ۋاڭ حۋنيڭ مەملەكەتتىك ءدىني ۇيىمدار جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناستى
2023.01.18 16:17 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 17 - كۇنى، بەيجيڭ. ج ك پ ورتالىق كوميتەتى ساياسي بيۋروسىنىڭ تۇراقتى مۇشەسى ۋاڭ حۋنيڭ 1 - ايدىڭ 17 - كۇنى مەملەكەتتىك ءدىني ۇيىمداردىڭ جاۋاپتىلارىنىڭ كوكتەم مەرەكەسىن قارسى الۋ اڭگىمە ماجىلىسىنە قاتىناسىپ، ءدىن سالاسىنداعى قايراتكەرلەرمەن بىرگە كوكتەم مەرەكەسىن قۇتتىقتادى ءارى ج ك پ ورتالىق كوميتەتى مەن باس شۋجي شي جينپيڭنىڭ اتىنان بۇكىل ەلدەگى ءدىن سالاسىنداعى قايراتكەرلەرگە جانە قالىڭ دىنگە سەنەتىن بۇقاراعا كوكتەم مەرەكەسى بايلانىسىمەن قۇتتى بولسىن ايتتى.
ۋاڭ حۋنيڭ ءدىني ۇيىمداردىڭ 2022 - جىلعى قىزمەتىن تولىق تۇراقتاندىرىپ، 2023 - جىلعى قىزمەتىنە شىنايى ءۇمىت ارتتى. ول مىنانى ءبىلدىردى: مەملەكەتتىك سيپات العان ءدىني ۇيىمدار پارتيا 20 - قۇرىلتايىنىڭ رۋحىن مۇقيات دايەكتى تياناقتاندىرىپ، يدەيا مەن ارەكەتتى پارتيا 20 - قۇرىلتايىنىڭ رۋحىمەن، پارتيا ورتالىق كوميتەتىنىڭ ءدىن قىزمەتى جونىندەگى شەشىمدەرىمەن، ورنالاستىرۋلارىمەن بىرلىككە كەلتىرۋى كەرەك. ءدىن سالاسىنىڭ نەگىزگى تۇلعالىق رولىن تولىق ساۋلەلەندىرىپ، ەلىمىزدە ءدىندى جۇڭگوشالاندىرۋدى ىلگەرىلەتۋدى ىشكەرىلەي، ەگجەي - تەگجەيلى، ناقتى ىستەۋ كەرەك. ءدىن سالاسىنداعى حاۋىپ - قاتەردىڭ كومەسكى كىناراتتارىنان ساقتانىپ جانە ونى جويىپ، دەربەس بولۋ، ءوزىن - ءوزى باسقارۋ، ءوز ءىسىن ءوزى ىستەۋ پرينسيبىنەن اۋىتقىماۋدا تاباندى بولىپ، ءدىن سالاسىنىڭ قالىپتى ءتارتىبى مەن قوعامنىڭ جاراسىمدىلىعىن، ورنىقتىلىعىن قورعاۋ كەرەك. ءدىندى جاپپاي قاتاڭ جونگە سالۋدا تاباندى بولىپ، ءدىني ۇيىمداردىڭ ىشكى ەرەجە - تۇزىمدەرىن كەمەلدەندىرىپ، ءدىني ۇيىمداردىڭ ءتۇزىلىسى مەن باسقارۋ ۇلگىسىن جاقسارتىپ، ۇنەمشىلدىكتى، ىسىراپشىلدىقتى تيۋ تاربيەسى قيمىلىن ۇزدىكسىز ورىستەتۋ كەرەك.
ۋاڭ حۋنيڭ مىنانى ءبىلدىردى: ءدىني ۇيىمدار − پارتيا مەن ۇكىمەتتىڭ ءدىن سالاسىنداعى قايراتكەرلەرمەن جانە دىنگە سەنەتىن بۇقارامەن ىنتىماقتاسۋىنداعى كوپىر، دانەكەر، پارتيا مەن ۇكىمەت ءدىن سالاسىنداعى قايراتكەرلەرمەن ىنتىماقتاسۋعا، سەلبەسۋگە باستان - اياق ايرىقشا ءمان بەرىپ كەلەدى، وڭىرلەر، قاتىستى تاراۋلار ءدىني ۇيىمداردىڭ قىزمەتىن بۇرىنعىداي قولداپ، ءىس جۇزىندىك قيىنشىلىقتارىن شەشۋگە كومەكتەسۋى كەرەك.
ج ك پ ورتالىق كوميتەتى ساياسي بيۋروسىنىڭ مۇشەسى، ورتالىق كوميتەت بىرلىكساپ ءبولىمىنىڭ باستىعى شى تايفىڭ اڭگىمە ماجىلىسىنە قاتىناستى. جۇڭگو بۇددا ءدىنى قوعامىنىڭ، جۇڭگو داۋجياۋ ءدىنى قوعامىنىڭ، جۇڭگو ءىسلام ءدىنى قوعامىنىڭ، جۇڭگو كاتوليك ءدىنى وتانشىلدىق قوعامىنىڭ، جۇڭگو حريستيان ءدىنىنىڭ «ءۇش وزىندىك» وتانشىلدىق قوزعالىسى كوميتەتىنىڭ نەگىزگى جاۋاپتىلارى ماجىلىستە ءسوز سويلەدى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
