جاڭا زەللانديانىڭ وكلەند قالاسى نوسەر اپاتىنا ۇشىراپ شۇعىل جاعدايعا ءوتتى
2023.01.29 13:23 كەلۋ قاينارى : حالىق تورابى
شينحۋا اگەنتتىگىنىڭ 1 – ايدىڭ 28 – كۇنى ۆەللينگتوننان بەرگەن حابارى. 1 – ايدىڭ 27 – كۇنىنەن 28 – كۇنىنە دەيىن جاڭا زەللانديانىڭ ەڭ ۇلكەن قالاسى وكلەند قالاسىندا تولاسسىز جاۋعان نوسەردەن كەڭ كولەمدە تاسقىن اپاتى تۋىلىپ، وكلەند قالاسى شۇعىل جاعدايعا ءوتتى.
جاڭبىردىڭ كەسىرىنەن ويپاڭ وڭىرلەردەگى كوپتەگەن ساۋدا دۇكەندەرى مەن تۇرارجايدى سۋ باسقان، باتىس بولەگىندەگى ايماقتاردا كەڭ كولەمدە توك توقتاپ، جول قاتىناسى ۇزىلگەن. جاڭا زەللانديانىڭ مەملەكەتتىك قورعانىس ارمياسى ءىشىنارا ايماقتارداعى تۇرعىنداردىڭ شەگىنۋىنە كومەكتەسكەن. قازىرگە دەيىن 1 ادام ءولىپ، 2 ادام ءىز – توزسىز كەتكەن، 1 – ءنومىرلى جوعارى قارقىندى تاس جول مەن حالىقارالىق اۋەجاي بەكىتىلگەن.
وكلەند قالاسىنىڭ قالا باستىعى ۆانيە براون 1 – ايدىڭ 27 – كۇنى وكلەند قالاسىنىڭ شۇعىل جاعدايعا وتكەندىگىن جاريالادى، ۋاقىتى ءبىر اپتا. وكلەند قالاسى 3 ورنالاستىرۋ الاڭىن دايىنداپ، جاڭبىر مەن تاسقىننىڭ ىقپالىنا ۇشىراعانداردى قابىلدادى.
جاڭا زەللانديانىڭ زۇڭليى چرەيس حاپكەنيس 1 – ايدىڭ 28 – كۇنى ۆەللينگتوننان وكلەندقا ۇشىپ بارىپ اپات جاعدايىن كوزدەن كەشىرگەن. ول بۇل جولعى نوسەردىڭ وكلەند تاريحىندا بۇرىن – سوڭدى بولماعاندىعىن، قازىر تاسقىن سۋىنىڭ شارپىعان كولەمى مەن باسپاناسىنان ايرىلعان تۇرعىنداردىڭ سانىنىڭ تۇراقتانباعاندىعىن ءبىلدىردى.
جاڭا زەللانديا اۋا رايى ستانسياسىنىڭ ساندى مالىمەتىنە نەگىزدەلگەندە، 1 – ايدىڭ 28 – كۇنى ساعات 1 گە دەيىن، وكلەندتە 24 ساعات ىشىندەگى جاۋعان نوسەردىڭ مولشەرى 249 ميلليمەتر بولعان. اتالعان ەلدىڭ اۋا رايى ستانسياسى وكلەند ايماعىنا نوسەردەن ساقتانۋدىڭ قىزىل ءتۇستى ساقتىق سەگنالىن بەرگەن.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
