ءۇرىمجى − لوپنۇر جوعارى جىلدامدىقتى تاس جولى تيانشان جەڭىس تۋنەلى
قايرات - جىگەردى تاسقىنداتىپ، قازۋدى جەدەلدەتتى
□ انار بۇلت \ شينجياڭ گازەتىنىڭ ءتىلشىسى لۋ فىڭباۋ، ەرىكتى ءتىلشى لەي شياۋيۇن
2023.01.29 15:44 كەلۋ قاينارى : شينجياڭ گازەتى
قىس ماۋسىمىنداعى تيانشان تاۋىنىڭ قاتپار - قاتپار شىڭدارى بۇلت بۇركەنىپ، قار جامىلادى. تەڭىز دەڭگەيىنەن 3000 مەتر بيىكتىكتەگى G0711 جەلىسى ءۇرىمجى − لوپنۇر جوعارى جىلدامدىقتى تاس جولى تيانشان جەڭىس تۋنەلىنىڭ كىرەر اۋزىندا قۇرىلىسشىلار قۇرىلىستىڭ ءبىرىنشى شەبىندە تاپجىلماي، تۋنەلدىڭ ەرتەرەك تۇتاسۋى ءۇشىن قاۋىرت قۇرىلىس جۇرگىزدى.
”اۆتوكولىك جۇرگىزۋدەن بۇرىن ءبىر رەت تەكسەرىپ كورىڭىز، سالاقسۋعا بولمايدى“. 1 - ايدىڭ 17 - كۇنى ساعات 8دە نىساننىڭ ورىنباسار باس ينجەنەرى ۋاڭ شياۋبيڭ ءدال ۋاعىندا جۇمىس ورنىنا كەلدى. تۋنەل قۇرىلىسىنىڭ جۇمىس باسىن شارلاپ تەكسەرۋدى باستاعان ول ءۇش قولدى بۇرعىلاۋ ماشيناسىنىڭ الدىنا كەلىپ، شوفەرگە قاداعالاي تاپسىرىپ جاتتى.
2021 - جىلى ۋاڭ شياۋبيڭ شينجياڭعا كەلىپ، وسى نىسانعا بەل شەشىپ كىرىسەدى. ول ءار كۇنى ءارقايسى ورىنداردى ارالاپ تەكسەرىپ، تەحنيكالىق جەتەكشىلىك ەتەدى، كەيدە تىكە قۇرىلىس باسىندا ماشينا جۇرگىزەدى، بۇل دا ونىڭ نىساننىڭ ءاربىر ورنىنىڭ، ءاربىر جۇمىس ءتارتىبىنىڭ قارقىنىن قانىق بىلۋىنە مۇمكىندىك جاسادى.
كىرە بەرىستەگى ورتاڭعى جول اشۋ ۇڭگىرىنىڭ ىشىندە TBM (قاتتى تاۋ جىنىسىن بۇرعىلاۋ ماشيناسىنىڭ) بۇرعىلاۋ تاباقشاسى گۇرىلدەپ اينالىپ جاتىر. ۋاڭ شياۋبيڭ داۋىسىن كوتەرە ايعايلاپ: حاۋىپسىزدىك قالپاعىن كيىپ الىڭىزدار، حاۋىپسىزدىككە، ءسوز جوق، كوڭىل بولىڭىزدەر، تيتتەي دە اعاتتىق جىبەرمەڭىزدەر، - دەدى.
تيانشان جەڭىس تۋنەلىنىڭ جالپى ۇزىندىعى 22.1 كيلومەتر، ءۇرىمجى − لوپنۇر جوعارى جىلدامدىقتى تاس جولىنىڭ ”القىمدى“ ينجەنەرياسى، تۋنەل ”ءۇش ۇڭگىر + ءتورت تىك قۇدىق“ قۇرىلىس جۇرگىزۋ ءادىسىن، ياعني ورتاسىنداعى ورتاڭعى جول اشۋ ۇڭگىرىندە TBM جۇمىس ىستەيدى، وڭ - سول ەكى نەگىزگى ۇڭگىرگە بۇرعىلاۋ، قوپارۋ ءادىسى قولدانىلادى.
قۇرىلىس جۇرگىزۋ جوسپارى بويىنشا ورتاڭعى جول اشۋ ۇڭگىرى بيىل تۇتاستىرۋ نىساناسىن جۇزەگە اسىرادى. وسىعان بايلانىستى كوكتەم مەرەكەسى كەزىندە جۇڭگو شينجياڭ ءۇرىمجى − لوپنۇر تاس جولى PPP كوتەرمەگە الۋ نىسانىنىڭ ءۇرىمجى − لوپنۇر تاس جول قۇرىلىسى 5 - بولىگى نىسان ءبولىمىنىڭ قۇرىلىسشىلارى قىزمەت ورنىنان تاپجىلماي، قۇرىلىس جۇرگىزۋدى توقتاتپادى.
حاۋىپسىزدىك قىزمەتكەرى گاۋ لياڭ تۋنەلدە ارلى - بەرلى ءجۇرىپ، قۇرىلىس جۇرگىزۋدىڭ ءارقايسى بۋىنىنا قاداعالاي نازار اۋداردى، ”كوكتەم مەرەكەسى كەزىندە كەيبىر قىزمەتكەرلەردىڭ ءوندىرىس حاۋىپسىزدىگى تانىمىنا نەمقۇرايدى قاراۋىنان قاتتى الاڭدايمىن، سوندىقتان مەن ءار كۇنى، ەڭ از دەگەندە، 6 رەت شارلاپ تەكسەرەمىن“.
”لۋ شۋجي، بيىلعى كوكتەم مەرەكەسىندە قانداي نومىرلەر بار“؟ - دەپ سۇرادى ۋاڭ شياۋبيڭ وسى بولىك نىسان ءبولىمى پارتيا ياچەيكاسىنىڭ شۋجيى لۋ زىجياننان.
”ءاربىر ادامعا ’ۇلكەن تارتۋ - تارالعى قورابى‘ بار“، - دەدى لۋ زىجيان كۇلىپ. قىزمەت ورنىنان تاپجىلماعان ءاربىر قۇرىلىسشىنىڭ الاڭسىز قىزمەت ىستەپ، اناعۇرلىم كوپ مەيىردى سەزىنۋىنە مۇمكىندىك جاساۋ ءۇشىن، نىسان ءبولىمى كوكتەم مەرەكەسىنەن بۇرىن كوپشىلىكتى تەرەزە گۇلىن جاپسىرۋعا، تۇمشالامالى شام ىلۋگە، بوساعالىق جاپسىرۋعا ۇيىمداستىردى، كوكتەم مەرەكەسى كەزىندە تاعى جەلىلەس شاي ءماجىلىسى، سيلىقتى سۇراۋ - جاۋاپ، ءان جارىسى سياقتىلاردى ۇيىمداستىردى.
سويلەپ تۇرعاندا ءۇش قولدى بۇرعىلاۋ ماشيناسى تەحنيكالىق ماسەلەگە تاپ بولدى، تەحنيكتەر ۋاڭ شياۋبيڭدى كەلىپ كومەكتەسۋگە شاقىردى. ”تەز بولىڭدار، قۇرىلىسقا ىقپال جەتكىزۋگە بولمايدى“. ۋاڭ شياۋبيڭ تەحنيكتەردى ەرتىپ جۇگىرە جونەلدى.
قاقاعان ايازدا قۇرىلىسشىلار تيانشان قويناۋىندا تاباندىلىقپەن تۇرىپ، قۇلشىنا بۇرعىلاپ جاتقان قاربالاس كورىنىستەردى قالدىردى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
