ەكى جەر ءبىر جەلىدە توعىسىپ، كوكتەم مەرەكەسى مەرەيلى ءوتتى
□ انار بۇلت \ شينجياڭ گازەتىنىڭ ءتىلشىسى ما بويۇي
2023.01.29 15:59 كەلۋ قاينارى : شينجياڭ گازەتى
قاشقار ايماعى جاڭاءشار اۋدانى شي - اننان 3700 نەشە كيلومەتر قاشىقتىقتا، شاڭحاي، جىجياڭ، بەيجيڭ سياقتى جەرلەر ءتىپتى دە شالعايدا جاتىر، الايدا ءبىر اۋىز شىنايى تىلەك، سۇيىسپەنشىلىككە تولى سالەمدەمە، بۋى بۇرقىراعان تۇشپارا جۇرەك پەن جۇرەكتى جاقىنداتىپ، مەرەكەگە مەرەي ۇستەدى.
جىل ءولاراسىنا تاياعاندا، جاڭاءشار اۋدانى ياندۇما اۋىلى اياقچىگەتۇع قىستاعىنداعى بالدىرعاندار بۇكىل ەلىمىزدىڭ جەر - جەرىنەن كەلگەن سۇيىسپەنشىلىككە تولى سالەمدەمەلەردى تاپسىرىپ الدى، ويىنشىق، كىتاپ، كيىم - كەشەك... وسىلاردىڭ ءبارى سۇيىسپەنشىلىك جانە تىلەك بولىپ توعىسىپ، وسى شاعىن قىستاققا جەتىپ، ”انار گۇلى جوسپارىنىڭ“ يگىلىگىنە كەنەلگەن بالدىرعانداردى شەكسىز قۋانىشقا بولەدى.
ءمادينا تۇرسۇن انە سولاردىڭ بىرەۋى، 1 - ايدىڭ 18 - كۇنى ونىڭ 10 جاسقا تولعان تۋعان كۇنى، قىستاقتاعى 60 نەشە بالا ونىمەن بىرگە ءبىر ارادا باس قوستى. تۋعان كۇنىن تويلاۋدان سىرت، ولار جونىنەن تاعى ءبىر ماڭىزدى جۇمىس بار ەدى، ياعني انار گۇلى كوكتەم مەرەكەسىن ينتەرنەت جەلىسىندە توپتىق قۇتتىقتاۋ قيمىلى ارقىلى سوناۋ الىستاعى اعا - باۋىر، اپەكە - سىڭلىلەرىنە العىستارىن، سونداي - اق كوكتەم مەرەكەسى بايلانىسىمەن ىزگى تىلەكتەرىن جەتكىزۋ ەدى.
توپتىق قۇتتىقتاۋدا ەكى ”كىشكەنتاي تۋىس“ شاڭحايداعى ۋاڭ لەي اپەكەلەرىنە ول جىبەرگەن تاڭجۋاڭدى كيىپ كورسەتتى؛ جىجياڭدىق بالاقاي يۋەيۋە ءسىڭلىسى ءالياعا ارناۋلى جاساعان بەينە ەكران جولداماسىن جولداپ، ونى حاڭجوۋعا كەلۋگە ۇسىنىس ەتتى؛ بالاقاي سىدىق اجى قاري اعاسى جاڭ يەچىنىڭ (ەركەلەتكەن اتى تيانتيان) جىبەرگەن جاڭا جىل سالەمدەمەسى − ۆەلوسيپەدتى ماقتانا كورسەتتى. ول تىلشىگە بىلاي دەدى: ”بەيجيڭدەگى تيانتيان اعام دۇنيە جۇزىندەگى الدىڭعى 10 نىڭ ءبىرى بولعان ايتۋلى داشۋەدەن وقىعان، تالاي رەت وقۋ سيلىق اقشاسىن العان، ول مەنىڭ گەرويىم، مەن ودان جاقسى ۇيرەنەمىن“! جىجياڭنىڭ ي - ۋ قالاسىنداعى بالاقاي ياڭ شياڭحۇڭ: ”ءبىز ءبىر جەردە بولماعانىمىزبەن، كوكتەم مەرەكەسىن بىرگە تويلاۋىمىز كەرەك“ دەگەن كوپشىلىكتىڭ جۇرەك ءسوزىن ايتتى.
اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانى ياندۇما اۋىلى اياقچىگەتۇع قىستاعىندا تۇراتىن قىستاقتىڭ ءبىرىنشى شۋجيى جۋ پىڭچىڭ بىلاي دەپ تانىستىردى: ”انار گۇلى جوسپارى“ 2021 - جىلى 9 - ايدان باستاپ اتقارىلعاننان قازىرگە دەيىن، بۇكىل ەلىمىزدەگى 21 ولكە، اۆتونوميالى رايون، قالا جانە 30 نەشە ايماق، قالا، رايوننان 100 دەن استام نەگىزگى ساتى پارتيا ۇيىمى، وتباسى، وسپىرىمدەر قاشقار ايماعى جاڭاءشار اۋدانى، حوتان ايماعى لوپ اۋدانىنداعى جالپى قىستاق دارەجەلى 10 اكىمشىلىك مەكەمە - ورىنداعى 120 دان استام وسپىرىممەن تۋىستىق قاتىناس ورناتتى. حانزۋ، موڭعۇل، زاڭزۋ، ۇيعۇر سياقتى 7 ۇلت ادامدارى بۇعان ات سالىسىپ، قاتىناسقان ادام سانى 350دەن اسىپ، ءتۇرلى جىلۋدىڭ جالپى قۇنى 400 مىڭ يۋاننان استى.
بالدىرعاندار قىزۋ ىنتا، تەرەڭ سۇيىسپەنشىلىككە بولەنىپ قانا قالماستان، جاڭاءشار اۋدانى ارال اۋىلى يىڭى ايماق قىستاعىنىڭ تۇرعىنى، اسكەري قوسىننان قايتقان 68 جاستاعى ساقا پارتيا مۇشەسى تۇرسۇن مايدىن وتباسى دا ءتۇستى شامدار ءىلىپ، مەرەكە شاتتىعىنا بولەندى.
جاڭا جىلعا قاراعان ءتۇنى، اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانى ارال اۋىلى يىڭى ايماق قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي رىن شياۋيۇن قىزمەت اترەتىندەگى مۇشەلەردى باستاپ، كۇرىش، ۇن، ماي، ەت سياقتىلاردى الىپ تۇرسۇننىڭ وتباسىنا كەلىپ، تۇشپارا ءتۇيىپ كوكتەم مەرەكەسىن بىرگە تويلادى.
قىزمەت اترەتىندەگىلەردىڭ كەلگەنىن كورگەندە، تۇرسۇن جايراڭداپ سالا بەردى. ول تىلشىگە بىلاي دەدى:”وسى بىرنەشە جىلدا قىزمەت اترەتىندەگىلەر ءبىز ءۇشىن كوپتەگەن يگى ىستەر تىندىردى، اسىرەسە، قىستاقتاعى ’چاڭ - ان بازارى‘ كوپتەگەن ادامنىڭ قالتاسىن قامپايتتى“!
تۇرسۇن ايتقان ”چاڭ - ان بازارى“ بۇرىن يىڭى ايماق قىستاعىنداعى بازار بولاتىن، باستاپقىدا 4 اۋىز جاتاعان ۇيدە ۇساق - تۇيەك ءمالىش بۇيىمدار ساتىلاتىن، بارا - بارا بازار بەينەسىنە كەلە باستادى. 2014 - جىلى اۆتونوميالى رايوندىق حالىق ۇكىمەتى كەڭسەسىنىڭ جاڭاءشار اۋدانى ارال اۋىلى يىڭى ايماق قىستاعىندا تۇراتىن قىزمەت اترەتىندەگىلەردىڭ ىرگە تەبۋىمەن بەلگىلەنگەن ورىن − اۆتونوميالى رايوندىق حالىق ۇكىمەتىنىڭ شي - انداعى ءىس باسقارماسىمەن بايلانىس جاساۋ ارقىلى ادام كۇشى، زاتتىق كۇش، قازىنا كۇشىن شىعارىپ، ساۋدا دۇكەندەرىن ارناعا تۇسىرۋگە جەتەكشىلىك ەتتى، سونداي - اق 2022 - جىلى مۇنى ”ۇعىسۋ، تيىمدىلىك جاساۋ، توعىستىرۋ“ بويىنشا قىزمەت اترەتىنىڭ ءتۇيىندى نىسانى قاتارىنا ەنگىزدى. بيىل 1 - ايدا نىسان قۇرىلىسى سالىنىپ ءبىتتى، دەڭگەيى كوتەرىلىپ، وزگەرتىلىپ سالىنعان بازار ”چاڭ - ان بازارى“ دەپ اتالدى.
قازىر ”چاڭ - ان بازارىندا“ جالپى 41 ساۋدا دۇكەنى بار بولىپ، قىستاق تۇرعىندارىنان 56 ادامنىڭ جۇمىستانۋىنا جەتەكشىلىك ەتتى، مۇندا ءبىر دۇكەننىڭ كۇندىك ساۋداسى، ەڭ جوعارى بولعاندا، 7000 يۋاننان اسادى، ساۋدا ءتۇرى ۇساق - تۇيەك بۇيىمداردان تارتىپ مەتال بۇيىمدار، قۇرىلىس ماتەريالدارى، كۇندەلىكتى تۇتىنۋ بۇيىمدارى، كيىم - كەشەك تىگۋ، كومپيۋتەر جونىنەن قىزمەت وتەۋ، قول تەلەفون ساتۋ، جوندەۋ جانە كومىر، اۋىل شارۋاشىلىق ءوندىرىس قۇرال - جابدىقتارى سياقتى مول زاتتىق ماتەريالدى ساتۋعا دەيىن كەڭەيىپ، ماڭىنداعى تاۋار اينالىم ورتالىعىنا اينالدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
