لي كىچياڭ مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشتى
2023.01.29 14:00 كەلۋ قاينارى : حالىق تورابى
قازىرگى ەكونوميكالىق، قوعامدىق دامۋ قىزمەتىن ءۇرتىس مىقتى يگەرىپ، ەكونوميكالىق اينالىمنىڭ جىل باسىندا ورنىقتى قالپىنا كەلۋىن جەبەۋدى تالاپ ەتتى؛ كوكتەمگى ەگىس دايىندىعى قىزمەتىن جاقسى ىستەپ، استىقتان مول ءونىم الۋعا جانە ماڭىزدى اۋىل شارۋاشىلىق ونىمدەرىمەن ورنىقتى قامداۋعا بەرىك نەگىز قالاۋدى ورنالاستىردى؛ تۇتىنۋدى جەدەل قالپىنا كەلتىرىپ جانە سىرتقى ساۋدا، شەتەل قارجىسىنىڭ ورنىقتىلىعىن ساقتاپ، ەكونوميكانى جەبەۋ قۋاتىن نىعايتۋدى تالاپ ەتتى
شينحۋا اگەنتتىگى، 1 - ايدىڭ 28 - كۇنى، بەيجيڭ. مەملەكەتتىك كەڭەستىڭ زۇڭليى لي كىچياڭ 1 - ايدىڭ 28 - كۇنى مەملەكەتتىك كەڭەستىڭ ۇنەمىلىك ىستەر ءماجىلىسىن باسقارىپ اشىپ، قازىرگى ەكونوميكالىق، قوعامدىق دامۋ قىزمەتىن ءۇرتىس مىقتى يگەرىپ، ەكونوميكالىق اينالىمنىڭ جىل باسىندا ورنىقتى قالپىنا كەلۋىن جەبەۋدى تالاپ ەتتى؛ كوكتەمگى ەگىس دايىندىعى قىزمەتىن جاقسى ىستەپ، استىقتان مول ءونىم الۋعا جانە ماڭىزدى اۋىل شارۋاشىلىق ونىمدەرىمەن ورنىقتى قامداۋعا بەرىك نەگىز قالاۋدى ورنالاستىردى؛ تۇتىنۋدى جەدەل قالپىنا كەلتىرىپ جانە سىرتقى ساۋدا، شەتەل قارجىسىنىڭ ورنىقتىلىعىن ساقتاپ، ەكونوميكانى جەبەۋ قۋاتىن نىعايتۋدى تالاپ ەتتى.
ءماجىلىس مىنالاردى اتاپ كورسەتتى: قازىر ەكونوميكا ۇزدىكسىز قالپىنا كەلىپ، قايتا ورلەۋ جاعدايى جارىققا شىقتى. پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، ورتالىقتىڭ ەكونوميكالىق قىزمەت ءماجىلىسىنىڭ رۋحىن تياناقتاندىرىپ، ارتۋدى ورنىقتىرۋعا، جۇمىستانۋدى ورنىقتىرۋعا، زات باعاسىن ورنىقتىرۋعا كۇش سالىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاۋ كەرەك. ەكونوميكانى ورنىقتىرۋدىڭ ءبىرقىدىرۋ ساياساتى مەن شاراسىن ىشكەرىلەي تياناقتاندىرىپ، قازىنا، فينانس قۇرالدارى قولدايتىن ءىرى نىساندار قۇرىلىسىن، جابدىقتاردى جاڭالاۋ، قايتا قۇرۋ ارقىلى ءتىپتى دە كوپ ناقتى قىزمەت مولشەرىن قالىپتاستىرۋدى ىلگەرىلەتىپ، شاعىن كولەمدە سالىق تاپسىرۋشىلاردىڭ ارتقان قۇن سالىعىن ازايتۋ، كەشىرىم ەتۋ، جەڭىلدىكپەن از مولشەردە قارىز اقشا بەرۋ سياقتى ساياساتتاردى ويداعىداي اتقارۋ كەرەك. «ەكىدەن استە اۋىتقىماۋدا» تاباندى بولىپ، حالىقتىق كاسىپورىنداردىڭ ۇقىق - مۇددەسىن زاڭ بويىنشا قورعاپ، بازارلانعان، زاڭمەن جونگە سالىناتىن، حالىقارالانعان شارۋاشىلىق - ساۋدا ورتاسىن ۇزدىكسىز قالىپتاستىرۋ كەرەك. تۇعىر ەكونوميكاسىنىڭ باياندى، اقاۋسىز دامۋىنا قولداۋ كورسەتۋ كەرەك. كاسىپورىندار مەرەكەدەن كەيىن جۇمىستى، ءوندىرىستى جەدەل قالپىنا كەلتىرۋدى ىلگەرىلەتىپ، شارۋا جۇمىسكەرلەردىڭ جۇمىس ورنىنا ورالىپ جۇمىستانۋىنا تىڭعىلىقتى قىزمەت وتەۋى كەرەك. جوعارى مەن تومەن بىرگە قۇلشىنىپ، ەكونوميكالىق اينالىمنىڭ قايتا ورلەۋ اۋقىمىن بەكەمدەۋ جانە كەڭەيتۋ كەرەك.
ءماجىلىس مىنالاردى اتاپ كورسەتتى: جىل ەسەبى كوكتەمدە، جازعى استىق ءونىمى مولشەرمەن تۇتاس جىلدىڭ %60 ىن ۇستايدى، كوكتەمگى ەگىس ءونىمى نەگىزگى ىشەر استىقتىڭ %40 ىنە جۋىعىن ۇستايدى. 2 – ايدىڭ باسىندا قاتىستى تاراۋلار جان - جاقتى ورنالاستىرۋ جاساپ، جاۋاپكەرلىكتى ساتىلار بويىنشا ناقتىلاندىرىپ، ەگىس ۋاقىتىن اقساتپاي كوكتەمگى ەگىس دايىندىعىن مىقتى يگەرىپ، استىقپەن ورنىقتى قامداۋ قۋاتىن جوعارىلاتۋعا، زات باعاسىنىڭ ورنىقتىلىعىن ساقتاۋعا بەرىك نەگىز قالاۋى كەرەك. ءبىرىنشى، كوكتەمگى ءبيداي، قىشى اتىزىن اتىز باسقارۋدى مىقتى يگەرۋ كەرەك. جەر جاعدايىنا، داقىل تۇرىنە قاراي تەحنيكالىق جەتەكشىلىكتى كۇشەيتىپ، كوكتەمگى قۋاڭشىلىق، كوكتەمگى سۋىق، دەرت - دەربەز، زياندى جاندىك سياقتى اپاتتاردان دەر كەزىندە ساقتانۋ كەرەك. ەكىنشى، جەر - جەردىڭ استىق جانە مايلى داقىل ءوندىرىس نىساناسىن تەز ارادا ايقىنداپ، كوكتەمگى ەگىس كولەمىنىڭ تياناقتانۋىنا كەپىلدىك ەتىپ، سويا بۇرشاق ەگىلەتىن جەر كولەمىن ورنىقتىرۋ كەرەك. ءۇشىنشى، قامتاماسىزداندىرۋ جونىنەن قىزمەت وتەۋدى تىڭعىلىقتى ويداعىداي ىستەۋ كەرەك. اۋىل شارۋاشىلىق ءوندىرىس قۇرال - جابدىقتارىن ءوڭىر اتتاپ رەتتەۋ، جەتكىزۋدى ويداعىداي يگەرىپ، ەگىنشىلەردىڭ تۇقىمعا، تىڭايتقىشقا دايىندالۋىنا قولداۋ كورسەتۋ كەرەك. جەلىدە، جەلىدەن تىس اۋىل شارۋاشىلىق تەحنيكالىق كۋرستارىن ورىستەتۋ كەرەك. اۋىل شارۋاشىلىق ماشينالارىن تەكسەرىپ جوندەۋ جانە رايون اتتاپ ماشينامەن ەگۋ قىزمەتىن ويداعىداي ىستەپ، قوعامدانعان قىزمەت وتەۋدىڭ ۇيىمدىق رولىن ساۋلەلەندىرىپ، ۇساق شارۋالاردىڭ ەگىندى جاقسى سالۋىنا كومەكتەسۋ كەرەك. ءتورتىنشى، ەڭ تومەنگى ساتىپ الۋ باعاسى، وندىرۋشىلەرگە بەرىلەتىن قوسىمشا قاراجات سياقتى ساياساتتاردى تياناقتاندىرۋ كەرەك. بەسىنشى، سويا بۇرشاق ەگۋگە قولداۋ كورسەتۋ تەبىنىن ارتتىرىپ، ءبيداي ەكپەشىلىگىندە «ءبىردى بۇركىپ، ۇشتەن ساقتانۋمەن» جاپپاي قامتۋدى ۇزدىكسىز اتقارىپ، دەرت - دەربەزدەن، زياندى جاندىكتەردەن ساقتانۋ جانە ونى تىزگىندەۋ قارجىسىن ەرتەرەك بوساتىپ، وڭتۇستىكتەگى ەرتە پىساتىن كۇرىشكە مايسانى شوعىرلى جەتىلدىرۋ قوسىمشا قاراجاتىن بەرىپ، شارۋالاردىڭ بەلسەندىلىگىن جۇمىلدىرىپ، ءونىمدى، كىرىستى ارتتىرۋدى جەبەۋ كەرەك.
ءماجىلىس مىنالاردى اتاپ كورسەتتى: سۇرانىستى قامداي الماۋ سىندى كورنەكتى قايشىلىققا باعىتتاي وتىرىپ، تۇتىنۋدى جەدەل قالپىنا كەلتىرۋدى ەكونوميكانىڭ نەگىزگى قوزعاۋشى كۇشىنە اينالدىرىپ، سىرتقا ەسىك اشۋدى تاباندىلىقپەن كەڭەيتىپ، سىرتقى ساۋدا، شەتەل قارجىسىنىڭ ورنىقتى بولۋىن، ساپاسىن جوعارىلاتۋدى جەبەۋ كەرەك. ءبىرىنشى، تۇتىنۋدى ۇلعايتۋعا كۇش سالۋ كەرەك. تۇرمىستىق قىزمەت وتەۋ كاسىپورىندارى مەن جەكەشە ونەركاسىپشىلەردىڭ، ساۋداگەرلەردىڭ قيىنشىلىعىن شەشۋ، اۆتوموبيل سياقتى تۇتىنۋ ساياساتتارىنىڭ جاپپاي تياناقتانۋىن جەبەۋ كەرەك. الۋان ءتۇرلى تۇتىنۋدى جەبەۋ قيمىلدارىن ۇيىمداستىرىپ جانە ورىستەتىپ، جاناسپالى تۇتىنۋدىڭ جەدەل قالپىنا كەلۋىن جەبەۋ كەرەك. تۇتىنۋ امانات - قارىزىن ۇيلەسىمدى ارتتىرۋ كەرەك. قالا جاعدايىنا قاراي شارا قولدانىپ، ساياساتتىق قۇرال - سايمان ساندىعىنان ويداعىداي پايدالانىپ، تۇراقتى جانە جاقسارتىلعان تۇرعىن ءۇي قاجەتىن قولداپ، سالىنىپ جاتقان عيماراتتى تاپسىرۋ قىزمەتىن ويداعىداي ىستەۋ كەرەك. ەكىنشى، مەملەكەتتىڭ سىرتقا ەسىك اشۋ سىندى نەگىزگى ساياساتىندا تاباندى بولىپ، ءىس جۇزىندىك شارالاردى ۇزدىكسىز العا قويىپ، سىرتقى ساۋدانى كۇش سالا ورنىقتىرۋ كەرەك. ەل ىشىندەگى جەلىدەن تىس كورمەلەردى قالپىنا كەلتىرۋدى ىلگەرىلەتىپ، كاسىپورىنداردىڭ شەكارادان شىعۋىنا قولداۋ كورسەتۋ كەرەك. ەكسپورتتان سالىق قايتارۋ، امانات – قارىز سياقتى ساياساتتاردى تياناقتاندىرىپ، حالىق اقشاسى سىندىرىلىمىنىڭ ۇيلەسىمدى، تەپە - تەڭ ورەدەگى نەگىزگى ورنىقتىلىعىن ساقتاۋ كەرەك. كاسىپورىنداردىڭ وڭىرلىك جالپى بەتتىك ەكونوميكالىق سەرىكتەستىك قاتىناس كەلىسىمىنەن ويداعىداي پايدالانىپ، بازاردى كەڭەيتۋىن قولداۋ كەرەك. شەكارا اتتاعان ەلەكتروندىق ساۋدا، شەتەل قامباسى سياقتىلاردىڭ دامۋىن ىشكەرىلەي جەبەۋ كەرەك. سىرتقى ساۋدانىڭ باسەكەلىك قۋاتىن جوعارىلاتۋ، يمپورتتى ۇيلەسىمدى كەڭەيتۋ كەرەك. ءۇشىنشى، شەتەل قارجىسىن بەلسەنە باۋراۋ كەرەك. شەتەل ساۋداگەرلەرىنىڭ قارجى قوسۋىنا دەم بەرەتىن جاڭا كاسىپ تىزىمدىگىن جەدەل تياناقتاندىرۋدى ىلگەرىلەتۋ كەرەك. جەرگىلىكتى ورىنداردىڭ ساۋداگەر شاقىرىپ، قارجى ەنگىزۋىنە قولداۋ كورسەتۋ كەرەك. ەركىن ساۋدا سىناق رايونى سياقتى تۇعىرلاردىڭ رولىن اناعۇرلىم ويداعىداي ساۋلەلەندىرۋ كەرەك. ادامداردىڭ شەكارا اتتاپ بارىس - كەلىس جاساۋىنا قولايلىلىق جاساۋ شارالارىن تياناقتاندىرۋ كەرەك. شەتەل قارجىلاندىرعان كاسىپورىندارعا قىزمەت وتەۋدى ۇزدىكسىز كۇشەيتىپ، كەلەلى نىسانداردىڭ جەدەل تياناقتانۋىن ىلگەرىلەتۋ كەرەك.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
