بىلتىر ساناق جۇيەسىنە ەنگىزىلگەن استىق، ماي وڭدەۋ كاسىپورىندارىنىڭ ونەركاسىپ جالپى ءونىم قۇنى سايكەس مەزگىلدەگىدەن％ 12 ارتتى
2023.01.29 15:46 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ليۋ ي 1 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق استىق جانە زاتتىق ماتەريالدى زاپاس ساقتاۋ مەكەمەسىنەن ۇعىسۋىمىزشا، 2022 - جىلى شينجياڭنان ساناق جۇيەسىنە ەنگىزىلگەن (كاسىپورىننىڭ بەلگىلى كولەمگە جەتىپ، بەلگىلى ساتىداعى ساناققا ەنگىزىلگەندىگىن مەڭزەيدى) استىق، ماي وڭدەۋ كاسىپورىندارىنىڭ ونەركاسىپ جالپى ءونىم قۇنى 50 ميلليارد يۋانعا جەتىپ، سايكەس مەزگىلدەگىدەن ％12 ارتىپ، استىق كاسىپ سالاسىنىڭ ەكونوميكالىق كولەمى ۇزدىكسىز زورايعان.
2022 - جىلى شينجياڭ ”رايون ىشىندە ىركىندى قالۋ، مەملەكەتتى قامداۋ“ سىندى استىق قىزمەتى جاڭا باعىتىن ىشكەرىلەي اتقارىپ، جيناۋ، ساقتاۋ ءتۇزىمى رەفورماسىن ۇزدىكسىز تەرەڭدەتىپ، جەر - جەر ءوز جاعدايىنا قاراي استىق، ماي توبىن قۇرىپ، استىق، ماي كاسىپ سالاسى شوعىرى قۇرىلىسىن بەلسەنە ورىستەتتى. ءۇرىمجى قالاسى، ىلە قازاق اۆتونوميالى وبلىسى، تارباعاتاي ايماعى، بۇراتالا موڭعۇل اۆتونوميالى وبلىسى، قاشقار ايماعى ىلگەرىندى - كەيىندى استىق، ماي توبىن قۇرۋ قىزمەتىن ورىنداپ، شينجياڭداعى استىق، ماي توبىنىڭ سانى 3تەن كوبەيىپ، 8گە جەتتى.
وسى نەگىزدە، شينجياڭ استىق ساتىپ الۋ قىزمەتىن ويداعىداي يگەرىپ، استىق ساتىپ الۋ قارىز اقشاسى سەنىمدىلىك كەپىل قورىنىڭ رولىن ءونىمدى ساۋلەلەندىرىپ، ساناق جۇيەسىنە ەنگىزىلگەن كاسىپورىندار 3 ميلليون 271 مىڭ 200 توننا ءبيداي، 6 ميلليون 213 مىڭ توننا جۇگەرى ساتىپ الىپ، جەر - جەر ”ەككەن استىعىن ساتا الۋ“ تومەنگى شەگىن بەرىك ساقتاپ، ساپاسى جاقسى، باعاسى جوعارى بولۋ ارقىلى استىق ەگەتىن ەگىنشىلەردىڭ جاقسى باعامەن ساتۋىنا مۇمكىندىك جاسادى. اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسى جەر - جەرگە جەتەكشىلىك ەتىپ 10 ميلليون يۋاننان استام قارجى قوسىپ، قامبا تۇيىندەرى جۇيەسىن ساپالىلاندىرىپ، دارەجەسىن وسىرۋگە جۇمساپ، ينفورماتسيالاندىرۋ قۇرىلىسىن باقىلاۋ - باسقارۋ مىندەتىن ۋاعىندا ورىنداپ، قامبا ءتۇيىنى، ولكە دارەجەلى تۇعىر، مەملەكەتتىك تۇعىر سىندى ءۇش دارەجەلى ساندى مالىمەتتەردى ۇلاستىرۋدى، تۇتاستىرۋدى جۇزەگە اسىرىپ، ايماقتىق، اۋداندىق ۇكىمەت زاپاس استىعىنىڭ ءبارىن مەملەكەتتىڭ استىق ساۋدا تۇعىرىنا ەنگىزىپ، باعاسىن جاريالاپ تالاستىرىپ ساتىپ، تۇتاس جىلدا ءتۇرلى استىقتىڭ، مايدىڭ ساۋداسى 881 مىڭ 400 تونناعا جەتىپ، ساۋدا سوماسى 2 ميلليارد 532 ميلليون يۋان بولدى. سونىمەن بىرگە، تاعى 290 ميلليون يۋان قارجى قوسىپ، استىق زات اينالىمى قامباسى قۇرىلعى قۇرىلىسىنا جۇمسادى، سيىمدىلىعى 235 مىڭ 600 توننا جاڭا قامبا سالۋدى جوبالاپ، دارەجەسىن ءوسىرىپ، وزگەرتىلگەن قامبالاردىڭ سيىمدىلىعى 370 مىڭ توننا بولىپ، استىق ساقتاۋدى باسقارۋ دەڭگەيى اناعۇرلىم جوعارىلادى.
اۆتونوميالى رايوندىق استىق جانە زاتتىق ماتەريالداردى زاپاسقا ساقتاۋ مەكەمەسىنىڭ ورىنباسار باستىعى ما شۋەيۋان بىلاي دەپ تانىستىردى: بيىل اۆتونوميالى رايوندىق استىق جانە زاتتىق ماتەريالداردى زاپاس ساقتاۋ مەكەمەسى استىق، ماي وڭدەيتىن كاسىپورىنداردى جىنتىكتەي وڭدەۋ كاسىبىن دامىتۋعا باستاپ، كاسىپورىنداردى تەحنيكا دارەجەسىن ءوسىرىپ وزگەرتۋگە شابىتتاندىرادى. شينجياڭعا كومەكتەسۋ ساياساتتارى مەن بايلىقتارىنان ۇتىمدى، جاندى پايدالانىپ، ساۋداگەر شاقىرىپ قارجى ەنگىزۋ سەرپىنىن كۇشەيتىپ، كاسىپورىنداردى استىققا قاتىستى ساياسات، زاڭ ەرەجە، ينفورماتسيالىق قىزمەت وتەۋمەن بەلسەنە قامدايدى. سونىمەن بىرگە، جاڭا كەزەكتى ”ساپالى استىق ينجەنەرياسىن“ اتقارىپ، ساپالى استىق ينجەنەرياسى نىسانى دايىندىعىن ويداعىداي ىستەپ، شينجياڭ استىق كاسىبى قوعامىنىڭ رولىن تولىق ساۋلەلەندىرىپ، ”جۇڭگونىڭ جاقسى استىعى، مايى“ ونىمىنە ءوتىنىش بەرۋ قىزمەتىن ويداعىداي يگەرىپ، ”شينجياڭ ۇنىنىڭ“، ”شينجياڭ مايىنىڭ“ ايگىلى ماركا ىقپالىن جوعارىلاتىپ، رايونىمىزدىڭ مەملەكەت بويىنشا ساپالى ەگىن، مال شارۋاشىلىعى ونىمدەرىمەن قامداۋ بازاسىن قۇرۋىنا كۇش قوسادى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
