشا جۇرت جەرگىلىكتى ورىننىڭ كوكتەم مەرەكەسى مەزگىلىندەگى ىندەتتەن ساقتانۋ – تىزگىندەۋ تالابىنا نازار اۋدارۋى، ىندەتتەن ساقتانۋ – تىزگىندەۋ شارالارىن سانالىلىقپەن تياناقتاندىرۋى كەرەك.
ەكىنشى سۇراۋ: كوكتەم مەرەكەسى مەزگىلىندەگى ساپار بارىسىندا، ءوز دەنساۋلىعىمىزدى قورعاۋ ءۇشىن قانداي شارالاردى اتقارۋىمىزعا بولادى؟
چاڭ جاۋرۇي: ساپار بارىسىندا، ءوز دەنساۋلىعىمىزدى ويداعىداي قورعاۋىمىز قاجەت. بىرىنشىدەن، قورشاعان ورتاسى تۇيىق، ادام شوعىرلانعان الەۋمەتتىك ورىندارعا بارعاندا، ۇشاق، پويەز، مەترو قاتارلى الەۋمەتتىك قاتىناس قۇرالدارىنا وتىرعاندا، ليفتكە تۇسكەندە، باستان – اياق ماسكىنى دۇرىس تاعۋ قاجەت.
ەكىنشىدەن، الەۋمەتتىك ورىنداردا باسقالارمەن ۇيلەسىمدى ارالىق ساقتاپ، باسقالارمەن تىكەلەي جاناسۋدى ازايتقان ءجون.
ۇشىنشىدەن، جەكەلىك تازالىقتى ويداعىداي ىستەۋ، وتە – موتە، قولدىڭ تازالىعىنا قاشان دا ءمان بەرۋ كەرەك. جوتەلگەن نەمەسە تۇشكىرگەن كەزدە، قاعاز ورامال ارقىلى نەمەسە بىلەك ارقىلى اۋىزدى توسىپ، پايدالانعان قاعازدى دەر كەزىندە قوقسىق ساندىعىنا لاقتىرۋ قاجەت. ەگەر تىنىس جولىنان بولىنگەن زاتتار قولعا تيسە، دەر كەزىندە قولدى جۋۋ جانە ديزەنفەكسيالاۋ قاجەت. سىرتتا جۇرگەندە نەمەسە الەۋمەتتىك قاتىناس قۇرالدارىنا وتىرعاندا، تاماقتانۋدى مۇمكىندىگىنشە ازايتىپ، مۇمكىندىگىنشە ادام از كەزدە تاماقتانعان ءجون. ادام شوعىرلانعان جەرگە، اۋا الماسپايتىن ورىنعا مۇمكىندىگىنشە بارماعان ءجون. كورىنىس رايونى قاتارلى الەۋمەتتىك ورىندارعا بارعاندا، شەكتەۋلى مولشەردە الدىن الا بەرىلگەن تاپسىرىس بويىنشا ادام از كەزدە بارۋ سىندى تالاپقا بويسۇنعان ءجون.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
