بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

كوكتەم مەرەكەسى دەمالىسىندا

شينجياڭدا جولاۋشى تاسىمال مولشەرى 2 ميلليون 674 مىڭ ادامعا (رەت) جەتتى

2023.01.30 15:21     كەلۋ قاينارى : شينجياڭ گازەتى

  انار بۇلت \ شينجياڭ گازەتىنىڭ ءتىلشىسى كاڭ حاۋيان 1 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق قاتىناس - تاسىمال مەڭگەرمەسىنەن ۇعىسۋىمىزشا، بيىلعى كوكتەم مەرەكەسى دەمالىسى كەزىندە شينجياڭدا جولاۋشى تاسىمال مولشەرى 2 ميلليون 674 مىڭ ادامعا (رەت) جەتىپ، بىلتىرعى سول تۇستاعىمەن سالىستىرعاندا، زور مولشەردە ارتقان، تاسىمال جالپى تۇلعاسى ورنىقتى، ءتارتىپتى بولىپ، اۋىر قاتىناس شىرعالاڭى تۋىلماعان.

  2023 - جىلعى كوكتەم مەرەكەسى دەمالىسى 1 - ايدىڭ 21 - كۇنىنەن 27 - كۇنىنە دەيىن، تەمىر جول، حالىقتىق اۆياتسيا، تاس جول سياقتى جاقتاردان قاراعاندا، ساپاردا جولاۋشىلاردىڭ اۋىلىنا قايتىپ كوكتەم مەرەكەسىن وتكىزۋى، تۋىس - تۋعان، دوس - جاراندارىن ارالاۋى جانە ساياحاتتاۋى نەگىز ەتىلگەن. شينجياڭ تەمىر جول تاراۋلارى كوكتەم مەرەكەسى تاسىمالى كەزىندە 886 مىڭ 100 ادام (رەت) جونەلتكەن، بۇل 2022 - جىلعى كوكتەم مەرەكەسى دەمالىسى كەزىندەگىدەن %64.1 ارتقان؛ بۇكىل شينجياڭداعى ءارقايسى اۋەجايلاردىڭ جولاۋشى قابىلداۋ - جونەلتۋ جالپى مولشەرى 492 مىڭ ادامعا (رەت) جەتىپ، بىلتىرعى سول تۇستاعىدان %26.8 ارتقان؛ شينجياڭنىڭ تاس جول جولاۋشى تاسىمال مولشەرى ءبىر ميلليون 295 مىڭ 900 ادامنان (رەت) اسقان.

  سونىمەن بىرگە، ءوز كولىگىمەن ساياحاتتاۋشىلاردىڭ جىل سايىن كوبەيۋىنە بايلانىستى 1 - ايدىڭ 21 - كۇنىنەن 27 - كۇنىنە دەيىن بۇكىل رايونداعى اۆتوكولىكتەردىڭ جالپى قاتىناۋ مولشەرى 4 ميلليون 380 مىڭنان (رەت) اسىپ، بىلتىرعى سول تۇستاعىدان %26.4 ارتتى.

  ماڭىزدى مەرەكە، دەمالىس كۇندەرى شاعىن تۇرپاتتى جولاۋشىلار اۆتوكولىگىنىڭ قاتىناۋ اقىسىن الماۋ ساياساتىنا ساي، كوكتەم مەرەكەسى كەزىندە 7 ورىندىقتى نەمەسە ودان از ورىندىقتى شاعىن تۇرپاتتى جولاۋشىلار اۆتوكولىگى جوعارى جىلدامدىقتى تاس جولدا اقىسىز قاتىناۋ ساياساتىنان يگىلىكتەندى. 1 - ايدىڭ 21 - كۇنى ساعات 0دەن 27 - كۇنى ساعات 24كە دەيىن شينجياڭ قاتىناسقا قارجى قوسۋ (توبى) شەكتى جاۋاپكەرشىلىك سەرىكتەستىگىنە قاراستى مەملەكەتتىك، ولكەلىك نەگىزگى جەلىلەردىڭ، سونداي - اق جوعارى جىلدامدىقتى تاس جولداردىڭ جالپى قاتىناۋ مولشەرى 3 ميلليون 474 مىڭ 200 اۆتوكولىككە (رەت) جەتىپ، 7 ورىندىقتى نەمەسە ودان از ورىندىقتى شاعىن تۇرپاتتى جولاۋشىلار اۆتوكولىگىنەن جيىنى 3 ميلليون 205 مىڭ 400 اۆتوكولىك (رەت) تەگىن قاتىناپ، سايكەس مەزگىلدەگىدەن %13.39 ارتتى؛ 115 ميلليون يۋان قاتىناۋ اقىسى ازايتىلىپ، كەشىرىم ەتىلىپ، سايكەس مەزگىلدەگىدەن %21.36 ارتتى.

  كوكتەم مەرەكەسى كەزىندە جولدىڭ حاۋىپسىز، ىركىلىسسىز بولۋىن قامتاماسىز ەتۋ ءۇشىن، شينجياڭ قاتىناسقا قارجى قوسۋ توبى جيىنى 95 رەت قار تازالاۋ جۇمىسىن ورىستەتىپ، 1200 ادام (رەت) جول تازالاۋشى شىعارىپ، تازالايتىن قاردىڭ اۋماعى 169 ميلليون 481 مىڭ 400 شارشى مەترگە جەتتى. وعان قاراستى بولىمشە سەرىكتەستىكتەر پارتيا مۇشەلەرىنىڭ ەكپىندىلەر اترەتىن جانە ەرىكتى قىزمەت وتەۋ گرۋپپاسىن قۇرىپ، حالىققا قولايلى، حالىققا ءتيىمدى قىزمەت وتەۋ جانە قىسقى مەيىر جەتكىزۋ قيمىلىن بەلسەنە ورىستەتتى، كوكتەم مەرەكەسى دەمالىسى كەزىندە ارلى - بەرلى وتكەن شوفەرلار مەن جولاۋشىلارعا 24 ساعات ىستىق سۋمەن قامداۋ، جول جونىندە اقىل - كەڭەس بەرۋ، اۆتوكولىك جوندەۋ قۇرالدارىن ازىرلەۋ سياقتى حالىققا قولايلى، حالىققا ءتيىمدى قىزمەت وتەۋ بويىنشا 13 مىڭ 474 رەت قىزمەت وتەدى، سونداي - اق 1138 ”مەرەكەلىك سالەمدەمە“ ۇسىنىپ، مەرەكەنىڭ دۋمانىن اسىردى.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار