بۋرىلتوعاي اۋدانى ۇلىڭگىر كولى قيىنكەرىش كورىنىس وڭىرىندە
جارىس باستالدى! 100دەن استام اۋەسكەر قارلى دالادا قۇماردان شىعا جۇگىردى
2023.01.30 15:26 كەلۋ قاينارى : شينجياڭ گازەتى
1 - ايدىڭ 28 - كۇنى، شەبەرلەر قارلى دالادا ۇزاققا جۇگىرۋ ايەلدەردىڭ 5. 7 كيلومەترلىك جارىسىنا قاتىناسۋدا. سول كۇنى اۆتونوميالى رايوندىق 1 - كەزەكتى قىسقى سپورت جارىسى قار - مۇزدا جالپىلىق ونەر كورسەتۋ بويىنشا ەگەيلەر جارىسىنىڭ (بۋرىلتوعاي بەكەتى) قارلى دالادا ۇزاققا جۇگىرۋ جارىسى بۋرىلتوعاي اۋدانى ۇلىڭگىر كولى قيىنكەرىش كورىنىس وڭىرىندە باستالدى. □ سۋرەتتى انار بۇلت \ شينجياڭ گازەتىنىڭ ءتىلشىسى وتكۇر نيجات تۇسىرگەن
انار بۇلت \ شينجياڭ گازەتىنىڭ ءتىلشىسى جاڭ تيڭ، ەرىكتى ءتىلشى دۇڭ شىجۇي 1 - ايدىڭ 28 - كۇنى ۇرىمجىدەن حابارلايدى. 1 - ايدىڭ 28 - كۇنى تۇستەن بۇرىن، بۇيرىق ناگانى اتىلۋىنا ىلەسە، اۆتونوميالى رايوندىق 1 - كەزەكتى قىسقى سپورت جارىسىنداعى قار - مۇزدا جالپىلىق ونەر كورسەتۋ بويىنشا ەگەيلەر جارىسىنىڭ (بۋرىلتوعاي بەكەتى) قارلى دالادا ۇزاققا جۇگىرۋ جارىسى بۋرىلتوعاي اۋدانى ۇلىڭگىر كولىندەگى قيىنكەرىش كورىنىس وڭىرىندە قىزۋ مەرەيمەن باستالدى. 100دەن استام ۇزاققا جۇگىرۋ اۋەسكەرى اق قار، كوك مۇزدا قۇماردان شىعا جۇگىرىپ، قار - مۇز سپورتىنىڭ كەرەمەتىن سەزىندى.
”قارلى دالادا جۇگىرۋدە قالىڭ قاردى ومبىلاي جۇگىرەسىڭ، قيىندىعى باسىم بولسادا بۇدان قۋانىشقا بولەندىك ءارى وزگەشە تابىس سەزىمىنە كەنەلدىك، كوپشىلىكتىڭ وسىندا كەلىپ، قار - مۇز سپورتىنىڭ كەرەمەتىن بىرگە كورۋىن ءۇمىت ەتەمىز“، - دەيدى جارىسقا قاتىناسقان سپورتشى ەردانا كوشىمقان.
ۇعىسۋعا قاراعاندا، وسى رەتكى جارىستا جەكەلەردىڭ 2 تۇردەن جالپىلىق ونەر كورسەتۋ جارىسى، جەكەلەردىڭ 3 تۇردەن جالپىلىق ونەر كورسەتۋ جارىسى ورنالاستىرىلىپ، ەرلەر گرۋپپاسىنا (15 جاستان 55 جاسقا دەيىن) جانە ايەلدەر گرۋپپاسىنا (15 جاستان 55 جاسقا دەيىن) بولىنگەن. تەز سىرعاناۋ جارىس تۇرىندە ەرلەردىڭ 5 كيلومەترگە، ايەلدەردىڭ 3 كيلومەترگە سىرعاناۋ جارىسى ورنالاستىرىلدى؛ دالالىق شاڭعى جارىس تۇرىندە ەرلەردىڭ 5. 7 كيلومەترگە، ايەلدەردىڭ 5 كيلومەترگە سىرعاناۋ جارىسى ورنالاستىرىلدى؛ تاس جولدا ۇزاققا جۇگىرۋ جارىس تۇرىندە ەرلەردىڭ 10 كيلومەترگە، ايەلدەردىڭ 5. 7 كيلومەترگە جۇگىرۋ جارىسى ورنالاستىرىلدى. ءاربىر سپورتشى تەك 2 تۇردەن جالپىلىق ونەر كورسەتۋ جارىسىنا نەمەسە 3 تۇردەن جالپىلىق ونەر كورسەتۋ جارىسىنا عانا تىزىمدەلىپ قاتىناسۋىنا بولادى. ”قار - مۇز سپورتىن ۇناتىپ قالدىم، جاتتىعۋ ارقىلى ءوزىمنىڭ شاڭعى تەبۋ شەبەرلىگىم مەن دەڭگەيىمدى جوعارىلاتىپ قانا قويماي، جىگەرىمدى دە شىڭدادىم، كوپشىلىكتى دە ءتۇرلى قار - مۇز سپورتىنا قاتىناسۋعا، وزىنە سايىس جاريالاۋعا شاقىرامىز“، - دەيدى سپورتشى ەرسىن قايرات.
سوڭعى جىلدارى، التاي ايماعى قىس ماۋسىمىنداعى قار - مۇز ساياحاتىن زور كۇشپەن دامىتىپ، قالىڭ قار - مۇز اۋەسكەرلەرىنە، ساياحاتشىلارعا باعىتتالعان ءبىرسىپىرا بۇقارالىق دەنە تاربيە قيمىلدارىن وتكىزىپ، قالىڭ قاۋىمنىڭ قار - مۇز سپورتىنا دەگەن ىنتاسىن قوزعادى.
ۇعىسۋعا قاراعاندا، اۆتونوميالى رايوندىق 1 - كەزەكتى قىسقى سپورت جارىسىنىڭ بۇقارالىق دەنە تاربيە جەلىلەس قيمىلى بۇكىل شينجياڭداعى تاۋ شاڭعى اينالمالى جارىسى، قار - مۇز مارافوندىق اينالمالى جارىسى، قار - مۇزدا جالپىلىق ونەر كورسەتۋ بويىنشا ەگەيلەر جارىسى، قاردا فۋتبول تەبۋ باسەكە جارىسى، قارلى دالاداعى ات بايگەسى جۇلدەگەرلەر جارىسى، قارلى دالا موتوتسيكل باسەكە جارىسى، بايىرعى تەرى شاڭعىمەن سىرعاناۋ اۋىس - كۇيىس جارىسى، سونداي - اق بۇكىل شينجياڭدا دالالىق دوڭگەلەكتى كونكيمەن سىرعاناۋ جانە دالالىق شاڭعى قىسقى لاگەرى سياقتىلاردى قامتيدى ەكەن.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
