ەلىمىزدىڭ جىلجىمالى زات تورابىنىڭ جالعانۋ سانى دۇنيە ءجۇزىنىڭ %70 ىن ۇستادى (جاڭا ساندى مالىمەت، جاڭا ءتۇيىن)
2023.01.30 14:20 كەلۋ قاينارى : حالىق تورابى
«حالىق گازەتى»، 1 - ايدىڭ 29 - كۇنى، بەيجيڭ (ءتىلشى ۋاڭ جىڭ). ءتىلشىنىڭ بىرنەشە كۇننىڭ الدىندا ونەركاسىپ جانە ينفورماتسيالاندىرۋ مينيسترلىگىنەن ۇعىسۋىنشا، ەلىمىزدىڭ جىلجىمالى زات تورابىنىڭ تۇتىنۋشىلارىنىڭ كولەمى تەز كەڭەيىپ، 2022 - جىلدىڭ سوڭىنا دەيىن جالعانۋ سانى ءبىر ميلليارد 845 ميلليونعا جەتىپ، 2021 - جىلدىڭ سوڭىنداعىدان 447 ميلليون ارتىپ، دۇنيە ءجۇزى جالپى سانىنىڭ %70 ىن ۇستاعان.
تور نەگىزدىك قۇرىلعىلارى اناعۇرلىم بەكەمدەلىپ، كوپ توردى سايكەستىرۋ جۇيەسى العاشقى ادىمدا ورناتىلدى. 2022 – جىلدىڭ سوڭىنا دەيىن جىلجىمالى حابارلاسۋ نەگىزدىك پۋنكتىنىڭ جالپى سانى 10 ميلليون 830 مىڭعا جەتىپ، تۇتاس جىلدا 870 مىڭ ارتتى. ەلىمىزدە تار ءورىستى زات تورابى (NB—IoT)، 4G جانە 5G كوپ توراپ سايكەستى داميتىن جاعداي العاشقى ادىمدا قالىپتاسىپ، توراپپەن قامتۋ قۋاتى ۇزدىكسىز جوعارىلادى. مۇنىڭ ىشىندە تار ءورىستى زات اينالىم تورابىنىڭ كولەمى دۇنيە ءجۇزى بويىنشا ەڭ ۇلكەن بولىپ، بۇكىل ەلدەگى نەگىزگى قالالارداعى اۋىل - قالاشىقتان جوعارى وڭىرلەردى ءۇرتىس قامتىدى؛ 4G تورابى بۇكىل ەلدەگى قالا - اۋىلداردى جاپپاي قامتىدى، 5G تورابى تۇتاس اۋدان ورتالىعىن، قالا رايونىن قامتىدى.
جىلجىمالى زات تورابىنىڭ جالعانۋ سانى جەدەل ارتىپ، «زاتتىڭ» جالعانۋى «ادامنىڭ» جالعانۋىنان جىلدام اسىپ كەتتى. ساناقتا كورسەتىلۋىنشە، 2022 – جىلدىڭ سوڭىنا دەيىن ەلىمىزدىڭ جىلجىمالى توراپتىڭ تەرمينال جالپى سانى 3 ميلليارد 528 ميلليونعا جەتكەن، مۇنىڭ ىشىندە «زاتقا» ۋاكىلدىك ەتەتىن جىلجىمالى زات تورابىنىڭ تەرمينال سانى جىلجىمالى تەلەفون تۇتىنۋشى سانىنان 161 ميلليون جوعارى بولىپ، جىلجىمالى توراپتىڭ تەرمينال سانىنىڭ %52.3 ىن ۇستاعان.
قولدانۋ ورتاسى ۇزدىكسىز مولىعىپ، كاسىپ تىزبەگى ۇزدىكسىز كەمەلدەندى. ەلىمىزدە چيپ، مودەل، جۇمساق بولشەك، تۇعىر جانە قىزمەت وتەۋ سياقتى بۋىنداردى قامتىعان ءبىرشاما كەمەلدى جىلجىمالى زات تورابى كاسىپ تىزبەگى قالىپتاستى. تار ءورىستى زات تورابى سۋ ساعاتى، گاز ساعاتى، ىس سەزگىش، ىزىنە ءتۇسۋ سياقتى 4 تۇردەگى 10 ميلليون تۇتىنۋشى دارەجەسىندەگى قولدانىستى، اق ءتۇستى ەلەكتر جابدىقتارى، جول شىراعى، ماشينا توقتاتۋ، اۋىل شارۋاشىلىعى سياقتى ميلليون تۇتىنۋشى دارەجەسىندەگى 7 قولدانىستى قالىپتاستىردى. جىلجىمالى زات تورابى تەرمينالىنىڭ الەۋمەتتىك قىزمەت وتەۋ، اۆتوكولىك تورابى، زەردەلى بولشەك ساتۋ، زەردەلى ءۇي جيھازدارى سياقتى سالالارداعى كولەمى جەكە - جەكە 496 ميلليونعا، 375 ميلليونعا، 250 ميلليونعا جانە 192 ميلليونعا جەتىپ، كاسىپ سالاسىنىڭ قولدانىلۋى زەردەلى جاساۋ، زەردەلى اۋىل شارۋاشىلىعى، زەردەلى قاتىناس، زەردەلى زات اينالىمى جانە تۇتىنۋشىلاردىڭ زات تورابى سياقتى سالالارعا قاراي كەڭەيۋدە.
ونەركاسىپ جانە ينفورماتسيالاندىرۋ مينيسترلىگىنىڭ قاتىستى جاۋاپتىسى مىنانى ءبىلدىردى: «14 – بەسجىلدىق» مەزگىلىندە ءتۇيىندى كورىنىستەرگە باعىتتالىپ، زات تورابىنىڭ تەرەڭدەي قامتۋىن جۇزەگە اسىرىپ، تۇراقتى جىلجۋ، توعىسۋ، كەڭ ايا مەن تار ايا ۇشتاستىرىلعان نەگىزدىك توراپتى قالىپتاستىرىپ، زات تورابى تەحنيكاسى مەن بارشا كاسىپ سالاسىنىڭ سايكەسۋىن، توعىسۋىن جەدەلدەتىپ، ەكونوميكالىق دامۋدىڭ ساپاسىن جوعارىلاتىپ، ونىمدىلىگىن ارتتىرۋدى، قوعامدىق قىزمەت وتەۋدىڭ زەردەلى، جوعارى ءونىمدى بولۋىن، بۇقارانىڭ تۇرمىسىنىڭ قولايلى، تەز بولۋىن ىلگەرىلەتەمىز.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
