ىلە وبلىستىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتى
قىزمەت ورىندارىنان باستان - اياق تاپجىلماي، باس قوسۋدى قورعادى
□ انار بۇلت \ شينجياڭ گازەتىنىڭ ءتىلشىسى گو ليڭ
2023.01.29 15:45 كەلۋ قاينارى : شينجياڭ گازەتى
كوكتەم مەرەكەسى − بارلىق ۇيدەن شاتتىق ۇندەر ەستىلىپ، بۇكىل وتباسىنداعىلار باس قوساتىن كۇن. ال ىلە قازاق اۆتونوميالى وبلىستىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ تارماق اترەتىنىڭ 119 قولباسشىلىق ورتالىعىندا وزگەشە بەينە كوزگە تۇسەدى − جىلدام باسىلعان ءتىل تاقتا دىبىسى، دابىل قابىلداۋ قىزمەتكەرلەرىنىڭ تەلەفوندا سويلەسكەن داۋىسى، الىستان قولباسشىلىق ەتكەن بۇيرىق داۋىسى...
”119“ جاي عانا ورتتەن قۇتقارۋ اترەتى ەمەس، قايتا جالپىلىق سيپات العان ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ اترەتى، دابىل قابىلداۋ، ورنالاستىرۋ قىزمەتكەرلەرىنىڭ مىندەتى تىم اۋىر. ”كوكتەم مەرەكەسى كەزىندە قولباسشىلىق ورتالىعىنداعى بارلىق قىزمەتكەر قىزمەت ورىندارىنان تاپجىلماي، تۇتاس وبلىستىڭ دابىل قابىلداۋ قىزمەتىن ۇستىنە الدى“. قولباسشىلىق ورتالىعىنىڭ جاۋاپتىسى لي ۋيلي تانىستىرىپ بىلاي دەدى: ءار كۇنى 9 ادامنان ۇيىمداسقان ”ءبىر تۇلعالانعان“ جالپى قىزمەتتىك قولباسشىلىق شتابى 24 ساعات قىزمەت ورنىندا بولادى.
1 - ايدىڭ 26 - كۇنى ءتىلشى اتالعان تارماق اترەتتىڭ قولباسشىلىق ورتالىعىنا كەلدى، قىزىل تۇمشالامالى شام، ”福“ ءارپى فورماسىنداعى كەرمە گۇلدەر بيىك ءىلىنىپ، قويۋ مەرەكەلىك راي مەن مۇندالايدى. ءدال تۇسكى اس كەزى بولدى، دابىل قابىلداۋشى، ورنالاستىرۋشى قىزمەتكەرلەر بىرىنەن سوڭ ءبىرى تاماقتانا باستادى، باۋىرجان ساپارقان الدىمەن اسحاناعا باردى، مول دايىندالعان مەرەكەلىك اس الدىندا، باسقا دا دابىل قابىلداۋشى، ورنالاستىرۋشى قىزمەتكەرلەردىڭ ءوزىن كەلىپ كەزەك اۋىستىرۋىن توسىپ وتىرعاندىعىن ويلاعان ول 5 مينۋتتا - اق تاماقتانىپ بولدى.
”سالەمەتسىز بە، بۇل 119 قولباسشىلىق ورتالىعى! سىزگە قانداي كومەك قاجەت؟ ءسىزدىڭ قازىرگى تۇرعان ورنىڭىز قاي جەردە“... قىزمەت ورنىندا دابىل قابىلداۋشى، ورنالاستىرۋشى قىزمەتكەر چي سۇڭتاۋ دابىل قابىلداپ جاتتى، ول ءورت كەتكەن ورىن سياقتى ماڭىزدى ينفورماتسيالاردى تەزدەن سۇراستىرعاننان كەيىن، ماڭىنداعى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىنە ورنالاستىرۋ بۇيرىعىن بەردى، ىلە - شالا، الدىنداعى ۇلكەن ەكران ارقىلى سوڭىنا ءتۇسىپ، ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرىنىڭ اۆتوكولىك شىعارىپ، ناق مايدانعا جەتىپ قۇتقارۋ ورىستەتكەن كەسكىنىن كورىپ وتىردى.
2021 - جىلى 9 - ايدا چي سۇڭتاۋ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ اترەتىنە قوسىلادى، وسى 2 جىلداعى كوكتەم مەرەكەسىن تۇگەلدەي قولباسشىلىق ورتالىعىنىڭ زالىندا وتكىزدى. ”كوكتەم مەرەكەسى كەزىندە جارقىلداق، تورسىلداق اتقاندا قاتەرلى جاعداي كوبىندە مايادا، تۇرعىندار ۇيىندە، سيىر - قوي قورالارىندا تۋىلادى، كوكتەم مەرەكەسىنە قاراعان ءتۇن جانە كوكتەم مەرەكەسىنىڭ ءبىرىنشى كۇنى كوپ تۋىلادى“، - دەدى چي سۇڭتاۋ.
قولباسشىلىق ورتالىعىندا ءتىلشى تاعى باقىلاۋ - مەڭگەرۋ كامەراسىنان ءبىر كەسكىندى كوردى، كۇيتۇن قالالىق ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ ۇلكەن اترەتى ىلە باتىس جولى ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ پۋنكتىنىڭ ەسىگى الدىندا 2 قالا تۇرعىنى ءبىر نارسەلەردى قويا سالا دەرەۋ كەتىپ قالادى، اتالعان پۋنكتتىڭ ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرى لياڭ ۋىنشۋان تىلشىگە، ونىڭ ىشىندە قاقتالعان تاۋىق جانە ءبىر جاپىراق قاعاز بار ەكەنىن، وعان ”ءبىز جاقىن ماڭداعى تۇرعىنبىز، كوكتەم مەرەكەسى كەلدى، سىزدەرگە امانداسايىق دەپ كەلدىك، ءبىزدى ءۇن - ءتۇنسىز قورعاپ جاتقاندارىڭىزعا راقىمەت، كوكتەم مەرەكەلەرىڭىز قۇتتى بولسىن، مىندەتكە شىققاندا امان - ەسەن ورالىڭىزدار“ دەپ جازىلعاندىعىن ايتتى.
سويلەپ تۇرعاندا باۋىرجان تاعى تەلەفون قابىلدادى، ءبىر حانىم بار داۋىسىمەن: ”تەز كەلىڭدەر، ۇيىمە ءورت كەتتى“، - دەدى. باۋىرجان، ءبىر جاعىنان، ونى سابىر ساقتاۋعا شاقىردى، ەندى ءبىر جاعىنان، ءورت جاعدايىن سۇراستىرا كەلىپ، وعان الدىمەن قازاننىڭ قاقپاعىن جابۋدى نەمەسە تۋراپ قويعان كوكونىستى، شيكى، سۋىق ازىقتىقتاردى قازانعا سالىپ، تەمپەراتۋراسىن تومەندەتۋدى ايتتى. ”مۇنداي جاعدايدا ءبىز جاعدايدان حاباردار بولعاننان كەيىن ءورت كەتكەن ۇيگە ەڭ جاقىن ءورت ءسوندىرۋ، ورتتەن ساقتانۋ كۇشىن اتتاندىرا ءجۇرىپ، ءورت جاعدايىن تىزگىندەۋگە جەتەكشىلىك ەتەمىز“، - دەدى باۋىرجان.
كوپ وتپەي، دابىل مالىمدەۋشى تەلەفون قايتارىپ، ءورتتى وشىرگەندىگىن ايتىپ العىسىن ءبىلدىردى. باۋىرجان دەرەۋ اتتانعان ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرىنە جاعدايدى اڭىس ەتىپ، ولاردى قايتۋعا بۇيىردى.
”كوكتەم مەرەكەسى كەزىندە جاڭا جىلدىق تىلەك ايتقان تەلەفونداردى ءار كۇنى قابىلداپ تۇرامىز، دابىل مالىمدەۋ جەلىسىنىڭ ىركىلىسسىز بولۋىن قامتاماسىز ەتۋ ءۇشىن، مۇنداي تەلەفوندار كەلە قالسا، العىس بىلدىرۋمەن بىرگە تەلەفوندى جەدەل ءۇزۋدى ەسكەرتەمىز“. لي ۋيلي بىلاي دەدى: ءورت ءسوندىرۋ، ورتتەن ساقتانۋ، قۇتقارۋ - كومەكتەسۋ قىزمەتكەرلەرى ءۇن - ءتۇنسىز بوداۋ بەرۋ ارقىلى قاراستى اۋماقتاعى بۇقارانىڭ شات - شادىمان، بەرەكەلى كوكتەم مەرەكەسىن وتكىزۋىنە مۇمكىندىك جاسادى، ولار مۇنى ىستەۋگە ءتيىستىمىز دەپ قارايدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
