تيانشان الابى اتتانىسقا كەلدى
□ انار بۇلت \ شينجياڭ گازەتىنىڭ تىلشىلەرى
2023.01.30 15:24 كەلۋ قاينارى : شينجياڭ گازەتى
1 - ايدىڭ 28 - كۇنى كوكتەم مەرەكەسىنىڭ دەمالىسىنان كەيىنگى العاشقى جۇمىس كۇنى، قويۋ مەرەكەلىك ءتۇس ءالى قايتا قويماعانىمەن، تيانشان الابىنداعى ءار سالا، ءار كاسىپتەگى ادامداردىڭ رۋحى تاسقىنداپ، بار ىنتا - پەيىلىمەن جاڭا ءبىر جىلدىق كۇرەسكە كىرىسىپ كەتتى. وسى ساتتە، تيانشان الابىندا ۋاقىتپەن جارىسىپ، ەكپىندەي ىلگەرىلەۋدىڭ بۋىرقانعان تولقىنى كوتەرىلدى.
1 - ايدىڭ 28 - كۇنى تاڭەرتەڭ ەرتە بۋرىلتوعاي اۋدانىنا ورنالاسقان شينجياڭ ۋاڭيۋان بيولوگيالىق عىلىم - تەحنيكا توبى شەكتى سەرىكتەستىگىنىڭ ءوندىرۋ، وڭدەۋ سەحىندا 3 ءوندىرىس جەلىسى بار كۇشپەن ءوندىرىس جۇرگىزۋدە.
”2022 - جىلى سەرىكتەستىكتىڭ ساتىلىم سوماسى 620 ميلليون يۋانعا جەتتى. بيىل جىل باسىندا ءبىز تاعى 3 ميلليون يۋاندىق تاپسىرىس قابىلداپ، تاماشا باستاما باستادىق. بۇگىن كوكتەم مەرەكەسى دەمالىسىنان كەيىن جۇمىس باستاعان ءبىرىنشى كۇن، ءبىز تاپسىرىستى ۇلگىرتىپ، جوسپار بويىنشا قوراپتاپ، زات دايىنداپ، جەدەل جەتكىزۋ ارقىلى بۇكىل ەلدىڭ جەر - جەرىنە جونەلتۋدەمىز“. شينجياڭ ۋاڭيۋان بيولوگيالىق عىلىم - تەحنيكا توبى شەكتى سەرىكتەستىگىنىڭ باس ديرەكتورى گو جىچياڭ بىلاي دەدى: جاڭا جىلدا جاڭا بەينە جارىققا شىقتى، قويان جىلىندا، ءسوز جوق، اناعۇرلىم جاقسى ناتيجەگە قول جەتكىزەتىندىگىمىزگە سەنەمىن.
قاراقاش اۋدانى اقساراي اۋىلى ۇزىنارىق قىستاعى جيامەي سىبىرتكى جاساۋ ورتالىعىندا تاپ - تازا، كەڭ دە جارىق زاۆود ۇيىندە قاربالاس جاعداي جارىققا شىقتى، جۇمىسشىلار قاشقارعا جونەلتىلەتىن سىبىرتكىنى شەبەرلىكپەن ءتۇيىپ جاتتى. ”وسى بىرنەشە كۇندە ءتۇرلى سىبىرتكىلەر قاجەتتى قاناعاتتاندىرا الماي قالدى، حوتان ايماعىنىڭ اۋدان، قالالارىن قامداۋدان سىرت، قاشقار، اقسۋ سياقتى جەرلەردىڭ بارلىعىندا ءبىز جاساعان سىبىرتكى بار“، - دەدى جيامەي سىبىرتكى جاساۋ ورتالىعىنىڭ ءوندىرىس جاۋاپتىسى ءمامتىمىن ھاكى.
2019 - جىلى قۇرىلعان جيامەي سىبىرتكى جاساۋ ورتالىعى ۇزىنارىق قىستاعىنداعى شاعىن، ۇساق كاسىپورىنداردى جەتىلدىرۋ كوشەسىندەگى 17 شاعىن، ۇساق كاسىپورىننىڭ ءبىرى، ءار جىلى 50 مىڭنان استام ءتۇرلى سىبىرتكى جاسايدى، ايلىق تيجارات سوماسى 100 مىڭ يۋاننان اسىپ، 51 قىستاق تۇرعىنىن جۇمىستانىپ، كىرىسىن ارتتىرۋعا باستاپ وتىر.
”قولىمىزدا تاعى ءبىر ءبولىم تاپسىرىستار بار، قازىر جەدەلدەتە وندىرۋدەمىز جانە زات جونەلتۋدەمىز“، - دەدى اۆتونوميالى رايوندىق ارىز - ارمان مەكەمەسىنىڭ ۇزىنارىق قىستاعىندا تۇراتىن ءبىرىنشى شۋجيى جۋ حۇڭگاڭ، - كوپشىلىكتىڭ بىرگە قۇلشىنۋىندا، كىشكەنتاي سىبىرتكىنىڭ جاڭا ءورىس اشاتىندىعىنا سەنەمىن.
شينجياڭ تيانلاي مال شارۋاشىلىق توبى شەكتى جاۋاپكەرشىلىك سەرىكتەستىگىنىڭ باعىمشىلىق باقشا اۋماعىندا ازىقتاندىرۋشى چىن جيڭ كومپيۋتەر ارقىلى سول كۇنگى باقشا اۋماعىنداعى جەم شاشۋ ماشينالارىنىڭ ساندى مالىمەتتەرىن تەكسەرىپ جاتتى. ”كوكتەم مەرەكەسى كەزىندە باقتاشىلارىمىز كەزەكتەسىپ دەمالدى، بۇگىن بارلىق قىزمەتكەر قىزمەت ورنىنا قايتىپ كەلدى. ءبىز ءار كۇنگى جەم شاشۋ مولشەرىن قايتادان تۇراقتاندىرىپ، ءار سيىردىڭ تويا، جاقسى ازىقتانۋىنا، قورەكتىگىنىڭ اناعۇرلىم بىركەلكى بولۋىنا مۇمكىندىك جاسادىق“، - دەدى چىن جيڭ.
”ەندى ءبىز، ءبىر جاقتان، ءوندىرىس قۋاتىن جەدەل قالپىنا كەلتىرەمىز، سونىمەن بىرگە، فەرمانىڭ زەردەلىلەنگەن باسقارۋ جۇيەسى قۇرىلىسىن جەدەل ىلگەرىلەتەمىز، بيىل، ءسوز جوق، تىڭ ىسكەرلىك كورسەتەتىندىگىمىزگە سەنەمىز“، - دەدى شينجياڭ تيانلاي مال شارۋاشىلىعى توبى شەكتى جاۋاپكەرشىلىك سەرىكتەستىگى وڭدەۋ باقشا اۋماعىنىڭ ورىنباسار باس ديرەكتورى حان يۇيسۇڭ.
قاشقار حاۋپىڭ كيىم - كەشەك عىلىم - تەحنيكا شەكتى سەرىكتەستىگىنىڭ ءوندىرىس سەحىندا ماشينالاردىڭ جۇمىس جۇرگىزگەن داۋىسى، جۇمىسشىلاردىڭ ەڭبەك ءۇنى ارالاسىپ جاتتى. 600دەن استام جۇمىسشى قىزمەت كۇيىنە ءوتىپ، جاڭا ءبىر جىلداعى وندىرىسكە كىرىستى.
بيىل جىل باسىندا قاشقار حاۋپىڭ كيىم - كەشەك عىلىم - تەحنيكا شەكتى سەرىكتەستىگى شاڭحاي مەن فۋجياننان كەلگەن 2 ميلليون كيىم - كەشەك تاپسىرىسىن تاپسىرىپ الدى، بۇل سەرىكتەستىك كوكتەم مەرەكەسى كەزىندە ەگجەي - تەگجەيلى ورنالاستىرۋ جاسادى، قازىر وندىرىسكە ۇيىمداستىرۋ سەرپىنىن ارتتىرۋدا. ”ءبىز ارتقى شەپ قامتاماسىزدىعىن ويداعىداي ىستەۋمەن بىرگە، بار كۇشىمىزدى سالىپ، كۇش - جىگەردى تاسقىنداتىپ، قايراتتانا ىستەيمىز“، - دەدى وسى سەرىكتەستىكتىڭ باس ديرەكتورى يۇي كىلين نىق سەنىممەن.
ەڭبەكشىلدىڭ كوكتەمى ەرتە كەلەدى. 1 - ايدىڭ 28 - كۇنى تاڭەرتەڭ ەرتە اقتاۋ اۋدانى شارلۇڭ قالاشىعى بالدالىڭ وزۋ قىستاعىنىڭ تۇرعىنى ءبۇبايىم نۇرباي ءوز وتباسىنىڭ جىلىجايىنا كىردى. ”بۇگىن سۋارىپ، ەرتەڭ جەر اۋدارسام، ەندى 2 كۇننەن كەيىن مايسا وتىرعىزۋعا بولادى“، - دەدى ول.
ءبۇبايىم ءوزى جىلىجايدا كوكونىس ەگۋمەن بىرگە، قىستاقتاعى مايسا جەتىلدىرۋ بازاسىندا جۇمىس ىستەيدى. ”جىلىجايدان تۇسەتىن كىرىس جوعارى، ونىڭ ۇستىنە مايسا جەتىلدىرۋ بازاسىندا جۇمىس ىستەۋدى قوسقاندا، ءبىر جىلدا 2 كىرىس كىرگىزەمىن. قازىر تۇرمىسىمىز جاقسى ءوتىپ جاتىر، بيىلعى كىرىسىمنىڭ بىلتىرعىدان جوعارى بولاتىندىعىنا سەنەمىن“، - دەدى ول.
سولتۇستىك شينجياڭداعى شارۋالار جونىنەن العاندا، كوكتەمگى ەگىس وندىرىسىنە تاعى ءبىراز ۋاقىت بار، الايدا اۋىل شارۋاشىلىق ءوندىرىس قۇرال - جابدىقتارىن ساتاتىن ءىرى كاسىپورىندار ءوندىرىس زاتتىق ماتەريالدارىن كۇنى بۇرىن دايىنداي باستادى. 1 - ايدىڭ 28 - كۇنى تاڭەرتەڭ شينجياڭ حانفىڭ اۋىل شارۋاشىلىعىن دامىتۋ شەكتى سەرىكتەستىگىنىڭ جاۋاپتىسى لي پىڭ اۋىل شارۋاشىلىق ءوندىرىس قۇرال - جابدىقتارى جونىندە كەڭەس الۋعا، ساتىپ الۋعا كەلگەن شارۋالارعا جاڭا تىڭايتقىش تانىستىرۋمەن قاربالاسقا ءتۇستى. ساۋان قالاسى انجىحاي قالاشىعى يۋانشيڭگۇڭ قىستاعىنىڭ تۇرعىنى يان گوجياڭ سالىستىرىپ كورگەننەن كەيىن، بيىل كوكتەمگى ەگىسكە قاجەتتى تىڭايتقىشتى تاڭدادى. ”وسى بىرنەشە كۇندەگى باعا دا قالىپتى، مەن اۋىل شارۋاشىلىق ءوندىرىس قۇرال - جابدىقتارىن ەرتەرەك ساتىپ الماقشىمىن، بيىل ءتىپتى دە جاقسى ءونىم الۋدى ءۇمىت ەتەمىن“، - دەدى يان گوجياڭ.
لي پىڭ بىلاي دەدى: ”كوكتەم مەرەكەسى دەمالىسىنان كەيىنگى ءبىرىنشى كۇنى جۇمىسقا شىققاندا الارمانداردىڭ كوپ بولارىن ويلاماپپىن. قازىر دۇكەنىمىزگە 400 توننادان استام ءتۇرلى تىڭايتقىش دايىنداپ، كوكتەمگى ەگىس، كوكتەمگى تۇقىم ءسىڭىرۋ جۇمىسىنا ويداعىداي دايىندالدىق“.
كاسىپورىنداردىڭ قاربالاس ءوندىرىس جۇرگىزۋىنەن، ديقانداردىڭ كوكتەمگى ەگىس دايىندىعىمەن قاربالاس بولۋىنان سىرت، ەكونوميكانىڭ جوعارى ساپالى دامۋىنىڭ اۋقىمىن دا سەزىنە الدىق.
1 - ايدىڭ 28 - كۇنى تۇستەن بۇرىن 50 ولشەمدى قوراپقا ەلەكتروندى ءونىم، اۆتوموبيل بولشەكتەرى، كۇندەلىكتى تۇتىنۋ بۇيىمدارى تولتىرا تيەلگەن ”شاڭحاي“ ءنومىرلى جۇڭگو − ەۆروپا كەزەكشى پويەزى قورعاس شەكارا وتكەلى ارقىلى پولشانىڭ مالاسزەۆيچسىنە جول الدى.
بيىل 1 - ايدىڭ 28 - كۇنىنە دەيىن قورعاس شەكارا وتكەلىنەن 546 جۇڭگو − ەۆروپا كەزەكشى پويەزى قاتىناپ، جۇك تاسىمال مولشەرى 711 مىڭ 800 توننا بولىپ، قاتىناۋ مولشەرى بۇكىل ەل بويىنشا الدىڭعى ورىندى يەلەدى.
”كوكتەم مەرەكەسى كەزىندە ءبىز تاۋلىك بويى جۇمىس ورنىمىزدا بولىپ، جۇڭگو − ەۆروپا كەزەكشى پويەزدارىنىڭ كۇنى بويى، كەشەۋىلدەمەي، ايالداماي كەدەننەن وتۋىنە شىنايى كەپىلدىك ەتىپ، زەردەلى تەكسەرۋ جۇيەسىنە سۇيەنىپ تەكسەرۋ ۋاقىتىن قىسقارتىپ، تەكسەرۋ ونىمدىلىگىن ％40كە جۋىق جوعارىلاتتىق“، - دەدى قورعاس شەكارادان كىرىپ - شىعۋ شەكارا قورعانىسى تەكسەرۋ پۋنكتى كەزەكشىلىك 4 - اترەتىنىڭ حالىق ساقشىسى ياڭ رۇيجى، - بيىل ءبىز كۇش ۇستىنە كۇش قوسىپ، ءوز قىزمەت ورنىمىزدى تياناق ەتىپ، جۇڭگو − ەۆروپا كەزەكشى پويەزدارىنىڭ ءساتتى قاتىناۋىنا شىنايى كەپىلدىك ەتەمىز.
(ءتىلشى ءرايدا، قاتىناسقان تىلشىلەر جاڭ تيڭ، ءجازيرا نەسىپبەك، سۇڭ ۋيگو، بارشا تەگىس، ەرىكتى تىلشىلەر گاۋحارنيسا يمىن، روزىگۇل رەيىم)
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
