ارال قالاسى
بۇلدىرگەن جىلىجايىندا شاتتانا بۇلدىرگەن تەرۋ
□ انار بۇلت \ شينجياڭ گازەتىنىڭ ءتىلشىسى ميھىرگۇل عوپۇر
2023.01.28 17:03 كەلۋ قاينارى : شينجياڭ گازەتى
1 - ايدىڭ 25 - كۇنى ياعني كوكتەم مەرەكەسىنىڭ 4 - كۇنى، دالادا ۇسكىرىك جەل بەت قاراتپايدى، الايدا، ارال قالاسى جينحى جەمىس - جيدەك، كوكونىس شارۋالار كاسىپتىك ەگىمشىلىك سەلبەستىك كووپەراتيۆىنىڭ بۇلدىرگەن جىلىجايىنىڭ ءىشى جىپ - جىلى، جايقالا وسكەن جاسىل جاپىراقتاردىڭ اراسىندا بۇلدىرگەندەر قىپ - قىزىل بولىپ سامسىپ تۇر، تاقتا اراسىندا ساياحاتشىلار قۋانا بۇلدىرگەن تەرىپ، اۋىل شاتتىعىنان ءلاززات الۋدا.
كوكتەم مەرەكەسى كەزىندە كوپتەگەن ادام جاپ - جاسىل بۇلدىرگەن جىلىجايىنا بارىپ، تۋىس - تۋعان، دوس - جاراندارىمەن بىرگە بۇلدىرگەن تەرىپ، كوكتەم مەرەكەسىن وزگەشە ءبىر بەينەدە وتكىزدى. ”بۇگىن وتباسىمىزداعى 3 جان بىرگە كەلىپ بۇلدىرگەن تەرىپ، كوڭىلىمىز شالقىدى، بۇلدىرگەن ۇلكەن، قىپ - قىزىل، ءتاتتى ەكەن، بۇل تۇرمىسىمىزدىڭ دا شات - شادىمان، ءتاپ - ءتاتتى ەكەندىگىن اڭعارتادى“، - دەدى ارال قالاسىنىڭ تۇرعىنى رۋان رۇڭساي.
ساياحاتشىلاردىڭ ەمىن - ەركىن بۇلدىرگەن تەرىپ جۇرگەنىن كورگەن سەلبەستىك كووپەراتيۆىنىڭ جاۋاپتىسى جوۋ شياۋليڭ دە جايراڭ قاقتى. ”كوكتەم مەرەكەسىنىڭ الدى - ارتىندا بۇلدىرگەننىڭ ساتىلىمى ەرەكشە جاقسى بولدى، كوكتەم مەرەكەسىن جاقسى باستامامەن باستاۋعا ءبىز تولىق دايىندالدىق“. جوۋ شياۋليڭ: بۇلدىرگەننىڭ ءدامدى بولۋىنا كەپىلدىك ەتۋ ءۇشىن، ەگىمشىلىك جالپى بارىسىن زالالسىز ءوندىرىس ولشەمى بويىنشا باسقارىپ، بال اراسىمەن توزاڭداندىرۋ ارقىلى بۇلدىرگەننىڭ ءونىم مولشەرىن ارتتىردىق، - دەدى.
جەمىستى ساپالى ەگۋ توتەنشە ماڭىزدى، كوپ نەگىزدى ساتۋ ۇلگىسى دە توتەنشە ماڭىزدى. جوۋ شياۋليڭ سەلبەستىك كووپەراتيۆىن دامىتقان العاشقى كەزدە ينتەرنەت جەلىسىندە، ينتەرنەت جەلىسىنەن تىسقارى سىندى 2 ءتۇرلى ساتۋ ۇلگىسىنەن پايدالانۋمەن بىرگە، سەرۋەن اۋىل شارۋاشىلىعىن دامىتۋ ارقىلى كوپ نەگىزدى كىرىستى ارتتىرۋدى جۇزەگە اسىرعان بولاتىن. جوۋ شياۋليڭ تاعى ۋيشين، دوۋيىن سياقتى تۇعىرلاردان پايدالانىپ ونىمدەرىن ۇگىتتەپ، بيڭتۋان 1 - شى ارال قالاسىنىڭ ءتۇرلى اۋىل شارۋاشىلىق قوسىمشا ونىمدەرىن ساتۋدى بەلسەنە جەبەدى.
”مەنىڭ ۋيشين، دوۋيىن جان كۇيەرلەرىم 30 مىڭنان اسادى“. جوۋ شياۋليڭ بىلاي دەدى: قازىر جينحى جەمىس - جيدەك، كوكونىس شارۋالار كاسىپتىك ەگىمشىلىگى سەلبەستىك كووپەراتيۆىنىڭ 35 جىلىجاي بار، ەگىلگەن جەر اۋدانى 120 مۋ. بۇلدىرگەن ەگۋدەن سىرت، قوي قارىن ساڭىراۋقۇلاعى، توراڭعى ساڭىراۋقۇلاعى، ماروجني شومىر سياقتىلاردى ەگىپ، ماڭايداعى 20 نەشە شارۋا وتباسىنىڭ كىرىستەرىن ارتتىرۋىنا جەتەكشىلىك ەتەدى.
”جاڭا جىلدا، بارلىق ادام جاڭا تابىسقا قول جەتكىزۋدى ءۇمىت ەتەدى. مەن ۇزدىكسىز قۇلشىنىپ، شينجياڭنىڭ ءىشى - سىرتىنداعى ساپالى اۋىل شارۋاشىلىق ونىمدەرى بازارىنا ىشكەرىلەي ءورىس اشىپ، اناعۇرلىم كوپ اۋىلداستارىمنىڭ كىرىستەرىن ارتتىرىپ، اۋقاتتانۋىنا جەتەكشىلىك ەتىپ، كوپشىلىكتىڭ تۇرمىسىنىڭ بارعان سايىن جاقسارۋىنا مۇمكىندىك جاسايمىن“، - دەدى جوۋ شياۋليڭ كامىل سەنىممەن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
