مادەنيەت جۇرت جۇرەگىن نارلەندىردى، بار الاپتان مەرەكەلىك لەپ ەستى
□ انار بۇلت \ شينجياڭ گازەتىنىڭ تىلشىلەرى ليۋ مىڭمىڭ، جاڭ شياۋمي
2023.01.28 17:01 كەلۋ قاينارى : شينجياڭ گازەتى
ءۇيدىڭ سىرتىندا دۋماندى مەرەكەلىك كورىنىس، ال ءۇيدىڭ ىشىندە ادامدار اۋاشا وتىرىپ، قولدارىنا كىتاپ الىپ، تىنىشتىققا شومعان كىتاپ وقۋ رايى. كوكتەم مەرەكەسى دەمالىسى كەزىندە تيانشان الابى قويۋ كىتاپ وقۋ رايىنا شومدى، ءارقايسى ۇلكەن كىتاپحانالار، كىتاپ دۇكەندەرى ەسىكتەرىن جاپپادى، قىرۋار قالا تۇرعىندارى دەمالىس كەزىندەگى بوس ۋاقىتتارىنان پايدالانىپ ۇيرەنۋ ارقىلى ءبىلىم تولىقتادى نەمەسە كىتاپ ساتىپ الىپ كوكتەم مەرەكەسىندىك تارتۋ رەتىندە ۇسىندى. مۇنان سىرت، ءارقايسى ۇلكەن مادەنيەت الاڭ - سارايلارىندا وتكەن قيمىلدار تىپتەن تارتىمدى بولىپ، جەر - جەردە تاماشا ادەبيەت - كوركەمونەر نومىرلەرى ىركەس - تىركەس قويىلدى... قويۋ مادەنيەت رايى ىشىندە كوپشىلىك كوكتەم مەرەكەسىنىڭ ەستەن كەتپەس قۋانىشتى شاقتارىن باستان وتكىزدى.
1 - ايدىڭ 25 - كۇنى قاشقار قالالىق كىتاپحانادا كىشكەنتاي وقىرماندار ”قۇتتى قويانمەن بىرگە جاقسىلىقتى قارسى الۋ، جاڭا جىلدى قارسى الىپ، باقىتقا بولەنۋ“ اتىنداعى سالت - سانا حيكاياسى كورمەسى ارناۋلى سورەسىنىڭ الدىندا قولدارىنداعى كىتاپتارىن دەن قويا وقىپ جاتتى. قالا تۇرعىنى تۇتىگۇل قۇربان بىلاي دەدى: ”وتباسىمىزداعىلار كىتاپ وقىپ مەرەكەنى ءمان - ماعىنالى وتكىزدىك“. كوكتەم مەرەكەسى كەزىندە بۇل كىتاپحانا سالت - سانا حيكاياسى كورمەسى ارناۋلى سورەسى، ورتا، باستاۋىش مەكتەپ وقۋشىلارىنىڭ قىسقى دەمالىستا وقۋعا ءتيىستى كىتاپتار ارناۋلى سورەسى سياقتىلاردى ورنالاستىرۋ ارقىلى ءار ۇلت وقىرماندارىنىڭ كىتاپ الىپ وقۋىنا قولايلىلىق جاسادى.
تەرەزە ورنەگىن جاپسىرىپ، كوكتەم مەرەكەسىن قۋانا قارسى الۋ − تۋار جىل قۇت - ىرىس اكەلسىن دەگەن ماعىنادا. 1 - ايدىڭ 26 - كۇنى اقسۋ ايماقتىق مادەني مۇرالار جانە مۇراجاي مەكەمەسىندە (مۇراجاي) 20 نەشە بالا قوعامدىق تاربيە وقىتۋشىسىنا ىلەسىپ، قيما سۋرەت قيۋدى ۇيرەنىپ، باس قوسىپ، قۋانىشقا بولەنگەن مەرەكە قىزىعىنا باتتى. ”باتىس ءوڭىر اسىلى“ − تارىم وزەنى سۋرەتتى تاس سارا تۋىندىلار كورمەسى دە وسى ارادا وتكىزىلدى. ”بالالار قيما سۋرەت قيۋدى ۇيرەنۋ ارقىلى قول قيمىلى قابىلەتىن جەتىلدىرۋمەن بىرگە، ءداستۇرلى مادەنيەت جونىندەگى تۇسىنىكتەرى دە تەرەڭدەدى. قيما سۋرەت قيۋدىڭ قىزىعىنا باتۋمەن بىرگە، جۇبايىم ەكەۋىمىز كورمەنى ارالاپ، ءبىر وتباسى ادامدارى بىرگە وزگەشە مادەنيەت جىلىن وتكىزدىك“، - دەدى اقسۋ قالاسىنىڭ تۇرعىنى ۋاڭ شينچۇن.
قويان پىشىنىندەگى اشەكەي شامدار، شار تاراپقا نۇرىن توككەن الۋان ءتۇرلى اينەك شامدار... 1 - ايدىڭ 24 - كۇنى كەشتە قۇمىل مەملەكەتتىك اۋىل شارۋاشىلىعى عىلىم - تەحنيكا باقشاسى رايونىنداعى ”نۇر - شۇعىلاعا شومعان جۇڭحۋا، باقىتقا بولەنگەن قۇمىل“ اتىنداعى جاڭا جىلدى قارسى الۋ شىراق كورمەسىندە قۇت - ىرىستىڭ نىشانى بولعان اشەكەي شامدار قىرۋار ساياحاتشىنى باۋرادى.
”شىراق كورمەسى 1 - ايدىڭ 20 - كۇنى باستالىپ، 2 - ايدىڭ سوڭىنا دەيىن جالعاسادى، تۇمشالامالى شامداردان، الۋان ءتۇستى شامداردان جالپى 10 مىڭنان استامى، ۇلكەن، ورتاشا ءتۇستى شامنان 42سى ءىلىندى، شاتتىققا تولى بازار شىراق كورمەسى، الۋان ءتۇستى شام جۇمباق ءدالىزى، الاڭ قاڭىلتىرشامى سياقتى 4 بولىك قالا تۇرعىندارىنىڭ، ساياحاتشىلاردىڭ كەشكى سەيىلدەگى، ءسوزسىز، باراتىن جەرىنە اينالدى“. قۇمىل قالاسى يجوۋ رايونى مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ باستىعى پان سۇنجياۋ تانىستىرىپ بىلاي دەدى: شىراق كورمەسى كەزىندە مەيىرىمدىلىك بازارى، شام جۇمباق جينالىسى، ەرەكشە اۋىل شارۋاشىلىق ونىمدەرىن تەرۋدى سەزىنۋ، گۇل كورمەسى ساۋداسى، ىستىق بەلدەۋ جاڭبىرلى ورمانىن ارالاۋ سياقتى ەرەكشە باقشا سەرۋەنى تۇرلەرى دە ورىستەتىلدى. وسى ارالىقتا باقشا رايونىنداعى ىستىق بەلدەۋ جەمىس ورمانى عىلىم جالپىلاستىرۋ سارايى، ەرەكشە جەمىس - جيدەك، كوكونىستەردى تەرۋ سارايى، ەگىنشىلىك مادەنيەت سارايى سياقتى الاڭ - سارايلار تۇگەلدەي اشىق ۇستالدى.
1 - ايدىڭ 26 - كۇنى كەشتە «لين جيلۋ» پيەساسى ءۇرىمجى قالاسىنداعى جاڭا تەاتر سارايىندا قويىلدى، كورەرمەن ما لينجيان قول تەلەفونىن ءالسىن - ءالى قولىنا الىپ، پيەساداعى كلاسسيكالىق ديالوگتاردى ەستەلىككە الىپ وتىردى. ول بىلاي دەدى: ”مەن كۇشاردا ەسەيىپ - ەرجەتتىم، لين جيلۋدىڭ وتە كوپ ىزگى ىستەرىن قارتتاردان ەستىگەم، «لين جيلۋ» پيەساسى كوكتەم مەرەكەسىندە تاعى دا قويىلادى دەگەندى ەستىپ، ەرتەدەن بەلەت ساتىپ الىپ دوستارىممەن بىرگە كەلىپ كوردىم“.
”كوكتەم مەرەكەسى كەزىندە ءبىز وقۋشىلىق كۋالىگى، قوسىننان قايتقان اسكەريلەر كۋالىگى، ەمدەۋ قىزمەتكەرلەرى قىزمەت كۋالىگى، وقىتۋشىلار كۋالىگى بار كورەرمەندەردىڭ الدىڭعى 100ىنە بەلەتتى تەگىن تاراتۋعا الدىن الا كەلىسۋدەي تيىمدىلىك جاساۋ ارقىلى كورەرمەندەردى باۋرادىق“، - دەدى شينجياڭ كوركەمونەر تەاترحاناسى پيەسا ۇيىرمەسىنىڭ ورىنباسار باستىعى تيە تيڭتيڭ تانىستىرا كەلىپ.
شينجياڭ كوركەمونەر سارايىنا ورنالاسقان جۇڭگو شينجياڭ حالىقارالىق كوركەمونەر قوس جىلدىق كورمەسىندە كورمەگە كەلگەندەردىڭ اياعى ۇزىلمەدى. كەسكىن مەن قوندىرعىلاردى نەگىز ەتكەن ”وركەنيەت جانە توعىسۋ“ حالىقارالىق كوركەمونەر اۋماعىندا كورەرمەن سۇن ليمياۋ 6 - جىلدىقتا وقيتىن ۇلى چىن شينيۇيدى ەرتىپ مۇندا سۋرەتكە ءتۇستى. ”بالامنىڭ ەڭ قىزىعاتىن تۋىندىسى ءبىر جۇپ ۇلكەن ساقپى بولدى، ساقپىنى قۇراعان 18 قالبىردىڭ ىشىنە ول مۇلدە كورمەگەن دۇڭگىرشەك كومىر، سىر شەلەگى سياقتى كوپتەگەن نارسەلەر سالىنىپتى، ول دامىلسىز سۇراۋمەن بولدى“. سۇن ليمياۋ بىلاي دەدى: مەن قوس جىلدىق كورمەدەن ۇقساماعان ەلدەردەن كەلگەن تۇرلىشە فورماداعى كوركەمونەر تۋىندىلارىن كوردىم، بالام دا وسى زامانعى كوركەمونەردىڭ باۋراۋ كۇشىن جاقىن ارالىقتان ءتۇسىندى، ءتۇيسىندى.
”كوركەمونەر سارايىن ارالاۋ جاڭا جىلداعى سالتقا اينالدى، كوكتەم مەرەكەسى كەزىندە ءار كۇنى كورمەگە كەلگەن كورەرمەندەر 2000 ادام - رەتتەن استى“. شينجياڭ كوركەمونەر سارايىنىڭ باستىعى ۋاڭ شۋشىڭ بىلاي دەدى: كوكتەم مەرەكەسى كەزىندە ءار ۇلت كورەرمەندەرى شينجياڭ كوركەمونەر سارايى وتكىزىپ جاتقان قوس جىلدىق كورمەدەن سىرت، ”باتىس بولىكتى ارالاۋ − حىفي قالاسى لاي شاۋچي كوركەمونەر سارايى سارا تۋىندىلار ءتۇرى (شينجياڭ) كوشپەلى كورمەسى“، ”جاڭا ءداۋىردى جىرلاۋ − شينجياڭ حاتكەرلىك تۋىندىلارى كورمەسى“ سياقتىلاردى دا كورە الدى.
كوكتەم مەرەكەسى كەزىندە قۇلجا قالاسى قازانشى سالت - سانا ساياحات اۋماعى، التى شۋار ءمالىسى كورىنىس ءوڭىرى سياقتى جەرلەر ءار كۇنى قايناعان ادامعا تولدى. ”شينجياڭ جاقسى جەر− 10 - كەزەكتى تيانشان الابى جاڭا جىل مەرەكەسىن قۇتتىقتاۋ بەيزاتتىق مادەنيەت مۇرالارى جىل سالتى كورمەسى“ جانە 2 - كەزەكتى ”انار گۇلى“ بەيزاتتىق مادەنيەت مۇرالارى بازارى جەلىلەس قيمىلى قۇلجا قالاسىندا وتكىزىلدى.
”بۇل قازاق ۇلتىنىڭ كەستە تىگۋدەگى ءداستۇرلى ورنەگى“. 1 - ايدىڭ 26 - كۇنى ” اسەمدىكتى ينەمەن كەستەلەۋ. كوركەم جۇڭحۋا“ اتىنداعى بەيزاتتىق مادەنيەت مۇرالارى كەستە كورمە اۋماعىندا كەستەشى قىزدار كورەرمەندەردىڭ ناق مايداندا بەيزاتتىق مادەنيەت مۇراسى كەستە تىگۋدى ۇيرەنۋىنە جەتەكشىلىك ەتتى. كەستەشى قىزدار قيۋ، ورنەك سالۋ سياقتى الدىڭعى مەرزىمدىك دايىندىقتى ويداعىداي ىستەگەن سوڭ، كورەرمەندەر 2 ساعات اينالاسىندا كوپ ءتۇرلى كەستەلەۋ ءادىسىن قولدانىپ دوڭگەلەك جەلپۋىش جاسادى.
”كوكتەم مەرەكەسىنىڭ وسى بىرنەشە كۇنىندە ءوز قولدارىمەن ىستەپ كورەتىن ادامدار وتە كوپ بولدى، ەڭ كوپ بولعان كۇندەرى 50 ادامنان استى“، - دەدى ىلە شيجۇن كيىم - كەشەك، كەستەشىلىك شەكتى سەرىكتەستىگىنىڭ باس ديرەكتورى، قۇلجا قالالىق بەيزاتتىق مادەنيەت مۇرالار ارقىلى كەدەيلەردى سۇيەمەلدەۋ، جۇمىستاندىرۋ شەبەرحاناسىنىڭ جاۋاپتىسى چىن پيڭ.
بەيزاتتىق مادەنيەت مۇرالارى قيما سۋرەت، قۋىرشاق تەاتر ويىنى، تەرى جابدىقتارىن جاساۋ سياقتى بەيزاتتىق مادەنيەت مۇرالارىن سەزىنۋ اۋماعى دا ادامعا تولدى. ”وسى رەتكى بەيزاتتىق مادەنيەت مۇرالارى كورمەسىندە جالپى بەيزاتتىق مادەنيەت مۇرالارىنىڭ 110 ءتۇرى قويىلدى“. قۇلجا قالالىق مادەنيەت، دەنە تاربيە، راديو - تەلەۆيزيا جانە ساياحات مەكەمەسى پارتيا باسشىلىق گرۋپپاسىنىڭ شۋجيى ياڭ لۋ بىلاي دەدى: ”وسى زامانعى بەيزاتتىق مادەنيەت مۇرالارى · جاڭا تۇرمىستى ايشىقتاۋ“ كيىم - كەشەك كورمەسى، ”ءداستۇرلى ءدامدى تاعامداردان اۋىز ءتيۋ · بەيزاتتىق مادەنيەت مۇرالارى مادەنيەتىنەن ءنار الۋ“ ساراپتاۋ قيمىلى سياقتى 8 ۇلكەن تۇردەگى نەگىزگى تاقىرىپتىق قيمىل ورىستەتىلدى.
”كوكتەم مەرەكەسى كەزىندە ءار كۇنى كورمەگە كەلگەندەر سانى ورتا ەسەپپەن 10 مىڭ ادام اينالاسىندا بولدى“، - دەپ تانىستىردى ىلە قازاق اۆتونوميالى وبلىستىق مادەنيەت جانە ساياحات مەكەمەسى الەۋمەتتىك قىزمەت وتەۋ باسقارماسىنىڭ باستىعى گاۋ چۇنحۇي.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
