شاعان مەرەكەسى دەمالىسىنىڭ العاشقى 4 كۇنىندە شينجياڭ 2 ميلليون 800 مىڭ ادام - رەتتەن استام ساياحاتشى قابىلدادى
سايكەس مەزگىلدەگىدەن ％54. 28 ارتتى
2023.01.28 16:41 كەلۋ قاينارى : حالىق تورابى
انار بۇلت – شينجياڭ گازەتىنىڭ حابارى. ءتىلشىنىڭ شينجياڭ ۇيعۇر اۆتونوميالى رايوندىق مادەنيەت جانە ساياحات مەڭگەرمەسىنەن ۇعىسۋىمىزشا، ءۇشىنشى جاقتىڭ ساياحات ساناعى ٴىرى دەرەك تۇعىرى مەن ۇلگى الىپ تەكسەرۋ ارقىلى جالپىلىق ەسەپتەۋ جۇرگىزۋىنە قاراعاندا، شاعان مەرەكەسى دەمالىسىنىڭ العاشقى 4 كۇنىندە بۇكىل شينجياڭ جيىنى 2 ميلليون 823 مىڭ 200 ادام - رەت ساياحاتشى قابىلداپ، سايكەس مەزگىلدەگىدەن ％28.54 ارتقان؛ ساياحات كىرىسى 2 ميلليارد 107 ميلليون يۋانعا جەتىپ، سايكەس مەزگىلدەگىدەن ％30.39 ارتقان.
«سايرام كولى كورىنىس وڭىرىندە 1 - ايدىڭ 23 - كۇنى ساياحاتشىلار 30 مىڭ ادام - رەتتەن اسىپ، كورىنىس ءوڭىرى العاشقى 4 كۇندە 62 مىڭ 500 ادام - رەت ساياحاتشى قابىلداپ، سايكەس مەزگىلدەگىدەن ％72. 806 ارتتى»، - دەدى وسى كورىنىس ءوڭىرىن باسقارۋ كوميتەتى ساياحاتتى دامىتۋ، باسقارۋ مەكەمەسىنىڭ باستىعى شۇي لەي تانىستىرىپ، - سايرام كولى كورىنىس ءوڭىرى يۋەلياڭۋان كورىنىس تۇيىنىنەن مۇز ويما باقشاسىن سالىپ، ساياحاتشىلارعا مۇز ءۇستى سوعىلىسپالى ماشيناسى، مۇز ءۇستى شاناسى سياقتى كوپ ءتۇرلى مۇز ءۇستى ويىن تۇرلەرىن دايىنداپ، بەيزاتتىق مادەنيەت مۇرالار كونسەرتىن ورىنداپ، قار ادام الەمىن تۇلعالاپ، ساياحاتشىلارعا «كوك مۇز» شاتتىعىن سيلادى.
كوكتەم مەرەكەسى دەمالىسىنىڭ العاشقى 4 كۇنىندە باعراش كولى كورىنىس ءوڭىرى جيىنى 123 مىڭ 600 ادام - رەت ساياحاتشى قابىلدادى، بۇل سايكەس مەزگىلدەگىدەن ％7. 193 ارتتى، 37 ميلليون 155 مىڭ يۋان ساياحات كىرىسىن جۇزەگە اسىردى، بۇل سايكەس مەزگىلدەگىدەن %234.55 ارتتى.
كوكتەم مەرەكەسى كەزىندە شينجياڭنىڭ جەر - جەرىندە مادەنيەت - ساياحات ارقىلى حالىققا تيىمدىلىك جاساۋ ءتۇرلى قيمىلدارىنىڭ وتكىزىلۋى تۇتىنۋدى اناعۇرلىم جەبەدى. تيانشان بوعدا كولى كورىنىس ءوڭىرى ەسىك بەلەتىن كەشىرىم ەتۋ، 2 ەسىك بەلەتىن العاندارعا ءبىر ەسىك بەلەتىن ۇسىنۋ سياقتى تيىمدىلىك جاساۋ قيمىلدارىن العا قويدى ءارى تيانشان بوعدا كولى حالىقارالىق شاڭعى الاڭى، ۋجياڭ اراسانى سياقتى كورىنىس تۇيىندەرىمەن بىرلەسىپ، تيىمدىلىك جاسادى. ءۇرىمجى قالاسىنداعى حالىق باقشاسى «شام جارىعى اتىراپتى كۇمىس ساۋلەگە بولەدى · قىزىقتى شاعان مەرەكەسىن دۋماندى وتكىزەيىك − جاڭا جىل مەرەكەسىن قارسى الۋ اشەكەيلى شام كورمەسىن» وتكىزدى، الۋان پىشىندەگى ءتۇستى شامدار مىڭ قۇبىلىپ، ساياحاتشىلاردى جاپا - تارماعاي سۋرەتكە ءتۇسىپ ەستەلىك قالدىرۋعا باۋرادى؛ موري قازاق اۆتونوميالى اۋدانى قاردا كوكبار تارتۋ، ات بايگەسى، از ۇلت ءان - ءبي كونسەرتى، قىزقۋار، جاياۋ تارتىس سياقتى حالىقتىق سالت - سانا كونسەرتىن وتكىزدى؛ كۇشار ۋاڭفۋ كورىنىس ءوڭىرى كۇسان ءان - ءبي كورمەلىك قويىلىمىن قويدى، بيشىلەر كورەرمەندەرگە ناق مايداندا ءبي ۇيرەتتى، بۇقارانىڭ دەمالىس كۇندەرىندەگى مادەني تۇرمىسىن بايىتتى.
«قار - مۇزدىڭ كوركىن شينجياڭدا تولىق ايگىلەۋ» تاقىرىبىن ارقاۋ ەتىپ، جەر - جەر ءتۇرلى قار - مۇز سپورتى، قار - مۇز ساياحاتى سياقتى قيمىلداردى ۇزدىكسىز وتكىزىپ، قار - مۇزدىڭ تارتىمدىلىعىن ايگىلەدى. ءدوربىلجىن اۋدانى 9 - كەزەكتى مەملەكەتتىك بۇقارالىق قار - مۇز ماۋسىمى «قاردا كوز تارتقان شينجياڭ - ماي بوياۋلى سۋرەتتەي تارباعاتاي» گانچۋانلي قار - مۇزدا قۋانىشپەن جاڭا جىلدى قارسى الۋ كونكي تەبۋ قيمىلىن وتكىزدى، ساياحاتشىلاردىڭ ءدوربىلجىن اۋدانى قالاماڭ رايون اۋىلى گانچۋان قىستاعىندا مۇز ماشيناسىنا وتىرۋىنا، كونكي تەبۋىنە، شارۋالاردىڭ شاعىن اۋلاسىندا شارۋالاردىڭ ەرەكشە تاعامدارىنان ءدام تاتۋىنا بولادى. دولان تايپاسى كورىنىس ءوڭىرى 9 – كەزەكتى «دولاندىقتارمەن بىرگە شاعان مەرەكەسىن وتكىزۋ» قيمىلىن وتكىزىپ، ساياحاتشىلاردى مۇز ۇستىندەگى ۆەلوسيپەد، كونكي تەبۋ سياقتى مۇز ءۇستى كوڭىل اشۋ قيمىلدارىنا قاتىناسۋعا، ات بايگەسى، كوكبار سياقتى حالىقتىق سالت - سانا جەلىلەس باسەكەلىك ويىندارىن تاماشالاۋعا، چيانجين وسىمدىك باقشاسىندا جاڭا جىل مەرەكەسىندە اسىل ىزدەۋگە، توراڭعى مادەنيەت سارايىندا توراڭعىنىڭ سىرىن تۇسىنۋگە باۋرادى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
