جىجياڭ ولكەسىنىڭ حاڭجوۋ قالاسىندا بازار سۇرانىمى جاندانىپ، تاماشا باستاما كوتەرىلدى (كوكتەم مەرەكەسىندە نەگىزگى ساتىنى ارالاۋ)
«حالىق گازەتىنىڭ» ءتىلشىسى دۋ حانياڭ
2023.01.29 14:01 كەلۋ قاينارى : حالىق تورابى
كوكتەم مەرەكەسىنىڭ 5 - كۇنى جىجياڭ ولكەسى حاڭجوۋ قالاسىنىڭ جياندى قالاسىنداعى شين - ان توبىنىڭ مامۋ زەردەلى باقشا رايونىندا ماشينالار گۇرىلدەپ، بۇكىلدەي اۆتوماتتاسقان ءوندىرىس جەلىسى تارتىپپەن جۇمىس جۇرگىزۋدە، ساندى مالىمەتتەر زەردەلى ۇلكەن ەكراندا ۇزدىكسىز جاڭالانىپ جاتىر؛ رۇڭشىڭ توبى بولىمشە سەرىكتەستىگىنىڭ جىجياڭ مۇناي - حيميا سەحىنا كىردىك، قولمەن جازىلعان «باقىت» دەگەن جازۋ، قىزىل ءتۇستى اشەكەي بۇيىمدار زاۆود ۇيلەرىن مەرەكەلىك تۇسكە ەنگىزگەن، ءبىرىنشى شەپتەگى قىزمەتكەرلەر ءتۇرلى ساندى مالىمەتتەر مەن پارامەترلەردى مۇقيات ەستەلىككە الۋدا؛ چۋانحۋا توبىنىڭ قاراماعىنداعى شين - ان حيميا ونەركاسىپ ءوندىرىس سەحىندا گيدروگليفوسفات ءدارىسى، ۇنتاق ءدارى سياقتى ءتۇرلى ءدارى - دارمەك تارتىپپەن اينالىمعا ءتۇسىپ، قوراپتاۋ، قامبادان شىعارىپ تەكسەرۋ سياقتى بۋىنداردان وتكەننەن كەيىن، ىركەس - تىركەس ەل ءىشى - سىرتىنا جونەلتىلۋدە. كوكتەم مەرەكەسى دەمالىسىندا حاڭجوۋ قالاسىنداعى كاسىپورىندار ۇزدىكسىز جۇمىس جۇرگىزىپ، قىزمەتكەرلەردىڭ قايراتى تاسقىنداپ، تاماشا باستاما جاراتۋعا كۇش سالدى.
«بيىل تاپسىرىس ءبىرشاما كوپ، كوكتەم مەرەكەسى دەمالىسى كەزىندە ءوندىرىس جەلىسى تولىق ىسكە قوسىلدى، ونىمدەردىڭ دەر كەزىندە تاپسىرىلۋىنا شىنايى كەپىلدىك ەتىلەدى». شين - ان حيميا ونەركاسىبى گيدروگليفوسفات قۇرىلعى كەڭسەسىنىڭ مەڭگەرۋشىسى چىن شياۋجۇن بىلاي دەپ تانىستىردى: جوعارى ءونىمدى ءوندىرىستى قامتاماسىز ەتۋ ءۇشىن، كوكتەم مەرەكەسى دەمالىسىندا كاسىپورنىمىزدىڭ جۇمىس ورنىنداعى جۇمىسشى - قىزمەتكەرلەردىڭ سانى نەگىزىنەن ازايمادى، سەرىكتەستىك تە جۇمىس ورنىندا قالعان جۇمىسشى - قىزمەتكەرلەرگە سايكەستى سيلىق اقشا، قوسىمشا قاراجات بەردى.
«كوكتەم مەرەكەسىندە قىزمەت ورنىمنان تاپجىلمادىم، جۇمىسىمىز ماندىپ جاتىر». شين - ان حيميا ونەركاسىپ توبىنىڭ قىزمەتكەرى چىن شۇنجۇڭ بىلاي دەدى: قازىر گيدروگليفوسفات وندىرىسىندە اۆتوماتتاسۋ جانە ۇلاسپالىلىق جۇزەگە اسىرىلدى، مەنىڭ قىزمەتىم جوعارى - تومەنگى بۋىنداردى سايكەستىرىپ، قۇرىلعىنىڭ حاۋىپسىز، ورنىقتى اينالىمىنا كەپىلدىك ەتۋ.
شين - ان حيميا ونەركاسىبى قامداۋ تىزبەگىنىڭ جۇمىس جۇرگىزۋشىسى حۋ چاۋ بىلاي دەپ تانىستىردى: بيىل 1 - ايدا شين - ان حيميا ونەركاسىپ توبىنا تاپسىرىس بەرۋ مولشەرى جوسپارداعىدان 2 مىڭ توننادان استام ارتىپ، 1 - توقسانداعى باستاماسىنىڭ ءساتتى بولۋىنا تاماشا نەگىز قالاندى. «دەمالىس كەزىندە شەتەلدىك قاريدارلارىمىز ءالى دە تاپسىرىس بەرىپ وتىر، ءبىز ءوندىرىستى توقتاتپاۋىمىز كەرەك. جاڭا جىلعا قاراعان تۇننەن قازىرگە دەيىن ءوندىرۋ، ءدارى - دارمەك دايىنداۋ تارتىپپەن ورىستەتىلدى، ەندىگى كەزەكتە قاريدارلاردىڭ قاجەتىنە ساي، ونىمدەردى قوراپتاۋ جانە جونەلتۋ ىستەرىن ىركەس - تىركەس ورىندالايمىز».
جىجياڭ مۇناي – حيميا زاۆود رايونىندا ماسكى وندىرۋگە پايدالانىلاتىن پولي پروپيلەن ماتەريالدارى بار كۇشپەن ايىرىپ الىنۋدا. رۇڭشىڭ توبىنىڭ قاتىستى جاۋاپتىسى بىلاي دەدى: كوكتەم مەرەكەسى دەمالىسىندا قىزمەتكەرلەردىڭ جالپى قىزمەت ورنىندا بولۋ مولشەرى جايشىلىقتاعىنىڭ %95 ى شاماسىندا بولدى، «ءبىز دەمالىستا دەمالماي ىستەگەن الدىڭعى شەپتەگى قىزمەتكەرلەرگە جاڭا جىل تارتۋىن دايىنداپ، ولارعا كوكتەم مەرەكەسى بايلانىسىمەن مەيىر باعىشتادىق».
بازاردىڭ قاۋىرت سۇرانىسى الدىندا كوپتەگەن كاسىپورىن بەلسەنە دايىندىق جاساپ، ونىمدەردىڭ ءدال ۋاعىندا تاپسىرىلۋىن قامتاماسىز ەتتى. «ءبىر جاعىنان، ءبىز تاپسىرىس ءوندىرىسىنىڭ ءتارتىبىن ۇيلەسىمدى ورنالاستىرىپ، جوسپار بويىنشا ءوندىرىس جۇرگىزدىك؛ ەندى ءبىر جاعىنان، ونىمدەردىڭ قورابىن، اسىرەسە، تاپسىرىس بويىنشا جاسالۋىن، دارالانىپ قوراپتالۋىن الدىن الا تىندىرىپ، زات تاپسىرۋ پەريودىن قىسقارتىپ، ونىمدەردىڭ تاپسىرىلۋىنا كەپىلدىك ەتتىك» دەدى حۋ چاۋ.
زات اينالىمىنىڭ بىرتىندەپ قالپىنا كەلۋىنە بايلانىستى، شەتەل بازارىنا باعىتتالعان ونىمدەر دە ءتارتىپتى تاراتىلادى. «كاسىپورىن دامۋىنىڭ، ءسوز جوق، بارعان سايىن جاقساراتىنىنا سەنەمىن» دەدى چىن شياۋجۇن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
