كوكتەم مەرەكەسىندە قىزمەت ورنىندا تاپجىلماي ىستەپ، باقىتتى تۇرمىس جولىندا كۇرەس جۇرگىزدى (كوكتەم مەرەكەسىندە نەگىزگى ساتىنى ارالاۋ)
ءوز تىلشىلەرىمىز
2023.01.28 17:01 كەلۋ قاينارى : حالىق تورابى
كوكتەم مەرەكەسىنىڭ دەمالىسىندا كوپتەگەن ادام جۇمىس ورىندارىنان تاپجىلماي، قۇرىلىس ورىندارىندا قاۋىرت جۇمىس جۇرگىزىپ، زاۆود سەحتارىندا قاجىرلىلىقپەن ەڭبەك ەتىپ، الەۋمەتتىك اۋماقتىڭ نەگىزگى ساتىلارىندا تىنىشتىقتى قورعادى. ولار تاباندىلىقپەن جاۋاپكەرلىك ارقالاپ، ءىس - ارەكەتى ارقىلى بارلىق وتباسىنا قۇت سيلاپ، كوكتەم مەرەكەسىندە جۇرت نازارىن اۋداردى.
ءبىرىنشى شەپتە ەرلىكپەن شايقاس جاسادى
دەمالىس بولسا دا، قۇرىلىس ورنىندا، زاۆود ۇيلەرىندە، سەحتاردا ءالى دە كوپتەگەن قاربالاستىق بەينەسىن كورەمىز.
كوكتەم مەرەكەسىنىڭ 3 - كۇنى تۇندە حۋبەي ولكەسىنىڭ ۋحان قالاسىندا جەر بەتى تەمپەراتۋراسى 0 سەلتسي گرادۋستان تومەن بولعانىمەن، جەر استى جۇمىستارى دۋمانعا بولەندى.
گۇرىلدەگەن داۋىسپەن پىشاق تاباقشاسى باياۋ اينالىپ، تۋنەل قازۋ ماشيناسى ورنىقتى تۇردە العا ىلگەرىلەۋدە... سۋ بەتىنەن 40 مەتر تومەن چاڭجياڭ وزەنىنىڭ تۇبىندە «جياڭچىڭ اسقىن» ءنومىرلى تۋنەل قازۋ ماشيناسىنىڭ مەڭگەرۋ بولمەسىندە شوفەر لي چي ەكرانداعى پارامەترلەردىڭ وزگەرىسىن قاداعالاپ جۇمىس جۇرگىزدى. سوڭعى بىرنەشە كۇندە لي چي مەن جۇڭگو تەمىر جول 14 - مەكەمەسى توبى شەكتى سەرىكتەستىگىندەگى 30 نەشە قۇرىلىس قىزمەتكەرى تۋنەل ۇڭگىرىندە تابانداپ ىستەپ، ۋحان مەتروسى 12 - جەلىسى تۋنەلىن تۇتاستىرۋ نىساناسىن ورىنداۋعا بار كۇشتەرىن سالدى.
لي چي جۇرگىزەتىن بۇرعىلاۋ ماشيناسىنىڭ اۋىرلىعى 2 مىڭ 900 توننادان اسادى، ديامەترى 13 مەتر بولىپ، 4 قابات عيماراتتىڭ بيىكتىگىمەن بارابار كەلەدى. «مەرەكە - مەيرام كەلگەن سايىن ءتىپتى دە شيراقى بولۋىمىز كەرەك». لي چي بىلاي دەدى: قازىر تۋنەل قازۋ ماشيناسى كۇنىنە 4 - 6 مەتر قازادى، وزەننەن وتەتىن تۋنەل قۇرىلىسىنىڭ %20 ىن ورىنداپ بولدىق.
كوكتەم مەرەكەسى دەمالىسىندا حىبەي شيۇڭ - ان جاڭا رايونىنداعى كوپتەگەن قۇرىلىسشى قىزمەت ورنىنان تاپجىلماي، نىسان قۇرىلىسىن جوعارى ولشەممەن، جوعارى ساپامەن ىلگەرىلەتتى.
شيۇڭ - ان حالىقارالىق قوناق سارايى نىسانىنىڭ قۇرىلىس ورنىندا مىڭعا جۋىق ادام جۇمىس باسىندا قاربالاس جۇمىس ىستەۋدە. شيۇڭ - ان حالىقارالىق قوناق سارايى نىسان بولىمىندەگى لي تاۋ بىلاي دەدى: «كوكتەم مەرەكەسى دەمالىسىندا ءبىز جەكە - دارا اشەكەيلەۋ جانە دالالىق كورىنىس قۇرىلىستارىن ءتۇيىندى تۇردە ورىندادىق. الدىمەن ەسكەرىلەتىن كورمە رايونى رەتىندە، حالىقارالىق قوناقجايدىڭ 3 - عيماراتى مەن ءماجىلىس ورتالىعىنىڭ تاعان قاباتى مەن بەت قاباتىن اشەكەيلەپ، شەشۋشى تۇيىندەردە توقتاۋسىز قۇرىلىس جۇرگىزۋگە تۋرا كەلەدى».
شيۇڭ - ان دەنەتاربيە ورتالىعى بولىمىندە 100 دەن استام قۇرىلىسشى قىزمەت ورنىنان تاپجىلمادى. نىسان ديرەكتورى فاڭ گولياڭ بىلاي دەدى: «جاڭا جىلعا قاراعان ءتۇنى نىسان ءبولىمىنىڭ باسقارۋشىلارى مەن جۇمىسشىلارى جاڭا جىلعا قاراعان ءتۇن تاماعىن بىرگە جەدى، ينجەنەريا ءبولىمىنىڭ، ماشينا - ەلەكتر ءبولىمىنىڭ باسقارۋشىلارى ءبىرىنشى شەپتە ەرىكتى تۇردە تاپجىلماي ىستەدى. كوپشىلىك بارىنشا قايراتتانىپ، قۇرىلىس نىساناسىن ساپاعا، سانعا كەپىلدىك ەتە وتىرىپ ورىنداۋعا كۇش سالدى».
قوعامدىق اينالىمدى قامتاماسىزداندىردى
وسى كوكتەم مەرەكەسىندە بارلىق وتباسىنىڭ ىرىس – قۇتىن قورعاپ، قوعامدىق اينالىمدى قامتاماسىز ەتۋ ءۇشىن، كوپتەگەن ادام ءۇن - ءتۇنسىز ۇلەس قوستى.
كوكتەم مەرەكەسىنىڭ 2 - كۇنى گۋدوك ءۇنى كوتەرىلىپ، فۋجيان ولكەسى فۋجوۋ قالاسىنىڭ سۇڭشيا كەمەجايى يمپورت ەتىلگەن سويا بۇرشاقتى تولتىرا تيەگەن «پاترا» كەمەسىن قارسى الدى. كەمە توقتاپ بولعاننان كەيىن، رۇڭچىڭ كەدەنىنىڭ قىزمەتكەرلەرى لين ۋىنيۋان، ۋاڭ جىجيە دەرەۋ كەمەگە شىعىپ، سانيتارلىق – كارەنتيندىك تەكسەرۋ قىزمەتىن ورىستەتتى.
«قىزمەت ورنىندا تاپجىلماي ىستەپ جاتقان كەدەن قىزمەتكەرلەرىنە العىس ايتامىن، بۇل كەمەدەگى سويا بۇرشاق سەرىكتەستىگىمىزدىڭ ءوندىرىسىن جانە ونىمدەرمەن قامداۋىن ورنىقتىرادى» دەدى وسى كەمەمەن سويا بۇرشاق يمپورت ەتكەن سەرىكتەستىكتىڭ جاۋاپتىسى چىن يۇنيۇڭ. كوكتەم مەرەكەسى دەمالىسى كەزىندە يمپورت ەتىلگەن زاتتىق ماتەريالداردىڭ ءتارتىپتى تۇردە كەدەننەن ءوتۋىن قامتاماسىز ەتۋ ءۇشىن، رۇڭچىڭ كەدەنى شەكارا وتكەلى تاجىريبەحاناسىن زات ءتۇسىرۋ ورنىنا كوشىرىپ، «ءبىر جاعىنان ءتۇسىرىپ، ءبىر جاعىنان تەكسەرۋدى» جۇزەگە اسىرىپ، تەكسەرىپ بەكىتۋ ونىمدىلىگىن تەزدەتىپ، تۇتاس تۇلعالىق كەدەننەن ءوتۋ قارقىنىن جوعارىلاتتى.
كوكتەم مەرەكەسى دەمالىسىندا جىجياڭ ولكەسى نيڭبو قالاسى دۇڭچيانحۋ كورىنىس رايونى جولاۋشىلار اعىنىنىڭ قاۋىرت ورلەۋىن قارسى الدى.
«ءبىز توكتەن پايدالانۋ لەنياسىن تەكسەرەمىز». جىلۋمەن قامداۋ كوتەرىمدىلىگى جوعارىلاپ، مەملەكەتتىك ەلەكتر تورابى نيڭبو ەلەكترمەن قامداۋ سەرىكتەستىگى دۇڭچيانحۋ ەلەكترمەن قامداۋ ورنىنىڭ اۋماقتىق مەڭگەرۋشىسى شۇي جۇن مەن قىزمەتتەستەرى حالىقتىق تۇسەلحانالاردىڭ ەلەكتر جەلىسىن تەكسەرۋگە كىرىستى. «قىزمەت وتەۋدى توقتاتپايمىز، 24 ساعات بويى جەلىدە تۇرامىز». شۇي جۇن بىلاي دەدى: مەملەكەتتىك ەلەكتر تورابىنىڭ نيڭبو ەلەكترمەن قامداۋ سەرىكتەستىگى كەزەكشىلەردى ورنالاستىرىپ، جەرگىلىكتى ورىنداعى حالىقتىق تۇسەلحانالاردىڭ، تيجاراتشىلاردىڭ توكتەن پايدالانۋ حاۋىپسىزدىگىن ۇزدىكسىز تەكسەرىپ، سوتكە بويى كىناراتتى شۇعىل جوندەۋ قىزمەت وتەۋىمەن قامدادى. «كوكتەم مەرەكەسى دەمالىسىندا ءبىز تاعى كورىنىس وڭىرىندەگى زاريادتاۋ باعاناسىنا ءبىر كەزەك جوندەۋ جۇرگىزدىك» دەدى شۇي جۇن.
كوكتەم مەرەكەسىنىڭ ءبىرىنشى كۇنى تاڭەرتەڭ لۇيلياڭ تاۋىندا سولتۇستىك جەلى ازىناپ، سانشي ولكەسىنىڭ جيشيان اۋدانىنداعى 220 كيلوۆولتتىق حۋكوۋ كەرنەۋ وزگەرتۋ پۋنكتىنىڭ دايىندىق رايونىندا تەمپەراتۋرا نولدەن تومەن 20 سەلتسي گرادۋسقا ءتۇستى. مەملەكەتتىك ەلەكتر تورابى لينفىن ەلەكترمەن قامداۋ سەرىكتەستىگى ەلەكتر تاسىمالىن قورعاۋ ورتالىعىنىڭ قىزمەتكەرى چىڭ حۋالياڭ حاۋىپسىزدىك قالپاعىن كيىپ، شارلاۋ كارتوچكاسى مەن قۇرالدارىن الىپ، ءبىر كۇندىك قىزمەتىن باستادى. «ءاربىر ترانسفورماتور ستانسياسىندا كىرىپ - شىعاتىن لەنيانىڭ سانى وتە كوپ، اسپاپتاردىڭ سانى جۇزدەن اسادى، ءبىر اينالىمدا ەكى ساعاتتان ارتىق ۋاقىت شارلاۋ جۇرگىزۋگە تۋرا كەلەدى». چىڭ حۋالياڭ ساعات سىرتىنداعى قار تۇيىرلەرىن ءسۇرتىپ، ساندى مالىمەتتەردى ەستەلىككە الدى.
«كوكتەم مەرەكەسى دەمالىسى كەزىندە ەلەكتر تورىن ەلەكترمەن قامداۋدىڭ حاۋىپسىز، سەنىمدى بولۋىنا شىنايى كەپىلدىك ەتۋ ءۇشىن، مەن جانە قىزمەتتەستەرىم ءوز ەركىمىزبەن قىزمەت ورنىندا تۇردىق. ترانسفورماتور ستانسياسىنىڭ قىزمەتى وتە ماڭىزدى، بۇل ارا ەلەكترمەن قامداۋعا كەپىلدىك ەتۋدىڭ نەگىزى» دەدى چىڭ حۋالياڭ.
بارشا وتباسىنا قىزمەت وتەدى
وسىنداي ءبىر توپ ادام كوكتەم مەرەكەسى دەمالىسىندا ءوزىنىڭ تاباندىلىعى مەن ۇلەس قوسۋى ارقىلى بارشا وتباسىنا قىزمەت وتەدى.
كوكتەم مەرەكەسىنىڭ ءبىرىنشى كۇنى، تاڭعى ساعات 3 تەن اسقان شاق، شانشي ولكەسى انكاڭ قالاسى حانبين رايوندىق 1 - شيپاحاناسى.
«كەڭىردەككە تۇتىك سۇعۋعا دايىندالۋ، تىنىس الدىرۋ ماشيناسى، كۇتىمدەۋ اسپابى، دىرىلدەتكىش اسپابى، قان الۋ تەكسەرۋى...» شۇعىل ەمدەۋ ىشكى اۋرۋلار ءبولىمىنىڭ مەڭگەرۋشىسى ۋ لەي تارتىپپەن جەتەكشىلىك ەتىپ، كومىرتەگى شالا توتىعىنان ۋلانعان 4 ناۋقاستى ءبىر ۋاقىتتا قۇتقارىپ، دياگنوز قويۋ، ەمدەۋ بۋىندارىنىڭ ءبارىن ۋاقىتپەن تالاسىپ مۇلتىكسىز ورىندادى. تەز ءارى ءونىمدى شۇعىل جاعدايعا توتەپ بەرۋ تاكتيكاسى مەن دەر كەزىندە جۇرگىزىلگەن دالمە - ءدال ەمدەۋ جوباسىنىڭ ارقاسىندا ەسىنەن تانعان ناۋقاستار اقىرى قۇتقارىپ قالىندى.
«ەمدەۋ قىزمەتكەرى رەتىندە ءبىز ءوزىمىزدىڭ قىزمەت جاۋاپكەرلىگىمىزدى، بورىشىمىزدى ابدەن بىلەمىز، تەك قىزمەت ورنىمىزدان تاپجىلماي تۇرعاندا عانا، اناعۇرلىم كوپ ادامنىڭ سالاماتتىعى مەن باس قوسۋىن قامتاماسىز ەتۋگە بولادى» دەدى ۋ لەي.
كوكتەم مەرەكەسىنىڭ 6 – كۇنى، گۋاڭجوۋ پويەز بەكەتى.
جولاۋشى حى مىرزا ءبىر جاستاعى بالاسىن كوتەرىپ پويەزگە وتىرادى، ءبىراق ۆوكزالعا كىرەر اۋىزدا كەنەتتەن قۇرساعى اۋىرىپ، شىداي المايدى، باقىتقا جاراي انالار مەن بالالارعا قارايلاسۋ ورنىنداعى حالىق ساقشىلارى بالاعا قارايلاسىپ تۇرادى، سونىمەن حى مىرزا الاڭسىز ەمدەلە الادى؛ 10 جاستان اسقان 2 قىز بالا اكە – شەشەسىنەن كوز جازىپ قالادى، حالىق ساقشىسى ولاردىڭ وتباسىنداعىلاردى تابۋىنا كومەكتەسەدى...
«ءار جىلى مۇنداي ءىس كوپتەپ تۋىلىپ تۇرادى» دەدى انالار مەن بالالارعا قارايلاسۋ ورنىندا بۇرىنعىداي تاپجىلماي ىستەپ جاتقان گۋاڭجوۋ قالالىق قوعام حاۋىپسىزدىگى مەكەمەسى يۋەشيۋ رايوندىق بولىمشە مەكەمەسى الاڭ ساقشى بولىمشەسىنىڭ حالىق ساقشىسى حۋاڭ سۇيشيڭ. گۋاڭجوۋ پويەز بەكەتىنىڭ باتىس الاڭىنداعى بەكەتكە كىرۋ اۋزىنداعى انالار مەن بالالارعا قارايلاسۋ ورنىن يۋەشيۋ رايوندىق بولىمشە مەكەمە قۇرىپ، كومەككە مۇقتاج جولاۋشىلارعا قىزمەت وتەپ كەلەدى.
بىرنەشە كۇننىڭ الدىندا گۋاڭجوۋدا تەمپەراتۋرا قاتتى تومەندەدى، ەرتەسى تاڭەرتەڭ بىرنەشە جولاۋشى پويەز بەكەتىندە تۇنەدى. حالىق ساقشىلارى ساقشى بولىمشەسىنەن كورپە جەتكىزىپ، ولاردى قاتتى اسەرلەندىردى.
قالىڭ لەبىز داپتەرىنە شار تاراپتان كەلگەن جولاۋشىلاردىڭ العىس سوزدەرى جازىلىپتى.
«جولاۋشىلاردى امان - ەسەن ساپارعا شىعارۋ ءبىزدىڭ تىلەگىمىز جانە باقىتىمىز» دەدى حۋاڭ سۇيشيڭ.
(تىلشىلەرىمىز چياڭ يۇيۋىن، جاڭ جىفىڭ، ليۋ شياۋيۇي، دوۋ حاۋ، فۋ ميڭلي، گۇڭ شىجيان، حى لينپيڭ)
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
