ءۇرىمجى اۋدانى
نانشان تاۋى بوكتەرىندەگى كوڭىلدى جاياۋ سەرۋەن
□ انار بۇلت \ شينجياڭ گازەتىنىڭ ءتىلشىسى جاڭ شياۋمي، ەرىكتى ءتىلشى ليۋ شي
2023.01.28 17:02 كەلۋ قاينارى : شينجياڭ گازەتى
1 - ايدىڭ 25 - كۇنى، دالا قيمىلى اۋەسكەرى جاۋ جيانجۇن سەرىكتەرىمەن بىرگە ءۇرىمجى اۋدانىنىڭ نانشان تاۋىنا كەلىپ، قارلى دالادا جاياۋ سەرۋەن قۇردى. ”قىستى كۇنى نانشان تاۋىنا كەلسەڭىز، كۇن نۇرى جانە اۋا سونداي تاماشا، جول بويى تاعى قارلى دالانىڭ كورىنىسىنە كوز مەيىرىن قاندىراسىڭ“. كوكتەم مەرەكەسىندەگى دەمالىس كەزىندە بۇل ونىڭ نانشان تاۋىنا 2 - رەت كەلىپ جاياۋ سەرۋەن قۇرۋى ەدى.
نانشان تاۋى ۇرىمجىدەگى جانە سانجىداعى ءوز اۆتوكولىكتەرىمەن ساياحاتتايتىن كوپتەگەن قالا تۇرعىندارىنىڭ، ءسوزسىز، باراتىن جەرى، سونداي - اق دالا قيمىلى اۋەسكەرلەرىنىڭ كوڭىلى قالايتىن جەرى.
مۇز جالامانى كورىپ، قار ويمالاردى تاماشالادى، مياۋىرگوۋ كورىنىس ءوڭىرى ءار كۇنى مىڭداعان جاياۋ سەرۋەن اۋەسكەرلەرىن قارسى الادى. كورىنىس ءوڭىرىنىڭ قاقپاسىنان مۇز جالاماعا دەيىن شامامەن 5 كيلومەترلىك جول، كورىنىس ءوڭىرى باستاپقى 4 كيلومەتر جولدىڭ قارىن تازالاپ، سوڭعى ءبىر كيلومەتر جولدىڭ قارىن كۇرەمەي، كوپشىلىكتىڭ قارلى جولدا جاياۋ سەرۋەن قۇرۋىنا مۇمكىندىك قالدىرعان. وسى كورىنىس ءوڭىرىنىڭ ورىنباسار باس ديرەكتورى شاتتىق قاھار تانىستىرىپ بىلاي دەدى: ”مۇز جالاما − كورىنىس ءوڭىرىمىزدىڭ جارقىن ءتۇيىنى، ول ساياحاتشىلاردىڭ جاياۋ سەرۋەن قۇرۋداعى نىساناسى جانە ارمانى بولا الادى“. قازىر كورىنىس وڭىرىندە 10نان استام قار ويما بار ەكەن، تاعى دا توقتاماي قار ويمالار جاسالىپ جاتىر، ورتا ەسەپپەن 2 − 3 كۇندە ءبىر جاڭا قار ويما ساياحاتشىلارمەن جۇزدەسەدى ەكەن.
گۇلتەكشە، شي بايياڭگوۋ كورىنىس ءوڭىرى كوكتەم مەرەكەسى كەزىندە ەسىك بەلەتىن الماۋ سىندى تيىمدىلىكتەر جاسادى. ءۇرىمجى نانشاننان مادەنيەت - ساياحات اشۋ شەكتى سەرىكتەستىگىنىڭ ديرەكتورى كۇلتاي قاۋبيرا: ”باتىس بايياڭگوۋ كورىنىس وڭىرىندە جاياۋ سەرۋەندەپ مۇز جالامانى تاماشالاۋدان سىرت، دالا قيمىلى اۋەسكەرلەرى باتىس بايياڭگوۋ كورىنىس ءوڭىرى مەن ۇلاستاي كورىنىس ءوڭىرى اراسىن كەسىپ ءوتىپ جاياۋ سەرۋەن قۇرۋدى دا جاقسى كورەدى“، - دەدى.
تيانشان اڭعارى كورىنىس ءوڭىرى ەكولوگيالىق سەيىل - سەرۋەن، جاياۋ سەرۋەن جولىنان ەكەۋىن اشتى، بۇلار جەكە - جەكە 3.6 كيلومەتر جانە 10.6 كيلومەتر كەلەدى. شينجياڭ جىبەك جولى نانشان ساياحات - مادەنيەت شەكتى سەرىكتەستىگى جوسپارلاۋ - ساتۋ ءبولىمىنىڭ مەڭگەرۋشىسى ماۋ حۇڭجۇن: ”كوكتەم مەرەكەسىنىڭ 2 - كۇنىنەن باستاپ، كورىنىس وڭىرىندە كۇنىنە جاياۋ سەرۋەن قۇراتىن ساياحاتشىلار 1000 ادام مولشەرىندە بولدى“، - دەدى. جاياۋ سەرۋەن قۇراتىن ساياحاتشىلاردى قارسى الۋ ءۇشىن، كورىنىس ءوڭىرى كوكتەم مەرەكەسىنىڭ 1 - كۇنى ارناۋلى تۇردە جاياۋلار جولىن باسىپ قالعان قاردى تازالادى، سونداي - اق ساياحاتشىلارعا قىزمەت وتەۋ ورتالىعى قايناعان سۋ دايىندادى، جول بويلارىنا تورعىن گۇل، قار ويما سياقتىلاردى ورنالاستىرىپ سۋرەتكە تۇسەتىن تۇيىندەر ازىرلەدى.
ءۇرىمجى قالاسىنداعى دالالىق ساياحات جەتەكشىسى ”يۇندۋان“، مەرەكە كەزىندە نانشان تاۋىنا باراتىن 5 جاياۋ سەرۋەن ۇيىرمەسىن ۇيىمداستىردى، جاياۋ جۇرەتىن ارالىق 2 كيلومەتردەن 13 كيلومەترگە دەيىن بولدى، ”كەمەلدى كورىنىس وڭىرلەرىندە اۆتوكولىكپەن جاياۋ سەرۋەنگە اتتانۋ تۇيىنىنە دەيىن تاياپ بارۋعا بولادى، سونىمەن جاياۋ سەرۋەنگە كوبىرەك ۋاقىت ۇتۋعا بولادى، ونىڭ ۇستىنە جول بويىنداعى قارلى دالا كورىنىسى سۋرەت تۇسىرۋگە توتەنشە ۇيلەسەدى“.
”قىستى كۇنى ءبىزدىڭ ％90 جول لەنيامىز تۇگەلدەي نانشان تاۋىندا بولادى. نانشان تاۋىنىڭ كورىنىسى كوركەم، جول لەنيامىز الۋان ءتۇرلى، جايشىلىقتاعى باياۋ جۇرىستەن تارتىپ 15 كيلومەتردەن اساتىن قيىن دارەجەدەگى جاياۋ سەرۋەنگە دەيىن ءار ءتۇرلى جول لەنياسىنىڭ بارلىعى بار“، - دەدى سانجىداعى دالالىق قيمىل جەتەكشى شۇي دۇڭ.
اۆتونوميالى رايوندىق ساياحات قوعامى دالالىق ەكسپەدەتسيا (توتەنشە) ساياحاتى بولىمشە قوعامىنىڭ ورىنباسار باستىعى ياڭ جۇن: ”نانشان تاۋىندا كوپتەگەن كەمەلدى كورىنىس وڭىرلەرى جانە 10 نەشە دالالىق جاياۋ سەرۋەن قۇرۋ جول لەنياسى بار، دالالىق كلۋبتاردىڭ ۇيىرمە اتتاندىرۋ جاعدايىنان قاراعاندا، قازىر قىس ماۋسىمىندا ۇيىرمە اتتاندىرۋ جول لەنياسى 15تەن اسادى“، - دەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
