كوكتەم مەرەكەسى دەمالىسىندا تۇتىنۋ بازارىنىڭ جاندانۋى تەبىندى بولدى
2023.01.29 15:43 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى حي حۇڭۋي 1 - ايدىڭ 27 - كۇنى ۇرىمجىدەن حابارلايدى. اۆتونوميالى رايوندىق ساۋدا ىستەرى مەڭگەرمەسىنەن ۇعىسۋىمىزشا، ناقتى زات ساۋدا - ساتتىعى تەبىندەپ، ينتەرنەت جەلىسىندە بولشەك ساتۋ مولشەرى ارتىپ، كوكتەم مەرەكەسى دەمالىسىندا رايونىمىزدىڭ تۇتىنۋ بازارىنىڭ اينالىمى ورنىقتى، زات قاينارىمەن قامداۋ جەتكىلىكتى، تاۋار تۇرلەرى مول بولىپ، تۇتىنۋ بازارىنىڭ جارقىن تۇيىندەرى كورنەكتىلەنىپ، بەينەسى جالىندى بولعان.
ساۋدا ىستەرى تاراۋلارىنىڭ قاداعالاۋ ساندى مالىمەتىنە نەگىزدەلگەندە، كوكتەم مەرەكەسى دەمالىسىندا شينجياڭ بازارىندا مۇنايدىڭ جانە ودان وندىرىلگەن ءونىم تۇرلەرىنىڭ ساتىلۋى 2022 - جىلداعى سول تۇستاعىدان ％01. 23 ارتقان؛ قۇرىلىس جانە بەزەندىرۋ ماتەريال تۇرلەرىنىڭ ساتىلۋى 2022 - جىلداعى سول تۇستاعىدان ％39. 11 ارتقان؛ ءبىز توقىما بۇيىم تۇرلەرىنىڭ ساتىلۋى 2022 - جىلداعى سول تۇستاعىدان ％62. 7 ارتقان؛ ءۇي ەلەكتر جابدىقتارىنىڭ جانە دىبىس - كەسكىن اسپاپ تۇرلەرىنىڭ ساتىلۋى 2022 - جىلداعى سول تۇستاعىدان ％ 36. 7 ارتقان.
مەرەكە كەزىندە تۇتاس رايونداعى تۇتىنۋ بۇيىمدارى بازارىندا كۇرىش، ۇن، مايدىڭ، ەت، جۇمىرتقا، ءسۇتتىڭ، كوكونىس، جەمىس - جيدەكتىڭ، سۋ ونىمدەرىنىڭ باعاسى ورنىقتى، مولشەرى جەتكىلىكتى بولدى. تۇرعىنداردىڭ ساۋدا سارايلارى، ەرەن بازار، اس - سۋ، ساياحات سياقتى سالالارداعى تۇتىنۋى كورنەكتى جانداندى. ساۋدا ىستەرى تاراۋلارى ءتۇيىندى قاداعالاعان بولشەك ساتۋمەن شۇعىلداناتىن 100 اس - سۋ كاسىپورنىنىڭ ساتۋ سوماسى 396 ميلليون يۋان بولىپ، 2022 - جىلداعى سول تۇستاعىدان ％4. 2 ارتقان.
تۇتاس شينجياڭنىڭ جەر - جەرى ءتۇرلى فورماداعى تۇتىنۋ تولىقتاما قاراجاتىن بەرۋ قيمىلىن جانە مەرەكەلىك ساتۋدى جەبەۋ قيمىلىن وتكىزدى. ”ءبىز ’اقسۋدا شاتتانا زات ساتىپ الۋ‘ جانە ’جىبەك جولى قار - مۇز ماۋسىمى· اقسۋدا قۋانىشتى ءبولىسۋ‘ تۇتىنۋ بەلەتى، تۇتىنۋدى جەبەۋ قيمىلىن ىلگەرىندى - كەيىندى باستادىق، تۇتىنۋ بەلەتىنىڭ تاراتىلۋى تۇتىنۋ كومەسكى كۇشىن ءونىمدى جانداندىرىپ، تۇتىنۋعا دەم بەرۋدە وتە تاماشا جەبەۋ رولىن اتقاردى“، - دەدى اقسۋ ايماقتىق ساۋدا ىستەرى مەكەمەسى پارتيا باسشىلىق گرۋپپاسىنىڭ شۋجيى حوۋ ميڭپيڭ.
كوكتەم مەرەكەسى كەزىندە شينجياڭنىڭ جەر - جەرىندەگى ءتۇيىندى ساۋدا شەڭبەرلەرى، ەرەكشەلىككە يە كوشە اۋماقتارى بەلگىلەنگەن سوماعا جەتسە ازايتۋ، ۇستەمە سي بەرۋ، تۇتىنۋ بەلەتى، توپتىق ساتىپ الۋ سياقتى كوپ نەگىزدەنگەن شارالار ارقىلى تۇتىنۋدى جەبەدى. ءارقايسى ءىرى ءۇي ەلەكتر جابدىقتارى بازارى، ەلەكتر اسپاپتارى، سيفرلى ونىمدەر دۇكەندەرى دە ءتيىمدى باعا شىعارىپ، تۇتىنۋشىلارعا تيىمدىلىك جەتكىزدى.
شينجياڭ سۋنيڭ يگوۋ سەرىكتەستىگىنىڭ ءارقايسى دۇكەندەرى جالپى ساتىپ الۋ سوماسىنا جەتسە قايتارۋ، جالاڭ ونىمدەردى ساتىپ الۋ سوماسىنا جەتسە باعاسىن ازايتۋ، كونەنى جاڭاعا اۋىستىرۋ سياقتى جەلىلەس قيمىلدار ورىستەتتى، سونىمەن بىرگە بىرنەشە بانكەمەن بىرلەسىپ تاباندا ازايتۋ جانە ءوسىمىن كەشىرىم ەتۋ قيمىلىن ورىستەتىپ، ”ينتەرنەت جەلىسى + ينتەرنەت جەلىسىنەن تىس“ سياقتى كوپ ءتۇرلى تۇتىنۋشىلار قاۋىمىنا تيىمدىلىك جاسادى.
”ساتۋدى جەبەۋ قيمىلىنىڭ جەتكىزگەن پايداسى كورنەكتى بولدى، كوكتەم مەرەكەسى كەزىندە سۋنيڭ يگوۋ سەرىكتەستىگىنىڭ تۇتاس شينجياڭداعى ناقتى دۇكەندەرىندە زاتتاردىڭ جالپى ساتىلىمى 9 ميلليون 180 مىڭ يۋان بولىپ، سايكەس مەزگىلدەگىدەن ％246 ارتتى“، - دەپ تانىستىردى شينجياڭ سۋنيڭ يگوۋ ساۋدا شەكتى سەرىكتەستىگىنىڭ بازار باس باقىلاۋشىسى تيان شياۋفي.
كوكتەم مەرەكەسى كەزىندە كەشكى تۇتىنۋ، سەيىل - سەرۋەن تۇتىنۋى، ينفورماتسيا تۇتىنۋى، بازار تۇتىنۋى سياقتىلاردى ۋاكىلدىك ەتكەن جاڭاشا تۇتىنۋ ۇلگىسىنىڭ ومىرشەڭدىك كۇشى كورنەكتىلەندى.
ءۇرىمجى دىحۇي ۋاندا الاڭى وتكىزگەن كوكتەم مەرەكەسىندە قۇت قويان باقشا سەيىلى، بالالار پيەساسى سياقتى قيمىلدار كوپتەگەن قالا تۇرعىندارىن باۋراپ، شىت جاڭا تۇتىنۋ ۇلگىسى قالا تۇرعىندارىنىڭ كوپ نەگىزدەنگەن تۇتىنۋ قاجەتىن قاناعاتتاندىردى.
”كوكتەم مەرەكەسى كەزىندە ساۋدا سارايلارىنىڭ كۇندىك ورتاشا قاريدار اعىن مولشەرى 60 مىڭ ادام - رەت بولىپ، بىلتىرعى سول تۇستاعىدان كورنەكتى ارتتى“. شينجياڭ دىحۇي ساۋدا - ساتتىق باسقارۋ جارنا شەكتى سەرىكتەستىگىنىڭ باس ديرەكتورى چۋان شين بىلاي دەپ تانىستىردى: ”الداعى جەردە ءبىز تاعى بازار وزگەرىسىنە بەلسەنە سايكەسىپ، ’تۇتاستىرۋ، سالا اتتاۋ جانە سەلبەسۋ‘ سىندى دامۋ ستراتەگياسىن جان - جاقتى اتقارىپ، بارلىق جاستاعىلاردى، بارلىق الارماندار ساتىسىنداعىلاردى قامتىعان زات ساتىپ الۋ تۇتىنۋىن، كوڭىل اشۋ كەشىرمەسى، تاربيە كۋرسى سياقتى كوپ كاسىپ كۇيىن تۇلعالاپ، تۇتىنۋشىلاردىڭ قاجەتىن ونان ارى قاناعاتتاندىرامىز“.
كوكتەم مەرەكەسى دەمالىسىندا تۇتىنۋ بازارىنىڭ ورنىقتى اينالىمىن كۇش سالا قامتاماسىز ەتۋ ءۇشىن، اۆتونوميالى رايوندىق ساۋدا ىستەرى مەڭگەرمەسى «2023 - جىلعى كوكتەم مەرەكەسى كەزىندە بازاردىڭ قامداۋى جانە ءوندىرىس حاۋىپسىزدىگى سياقتى قىزمەتتەردى ويداعىداي ىستەۋ جونىندەگى حابارلاندىرۋدى» تاراتىپ، قاتىستى تاراۋلاردى بەلسەنە سايكەستىرىپ، ۇشتاستىرىپ، بازار جاعدايىنا ءجىتى نازار اۋدارىپ، اۋقىمعا تالداۋ جاساۋدى، اۋقىمدى تۇجىرىمداۋدى ويداعىداي ىستەدى.
”بازاردىڭ قايتا جاندانۋ اۋقىمى كۇن سايىن كورنەكتىلەندى“. اۆتونوميالى رايوندىق ساۋدا ىستەرى مەڭگەرمەسى پارتيا باسشىلىق گرۋپپاسىنىڭ مۇشەسى، ورىنباسار مەڭگەرمە باستىعى حى گوچيڭ مىنالاردى ءبىلدىردى: كەلەسى قادامدا تۇتىنۋ بازارىنىڭ ءىس جۇزىندىگىن تياناق ەتىپ، تۇتىنۋدىڭ قالپىنا كەلۋىن، دامۋىن جەبەيتىن ءتۇرلى ساياسات - شارالاردى بەلسەنە تياناقتاندىرىپ، اۆتوكولىك تۇتىنۋىن جەبەۋ، جاسىل، زەردەلى ءۇي ەلەكتر جابدىقتارىن اۋىلدارعا جەتكىزۋ سياقتى ءبىر قىدىرۋ قيمىلداردى ءۇرتىس ىلگەرىلەتىپ، جەر - جەردىڭ شينجياڭنىڭ ايقىن جەرگىلىكتى ەرەكشەلىگىنە يە ءبىر توپ تۇتىنۋدى جەبەۋ ماركاسى قيمىلدارىن جەتىلدىرۋىنە، تۇلعالاۋىنا جەتەكشىلىك ەتىپ، تۇتىنۋدىڭ ەكونوميكالىق دامۋعا بولعان نەگىزدىك رولىن اناعۇرلىم ويداعىداي ساۋلەلەندىرەمىز“.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
