«باياۋ پويەز» جول بويى كوكتەم مەرەكەسىنىڭ مەرەكەلىك زاتتارىن ساتتى (كوكتەم مەرەكەسىندە نەگىزگى ساتىنى ارالاۋ)
«حالىق گازەتىنىڭ» تىلشىلەرى سۇي جيا، جاڭ ي – كاي
2023.01.17 18:31 كەلۋ قاينارى : حالىق تورابى
ورمان القابى، قارلى القاپ ۇشى - قيىرسىز سوزىلىپ جاتىر. پويەز ۆاگوندارىندا ادامدار قايشالىسىپ، كوكتەم شۋاعى ەسەدى، باياۋ تەڭسەلگەن قىزىل تۇمشالامالى شام، جۇڭگو تۇيىنشەگى «جاڭا جىل» لەبىن اڭعارتادى.
«مەرەكەلىك بۇيىمدار 3 – ۆاگونعا سالىندى، زاتتار ادەمى، ارزان، ءتۇرى كوپ!» 4045 - كەزەكتى پويەزدىڭ «مەرەكەلىك بۇيىمدار» ۆاگونى دۋماندى بەينەگەن ەنگەن، ساتۋشىلاردىڭ ءۇنى، باعانى سۇراستىرعانداردىڭ داۋىستارى تولاستامادى. جۇمىرتقانى قوراپتاپ، چيەزىنى ولشەپ، يوۋزى تۇرلەرىن تانىستىرىپ جاتىر. پويەز باستىعىنىڭ ورىنباسارى جاۋ جيايە قاربالاستىققا تۇسكەن.
بۇل حيلۇڭجياڭ ولكەسىنىڭ چيچيحار قالاسىنان ۇلكەن ھىنگان ايماعىنداعى گاگداچي رايونىنا باراتىن «باياۋ پويەز» ەدى. كوكتەم مەرەكەسى كەزىندە جول بويىنداعى بۇقارانىڭ ساتىپ الۋىنا قولايلى بولۋ ءۇشىن، جۇڭگو تەمىر جولى حاربين مەكەمەسى توبى شەكتى سەرىكتەستىگىنىڭ چيچيحار جولاۋشى تاسىمال بولىگى 4045 - كەزەكتى پويەزدە «مەرەكەلىك بۇيىمدار ۆاگونىن» اشتى، وندا كوكونىس رايونى، جەرگىلىكتى ەرەكشە ونىمدەر رايونى، ۇساق - تۇيەك ازىق - تۇلىك رايونى، حالىقتىق سالت - سانا رايونى سياقتى بولەكتەر ورنالاستىرىلدى، ونشالقتى ۇلكەن ەمەس ۆاگونداردىڭ ىشىندە 100 دەن استام مەرەكەلىك تاۋار كوزدىڭ جاۋىن الادى، «بازار اشىلىسىمەن» ساتىلىم كۇسەت بولدى.
«پويەزدە زات ءتۇرى كوپ ەكەن، كوكونىس، جەمىس - جيدەك ساتىپ الۋعا ۇلگىرمەگەن ەدىم، ءساتى ءتۇسىپ، مەرەكەلىك زاتتار پويەزبەن ساتىلى جاتىر ەكەن!» ۋاڭ حايياڭ مەن ايەلى جىل بويى حاڭجوۋدا قىزمەت ىستەيدى، بۇل جولى چيچيحاردان كولىك الماستىرىپ نىنجياڭعا قايتىپ كوكتەم مەرەكەسىن وتكىزبەك بولعان. جول الىس، ۋاقىت جەتكىلىكتى سەزىلگەن سوڭ ولار جولعا شىعاردان بۇرىن الىپ جۇرۋگە قولايلى قوسىمشا دامدەندىرگىش سياقتىلاردى عانا الىپ جۇرگەن. كەيىن بۇلاي ىستەگەندەرىنە قاپ دەپ قالعان.
«پويەزدە كوكونىس ساتىپ الۋعا بولادى، ۇيگە بارعان سوڭ اكە - شەشەمە ءوز ونەرىمدى كورسەتەمىن». قىزمەت وتەۋشىلەر جىبەرگەن ۇگىت قاعازى ولاردى باۋراپ، ەرلى - زايىپتى ەكەۋى پويەزگە كەلىپ، 2 دوربا كوكونىس، جەمىس - جيدەك ساتىپ الدى.
«مەرەكەلىك بۇيىمدار جارمەنكەسى» سىندى جاڭا ءتاسىل «پويەز قىزمەتكەرلەرى وكىلەتتى ساتىپ الۋ» سىندى كونە داستۇردەن كەلگەن.
4045 - كەزەكتى پويەز لەنياسىندا 14 ايالداما بار، ءار كۇنى وسى پويەز عانا وتەدى، كوپتەگەن قىستاقتا قاتىناس قولايسىز، ادام از بولادى، قالىڭ قار جاۋسا، تاۋدى قىمتاپ قالادى، پويەز جول بويىنداعى بۇقارانىڭ بىردەن - ءبىر ءجۇرىس - تۇرىس ءتاسىلى سانالادى. «بۇرىن تۇرعىندار ەگەر ارناۋلى سىرتقا شىعىپ بازارعا بارماق بولسا، قايتار جولدا قاتىناس كولىگىنە ۇلگىرە الماۋى مۇمكىن، سوندىقتان سىرتتا تۇنەۋگە تۋرا كەلەدى، وزىندىك قۇنى جوعارى، حاۋىپسىزدىك ماسەلەسى تاعى بار» دەدى 4045 – كەزەكتى پويەزدىڭ باستىعى حى بين.
«قاتىناعانىمىزعا ونداعان جىل بولدى، جولاۋشىلارمەن تانىس بولىپ قالدىق، قول تەلەفون ءنومىرىن قالدىرىپ، ۋيچات توبىنا كىرەتىندەر دە بار. ءدارى - دارمەك، كوكونىس، جەمىس - جيدەك، استىق، ماي قاجەت ەتۋشىلەر بولسا، ۋاكىلاتىن ساتىپ الىپ جەتكىزىپ بەرەتىنبىز». حى بين بىلاي دەپ تانىستىردى: كوكتەم مەرەكەسىنىڭ الدىندا قىستاقتىڭ ساتىپ الۋ سۇرانىسى وتە زور بولادى، اۋىلعا قايتۋدىڭ قىزۋ ورلەۋى دە كوتەرىلەدى، كوپشىلىك ۋيچات توبىندا مەرەكەلىك بۇيىمدار قاجەتىن ايتىپ وتىرادى، وسىلايا تۇراقتى اۋماقتا ساپالى دا ارزان «پويەز جارمەڭكەسىن» ىسكە قوستىق.
«ءبىز جاڭا، ساپالى بولۋعا كۇش سالا كەپىلدىك ەتىپ، تۇراقتى باعامەن حالىقتىڭ ىقىلاسىنا بولەندىك». چيچيحار جولاۋشى تاسىمال ۋچاستيكاسى پارتكومى شۋجيىنىڭ ورىنباسارى جىڭ تيەحۇڭ بىلاي دەدى: مەرەكەلىك زاتتاردى جولاۋشى تاسىمال ۋچاستيكاسى تيجارات ءبولىمىنىڭ قىزمەتكەرلەرى ساپاسىن، باعاسىن سالىستىرعاننان كەيىن ءبىر تۇتاس ساتىپ الىپ، پويەز ءجۇرۋدىڭ تيەپ دايىنداپ قويادى.
«حالىقپەن ەتەنە بولۋ» جولاۋشىلاردىڭ 4045 - كەزەكتى پويەزگە بەرگەن جاقسى باعاسى. ارالىقتاعى ەڭ تومەنگى بەلەت باعاسى 6 يۋان عانا، ورماندى وڭىردەگى بۇقارا ونى «تەمىر جول الەۋمەتتىك قاتىناسى» دەپ اتايدى. «قارتتار اۋرۋ كورسەتۋدە، وقۋشىلار مەكتەپكە بارۋدا، قىستاق تۇرعىندارى جۇمىس ىستەپ اۋىلىنا قايتۋدا تۇگەلدەي پويەزگە سۇيەنەدى» دەدى حى بين.
جۇڭگو تەمىر جولى حاربين مەكەمەسى توبى شەكتى سەرىكتەستىگىندە مۇنداي الەۋمەتتىك يگىلىك «باياۋ پويەزى» 9 جۇپ بولدى.
بۇرىنعى كەدەي قىستاق - فۋيۇي اۋدانىنىڭ جۇڭحوۋ قىستاعى تەمىر جولدىڭ بويىندا. قىستاق پارتيا ياچەيكاسىنىڭ شۋجيى جياڭ گوفىڭ پويەزگە شىعىپ سەلبەستىك جايىندا ءسوز قوزعادى، «قاز، جەرگىلىكتى تاۋىق... بالكىم، كەلەر جىلى كەيبىر ساپالى اۋىل شارۋاشىلىق قوسىمشا ونىمدەرى وسى <جىلجىمالى بازار> ارقىلى سىرتقا شىعارىلىپ، قىستاق تۇرعىندارىنىڭ ىرگەدە زات ساتىپ كىرىستەرىن ارتتىرىپ، اۋقاتتانۋىنا، سونداي - اق جولاۋشىلاردىڭ جەرگىلىكتى ەرەكشە ونىمدەردى ساتىپ الۋىنا ءتىپتى دە قولايلى بولۋى مۇمكىن» دەدى ول.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
