مەملەكەتتىك 2023 – جىلعى اسكەر قابىلداۋ قىزمەتى جونىندەگى تەلەۆيزور – تەلەفون ءماجىلىسى بەيجيڭدە اشىلدى
2023.01.19 14:29 كەلۋ قاينارى : حالىق تورابى
شينحۋا اگەنتتىگىنىڭ ءتىلشىسى جيا چيلۇڭ 1 – ايدىڭ 18 – كۇنى بەيجيڭنەن حابارلايدى. مەملەكەتتىك 2023 – جىلعى اسكەر قابىلداۋ قىزمەتى جونىندەگى تەلەۆيزور – تەلەفون ءماجىلىسى 1 – ايدىڭ 18 – كۇنى بەيجيڭدە اشىلدى. ءماجىلىس بيىلعى ەكى رەتكى اسكەر قابىلداۋ قىزمەتى جونىندە ورنالاستىرۋ جاساپ، پارتيا 20 – قۇرىلتايىنىڭ رۋحىن جالپى بەتتىك دايەكتى تياناقتاندىرۋدى، دۇنيە ءجۇزى بويىنشا اعالاپ العا شىققان ارميا قۇرۋ ءۇشىن اناعۇرلىم كوپ ساپالى اسكەر قابىلداۋعا نازاردى شوعىرلاندىرۋدى باسا دارىپتەدى.
ۇعىسۋعا قاراعاندا، الدىڭعى جارىم جىلداعى اسكەر قابىلداۋ قىزمەتى 2 – ايدىڭ 15 – كۇنىنەن باستالىپ، 3 – ايدىڭ 31 – كۇنى اياقتالادى؛ سوڭعى جارىم جىلداعى اسكەر قابىلداۋ قىزمەتى 8 – ايدىڭ 15 – كۇنىنەن باستالىپ، 9 – ايدىڭ 30 – كۇنى اياقتايدى. اسكەرگە قابىلداۋ وبيەكتىلەرى ستۋدەنتتەردى نەگىز ەتىپ، ءار دارەجەلى، ءار تۇردەگى مەكتەپتەردەن وقۋ تاۋىسقان ستۋدەنتتەردى اسكەرگە قابىلداۋدى كورنەكتىلەندىرىپ، تەحنيكالىق كاسىپتەردى وقيتىن ستۋدەنتتەر مەن شايقاسقا دايىندالۋعا، شايقاس جۇرگىزۋگە قاجەتتى ونەرلى دارىندىلاردى قوسىنعا قابىلداۋدى الدىمەن بەكىتەدى. اسكەرگە قابىلدايتىن ايەل جاستار — جاي ورتا مەكتەپتەردەن وقۋ تاۋىساتىن جىلدىقتاعى وقۋشىلار، جاي جوعارى مەكتەپتەر مەن عىلىمي زەرتتەۋ قۇرىلىمدارىنداعى تولىق كۇندىك كاسىپتەردەن وقۋ تاۋىساتىن جىلدىقتاعى ستۋدەنتتەر جانە مەكتەپتەگى ستۋدەنتتەر، 2022 – جىلى جاي جوعارى مەكتەپتەردەن تولىق كۇندىك تولىق كۋرس بويىنشا وقۋ تاۋىسقان ستۋدەنتتەردىڭ، ارناۋلى كۋرس بويىنشا وقۋ تاۋىسقان وقۋشىلاردىڭ 2023 – جىلعى الدىڭعى جارىم جىلداعى ايەل اسكەر قابىلداۋعا قاتىناسۋىنا بولادى.
اسكەرگە قابىلداۋ جاس شاماسى بويىنشا، ەر جاستارعا قويىلاتىن تالاپ: 2023 – جىلى 18 جاسقا تولاتىن، 22 جاستان اسپاعان بولۋى كەرەك، جاي جوعارى مەكتەپتەردەن تولىق كۋرس بويىنشا وقۋ تاۋىسقان ستۋدەنتتەرگە، ارناۋلى كۋرستەن وقۋ تاۋىسقان وقۋشىلارعا، وقۋ تاۋىسۋ شارتىنا تولاتىن وقۋ تاۋىساتىن جىلدىقتاعى ستۋدەنتتەرگە قويىلاتىن تالاپتى 24 جاسقا دەيىن كەڭەيتۋگە بولادى، اسپيرانتۋرانى تاۋىسقاندار مەن مەكتەپتەگى اسپيرانتتاردىڭ جاسىنا قويىلاتىن تالاپتى 26 جاسقا دەيىن كەڭەيتۋگە بولادى، ورتالاۋ مەكتەپ ماعلۇماتىنا يە جاستاردىڭ جاسى 20 دان اسپاۋى كەرەك؛ ايەل جاستارعا قويىلاتىن تالاپ: 2023 – جىلى 18 جاسقا تولاتىن، 22 جاستان اسپاعان بولۋى كەرەك، تولىق كۇندىك اسپيرانتۋرانى تاۋىساتىن جىلدىقتاعى اسپيرانتتار مەن مەكتەپتەگى اسپيرانتتارعا قويىلاتىن تالاپتى 26 جاسقا دەيىن شەگەرۋگە بولادى، الدىڭعى جارىم جىلداعى اسكەر قابىلداۋ قىزمەتىندە 2022 – جىلى جاي جوعارى مەكتەپتەن تولىق كۇندىك تولىق كۋرس بويىنشا وقۋ تاۋىسقان ستۋدەنتتەرگە، ارناۋلى كۋرستەن وقۋ تاۋىسقان وقۋشىلارعا قويىلاتىن تالاپتى 23 جاسقا دەيىن كەڭەيتۋگە بولادى.
ماجىلىستە مىنالار اتاپ كورسەتىلدى: حاۋىپتەن اراشالاپ، اپاتتان قۇتقارۋ جانە اپات تۋىلعان رايوندى قايتادان كوركەيتۋ بارىسىندا كورنەكتى ەڭبەك كورسەتكەن تاڭداۋلى جاستاردى، قاھارمانداردىڭ، ۇكىمەت قىزمەتى بارىسىندا قۇربان بولعان اسكەريلەردىڭ، اۋرۋ سەبەبىنەن قايتىس بولعان اسكەريلەردىڭ پەرزەنتتەرىن، اعا – ىنىلەرىن، اپەكە – قارىنداستارىن جانە قازىر اسكەري مىندەت وتەپ جاتقان اسكەريلەردىڭ پەرزەنتتەرىن شارتقا ۇيلەسەتىن بولسا اسكەرگە قابىلداۋدى الدىمەن بەكىتۋگە بولادى. از ۇلتتار شوعىرلى قونىستانعان وڭىرلەردە قوس ءتىلدى بىلەتىن، ماعلۇماتى ءبىرشاما جوعارى، جان – جاقتى ساپالىق دەڭگەيى جوعارى از ۇلت جاستارىن قوسىنعا كوبىرەك قابىلداۋ كەرەك. توڭكەرىستىك بايىرعى وڭىرلەردە ساقا قىزىل اسكەريلەردىڭ، ارميا قاتارىنان بوساعان ساقا اسكەريلەردىڭ ۇرپاقتارىن قوسىنعا كوبىرەك قابىلداۋ كەرەك.
ماجىلىستە مىنالار ايقىندالعان: لايىقتى جاستاعى جاستار نوپوستارى تۇرعان جەردە اسكەر قاتارىنا وتۋگە ءوتىنىش بەرۋى كەرەك، تۇراقتى قونىستانعان جەر مەن نوپوسى تۇرعان جەر ءبىر ولكەدە (اۆتونوميالى رايون، توتە قاراستى قالا) بولماسا، ونىڭ ۇستىنە، تۇرعان جەرىندە قونىستانۋ كۋالىگىن العانىنا 3 جىلدان اسسا، تۇراقتى قونىستانعان جەردە اسكەر قاتارىنا وتۋگە ءوتىنىش بەرۋىنە بولادى. جاي جوعارى مەكتەپتەردەن وقۋ تاۋىساتىن جىلداعى ستۋدەنتتەر مەن مەكتەپتەگى ستۋدەنتتەردىڭ مەكتەپ تۇرعان جەردە اسكەر قاتارىنا وتۋگە ءوتىنىش بەرۋىنە بولادى، مەكتەپكە كىرۋ الدىنداعى نوپوسى تۇرعان جەردە اسكەر قاتارىنا وتۋگە ءوتىنىش بەرۋىنە دە بولادى، داشۋەگە جاڭا كەلگەن ستۋدەنتتەر مەكتەپكە قابىلدانۋدان بۇرىن نوپوسى تۇرعان جەردە اسكەر قاتارىنا وتۋگە ءوتىنىش بەرۋىنە بولادى. لايىقتى جاستاعى جاستار «مەملەكەتتىك اسكەر قابىلداۋ تورابىنا» (http://www.gfbzb.gov.cn) تىركەلىپ، قاتىستى ينفورماتسيالاردى شىنايى تولتىرۋ ارقىلى اسكەر قاتارىنا وتۋگە تىزىمدەلۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
