بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

جۇڭجياڭ زات اينالىمى

بار كۇشپەن قامداۋدى قامتاماسىز ەتىپ، ءوندىرىس قاربالاستىعىنا ءتۇستى

□ انار بۇلت \ شينجياڭ گازەتىنىڭ ءتىلشىسى شى شين

2023.01.28 17:08     كەلۋ قاينارى : شينجياڭ گازەتى

  وسى كوكتەم مەرەكەسى دەمالىسىندا ەرەكشە ترانسفورماتور توبى جۇڭجياڭ زات اينالىمى باقشاسىنىڭ ىشىندە كومىر، حيميالىق تىڭايتقىش، ماقتا سياقتى جالپىلىق زاتتىق ماتەريالداردى جەتكىزۋ جۇمىسى 24 ساعات ءۇزىلىس جاسامادى، جۇڭجياڭ زات اينالىمى شەكتى جاۋاپكەرشىلىك سەرىكتەستىگىنىڭ جۇمىسشىلارى دەمالىستى قايىرىپ قويىپ، قىزمەت ورىندارىنان تاپجىلماي، قامداۋ تىزبەگىنىڭ، كاسىپ سالاسى تىزبەگىنىڭ ورنىقتى اينالىمىن كۇش سالا قامتاماسىز ەتتى.

  1 - ايدىڭ 22 - كۇنى ەگىنشىلىك كالەندارى بويىنشا كوكتەم مەرەكەسىنىڭ العاشقى كۇنى جۇڭجياڭ زات اينالىمى باقشاسىنىڭ ىشىندە شينجياڭ تيانچى ەنەرگيا شەكتى جاۋاپكەرشىلىك سەرىكتەستىگىنەن، شىنحۋا شينجياڭ ەنەرگيا شەكتى جاۋاپكەرشىلىك سەرىكتەستىگىنەن، شينجياڭ حيشان ءۇستى اشىق كومىر كەنىنەن اكەلىنگەن كومىر كونتينەرلەرىن جۇمىسشىلار پويەزدان ءتۇسىرىپ جۇك تاسۋ اۆتوموبيلىنە تيەدى، ونان كەيىن ءۇرىمجى قالاسىنداعى، سانجى قالاسىنداعى، قۇتىبي اۋدانىنداعى ءارقايسى ءىرى جىلۋ ەلەكتر ستانسيالارىنا، جىلۋ سەرىكتەستىكتەرىنە جانە ءتۇيىندى زاۆود - كەن كاسىپورىندارىنا جىلدام جەتكىزىلىپ، ماڭىنداعى تۇرعىنداردىڭ ەلەكتر پايدالانۋىن، جىلىنۋىن جانە ءىرى كاسىپورىنداردى كومىرمەن، زاتتىق ماتەريالدارمەن قامداۋدى قامتاماسىز ەتتى.

  جۇڭجياڭ زات اينالىمى شەكتى جاۋاپكەرشىلىك سەرىكتەستىگى باس ديرەكتورىنىڭ كومەكشىسى گوۋ شياۋجۇن بىلاي دەپ تانىستىردى: ”قىس كىرگەننەن بەرى كومىر سەرىكتەستىكتىڭ ءوندىرىس جۇمىسىنداعى ماڭىزدى تاۋار تۇرىنە اينالىپ، سانجى، فۋكاڭ سىندى ەكى باقشا رايونىنىڭ ءار كۇنگى تاسۋ مولشەرى 40 مىڭ توننا اينالاسىندا بولدى. كوكتەم مەرەكەسى كەزىندە ءوندىرىس جۇمىسىنىڭ ورنىقتى، جوعارى ءونىمدى بولۋىن قامتاماسىز ەتۋ ءۇشىن، ەكى باقشا رايونىندا شامامەن 400 ادام وندىرىسكە قاتىناسىپ، قامداۋدى قامتاماسىز ەتىپ، ءوندىرىس حاۋىپسىزدىگىن قامتاماسىز ەتۋ العى شارتىندا، مەرەكە كەزىندەگى ءتۇيىندى حالىق تۇرمىسى زاتتىق ماتەريالدارىمەن قامداۋدى قامتاماسىز ەتۋ قىزمەتىن تولىق ويداعىداي ىستەدى“.

  2022 - جىلى 10 - ايدان باستاپ، جۇڭجياڭ زات اينالىمى حيميالىق تىڭايتقىشتى قامبادا ساقتاۋ قىزمەتىن جاپپاي باستادى. ۋجياچۇي، ماناس سياقتى جەرگىلىكتى ورىنداردا وندىرىلگەن ۋرەا، سونداي - اق يۇننان وڭىرىندە وندىرىلگەن فوسفور قىشقىلدى امموني سياقتى حيميالىق تىڭايتقىشتار زات اينالىمى باقشاسىنا اكەلىندى، كەزەكتەگى ساقتالۋ مولشەرى 12 مىڭ تونناعا جەتتى. ۇعىسۋعا قاراعاندا، وسى توپتاعى حيميالىق تىڭايتقىشتار كوكتەم مەرەكەسىنەن كەيىن ىركەس - تىركەس قامبادان شىعارىلىپ، ءۇرىمجى قالاسىنىڭ، سانجى حۇيزۋ اۆتونوميالى وبلىسىنىڭ كوكتەمگى ەگىس وندىرىسىنە ىستەتىلەدى ەكەن.

  جۇڭجياڭ زات اينالىمى باقشاسى تەمىر جول ۆوگزالىنداعى جەلدەن، جاڭبىردان ساقتانۋ لاپاسى ىشىندە قىرۋار تازا ماقتا رەتتى ءۇيىلىپتى، وسى تازا ماقتالار ءبىر اپتا ىشىندە شاندۇڭ، حۋنان، جياڭسۋ، سىچۋان سياقتى جەرلەرگە تاسىلىپ، شينجياڭنىڭ اۋىل شارۋاشىلىق ونىمدەرىنىڭ شينجياڭنان شىعارىلۋىنا كۇش ۇستەيدى.

  كوكتەم مەرەكەسى كەزىندە جۇڭجياڭ زات اينالىمى سەرىكتەستىگى تاعى تاسىمالدىڭ ءبىرىنشى شەبىندە تاپجىلماي ىستەپ جاتقان جۇك تاسىمال شوفەرلارىنا جەمىس - جيدەك، ءسۇت، دايىن كەسپە، شەكىلدەۋىك، جەر جاڭعاعى سياقتى حال سۇراۋ بۇيىمدارىن دايىنداپ، كوپشىلىككە مەرەكەلىك تىلەك پەن سالەم جەتكىزدى. شينجياڭ جۇڭكى ۋييە قامداۋ تىزبەگىن باسقارۋ شەكتى جاۋاپكەرشىلىك سەرىكتەستىگىنىڭ جۇك تاسىمال شوفەرى لي جيڭحۇي بىلاي دەدى: ”مەنىڭ جۇڭجياڭ زات اينالىمى باقشاسىندا جۇك تاسىعانىما 2 جىل بولدى، بۇل ارادا جۇك تاسۋ ونىمدىلىگى وتە جوعارى، ونىڭ ۇستىنە زات اينالىمى باقشاسى شوفەرلارعا دا ەرەكشە كوڭىل بولەدى، بۇعان ءبىز شىن جۇرەكتەن العىس ايتامىز“.

  جۇڭجياڭ زات اينالىمى 2012 - جىلى قۇرىلعان، ىلگەرىندى - كەيىندى سانجى مەملەكەت دارەجەلى ۇلگىلى زات اينالىمى باقشاسى رايونىن، فۋكاڭ اۆتونوميالى رايون دارەجەلى ۇلگىلى زات اينالىمى باقشاسى رايونىن ءتۇيىندى جەتىلدىردى، 2022 - جىلى تەمىر جول جۇك تاسىمال مولشەرى 10 ميلليون توننادان اسىپ، دامىپ ءوڭىر ىشىندەگى وزەكتى زات اينالىمى تورابى كاسىپورنىنا اينالدى. بولاشاقتا جۇڭجياڭ زات اينالىمى كوپ ۇلگىدەگى بىرلەسكەن تاسىمال نەگىزگى كاسىبىنىڭ وزەكتى باسەكە باسىمدىعىن ساۋلەلەندىرىپ، ”بايلىق + زات اينالىمى + قامداۋ تىزبەگى“ ءبىر تۇلعالانعان كاسىپ ۇلگىسىنە قاراي تيبىن جاڭالاپ، دارەجەسىن ءوسىرۋدى ىلگەرىلەتىپ، ”ءبىر بەلدەۋ، ءبىر جولدى“ بىرگە قۇرۋعا كۇش قوسادى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار