شىڭگىل اۋدانى حۇڭشيڭ شەكارا ساقشى ىستەرى پۋنكتى
وتاننىڭ شەكارا قورعانىس شەبىن ويداعىداي كۇزەتتى
□ انار بۇلت \ شينجياڭ گازەتىنىڭ ءتىلشىسى جاڭ تيڭ، ەرىكتى تىلشىلەر اسقاتبەك تابارىك، ۋاڭ يوۋبو
2023.01.28 17:06 كەلۋ قاينارى : شينجياڭ گازەتى
1 - ايدىڭ سوڭعى شەنىندە التايدىڭ كەڭ دالاسى اق كورپە جامىلىپ كوسىلىپ جاتىر، ۇسكىرىك جەل قار تۇيىرشىكتەرىن ۇشىرادى.
”بۇگىن كوكتەم مەرەكەسىنە قاراعان كۇن، قازىر دالانىڭ تەمپەراتۋراسى نولدەن تومەن 30 نەشە سەلتسي گرادۋس بولعانمەن، شەكارانى شارلاۋ مىندەتىن بۇگىن دە جالعاستىرامىز“... 1 - ايدىڭ 21 - كۇنى شينجياڭ شەكارادان كىرىپ - شىعۋ شەكارا قورعانىسى تەكسەرۋ باس پۋنكتى التاي شەكارا باسقارۋ تارماق اترەتى تايكەشكەن شەكارا وتكەلى شەكارا ساقشى بولىمشەسى حۇڭشيڭ شەكارا ساقشى ىستەرى پۋنكتىنىڭ ءماجىلىس بولمەسىندە پۋنكت باستىعى چىن جۇنيۇي قىزمەت ورنالاستىرىپ جاتتى.
حۇڭشيڭ شەكارا ساقشى ىستەرى پۋنكتى شىڭگىل اۋدانى تايكەشكەن قالاشىعى قاراساي تاۋىنىڭ وڭتۇستىك بوكتەرىنە ورنالاسقان، جەرى تاۋلى - قىرقالى، تەڭىز دەڭگەيىنەن ورتاشا بيىكتىگى 1800 مەتر.
”قايناعان سۋ الا ءجۇرۋدى ۇمىتپا“، ”قالىڭ بايپاق كي، ەسىڭدە بولسىن“... شارلاۋعا قاتىناسقان حالىق ساقشىلارى چىن جۇنيۇي، جاڭ چيچاۋ مەن 4 شەكارا كۇزەتشىسى جيىن اشىلىپ بولىسىمەن دەرەۋ شارلاۋ جابدىقتارىن دايىندادى ءارى كوڭىل بولەتىن ىستەردى ءبىر - بىرىنە قاداعالاپ جاتتى.
چىن جۇنيۇي بيىل 25 جاستا، چۇڭچيڭدىك ازامات، حۇڭشيڭ شەكارا ساقشى ىستەرى پۋنكتىندە پۋنكت باستىعى مىندەتىن وتەگەنىنە جارتى جىلدان استام ۋاقىت بولدى. ول ءوزى جاس بولعانىمەن، قاراستى وڭىردە قانشا ساي، قانشا اينالما - ءمۇيىس بار ەكەنىن ابدەن بىلەدى.
سىرتقا كوز جىبەرسەڭ، كوك اسپاننىڭ استى ۇشى - قيىرسىز قار - مۇز الەمى. ساقشى ىستەرى پۋنكتى ەسىگىنەن شىققان زامان ۇسكىرىك جەل اترەت مۇشەلەرىنە بەت قاراتپايدى.
”قازىر جولعا شىقپاساق، قايتا ورالعانشا كەش باتىپ كەتەدى، وندا ءتىپتى سۋىتادى“! - دەدى چىن جۇنيۇي شەكارا كۇزەتشىسى مۇسابەك كالىمنىڭ قولىنان مىنەتىن اتىنىڭ شىلبىرىن ۇستاپ جاتىپ ارتىنداعى جاڭ چيچاۋعا.
تاياۋدا التاي ايماعى كۇشتى سۋىق اعىستىڭ ىقپالىنا ۇشىراپ، تاۋلى وڭىردەگى باسىم كوپ جەرلەردە ءبىرقانشا رەت قالىڭ قار جاۋىپ، كەي جەرلەردە قاردىڭ قالىڭدىعى ءبىر مەتردەن اسىپ، اۆتوكولىكپەن شارلايتىن جەرلەردى جاياۋ نەمەسە اتپەن شارلاۋعا تۋرا كەلدى.
حۇڭشيڭ شەكارا ساقشى ىستەرى پۋنكتى باسقاراتىن شەكارا بولىگىنىڭ جالپى ۇزىندىعى 36 كيلومەتر، ولار اپتاسىنا بىرنەشە رەت شارلايدى. جولعا شىعىپ كوپ ۇزاماي، بوران كۇشەيە تۇسەدى، بارلىعىنىڭ بەت بۇركەۋىشتەرىن اپپاق قىراۋ باسادى.
”الدىڭعى جاقتا ءبىر ىقتاسىن جەر بار، سول جەرگە جەتكەننەن كەيىن ءبىراز دەمالىپ الايىق“، - دەدى چىن جۇنيۇي الدىڭعى جاقتان كورىنگەن ءبىر تاۋ ۇڭگىرىن نۇسقاپ.
كوپشىلىك ۇڭگىرگە جەتكەننەن كەيىن، كەيبىرەۋى ۇستىندەگى قالىڭ قاردى قاقسا، كەيبىرەۋى اتىن بايلاپ، ەندى بىرەۋى قۇرعاق وتىن قاراستىرىپ جاتتى... ”كەلىڭدەر، قايناعان سۋ ىشەيىك“. شەكارا كۇزەتشىسى مۇراتبەك توبۇلقان شاۋگىمىن الىپ، كوپشىلىككە قايناعان سۋ قۇيىپ بەردى.
سۋدى اۋىزعا العاندا، چىن جۇنيۇي ءسوز تيەگىن اعىتا جونەلدى. ول بىلاي دەدى: ساقشى ىستەرى پۋنكتى العاش قۇرىلعان كەزدە سۋدى 100 كيلومەتر قاشىقتىقتاعى تايكەشكەن قالاشىعىنان اپتاسىنا ءبىر رەت تاسيتىنبىز. ويلى - شۇڭقىر جولدان اكەلە جاتقان سۋىمىزدىڭ شايقالىپ كەيدە جارتىسى، كەيدە ودان دا ازى قالاتىن. تاياۋ جىلداردان بەرى، جوعارى دارەجەلى پارتكوم مەن ۇكىمەتتىڭ كوڭىل ءبولىپ، قولداۋىندا، شەكارا قورعانىسى نەگىزدىك قۇرىلعىلارى جاقسارتىلدى، ساقشى ىستەرى پۋنكتىنە قۇدىق قازىپ بەرىپ، اۋىز سۋ قيىنشىلىعى ماسەلەسىن شەشتى.
چىن جۇنيۇيدىڭ تانىستىرۋىن ەستىگەننەن كەيىن جاڭ چيچاۋ ءبىر ءسات ءۇنسىز قالدى دا، ستاكانىن ۇستاپ ”وڭاي ەمەس“ دەگەندى قايتالاپ ايتا بەردى.
”جارايدى، اسەرلەنىپ كەتتىڭ عوي، كوپشىلىك كوكتەم مەرەكەسىن وتباسىنا قايتىپ وتكىزبەگەنىنە قانشا ۋاقىت بولدى، سونى ايتا وتىرايىق“؟ - دەدى چىن جۇنيۇي.
”3 جىل بولدى“، ”ءبىر جىل“، ”4 جىل بولدى“... ايتىپ بولىسىمەن كوپشىلىك ءۇنسىز قالدى.
”پۋنكت باستىعى، ءسىز قايتىپ كوكتەم مەرەكەسىن وتكىزبەگەنىڭىزگە قانشا جىل بولدى“، - دەپ ۇنسىزدىكتى جاڭ چيچاۋ بۇزدى.
”مەن بە، 3 جىل بولدى. وسى ارادا وتانىمىزدىڭ شەكارا قورعانىس شەبىن ويداعىداي كۇزەتۋ ءبىزدىڭ تابان تىرەپ تۇرۋىمىزدىڭ ءمانى“، - دەدى چىن جۇنيۇي تەبىرەنە الىسقا كوز تاستاپ.
چىن جۇنيۇي اق قارمەن قىمتانعان التاي تاۋلارىنا قارادى. تاۋ بوكتەرىندەگى حۇڭشيڭ شەكارا ساقشى ىستەرى پۋنكتى كوگىندە بەس جۇلدىزدى قىزىل تۋ جەلبىرەپ، اق كورپە جامىلعان بايتاق دالادا ايرىقشا كوز تارتىپ تۇر.
”جۇرەيىك، ەرتەرەك قايتىپ تۇشپارا ءتۇيىپ جەيىك“، - دەدى چىن جۇنيۇي كوپشىلىككە.
حۇڭشيڭ شەكارا ساقشى ىستەرى پۋنكتىندەگى حالىق ساقشىلارى مەن شەكارا كۇزەتشىلەرى جونىنەن العاندا، كوكتەم مەرەكەسى كەزىندە شەكارانى كۇزەتۋ اماندىقتى قورعاۋ سانالادى، مۇنىمەن كوڭىلدەرى دە جاي تابادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
