مەرەكەلىك ءتۇس قويۋ، بازار كۇسەت بولدى، تۇتىنۋ ارتتى
− 2023 - جىلعى شينجياڭنىڭ كوكتەم مەرەكەسىندەگى تۇتىنۋ بازارىنا نازار
□انار بۇلت \ شينجياڭ گازەتىنىڭ ءتىلشىسى حي حۇڭۋي
2023.01.30 15:25 كەلۋ قاينارى : شينجياڭ گازەتى
مەرەكەلىك زاتتار بازارىندا تاماشا دۇنيەلەر كوز سۇرىندىرەدى، ”قويانعا“ قاتىستى زاتتار تولىپ تۇر؛ ءارقايسى ءىرى ساۋدا شەڭبەرى، كينوحانالار ادامعا لىق تولىپ، تاعامجايلاردىڭ ساۋداسى قىزىپ، تاۋارلار ءوتىمدى بولدى؛ قار - مۇز سپورتى ءارقايسى ءىرى شاڭعى الاڭدارىن دۋمانعا بولەپ، جەر - جەردىڭ كوكتەم مەرەكەسىندەگى تارتىمدى مادەنيەت - ساياحات قيمىلدارى بىرىنەن سوڭ ءبىرى كورسەتىلىپ جاتىر...
1 - ايدىڭ 27 - كۇنى، مەيتۋان جاريالاعان كوكتەم مەرەكەسى دەمالىسى كەزىندەگى تۇتىنۋ ساندى مالىمەتىندە كورسەتىلۋىنشە، شينجياڭنىڭ تۇرمىستىق قىزمەت وتەۋ كاسىبى ”ءساتتى باستامانى“ قارسى الدى، الدىڭعى 6 كۇندە، شينجياڭنىڭ كۇندىك ورتاشا تۇتىنۋ كولەمى 2019 - جىلعى كوكتەم مەرەكەسىمەن سالىستىرعاندا ％68 ارتتى، مۇنىڭ ىشىندە، ءۇرىمجى قالاسىنىڭ، ىلە قازاق اۆتونوميالى وبلىسىنىڭ، بايىنعولين موڭعۇل اۆتونوميالى وبلىسىنىڭ تۇتىنۋ كولەمى الدىڭعى 3 ورىندى يەلەدى. سىرت جەرلىك الارمانداردىڭ تۇتىنۋى وتكەن جىلداعىمەن سالىستىرعاندا ％23 ارتىپ، جەرگىلىكتى تۇتىنۋمەن بىرگە مەرەكەلىك دەمالىس كەزىندەگى ەكونوميكانى جانداندىراتىن جاڭا قوزعاۋشى كۇشكە اينالدى.
تۇتىنۋ قايتا جاندانىپ، كوكتەم مەرەكەسىنىڭ دۋمانىن اسىرا ءتۇستى
1 - ايدىڭ 24 - كۇنى، باي اۋدانىنداعى ءبىر ەرەن بازارعا زات ساتىپ الۋعا كەلگەن بۇقارانىڭ اياعى ۇزىلمەدى، اقشا تولەۋ ورنىندا زات ساتىپ الۋعا كەلگەن كوپتەگەن بۇقارا ۇكىمەت تاراتقان تۇتىنۋ بەلەتىن الدى.
باي اۋدانىنىڭ تۇرعىنى ليۋ يانچيڭ ەرەن بازاردان ءبىرسىپىرا تۇرمىستىق بۇيىمداردى تاڭداپ ساتىپ الدى، ”128 يۋاننىڭ زاتىنا 20 يۋاندىق تۇتىنۋ بەلەتىن پايدالاندىم، توتەنشە ءتيىمدى ەكەن“، - دەدى ليۋ يانچيڭ.
كوكتەم مەرەكەسى قارساڭىندا، كوپتەگەن جەرلەر تۇتىنۋ بەلەتىن شوعىرلى تۇردە تاراتىپ، ”كوكتەم مەرەكەسى كەزىندەگى دەمالىستا تۇعىر ورناتىپ، تۇتىنۋ بەلەتىمەن ويىن كورسەتۋ“ ءتاسىلى ارقىلى كوكتەم مەرەكەسىندەگى تۇتىنۋ بازارىن جانداندىردى.
قاقاعان ايازدا جىپ - جىلى ساۋدا سارايلارى قالا تۇرعىندارىنىڭ ”سەيىلدەپ، دەمالۋعا“ باراتىن تاماشا ورنى بولدى. ءارقايسى ءىرى زات ساتىپ الۋ ورتالىقتارىندا، قالا تۇرعىندارى، ءبىر جاعىنان، زات ساتىپ الىپ، ءبىر جاعىنان، سيلىق سۋىرۋ، باقىت تىلەۋ سياقتى قيمىلدارعا قاتىناستى. ءىرى ساۋدا كەشەندەرى دە ”كوكتەم مەرەكەسىندە كەڭ كولەمدە ساتىلىمدى جەدەلدەتۋدى“، ”مەرەكەلىك جارمەڭكەنى“، ”مەرەكەلىك سالت - سانا قيمىلىن“ ارقاۋ ەتكەن نەگىزگى تاقىرىپتىق تۇتىنۋدى جەدەلدەتۋ قيمىلدارىن ورىستەتىپ، قالا تۇرعىندارىنىڭ الۋان ءتۇرلى تۇتىنۋ قاجەتىن قاناعاتتاندىردى.
كوكتەم مەرەكەسى كەزىندە ءۇرىمجى شانشان اۋتىلايسى زات ساتىپ الۋ الاڭى بالالار تەاترى «قويان پەتر»، ءداستۇرلى تەاتر «شانشان سالتاناتى»، مۋزيكا ۇيىرمەسى بارابان ءبيى «شياڭۋاڭشيڭ» سياقتىلاردى ورىنداپ، قالىڭ قالا تۇرعىندارىن باۋرادى.
”جاڭا كاسىپتىك كۇي تۇتىنۋ بازارىنىڭ دۋمانىن اسىردى. كوكتەم مەرەكەسى كەزىندە ساۋدا سارايلارىنىڭ قاريدار مولشەرى سايكەس مەزگىلدەگىدەن ％60 ارتىپ، ساتىلىم سايكەس مەزگىلدەگىدەن ％30 جوعارىلادى“، - دەدى وسى زات ساتىپ الۋ الاڭى جوسپارلاۋ ءبولىمىنىڭ باستىعى جاڭ دان.
كوكتەم مەرەكەسىندەگى دۋماندى كورىنىستەر اس - سۋ كاسىبى سالاسىندا ەرەكشە ايقىن بايقالدى. بۇكىل شينجياڭنىڭ جەر - جەرىندە ينتەرنەت جەلىسىنەن تىسقى اس - سۋ ساۋداسى جەدەل قالپىنا كەلىپ، ءارقايسى ”ينتەرنەت جۇلدىزى“ تاعامجايلارى قاريدار اعىنىنىڭ قاۋىرت كەزىن قارسى الدى.
1 - ايدىڭ 26 - كۇنى تۇستە ءۇرىمجى قالاسى شيچىڭ كوشەسىندەگى شياۋحى حانىشا قۇپيا رەتسەپتى قاقتالعان قوي سيراعى رۇڭحىچىڭ دۇكەنىندە، دۇكەننىڭ جاۋاپتىسى لي جيانيۇڭ قىزمەتكەرلەرمەن بىرگە قاريدارلاردى كۇتىپ الۋمەن قاربالاس بولىپ جاتتى.
”كوكتەم مەرەكەسى كەزىندە وتىرار ورىن تابۋ قيىن بولدى، امال قانشا، دۇكەنىمىزدىڭ ايىرىمحانالارى وتە كىشكەنە، ءبىر كۇن بۇرىن تاپسىرىس بەرمەسە ورىن قالمايدى، ساۋدامىزدىڭ كۇسەتتەنە باستاعانىن انىق سەزىنىپ، زور سەنىمگە يە بولدىق“، - دەدى لي جيانيۇڭ.
كوكتەم مەرەكەسىندە كينو بازارىنا ەجەلدەن ەرەكشە نازار اۋدارىلادى. بيىل كوكتەم مەرەكەسى كەزىندە «سەرگەلدەڭ جەرشارى 2»، «مانجياڭحۇڭ»، «بەلگىسىز جان»، «ايىرباسقا تۇسكەن ءومىر»، «تەرەڭ تەڭىز» سياقتى كوپتەگەن كينولار قويىلدى، الۋان ءتۇرلى كينولار قالىڭ كورەرمەندى ەرىكسىز كينوحاناعا كىرۋگە باۋرادى.
سانجى حۇيجيا شىداي زات ساتىپ الۋ ورتالىعىنداعى 103 كينو باقشاسىندا ”ءبىر بەلەتكە زار بولۋ“ جاعدايى جارىققا شىقتى.
”كينوحانانىڭ قاريدار مولشەرى بىلتىرعى كوكتەم مەرەكەسىمەن سالىستىرعاندا ％40 اينالاسىندا جوعارىلادى، كينوحانا دا ءتۇرلى بۇيىمدار ساتىپ الاتىن قاريدار مولشەرىنىڭ ارتۋىنا مۇرىندىق بولىپ، زات ساتىپ الۋ ورتالىعىنداعى قاريدار مولشەرى ۇقساس مەزگىلدەگىمەن سالىستىرعاندا ％20تەن استام ارتتى“، - دەدى حۇيجيا شىدايدىڭ سانجى وڭىرىندەگى باس ديرەكتورىنىڭ كومەكشىسى ما جىرۇي تانىستىرىپ.
ينتەرنەت جەلىسىندەگى تۇتىنۋ ”جاندانىپ“، شينجياڭنىڭ تاماشا زاتتارى ارت - ارتىنان سىرتقا شىعارىلدى
دامىعان ينتەرنەت تورابى ەكونوميكاسى مەن جىلدام جەدەل جەتكىزۋ تاسىمالىنىڭ ارقاسىندا، ۇيلەرىنە باس قوسۋعا قايتقاندار جولدا كەلە جاتقاندا، مەرەكەلىك زاتتارى وزدەرىنەن بۇرىن بارىپ بولدى. تاۋباۋ، تيانماۋدىڭ ساندى مالىمەتتەرىندە كورسەتىلۋىنشە، بيىل كوكتەم مەرەكەسى كەزىندە سىرت جەرلەردەن مەرەكەلىك زات ساتىپ الۋ سايكەس مەزگىلدەگىدەن وڭ ارتۋدى ساقتاعان، اراق - شاراپ جانە مەرەكەلىك قوراپتامالى زاتتاردىڭ ساتىلۋى كۇسەت بولۋمەن بىرگە، دالالىق سپورت ونىمدەرى سياقتىلاردىڭ تۇتىنۋىندا دا زور مولشەردە ارتۋ جارىققا شىقتى.
ساندى مالىمەتتە كورسەتىلۋىنشە، 2023 - جىلى ”ينتەرنەتتەگى مەرەكەلىك بۇيىمدار مەرەكەسى“ كەزىندە (2022 - جىلى 12 - ايدىڭ 30 - كۇنىنەن 2023 - جىلى 1 - ايدىڭ 28 - كۇنىنە دەيىن) شينجياڭنىڭ ينتەرنەتتەگى بولشەك ساتۋ سوماسى 5 ميلليارد 907 ميلليون يۋانعا جەتىپ، سايكەس مەزگىلدەگىدەن ％72. 16 ارتقان.
رايونىمىزداعى كوپتەگەن ساۋدا كاسىپورىندارى ينتەرنەت جەلىسىندە تاپسىرىس قابىلداۋدى توقتاتپادى، سۋنيڭ يگوۋ، وجيا ەلەكتر جابدىقتارى، بۋلاڭ مىرزا سياقتىلار ينتەرنەت جەلىسىنەن تاڭداپ ساتىپ الۋ، قول تەلەفون ارقىلى تاپسىرىس بەرۋ ارقىلى، جەرگىلىكتى تۇتىنۋشىلاردىڭ كوكتەم مەرەكەسى كەزىندە دە ۇيدەن شىقپاي - اق زات ساتىپ الۋىنا مۇمكىندىك جاسادى.
”ينتەرنەتتەگى مەرەكەلىك بۇيىمدار مەرەكەسى“ كەزىندە، ينتەرنەت جەلىسىندەگى ”سيفرلى ساۋدا ارقىلى اۋىل شارۋاشىلىعىن گۇلدەندىرۋ“ ارناۋلى ورنى ىقپالدى، دۋماندى بولدى، بۇكىل ەلدەگى ءارقايسى ۇلكەن ساۋدا دۇكەندەرى، ەرەن بازارلار، اۋىل شارۋاشىلىعى ونىمدەرىن تولايىم ساتۋ بازارلارى ءوندىرۋ مەن ساتۋدى ۇشتاستىرۋدى كۇشەيتىپ، زات قاينارىن بەلسەنە ۇيىمداستىرىپ، اۋىل شارۋاشىلىعى ونىمدەرىن ينتەرنەت جەلىسىندە ساتۋدىڭ ونىمدىلىگى كورنەكتى بولىپ، جوعارى ورلەۋگە كوتەرىلدى.
”بۇرىن شينجياڭنىڭ قوي ەتىنىڭ ساپالى، قورەكتىگى جوعارى ەكەندىگىن ەستىگەن ەدىم، وسى جولى ’ورگانيكالىق سورتاڭ ءبيدايىقپەن باعىلعان قوي ەتىنەن‘ ءبىراز ساتىپ الدىم، ءدامى وتە جاقسى، تيتتەي دە كۇلىمسى ءيىسى جوق ەكەن، وسى ورايدان پايدالانىپ 2 قوراپ ساتىپ الىپ، ۇيدەگى ۇلكەن كىسىلەرگە جىبەرىپ بەردىم“. وسى جولعى كوكتەم مەرەكەسىندە بەيجيڭنەن كەلگەن يە مىرزا وتباسىنداعىلارمەن بىرگە شينجياڭنىڭ قوي ەتىنىڭ ءدامىن تاتتى.
كوكتەم مەرەكەسى كەزىندە قوبىقسارى موڭعۇل اۆتونوميالى اۋدانىنىڭ الەۋمەتتىك ايگىلى ماركاسى ”قوبىقسارى دامىنە“ قاراستى ونىمدەردىڭ ”ورگانيكالىق سورتاڭ ءبيدايىقپەن باعىلعان قويى“ ەلەكتروندىق ساۋدا ارناسىنداعى ساتىلىمى كۇسەت مەرەكەلىك بۇيىمىنا اينالىپ، بەيجيڭ، شاڭحاي، گۋاڭدۇڭ، جىجياڭ سياقتى جەرلەردەگى تۇتىنۋشىلاردىڭ قارسى الۋىنا يە بولدى، ينتەرنەت جەلىسىندە مەرەكەلىك بۇيىمدار مەرەكەسى باستالعاننان بەرى ساتىلىم سوماسى 8 ميلليون يۋانعا تايادى.
”ءبىز قوراپتاۋدىڭ دەڭگەيىن ءوسىرىپ، شينجياڭنىڭ ءىشى - سىرتىنان 3000نان استام ساتۋ ارناسىن كەڭەيتتىك، مەرەكەلىك بۇيىمدار مەرەكەسى كەزىندە ساتىلۋ مولشەرى جەدەل ارتتى“، - دەدى وسى اۋداننىڭ ەلەكتروندىق ساۋدا الەۋمەتتىك قىزمەت وتەۋ ورتالىعىنىڭ جاۋاپتىسى چىڭ حاۋ.
”ينتەرنەتتەگى مەرەكەلىك بۇيىمدار مەرەكەسى“ كەزىندە شينجياڭنىڭ اۋىل شارۋاشىلىعى ونىمدەرىنىڭ ينتەرنەت جەلىسىندەگى بولشەك ساتۋ سوماسى جيىنى ءبىر ميلليارد 850 ميلليون يۋانعا جەتىپ، سايكەس مەزگىلدەگىدەن ％08. 19 ارتتى. جەمىس - جيدەك، قاتتى قابىقتى جەمىس، مال، قۇس ەتى سياقتىلار تۇتىنۋشىلاردىڭ قارسى الۋىنا بولەندى.
مادەنيەت پەن ساياحاتتى توعىستىرىپ، ”شاڭعى تەۋىپ مەرەكە وتكىزۋ“ جاڭا سانگە اينالدى
قار قىمتانعان اپپاق دالا، اسپان شايداي اشىق، 1 - ايدىڭ 26 - كۇنى التاي ايماعىنىڭ قوم (جىكبەلەڭ) حالىقارالىق شاڭعى سەيىل - سەرۋەن اۋماعىندا ادامدار قايشالىسادى، بۇكىل ەلدىڭ جەر - جەرىنەن كەلگەن شاڭعى اۋەسكەرلەرى تەڭىز دەڭگەيىنەن 2800 مەتر بيىكتىكتەگى قار جولىندا سىرعاناۋدىڭ قىزىعىن سەزىندى.
«كوكتەم مەرەكەسى كەزىندە جياڭجۇن تاۋى حالىقارالىق شاڭعى دەمالىس اۋماعى، كوكتوعاي حالىقارالىق شاڭعى دەمالىس اۋماعى، قوم (جىكبەلەڭ) حالىقارالىق قار شاڭعى دەمالىس اۋماعى سىندى 3 ۇلكەن قار شاڭعى الاڭىندا شاڭعى تەبۋگە كەلگەن جالپى ادام سانى 54 مىڭ 800 ادام - رەتكە جەتىپ، 2022 - جىلعى كوكتەم مەرەكەسىمەن سالىستىرعاندا ％33 ارتتى“، - دەدى شينجياڭ التاي ساياحاتتى دامىتۋ توبى شەكتى سەرىكتەستىگىنىڭ القا باستىعى ۋاڭ لانچىڭ تانىستىرىپ.
شينجياڭ التىن قار - مۇز ەندىك بەلدەۋىنە ورنالاسقان، كوكتەم مەرەكەسى كەزىندە شينجياڭداعى ءارقايسى ۇلكەن قار شاڭعى الاڭدارى دا قار شاڭعى تەبۋدىڭ قاۋىرت مەزگىلىن قارسى الدى، جەر - جەردەگى مۇز الاڭدارىندا، قار الاڭدارىندا، قار - مۇز نەگىزگى تاقىرىپتىق باقشالارىندا ساياحاتشىلاردىڭ سانى كورنەكتى ارتتى. ”شينجياڭدىقتاردىڭ شينجياڭدى ساياحاتتاۋى“ سىندى كورىنىستەن سىرت، چىڭدۋ، شي - ان، بەيجيڭ، شاڭحاي، شىنجىن سياقتى جەرلەردەن كەلگەن ساياحاتشىلار شينجياڭنىڭ ساياحاتىنىڭ قايتا جاندانۋىنا پارمەندى كۇش - قۋات ۇستەدى. جىبەك جولى حالىقارالىق دەمالىس اۋماعى شاڭعى الاڭى، تيانشان بوعدا كولى حالىقارالىق شاڭعى الاڭى، باييۇن حالىقارالىق شاڭعى الاڭى، جياڭجۇن تاۋى حالىقارالىق شاڭعى دەمالىس اۋماعى، ۆيسىتى شاڭعى الاڭى سياقتى جەرلەر وزگە جەردەن كەلگەن ساياحاتشىلاردىڭ كوكتەم مەرەكەسى دەمالىسىندا ”شاڭعى تەۋىپ كوكتەم مەرەكەسىن وتكىزۋدەگى“ ەڭ ءوتىمدى ات بايلار جەرگە اينالدى.
شينجياڭنىڭ قار - مۇز تۇتىنۋ كاسىبى جەدەل دامىپ، اس - سۋ، تۇسەلحانا، قاتىناس سياقتى ءتۇرلى كاسىپ سالاسىنىڭ ارتۋىن جەبەدى.
”قازىر شاڭعى الاڭى سالىندى، ساياحاتشىلار مەن شاڭعى اۋەسكەرلەرى كوبەيدى، ەندى عانا وتكەن كوكتەم مەرەكەسىندە حالىقتىق تۇسەلحانالار ءار كۇنى قوناققا لىق تولدى، ءبىز دە قوناقتارعا جاڭا جىل تارتۋىن دايىنداپ قويدىق“، - دەدى بۋىرشىن اۋدانى دىۋا شارۋا قوجالىعىنىڭ جاۋاپتىسى تاۋ پان.
قار - مۇز ويىندارىن ويناپ، اراسانعا ءتۇسىپ، قىس كۇندەرىنەن ”ىستىق پەن سۋىق ارالاسقان ەكى قابات اسپاندى“ سەزىندى. كوكتەم مەرەكەسى دەمالىسىندا شاڭعى تەبۋ، اراسانعا ءتۇسۋ كوپتەگەن ادامنىڭ تاڭداۋىنا اينالدى. بۇرىنعى جىلدارداعى سول تۇستاعىمەن سالىستىرعاندا، شينجياڭنىڭ كوپ جەرىندەگى اراسانعا ساياحاتتاي كەلگەندەردىڭ سانى مولايدى.
فۋكاڭ قالاسى ۋجياڭ اراسان قالاشىعى تيانشان بوعدا كولى كورىنىس وڭىرىنىڭ ىرگەسىندە، تيانشان بوعدا كولى شاڭعى الاڭىنا جاقىن، ”ءبىز توڭىرەكتەگى كورىنىس وڭىرلەرىمەن، كورىنىس تۇيىندەرىمەن ءوزارا ىقپالداس بولىپ، بىرلەسىپ ارەكەتتەنۋ، تيىمدىلىك جاساۋ سياقتى تاسىلدەر ارقىلى ساياحاتشىلاردى ءوزارا قابىلدادىق، بيىل قابىلداعان ساياحاتشىمىزدىڭ مولشەرى بىلتىرعىدان ءبىرشاما ارتتى“، - دەدى ۋجياڭ اراسان قالاشىعى باس ديرەكتورىنىڭ كومەكشىسى تان كۇڭلين.
”بيىل ءبىز قىسقا بەينەجازبا تۇعىرىندا جالپىلاستىردىق، بۇرىن اراسان قوناق ۇيىنە كەلىپ، كوكتەم مەرەكەسىن وتكىزۋشىلەردىڭ كوبى ءۇرىمجى قالاسى مەن سانجى قالاسىنان كەلگەن ساياحاتشىلار ەدى، بيىل كورلا قالاسى، قارامايلى قالاسى سياقتى الىستان كەلگەن ساياحاتشىلار كوبەيىپ، ءار كۇنى 4000 ساياحاتشى (رەت) قابىلدادىق“، - دەدى تان كۇڭلين.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
