2022 – جىلى اۆتوموبيل ەكسپورتى 3 ميلليوننان استى (جاڭا ساندى مالىمەت، جاڭا ءتۇيىن)
2023.01.28 17:03 كەلۋ قاينارى : حالىق تورابى
«حالىق گازەتى»، 1 - ايدىڭ 27 - كۇنى، بەيجيڭ (ءتىلشى ۋاڭ جىڭ). ءتىلشىنىڭ بىرنەشە كۇننىڭ الدىندا جۇڭگو اۆتوموبيل ونەركاسىبى قوعامىنان ۇعىسۋىنا قاراعاندا، 2022 - جىلى ەلىمىزدىڭ اۆتوموبيل كاسىپورىندارىنىڭ ەكسپورت باسەكەلىك قۋاتى ۇزدىكسىز كۇشەيىپ، تۇتاس جىلدا ەكسپورت 3 ميلليون 110 مىڭعا جەتىپ، سايكەس مەزگىلدەگىدەن %54.4 ارتىپ، كاسىپ سالاسىنىڭ جالپى ارتۋىن ءونىمدى جەبەگەن.
اۆتوموبيل ەكسپورتى پارمەندى ارتتى. ەلىمىزدىڭ ايگىلى ماركالى اۆتوموبيلدەرىنىڭ ءۇش ەلەكتر تەحنيكاسى (اككۋمۋلياتور، ەلەكتر قوزعالتقىشى جانە ەلەكتر جۇيەسىن باسقارۋ) مەن زەردەلى شوفەرلىككە قاتىستى سالالاردا باسەكە ابزالدىعىن بىرتىندەپ ورناتۋىنا بايلانىستى، ەلىمىزدىڭ اۆتوموبيلدەرىنىڭ حالىقارالىق باسەكەلىك قۋاتى ۇزدىكسىز جوعارىلاپ، ەكسپورت مولشەرى جەدەل ارتتى. بىلتىر 8 - ايدا 308 مىڭ اۆتوموبيل ەكسپورت ەتىلگەننەن كەيىن، اۆتوموبيل ەكسپورت ەتۋ ءبىرشاما جوعارى دەڭگەيدى ۇزدىكسىز ساقتاپ، ءۇرتىس 5 اي بويى ورتا ەسەپپەن 300 مىڭنان استام اۆتوموبيل ەكسپورت ەتىلدى، مۇنىڭ ىشىندە بىلتىر 10 - ايدا اۆتوموبيل كاسىپورىندارىنىڭ ەكسپورت ەتۋ مولشەرى 337 مىڭ بولىپ، تاريحتاعى ەڭ جوعارى دەڭگەيگە جەتتى.
جاڭا ەنەرگيالى اۆتوموبيل ەكسپورتتىڭ ارتۋ تۇيىنىنە اينالدى. اۆتوموبيل تۇرلەرىنەن قاراعاندا، 2022 - جىلى ەلىمىزدىڭ اۆتوموبيل ەكسپورتى 2 ميلليون 529 مىڭ بولىپ، سايكەس مەزگىلدەگىدەن %56.7 ارتقان؛ ساۋدا اۆتوموبيلدەرىنىڭ ەكسپورتى 582 مىڭ بولىپ، سايكەس مەزگىلدەگىدەن %44.9 ارتقان. جاڭا ەنەرگيالى اۆتوموبيلدەردىڭ ەكسپورتى 679 مىڭ بولىپ، سايكەس مەزگىلدەگىدەن 1.2 ەسە ارتقان. مۇنىڭ ىشىندە بىلتىر 11 - ايدا جاڭا ەنەرگيالى اۆتوموبيلدەن 153 مىڭى ەكسپورت ەتىلىپ، الدىڭعى ساناق مەزگىلىمەن سالىستىرعاندا %5.5 ارتىپ، ءبىر ايداعى ەكسپورت مولشەرىنىڭ ەڭ جوعارى دەڭگەيىن جاراتقان.
نەگىزگى اۆتوموبيل كاسىپورىندارىنىڭ ەكسپورت مولشەرى تەز ارتتى. ارتۋ قارقىنىنان قاراعاندا، اۆتوموبيلدى تۇتاستاي ەكسپورت ەتەتىن الدىڭعى 10 كاسىپورىننىڭ ەكسپورت مولشەرى تۇرلىشە دارەجەدە سايكەس مەزگىلدەگىدەن ارتقان.
ەۆروپا جانە امەريكا بازارلارىندا تىڭ قامال الىندى. جاڭا ەنەرگيالى اۆتوموبيلدەردىڭ مەملەكەت قاقپاسىنان شىعۋىنا بايلانىستى، ەۆروپا مەن سولتۇستىك امەريكا جۇڭگو اۆتوموبيل ەكسپورت ەتەتىن ەكى ۇلكەن بازارعا اينالىپ، ەلىمىزدىڭ اۆتوموبيل ونىمدەرىنىڭ حالىقارالىق بازارداعى ورنى ونان ارى بەكەمدەلدى. كەدەن باس مەكەمەسىنىڭ ساندى مالىمەتىنە قاراعاندا، 2022 – جىلدىڭ الدىڭعى 11 ايىندا ەلىمىزدىڭ اۆتوموبيل ەكسپورت مولشەرى الدىڭعى قاتاردا تۇراتىن 10 ەلدىڭ ىشىندە اراب بىرىككەن امىرلىگىنىڭ، مەكسيكانىڭ بازار بەينەسى ءبىرشاما كۇشتى بولىپ، سايكەس مەزگىلدەگىدەن جەكە – جەكە 2.7 ەسە جانە 1.6 ەسە ارتقان. جاڭا ەنەرگيالى اۆتوموبيل ەكسپورتىنىڭ الدىڭعى ءۇش ۇلكەن بازارى بەلگيا، انگليا جانە فيليپپين بولعان.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
