ءۇشتۇرپان اۋدانى اشاتاۋ اۋىلى:
شارۋالار كىرىسىنىڭ 40 پايىزدان استامى جاڭعاقتان كەلەدى
□ انار بۇلت \ شينجياڭ گازەتىنىڭ ءتىلشىسى جاڭ جىلي
2023.01.31 16:01 كەلۋ قاينارى : شينجياڭ گازەتى
قىس كەزىندەگى اقسۋ ايماعى ءۇشتۇرپان اۋدانى اشاتاۋ اۋىلىنداعى قالىڭ جاڭعاق ورمانى توشقان وزەنىنىڭ بويىندا الىسقا سوزىلىپ جاتىر.
”بىرنەشە كۇننىڭ الدىندا، مەن تاعى ءبىر توپ جاڭعاق ساتتىم، الدىڭعى جولعى ەكى رەتتى قوسقاندا، 2022 - جىلى 27 مىڭ يۋانعا جاڭعاق ساتتىم“، - دەدى 2022 - جىلى 12 - ايدىڭ 20 - كۇنى اشاتاۋ اۋىلى جايتاق قىستاعىنىڭ تۇرعىنى مامەت اقنياز.
اشاتاۋ اۋىلىنىڭ سۋ، توپىراق، كۇن نۇرى، جىلۋ بايلىعى مول بولىپ، جاڭعاق وسىرۋگە وتە ۇيلەسەدى، جەرگىلىكتى ورىنداعى تۇرعىنداردا ۇيلەرىنىڭ الدى - ارتىنا جاڭعاق اعاشىن ەگەتىن ادەت بار. مامەت بىلاي دەدى: ەگىمشىلىك وتباسىلارىنىڭ جاڭعاق ەگىپ كىرىستەرىن ارتتىرىپ، بايىعانى وسى بەرتىنگى جىلداردا بولدى، اۋىل ”شينۋىن 185“، ”شينشين 2“ سياقتى ساپالى تۇقىمدى ەگۋدى جالپىلاستىرىپ، ەگىنشىلەرگە تەحنيكا ۇيرەتىپ، وڭدەۋ كاسىپورنىن ەنگىزىپ، شارۋالار كاسىپتىك سەلبەستىك كووپەراتيۆىن قۇرىپ، عىلمي باسقارىپ جانە كومەكتەسىپ، سۇيەمەلدەۋىنىڭ ارقاسىندا، جاڭعاقتىڭ ءونىم مولشەرى جىل سايىن ارتىپ، كىرىستەرى مولايدى.
كىشكەنە عانا جاڭعاق قالىڭ ەگىنشىلەردىڭ ماڭىزدى كىرىس كوزىنە اينالدى. 2021 - جىلى اشاتاۋ اۋىلىنىڭ جاڭعاقتى نەگىز ەتكەن جەمىس ورمان ونىمدەرىنىڭ جالپى ءونىم مولشەرى 10 مىڭ توننادان، جالپى كىرىسى 150 ميلليون يۋاننان اسىپ، تۇتاس اۋىلدىڭ اۋىل - قىستاق ەكونوميكالىق جالپى كىرىسىنىڭ ％36ىن يەلەدى؛ ەگىنشىلەردىڭ جاڭعاقتان تاپقان جان باسىندىق تازا كىرىسى تۇتاس اۋىلداعى ەگىنشىلەردىڭ ورتاشا جان باسىندىق تازا كىرىسىنىڭ شامامەن ％45ىن يەلەدى.
تاياۋدا اۋىل شارۋاشىلىعى، اۋىل - قىستاق مينيسترلىگى 12 - توپتاعى مەملەكەت بويىنشا ”ءبىر قىستاقتا ءبىر ءونىم بولۋدان“ ۇلگى كورسەتەتىن قىستاق، قالاشىقتاردىڭ تىزىمدىگىن جاريالادى، اشاتاۋ اۋىلى جاڭعاق باسىمدىعى كورنەكتى، ەرەكشەلىگى ايقىن، ءتۇرى مول، ۇلگى كورسەتۋ ءونىمى كورنەكتى بولعاندىقتان وسى تىزىمدىكتەن بوي كورسەتتى.
كورەر كوزگە قاراپايىم جاڭعاق اعاشى ەگىنشىلەردىڭ كوڭىلىندەگى ”ءدىلدالى اعاشقا“ قالاي اينالدى؟ اشاتاۋ اۋىلدىق پارتكومنىڭ مۇشەسى، حالىق قۇرىلتايىنىڭ ءتوراعاسى ابدۇۋالي مامەت بىلاي دەپ تانىستىردى: جۋىق جىلداردان بەرى، اشاتاۋ اۋىلى جاڭعاق كاسىپ سالاسىن زورايتىپ، كۇشەيتىپ، ”ءبىر قىستاقتا ءبىر ءونىم بولۋدى“ اناعۇرلىم تەز دامىتۋدى جەبەۋ ءۇشىن، قاراستى اۋماقتاعى 13 اكىمشىلىك قىستاقتىڭ ءىس جۇزىندىك جاعدايىمەن ۇشتاستىرىپ، ”ءبىر وتباسى ارقىلى كوپ وتباسىن جەتەكتەۋ، كوپ وتباسى تۇتاس قىستاققا جەتەكشىلىك ەتۋ“ سىندى دامۋ ءتاسىلى ارقىلى عىلىم - تەحنيكادا جاڭالىق اشۋ تانىمى بار كاسىپ سالاسى شەبەرلەرىن ءتۇيىندى تاربيەلەپ، ولاردى باستاماشىلدىقپەن جاڭا تۇقىمدى ەنگىزىپ ۇلگى كورسەتىپ ەگۋگە شابىتتاندىردى، ولار ارقىلى جەتەكشىلىك ەتۋ رولىن ساۋلەلەندىردى.
سونىمەن بىرگە اشاتاۋ اۋىلى جىل سايىن ارناۋلى تەحنيكتەردى ۇسىنىس ەتىپ، جاڭعاق ەگەتىن ءىرى وتباسىلارىن مەرزىم سايىن باۋلىدى ءارى عىلىم - تەحنيكا ارناۋلى قىزمەتكەرلەرىن جانە وزات ۇلگىلى وتباسىلارىن ناقتى ورىندا ەكسكۋرسيالاۋعا، ۇيرەنۋگە ۇيىمداستىرىپ، سول ارقىلى قالىڭ ەگىنشى وتباسىلارىنىڭ عىلىم - تەحنيكا تانىمىن جوعارىلاتىپ، كوپشىلىكتىڭ ءوندىرىس بەلسەندىلىگىن تولىق جۇمىلدىردى. تۇتاس اۋىل كولەمىندە ىلگەرىندى - كەيىندى قالامشا بۋدانداستىرۋ، توپىراقتى ولشەپ تىڭايتقىش بەرۋ سياقتى امالداردى جالپىلاستىرىپ قولدانىپ، ”ءبىر قىستاقتا ءبىر ءونىم بولاتىن “ كاسىپ سالاسىنىڭ ساپالى، مول ءتۇسىمدى، جوعارى ءونىمدى بولۋىن جۇزەگە اسىردى.
كاسىپ سالاسى شەبەرلەرى مەن ءىرى ەگىمشىلىك وتباسىلارىنىڭ باستاۋىندا، اشاتاۋ اۋىلىندا قازىر جەمىس ورمان تەحنيكاسى بويىنشا قىزمەت وتەيتىن 9 اترەت، 326 شارۋا تەحنيك بار. قالامشا ەگۋ، بۇتاقتاۋ، ۇلاۋ سياقتى قىزمەت وتەۋ تۇرلەرىندە تۇگەلدەي ءبىر تۇتاس اقى الۋ ولشەمى بار، ەگىنشى وتباسى جەمىس باقشاسىن قىزمەت وتەۋ اترەتىنىڭ اماناتتاپ باسقارۋىنا بەرىپ، ۇنەمدەپ قالعان ۋاقىتىن ءۇيىنىڭ ماڭىندا جۇمىس ىستەپ كىرىس ارتتىرۋىنا جۇمساۋىنا بولادى. اماناتتاپ باسقارۋعا بەرگىسى كەلمەگەن ەگىنشى وتباسىلارىنا قاراتا، اۋىل تەحنيكتەردى ۇيىمداستىرىپ باۋلۋ قىزمەتىن ورىستەتىپ، ەگىنشى وتباسىلارىنىڭ جاڭعاقتى بۇتاقتاۋ سياقتى تەحنيكالاردى يگەرۋىنە مۇمكىندىك جاسادى.
جاسىل ەگىمشىلىكتى جالپىلاستىرۋ اشاتاۋ اۋىلىنىڭ جاڭعاق كاسىپ سالاسىنىڭ ساپاسىن جوعارىلاتىپ، ونىمدىلىگىن ارتتىرۋداعى تاعى ءبىر اسىلى. وسى اۋىلداعى شارۋا وتباسىلارىنىڭ جاڭعاق باقتارىنىڭ جانىندا ءۇيىلىپ جاتقان شىرىتپە جاسىل تىڭايتقىش بار، حيميالىق تىڭايتقىشتى ازايتىپ، جاسىل تىڭايتقىشتى جالپىلاستىرۋ قالىڭ ەگىمشىلىك وتباسىلارىنىڭ ورتاق تانىمىنا اينالدى. ابدۇۋالي بىلاي دەدى: 2022 - جىلى تۇتاس اۋىلدا شىرىگەن جاسىل تىڭايتقىش 160 مىڭ تەكشەمەتر كولەمىندە بولدى، تۇتاس، اۋىل بويىنشا ەگىلگەن 46 مىڭ مۋدان استام جەردەگى جاڭعاققا، نەگىزىنەن، ورگانيكالى تىڭايتقىش، اۋلا تىڭايتقىشى، شىرتپە جاسىل تىڭايتقىش پايدالانىلدى.
جاقسى ەگۋمەن بىرگە، جاقسى ساتۋ كەرەك. اشاتاۋ اۋىلىندا قازىر 2 شارۋالار كاسىپتىك سەلبەستىك كووپەراتيۆى بار، كووپەراتيۆ ەگىنشى وتباسىلارمەن بىرلەسىپ جاڭعاق باعىن ءبىر تۇتاس باسقارىپ، جاڭعاقتىڭ ساپاسى جالپى جاقتان جوعارىلادى، كووپەراتيۆ ءار كيلوگرامى بازار باعاسىنان 20 تيىن قىمبات باعامەن ەگىنشى وتباسىلارىنىڭ جاڭعاعىن ساتىپ الدى. كەيبىر ەگىنشى وتباسىلارى ءبىر جاعىنان، جاڭعاق ەگىپ، ەندى ءبىر جاعىنان، كووپەراتيۆتىڭ جاڭعاق وڭدەۋ زاۆودىندا جۇمىس ىستەپ، ۇيىنە جاقىن ماڭىندا ەكى جولمەن كىرىس كىرگىزدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
