كوپ ەلدە جوتەلدى باساتىن قانتتى قويمالجىڭدى ىشكەن بالالاردىڭ شەتىنەگەنى جونىندە مالىمەت بەرىلدى
دۇنيە جۇزىلىك دەنساۋلىق ساقتاۋ ۇيىمى شۇعىل ۇندەۋ شىعاردى
2023.01.28 16:07 كەلۋ قاينارى : حالىق تورابى
جۋىردان بەرى كوپتەگەن ەلدەردە بالالاردىڭ رەتسەپكە جاتپايتىن، جوتەلدى باساتىن ءىشىنارا قانتتى قويمالجىڭدى ءىشۋ سەبەبىنەن شەتىنەۋى سىندى وقيعالاردىڭ تۋىلعانى جونىندەگى مالىمەتكە باعىتتاي وتىرىپ، دۇنيە جۇزىلىك دەنساۋلىق ساقتاۋ ۇيىمى 1 – ايدىڭ 23 – كۇنى شۇعىل ۇندەۋ جاريالادى: ءارقايسى جاقتار «دەرەۋ سايكەسە وتىرىپ، جابال اتتانىسقا كەلۋى»، ولشەمگە تولمايتىن ءدارى – دارمەكتەر مەن جالعان ءدارى – دارمەكتەردى پايدالانۋ قاتارلى مەديتسينالىق وقيعالاردىڭ تۋىلۋىنىڭ الدىن الۋى، بايقاۋى ءارى سايكەستى شارا قولدانۋى كەرەك.
دۇنيە جۇزىلىك دەنساۋلىق ساقتاۋ ۇيىمىنىڭ جۋىردا جاريالاعان مالىمەتىنە قاراعاندا، وتكەن 4 اي ىشىندە كوپتەگەن ەلدەردە بالالاردىڭ رەتسەپكە جاتپايتىن، جوتەلدى باساتىن قانتتى قويمالجىڭدى پايدالانۋ سەبەپتى شەتىنەۋى سىندى وقيعالار تۋىلعان، مۇنداي جاعداي 5 جاستان تومەنگى سابيلەردە كوبىرەك تۋىلعان. اتالعان جاعداي كەمىندە 7 مەملەكەتتە تۋىلعان، مۇندا گامبيا، يندونەزيا جانە وزبەكستان سىندى 3 مەملەكەتتە 300 دەن استام ناۋقاستىڭ قازا بولعانى جونىندە مالىمەت بەرىلگەن.
مالىمەتكە قاراعاندا، اتالعان وقيعالارعا ساياتىن جوتەلدى باساتىن قانتتى قويمالجىڭدار جوعارى قويۋلىقتاعى ديەتيلەن گليكولمەن، ەتيلەن گليكولمەن لاستانعان بولۋى مۇمكىن دەپ راستالعان نەمەسە وسىنداي كۇمان تۋىلعان، بۇل ەكەۋى دە ونەركاسىپتىك ەرىتكىش جانە ۇسىكتەن ساقتاندىرۋ سۇيىقتىعى رەتىندە قولدانىلاتىن ۋلى حيميالىق زاتتار، از مولشەردە پايدالانعاننىڭ وزىندە دە ومىرگە قاتەر ءتوندىرۋى مۇمكىن، ءدارى – دارمەكتەردىڭ قۇرامىنان مۇلدە بايقالماۋى كەرەك. قازىرگە دەيىن، اتالعان ۇيىم ءۇندىستان مەن يندونەزياداعى ءدارى – دارمەك جاسايتىن 6 كاسىپورىننىڭ وسى ىسپەن قاتىستى ەكەنىن تۇراقتاندىرعان.
دۇنيە جۇزىلىك دەنساۋلىق ساقتاۋ ۇيىمى بۇل وقيعالاردىڭ بارلىعى ءبىر – بىرىمەن قاتىسسىز ەمەس ەكەنىن ءبىلدىردى ءارى مەديتسينالىق قامداۋ تىزبەگىنە قاتىناساتىن ءارقايسى نەگىزگى مۇددەلى جاقتاردى لاستانعان ءدارى – دارمەكتەر جونىندە دەرەۋ سايكەسە وتىرىپ شارا قولدانۋعا ۇندەدى.
دۇنيە جۇزىلىك دەنساۋلىق ساقتاۋ ۇيىمى مىنانى تالاپ ەتتى: ءارقايسى ەلدەر الدا – جالدا لاستانعان ءدارى – دارمەكتەردى بايقاسا، ءسوزسىز، ونى بازاردان الاستاۋى كەرەك، سونىمەن بىرگە، ءارقايسى ەلدەر ىقپالعا ۇشىراۋى ىقتيمال مەملەكەتتەر مەن رايوندارداعى قاتىستى قامداۋ تىزبەكتەرىنە باقىلاۋ – باسقارۋ جۇرگىزۋدى كۇشەيتۋى كەرەك، الدا – جالدا تولىمسىز ونىمدەر بايقالسا، دەرەۋ دۇنيە جۇزىلىك دەنساۋلىق ساقتاۋ ۇيىمىنا ۇقتىرۋى ءارى قاتىستى تولىمسىز ءدارى – دارمەكتەردىڭ زالالى مەن ۋلى كەرى اسەرىن جۇرتقا ۇگىتتەۋى كەرەك.
ءدارى – دارمەك جاسايتىن كاسىپورىندارعا باعىتتاي وتىرىپ، دۇنيە جۇزىلىك دەنساۋلىق ساقتاۋ ۇيىمى مىنالاردى تالاپ ەتتى: ءدارى – دارمەك جاساۋعا پايدالاناتىن قوسىمشا ماتەريالداردى تەك قامداۋ تىزبەگىندەگى تولىمدى كاسىپورىنداردان ساتىپ الۋى ءارى زاتتى تاپسىرىپ العان كەزدە جانە ءدارى – دارمەكتى جاساۋدان بۇرىن جالپى بەتتىك تەكسەرۋى كەرەك. مۇنان سىرت، مەديتسينالىق ونىمدەرمەن قامداۋ تىزبەگىندەگى كاسىپورىندار مەن وتكەرمەلەپ ساتۋشىلار دا، ءسوزسىز، ءدارى – دارمەك پەن دەنساۋلىق ساقتاۋ بۇيىمدارىن جالعاننان جاساۋ نىسايى بار – جوعىن باستان – اياق تەكسەرىپ وتىرۋى كەرەك.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
