ما شيڭرۇي 2022 - جىلعى اۆتونوميالى رايوننىڭ ارناۋلى تاقىرىپتاعى زاڭنان ەسەپ بەرۋ قىزمەتى ماجىلىسىندە بىلاي دەپ باسا دارىپتەدى
زاڭمەن باسقارۋ قۇرىلىسى ساياسي جاۋاپكەرشىلىگىن باتىلدىقپەن ارقالاپ، زاڭمەن باسقارىلاتىن شينجياڭ قۇرىلىسىنىڭ دەڭگەيىن جاپپاي جوعارىلاتۋ كەرەك
ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتىناستى
2023.01.31 15:56 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ شيڭرۇي 1 - ايدىڭ 29 - كۇنى ۇرىمجىدەن حابارلايدى. اۆتونوميالى رايوندىق پارتكومنىڭ شۋجيى ما شيڭرۇي 1 - ايدىڭ 29 - كۇنى تۇستەن كەيىن 2022 - جىلعى اۆتونوميالى رايوننىڭ ارناۋلى تاقىرىپتاعى زاڭنان ەسەپ بەرۋ قىزمەتى ءماجىلىسىن باسقارىپ اشتى، ءماجىلىس پارتيا 20 - قۇرىلتايىنىڭ رۋحى مەن شي جينپيڭنىڭ زاڭمەن باسقارۋ يدەياسىن ىشكەرىلەي ۇيرەندى، دايەكتىلەندىردى، ورتالىقتىڭ مەملەكەتتى جاپپاي زاڭمەن باسقارۋ كوميتەتىنىڭ قىزمەت ورنالاستىرۋلارىن دايەكتىلەندىردى، تياناقتاندىردى، پارتكومداعى، ۇكىمەتتەگى نەگىزگى جاۋاپتى جولداستاردىڭ زاڭمەن باسقارۋ قۇرىلىسىن ىلگەرىلەتۋدەگى ءبىرىنشى جاۋاپتى ادامدىق قىزمەت جاۋاپكەرشىلىگىن اتقارۋىن ونان ارى ناقتىلاندىردى، تاجىريبە اۋىستىرىپ، ماسەلەلەردى تاۋىپ، قىزمەتتەردى جاقسارتىپ، زاڭمەن باسقارىلاتىن شينجياڭ قۇرىلىسىنىڭ دەڭگەيىن جوعارىلاتۋدى العا قويدى.
اۆتونوميالى رايوننىڭ باسشىلارىنان ەركىن تۇنياز، ءزۇمىرات وبۇل، نۇرلان ءابىلماجىن، لي يفي، جاڭ چۇنلين، حى جۇڭيوۋ قاتارلىلار ماجىلىسكە قاتىناستى. ورتالىقتىڭ مەملەكەتتى زاڭمەن باسقارۋ كەڭسەسىندەگى قاتىستى جولداس ماجىلىسكە بارىپ جەتەكشىلىك ەتتى.
ماجىلىستە 14 ايماق، وبلىس، قالا پارتكومدارىنىڭ شۋجيلەرى مەن اۆتونوميالى رايوندىق پارتكوم بىرلىكساپ بولىمىندەگى، اۆتونوميالى رايوندىق بازاردى باقىلاۋ - باسقارۋ مەكەمەسىندەگى نەگىزگى جاۋاپتى جولداستار زاڭنان ەسەپ بەردى. ءارقايسى ايماق، وبلىس، قالالاردىڭ ۇكىمەتتەرىندەگى (اكىمشىلىك مەكەمەسىندەگى) جاۋاپتى جولداستار مەن اۆتونوميالى رايوننىڭ باسقا تاراۋلارىنداعى نەگىزگى جاۋاپتى جولداستار جازباشا فورمادا زاڭنان ەسەپ بەردى.
ما شيڭرۇي بىلتىر جىل باسىنان بەرگى شينجياڭنىڭ زاڭمەن باسقارۋ قۇرىلسىندا قول جەتكىزگەن ناتيجەلەرىن تۇراقتاندىرىپ، بۇكىل رايوننىڭ زاڭمەن باسقارۋ كوزقاراسىن كۇشەيتۋ، زاڭمەن باسقارۋ قۇرىلىسىنىڭ ءتۇيىندى مىندەتتەرىن تياناقتاندىرۋ، زاڭمەن باسقارىلاتىن شارۋاشىلىق - ساۋدا ورتاسىن تۇلعالاۋ، زاڭمەن باسقارۋ دارىندىلار قوسىنى قۇرىلىسى سياقتى جاقتارداعى ماسەلەلەر مەن ولقىلىقتارعا تالداۋ جاسادى. ما شيڭرۇي بىلاي دەپ اتاپ كورسەتتى: ءار دارەجەلى باسشى كادرلار ”شەشۋشى ازشىلىق“ رەتىندە، شينجياڭدى زاڭمەن باسقارۋعا تاباندى بولۋدا، زاڭمەن باسقارىلاتىن شينجياڭ قۇرىلىسىندا ماڭىزدى ساياسي جاۋاپكەرشىلىك ارقالاپ وتىر. ساياسي دەڭگەيدى شىن مانىندە جوعارىلاتىپ، شي جينپيڭنىڭ زاڭمەن باسقارۋ يدەياسىن ىشكەرىلەي امالياتتا ايگىلەپ، جاڭا داۋىردەگى پارتيانىڭ شينجياڭدى زاڭمەن باسقارۋ جالپى جوباسىن تولىق، دالمە - ءدال دايەكتىلەندىرىپ، ءىس جۇزىندىك ارەكەت ارقىلى ”ەكىنى تۇراقتاندىرۋدى“ قولداۋ، ”ەكىنى قورعاۋدى“ ورىنداۋ ساياسي بيىگىندە تۇرىپ، شينجياڭدى زاڭمەن باسقارۋدى كورنەكتى ورىنعا قويىپ، ونى باسقارۋ جۇيەسى مەن باسقارۋ قابىلەتىنىڭ وسىزاماندانۋىن ىلگەرىلەتۋدىڭ، شينجياڭنىڭ قوعام ورنىقتىلىعى مەن باياندى تىنىشتىعىن جۇزەگە اسىرۋدىڭ شەشۋشى بۋىنى رەتىندە يگەرىپ، ولقىلىقتاردى ۇزدىكسىز تولىقتاپ، ءالسىز تۇستاردى كۇشەيتىپ، قابىلەتتى جوعارىلاتىپ، پارتيا ورتالىق كوميتەتىنىڭ شەشىمدەرىن، ورنالاستىرۋلارىن قاز - قالپىندا ناقتاپ تياناقتاندىرىپ، شينجياڭ قىزمەتىنىڭ باستان - اياق زاڭمەن باسقارۋ ارناسىندا جۇرىلۋىنە شىنايى كەپىلدىك ەتۋ كەرەك.
ما شيڭرۇي بىلاي دەپ باسا دارىپتەدى: شينجياڭدى زاڭمەن باسقارۋدى، زاڭ بويىنشا بيلىك جۇرگىزۋدى، زاڭ بويىنشا اكىمشىلىك جۇرگىزۋدى بىرگە ىلگەرىلەتۋگە تاباندى بولىپ، زاڭمەن باسقارىلاتىن شينجياڭدى، زاڭمەن باسقارىلاتىن ۇكىمەتتى، زاڭمەن باسقارىلاتىن قوعامدى ءبىر تۇلعالاندىرا قۇرىپ، زاڭدى عىلمي شىعارۋدى، زاڭدى قاتاڭ اتقارۋدى، ءادىليادا ءادىل بولۋدى، جالپى حالىق زاڭعا بويسۇنۋدى ءبىر تۇتاس جوسپارلاپ ىلگەرىلەتىپ، نازاردى شەشۋشى سالالارعا شوعىرلاندىرىپ، ءتۇيىندى مىندەتتەردى ناقتى يگەرىپ، زاڭمەن باسقارىلاتىن شينجياڭ قۇرىلىسىنىڭ ساپاسىن، ونىمدىلىگىن ۇزدىكسىز جوعارىلاتۋ كەرەك. زاڭمەن باسقارۋ وي جەلىسىن بەرىك ورناتۋ، ءار دارەجەلى باسشى كادرلار، اسىرەسە، پارتيا، ۇكىمەت ورىندارىنداعى نەگىزگى جاۋاپتى جولداستار باستاماشىلدىقپەن زاڭعا قۇرمەت ەتىپ، زاڭدى ۇيرەنىپ، زاڭعا بويسۇنىپ، زاڭنان پايدالانىپ، زاڭمەن باسقارۋ وي جەلىسىنەن جانە زاڭمەن باسقارۋ تاسىلىنەن پايدالانىپ دامۋدى ىلگەرىلەتۋ، قايشىلىقتاردى شەشۋ، ورنىقتىلىقتى قورعاۋ، حاۋىپ - قاتەرگە توتەپ بەرۋ قابىلەتىن ۇزدىكسىز جوعارىلاتۋى؛ زاڭمەن باسقارۋ جوباسىن تياناقتاندىرىپ، شەگە قاعۋ رۋحى ارقىلى ”ءبىر جوبا، ەكى باعدارلاما“ ءتۇيىندى مىندەتىنىڭ ناقتىلانۋىن، تياناقتانۋىن ويداعىداي يگەرۋ؛ زاڭمەن باسقارۋ نەگىزىن نىعايتىپ، ءتۇيىندى تومەنگە جىلجىتۋدى، كۇشتەردى تومەنگە ءتۇسىرۋدى، قامتاماسىزداندىرۋدى تومەنگە بەيىمدەۋدى ىلگەرىلەتىپ، نەگىزگى ساتىنىڭ زاڭمەن باسقارۋ جۇيەسى مەن زاڭمەن باسقارۋ قابىلەتىنىڭ زاڭمەن باسقارىلۋ، وسىزاماندانۋ دەڭگەيىن ۇزدىكسىز جوعارىلاتۋ؛ زاڭمەن باسقارۋ قامتاماسىزدىعىن كۇشەيتىپ، زاڭ شىعارۋ، زاڭ اتقارۋ، ءادىليا، زاڭعا بويسۇنۋ، زاڭ جالپىلاستىرۋ بۋىندارىندا جالپى تىزبەك بويىنشا كۇش سالىپ، باياندى تىنىشتىققا ساياتىن ءتۇبىرلى سيپاتتى، نەگىزدىك سيپاتتى، ۇزاق بولاشاقتىق سيپاتتى قىزمەتتەردى ىلگەرىلەتۋدى قامتاماسىزداندىرۋ؛ زاڭمەن باسقارۋ بويىنشا قىزمەت وتەۋدى ساپالىلاندىرىپ، زاڭمەن باسقارىلاتىن ۇكىمەت قۇرىلىسىن جاپپاي كۇشەيتىپ، ”تومەنگە بەرۋ، باسقارۋ، قىزمەت وتەۋ“ رەفورماسىن تەرەڭدەتىپ، بازارلانعان، زاڭمەن باسقارىلاتىن، حالىقارالانعان شارۋاشىلىق - ساۋدا ورتاسىن تۇلعالاپ، زاڭ اتقارۋ، ءادىليا ارەكەتتەرىن جۇيەگە ءتۇسىرىپ، ءار ۇلت بۇقاراسىنا ادىلدىك پەن تۋراشىلدىقتىڭ ءوز جاندارىندا ەكەندىگىن سەزىندىرۋ كەرەك.
ما شيڭرۇي بىلاي دەپ باسا دارىپتەدى: ءار دارەجەلى پارتكومدار شينجياڭدى زاڭمەن باسقارۋعا ءبىر تۇتاس باسشىلىقتى كۇشەيتىپ، ءار دارەجەلى پارتيا، ۇكىمەت ورىندارىنداعى نەگىزگى جاۋاپتى جولداستار زاڭمەن باسقارۋ قۇرىلىسىنداعى ساياسي جاۋاپكەرشىلىكتى باتىلدىقپەن ارقالاپ، ءبىر دارەجە ءبىر دارەجەنى يگەرىپ، ساتىلار بويىنشا تياناقتاندىرۋدى يگەرىپ، قاتىستى وڭىرلەر مەن تاراۋلاردىڭ زاڭ بويىنشا اتقارۋ قىزمەت فۋنكتسياسىن ىلگەرىلەتۋ كەرەك. قىزمەت نىساناسىن ايقىنداپ، قىزمەتتىڭ تابان تىرەر تياناعىن ءىس جۇزىندىك ماسەلەلەردى شەشۋگە قويىپ، زاڭمەن باسقارۋ ءتاسىلى ارقىلى ءوز وڭىرىندەگى، ءوز تاراۋىنداعى ءتۇيىندى، قيىن ماسەلەلەردى جانە بۇقارانىڭ شۇعىل، قيىن، ۋايىمداعان، ءزارۋ ماسەلەلەرىن شەشۋدى ىلگەرىلەتۋ كەرەك. قاتاڭ باقىلاپ، ناقتى جەتەكشىلىك ەتۋگە تاباندى بولىپ، ناقتى ىستەۋ ستيلىن اسقاقتاتىپ، زاڭ شىعارۋ، زاڭ اتقارۋ، ءادىليا سىندى ءۇش قوسىندى ويداعىداي قۇرىپ، ءىس جۇزىندىك ارەكەت ارقىلى زاڭمەن باسقارىلاتىن شينجياڭ قۇرىلىسىنىڭ دەڭگەيىن جوعارىلاتۋ كەرەك.
ماجىلىستە زاڭنان ەسەپ بەرگەن جولداستارعا دەموكراتيالىق باعالاۋ جۇرگىزىلدى.
جاڭ جۋ، تيان شياڭلي، چىن ۋيجۇن، ۋاڭ ميڭشان، ياڭ فاسىن، ءيۇسۇپجان مامەت، ەلزات احمەتجان، قادەن كابەن، اۆتونوميالى رايوندىق حالىق قۇرىلتايىنداعى، ۇكىمەتتەگى، ساياسي كەڭەستەگى قاتىستى باسشى جولداستار، اۆتونوميالى رايوندىق جوعارى حالىق سوتى مەكەمەسىندەگى، اۆتونوميالى رايوندىق حالىق پروكۋراتۋراسىنداعى نەگىزگى جاۋاپتى جولداستار، اۆتونوميالى رايوندىق پارتكوم شينجياڭدى جاپپاي زاڭمەن باسقارۋ كوميتەتىنىڭ مۇشەلەرى، قاتىستى تاراۋلارداعى جاۋاپتى جولداستار، سونداي - اق ءىشىنارا اۆتونوميالى رايوندىق حالىق قۇرىلتايى ۋاكىلدەرى، ساياسي كەڭەس مۇشەلەرى، ادۆوكاتتاردىڭ جانە اقپارات قىزمەتكەرلەرىنىڭ ۋاكىلدەرى قاتارلىلار نەگىزگى ءماجىلىس الاڭىندا ماجىلىسكە قاتىناستى. ءماجىلىس تەلەۆيزور - تەلەفون ءماجىلىسى فورماسىندا اشىلدى، ءارقايسى ايماق، وبلىس، قالالاردا بولىمشە ءماجىلىس ورنى ورنالاستىرىلدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
