ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 25 - ءماجىلىسى جابىلدى
ۋاڭ ياڭ ءماجىلىستى باسقاردى ءارى ءسوز سويلەدى
2023.01.18 16:16 كەلۋ قاينارى : حالىق تورابى
«حالىق گازەتى»، 1 - ايدىڭ 17 - كۇنى، بەيجيڭ. ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 25 - ءماجىلىسى 1 - ايدىڭ 17 - كۇنى تۇستەن بۇرىن بەيجيڭدە جابىلدى. مەملەكەتتىك ساياسي كەڭەستىڭ ءتوراعاسى ۋاڭ ياڭ ءماجىلىستى باسقاردى ءارى ءسوز سويلەدى.
ءماجىلىس كەزىندە تۇراقتى كوميتەت قۇرامىنداعىلار ءماجىلىس قۇجاتتارىن مۇقيات قاراپ، ىشكەرىلەي كەڭەسىپ، تالقىلادى. كوپشىلىك تۇراقتى كوميتەتتىڭ قىزمەت بايانداماسىنىڭ العاشقى نۇسقاسىن، ۇسىنىس جوبا قىزمەتىنىڭ جاعدايى جونىندەگى باياندامانىڭ العاشقى نۇسقاسىن جانە ساياسي كەڭەس ۋستاۆىنىڭ وزگەرىس ەنگىزىلگەن جوباسىن (العاشقى نۇسقا) قۇپتايتىندارىن ءبىلدىردى، ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ قىزمەتىنە جوعارى باعا بەردى. كوپشىلىك ءبىر اۋىزدان بىلاي دەپ قارادى: 5 جىلدان بەرى ساياسي كەڭەس مەملەكەتتىك 13 - كەزەكتى كوميتەتى جانە ونىڭ تۇراقتى كوميتەتى شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋدە تاباندى بولىپ، ورتالىقتىڭ ساياسي كەڭەس قىزمەتى ءماجىلىسىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، پارتيا مەن مەملەكەتتىڭ وزەكتى مىندەتىن ارقاۋ ەتىپ، ارناۋلى كەڭەس قۇرىلىمىندىق رولىن ساۋلەلەندىرىپ، ج ك پ ورتالىق كوميتەتىنىڭ شەشىمدەرى مەن ورنالاستىرۋلارىنىڭ ناقتى تياناقتانۋىن ىلگەرىلەتىپ، حالىق ساياسي كەڭەسىنىڭ مەملەكەتتى باسقارۋ جۇيەسىندەگى ابزالدىعى مەن رولىن ءونىمدى ساۋلەلەندىردى.
ۋاڭ ياڭ سوزىندە مەملەكەتتىك ساياسي كەڭەستىڭ تۇراقتى مۇشەلەرى مەن قالىڭ ساياسي كەڭەس مۇشەلەرىنە قۇرمەت ءبىلدىردى جانە العىس ايتتى. ول بىلاي دەپ اتاپ كورسەتتى: وتكەن 5 جىلداعى ناتيجەلەر وڭاي - وسپاق قولعا كەلمەدى، تاجىريبەلەر اسا باعالى، بۇل − شي جينپيڭ جولداستى ۇيىتقى ەتكەن ج ك پ ورتالىق كوميتەتىنىڭ پارمەندى باسشىلىعىنىڭ ناتيجەسى، ءار دارەجەلى پارتكومدار مەن ۇكىمەتتەردىڭ جانە قوعامداعى ءار جاقتىڭ زور كۇشپەن قولداۋىنىڭ ناتيجەسى، حالىق ساياسي كەڭەسىنە قاتىناسقان ورىنداردىڭ، ءار دارەجەلى ۇيىمداردىڭ جانە قالىڭ ساياسي كەڭەس مۇشەلەرىنىڭ ىنتىماقتاسا كۇرەس جۇرگىزۋىنىڭ ناتيجەسى. تۇراقتى مۇشەلەر ۇلگىلىك، باستاماشىلدىق رولىن ساۋلەلەندىرىپ، مەملەكەت ءۇشىن مىندەت اتقارۋ، حالىق ءۇشىن جاۋاپكەرلىگىن ادا ەتۋ سىندى بورىش نيەتىن جانە جاۋاپكەرلىك ارقالاۋىن تولىق ايگىلەدى.
ۋاڭ ياڭ مىنانى ءبىلدىردى: حالىق ساياسي كەڭەسى ىستەرى بارىس بويىنشا ۇزدىكسىز ىلگەرىلەيدى، ءار كەزەكتى ساياسي كەڭەس مۇشەلەرىنىڭ كۇش جالعاپ كۇرەس جۇرگىزۋىن قاجەت ەتەدى. ساياسي كەڭەس مۇشەسى بولۋ − داڭق، ونان دا ماڭىزدىسى، جاۋاپكەرلىك. ج ك پ 20 - قۇرىلتايىنىڭ رۋحىن ىشكەرىلەي ۇيرەنىپ، دايەكتىلەندىرىپ، حالىق ساياسي كەڭەسىنىڭ تاڭداۋلى ءداستۇرىن ساۋلەلەندىرىپ، ساياسي كەڭەس قىزمەتىنىڭ زاڭدىلىعى جونىندەگى تانىمدى تەرەڭدەتىپ، جاڭا داۋىردەگى حالىق ساياسي كەڭەس ىستەرىنىڭ ۇزدىكسىز العا دامۋىن ىلگەرىلەتۋ كەرەك. الدا اشىلاتىن ساياسي كەڭەس مەملەكەتتىك 14 - كەزەكتى كوميتەتىنىڭ 1 - ءماجىلىسى − ەلىمىزدىڭ ساياسي ومىرىندەگى ءىرى ءىس، ءتۇرلى دايىندىق قىزمەتىن دەن قويا جاقسى ىستەپ، ءماجىلىستىڭ تولىق تابىستى بولۋىنا كەپىلدىك ەتۋ كەرەك.
جابىلۋ جيىنى ساياسي كەڭەس مەملەكەتتىك 14 - كەزەكتى كوميتەتىنىڭ 1 - ءماجىلىسىن اشۋ جونىندەگى قاراردى جانە ءماجىلىستىڭ كەڭەستىك ءتارتىبىن (جوبا)، كۇن ءتارتىبىن (جوبا) ماقۇلداپ، جوبانى ساياسي كەڭەس مەملەكەتتىك 14 - كەزەكتى كوميتەتى 1 - ءماجىلىسىنىڭ دايىندىق جيىنىنىڭ قاراۋىنا ۇسىنۋدى ۇيعاردى.
جيىن داۋىسقا سالۋ ارقىلى ساياسي كەڭەس مەملەكەتتىك 14 - كەزەكتى كوميتەتىنە قاتىناساتىن ورىنداردىڭ، مۇشەلەردىڭ سانى مەن مۇشە كانديداتتاردىڭ ەسىمدىگىن ماقۇلدادى (مۇنى «حالىق گازەتىنىڭ» 6 -، 7 - بەتتەرىنەن وقي الاسىزدار)؛ ساياسي كەڭەس مەملەكەتتىك كوميتەتى تۇراقتى كوميتەتىنىڭ قىزمەت بايانداماسىن، ۇسىنىس جوبا قىزمەتىنىڭ جاعدايى جونىندەگى باياندامانى جانە جۇڭگو حالىق ساياسي كەڭەس ۋستاۆىنىڭ وزگەرىس ەنگىزىلگەن جوباسىن (جوبا) ماقۇلداپ، جوبانى ساياسي كەڭەس مەملەكەتتىك 14 - كەزەكتى كوميتەتى 1 - ءماجىلىسىنىڭ قاراۋىنا ۇسىنۋدى ۇيعاردى؛ ءتوراعالار ماجىلىسىنە ساياسي كەڭەس مەملەكەتتىك 13 - كەزەكتى كوميتەتى تۇراقتى كوميتەتىنىڭ 25 - ماجىلىسىندە ىستەلمەگەن ىستەردى قاراۋعا ۇقىق بەرۋ جونىندەگى قاراردى ماقۇلدادى؛ ليۋ جيە – ي - دى مەملەكەتتىك 13 - كەزەكتى ساياسي كەڭەستىڭ مۇشەلىگىنە، سىرتقى ىستەر كوميتەتى مەڭگەرۋشىسىنىڭ ورىنباسارلىعىنا تولىقتادى، جاڭ جيڭ - ان ۇسىنىس جوبا كوميتەتى مەڭگەرۋشىسىنىڭ ورىنباسارلىعى مىندەتىن وتەمەيتىن بولدى، جاڭ شياۋليان ەكونوميكا كوميتەتى مەڭگەرۋشىسىنىڭ كوميتەتتە تۇراتىن ورىنباسارى مىندەتىن وتەمەيتىن بولدى، ليۋ حۇي وقۋ - اعارتۋ، عىلىم - تەحنيكا، دەنساۋلىق ساقتاۋ، دەنەتاربيە كوميتەتى مەڭگەرۋشىسىنىڭ كوميتەتتە تۇراتىن ورىنباسارى مىندەتىن وتەمەيتىن بولدى؛ جۋ جيماننىڭ ساياسي كەڭەس مەملەكەتتىك 13 - كەزەكتى كوميتەتىنىڭ مۇشەلىگىنەن باس تارتۋىن قابىلدادى.
مەملەكەتتىك ساياسي كەڭەس ءتوراعاسىنىڭ ورىنباسارلارى جاڭ چيڭلي، ليۋ چيباۋ، ۋان گاڭ، حى حوۋحۋا، لۋ جانگۇڭ، ما بياۋ، لياڭ جىنيىڭ، شيا باۋلۇڭ، ياڭ چۋانتاڭ، لي بين، باتىر، ۋاڭ يۇڭچيڭ، سۋ حۇي، جىڭ جيانباڭ، گۋ شىڭزۋ، ليۋ شينچىڭ، حى ۋەي، شاۋ حۇڭ، گاۋ يۇنلۇڭ ماجىلىسكە قاتىناستى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
