بەتتى ساقتاۋ | باس بەت ەتۋ | حات ساندىعى | حابارلاسىڭىز | ءبىز تۋرالى جۇڭگو كوممۋنيستىك پارتياسى اقپارات تورابى    

حالىق تورابى

ۇكىمەت قيىن ماسەلەلەردى شەشتى، كاسىپورىنداردىڭ قارجى قوسۋ سەنىمى ارتتى

□ انار بۇلت \ شينجياڭ گازەتىنىڭ ءتىلشىسى گاۋ فىڭ

2023.01.31 15:59     كەلۋ قاينارى : شينجياڭ گازەتى

  1 - ايدىڭ 27 - كۇنى ءۇرىمجى قالاسى جۇڭدا جيارۇي ونەركاسىپ - ساۋدا شەكتى سەرىكتەستىگىندە جابدىق باسقارۋشى يە شياۋدۇڭ كوكتەم مەرەكەسىنەن كەيىنگى ءوندىرىستى قالپىنا كەلتىرۋ ءۇشىن قىزاناق قويمالجىڭىن، شىرعاناق سۋسىنىن قۇياتىن كوپ يقۋاتتى ءوندىرىس جەلىسىنە ەڭ سوڭعى تەكسەرۋ جۇرگىزدى.

  ”سەرىكتەستىكتىڭ دامۋ جاعدايى جاقسى، 2022 - جىلى سەرىكتەستىك ءۇرىمجى قالاسىنىڭ 7 - توپتاعى اۋىل شارۋاشىلىعىن كاسىپ سالالاندىرۋداعى ءتۇيىندى باستاماشى كاسىپورىندار تىزىمىنە ەندى. مۇنداي ناتيجەگە قول جەتكىزۋدى ءار دارەجەلى ۇكىمەتتىڭ قولداۋى مەن كومەگىنەن بولە قاراۋعا بولمايدى“، - دەدى جۇڭدا جيارۇي سەرىكتەستىگىنىڭ ۇنەمىلىك ىستەرگە جاۋاپتى ورىنباسار باس ديرەكتورى ما حۇڭۋي.

  كوكتەم مەرەكەسىنەن كەيىن جۇڭدا جيارۇي سەرىكتەستىگى ءوندىرىستى قالپىنا كەلتىردى، سپيريتتى اشىتىپ، بۋلاندىرىپ تازالاۋ سەحىنىڭ سىرتىندا دايىنداپ قويعان جۇگەرى شيكىزاتى ءۇيىلىپ تۇر.

  ”2022 - جىلى ءبىز جيىنى 60 مىڭ توننادان استام سپيريت، قوس تىزبەكتى امموني تۇزبەن زارارسىزداندىرۋ سۇيىقتىعى، تومەن تەمپەراتۋرادا حلورلى زارارسىزداندىرۋ سۇيىقتىعى، 84 زارارسىزداۋ سۇيىقتىعى سياقتى ونىمدەردى ءوندىرىپ، ىندەتتەن ساقتانۋ زاتتىق ماتەريالدارىمەن قامداۋدى قامتاماسىز ەتۋ بويىنشا ءوندىرىس مىندەتىن تابىسپەن ورىندادىق“، - دەدى ما حۇڭۋي.

  ”بىلتىر ىندەت كەزىندە ءۇرىمجى قالالىق ىندەتتەن ساقتانۋ - تىزگىندەۋ قىزمەتى قولباسشىلىق شتابى، ميدۇڭ رايوندىق دامۋ جانە رەفورما كوميتەتى، چاڭشانزى قالاشىق ۇكىمەتى سياقتى ءار دارەجەلى ۇكىمەت تاراۋلارى ءار كۇنى كاسىپورىنداردىڭ ءوندىرىس - تاسىمال بارىسىندا ءدوپ كەلگەن قيىن ماسەلەلەرىن سايكەستىرىپ شەشىپ، ءبىزدىڭ قيىنشىلىقتاردى جەڭىپ، قامداۋدى قامتاماسىز ەتۋ بويىنشا ءوندىرىستى ورىنداۋىمىزعا كومەكتەستى“، - دەدى جۇڭدا جيارۇي سەرىكتەستىگىنىڭ ورىنباسار باس ديرەكتورى چىن زىڭگاڭ.

  بىلتىر 9 - ايدا جۇڭدا جيارۇي سەرىكتەستىگى ۇلاستاي شەكارا وتكەلىنە زارارسىزداندىرۋ ارناسىن سالۋ، زارارسىزداندىرۋ زاتتىق ماتەريالدارمەن قامداۋ مىندەتىن تاپسىرىپ الدى. سەرىكتەستىك سىچۋانداعى ءبىر زاۆودقا شۇعىل وندىرىلگەن تۇماندى زارارسىزداندىرۋ ماشيناسىن شينجياڭعا جەتكىزۋدى تاپسىرعاننان كەيىن، ءۇرىمجى قالالىق ىندەتتەن ساقتانۋ - تىزگىندەۋ قىزمەتى قولباسشىلىق شتابى ىندەتتەن ساقتانۋ زاتتىق ماتەريالدارمەن قامداۋدى قامتاماسىز ەتۋ حاتىن شىعارىپ، سەرىكتەستىكتىڭ تاسىمال ارناسىن اشۋىنا كومەكتەسىپ، دەرەۋ شەكارا وتكەلىنە جەتكىزىپ ورناتىپ بەردى.

  بىلتىر ىندەت كەزىندە بۇل سەرىكتەستىك ءار دارەجەلى تاراۋلار تاراتقان جول كۋالىگىن، قامداۋدى قامتاماسىز ەتۋ حاتىن الىپ، وسى سەرىكتەستىكتىڭ تاسىمال اۆتوموبيلدەرىنىڭ ىركىلىسسىز قاتىناۋىنا كەپىلدىك ەتتى.

  1 - ايدىڭ 27 - كۇنى جۇڭدا جيارۇي سەرىكتەستىگىنىڭ پار قازان ۇيىندە ءبىر پار قازاننان گۇرىلدەگەن داۋىس شىعىپ، زاۆود اۋماعىنداعى سەحتار مەن كەڭسەلەرگە جىلۋ جەتكىزىپ جاتتى.

  ما حۇڭۋي بىلاي دەپ تانىستىردى: بۇل پار قازاندى سەرىكتەستىك ءوزى سالعان گازبەن قامداۋ پۋنكتى گازبەن قامدايدى، قازىر كۇنىنە 2000 تەكشەمەتر تابيعي گاز پايدالانىلادى، ءوندىرىس كەزىندە گازدان پايدالانۋ مولشەرى 4000 تەكشەمەترگە جەتەدى.

  گازبەن قامداۋ پۋنكتى تۇرعان جەر سەرىكتەستىكتىڭ سولتۇستىك جاعىندا، چاڭشانزى قالاشىعى جيانلياڭ قىستاعىنىڭ كوللەكتيۆ جەرىنە تاۋەلدى. 2020 - جىلى جۇڭدا جيارۇي سەرىكتەستىگى باعىمشىلىق الاڭى، جاراقسىز بۇيىمدار پۋنكتى سالىنعان وسى جەردى جالعا الىپ، گازبەن قامداۋ پۋنكتىن قۇردى. الايدا كوپ وتپەي، بۇل جەر قايتادان ەگىستىك جەرگە وزگەرتىلەتىندىگىن ەستيدى، ەگەر وزگەرتىلسە پار قازان امالسىز ىستەن توقتاتىلىپ، بۇكىل زاۆود ءوڭىرى بۋ قاينارىنان ايرىلادى دا ءوندىرىس جۇرگىزۋگە امالسىز قالادى.

  بيىل جىل باسىندا ءۇرىمجى قالالىق پارتكوم قاتىستى تاراۋلاردى جۇمىس باسىندا قىزمەت ىستەۋگە ۇيىمداستىرىپ، جۇڭدا جيارۇي سەرىكتەستىگىنىڭ جەردەن ۋاقىتشا پايدالانۋ مەرزىمىن 2 جىل ۇزارتۋدى سايكەستىردى.

  ”ۇكىمەت جەردەن ۋاقىتشا پايدالانۋ جاعىنداعى قيىن ماسەلەنى شەشىپ، سەرىكتەستىكتىڭ قالىپتى ءوندىرىس اينالىمىن قامتاماسىز ەتتى“، - دەدى ما حۇڭۋي.

  جۇڭدا جيارۇي سەرىكتەستىگىنىڭ زاۆود اۋماعىنىڭ شىعىسىندا 1000 شارشى مەتر بيىك كونە زاۆود ءۇيى جاڭالانىپ جاتىپتى. جاڭالاۋ ينجەنەرياسى قازىر سىم تارتۋ كەزەڭىنە ءوتتى، كوپ وتپەي ءوندىرىس جابدىقتارى ورناتىلادى.

  بۇل وسى سەرىكتەستىك 100 ميلليون يۋان قارجى قوسۋدى جوسپارلاعان سيىر، قوي ەتىن توڭازىتىپ ءبولۋ، وڭدەۋ نىسانى سالىنىپ بولعاننان كەيىن مەجەمەن جىلدىق ءونىم قۇنى 150 ميلليون يۋان بولادى. وسى نىسانمەن سايكەستىرىلگەن 200 تەكشەمەتر كەلەتىن توڭازىتۋ قويماسى سالىنىپ بولدى.

  ”اۆتونوميالى رايون شارۋاشىلىق - ساۋدا ورتاسىن جاقسارتۋعا زور كۇش سالدى، حالىقتىق كاسىپورىندار دامۋدىڭ تاماشا ورايىنا ءدوپ كەلدى، قارجى قوسۋ سەنىمى ارتتى، ءبىز قولايلى ساتتەن پايدالانىپ جاڭادان نىساندار سالىپ، ءوندىرىستى كەڭەيتۋىمىز كەرەك“، - دەدى ما حۇڭۋي.

  سيىر، قوي ەتىن توڭازىتىپ ءبولۋ، وڭدەۋ نىسانىنان سىرت، 2023 - جىلى جۇڭدا جيارۇي سەرىكتەستىگى تاعى 50 ميلليون يۋان قارجى قوسىلعان كەپتىرىلگەن جەمىس، قاتتى قابىقتى جەمىس وڭدەۋ نىسانىن جاڭادان سالۋدى جوسپارلاپ، قازىرگى قىزاناق قويمالجىڭى، بال، شىرعاناق ونىمدەرىن وڭدەۋ نىسانىنىڭ تەحنولوگيالىق جابدىقتارىن جاڭالاپ، دارەجەسىن ءوسىرىپ، ازىقتىق سپيريتكە پايدانىلاتىن جۇگەرىنى جىنتىكتەپ وڭدەۋ نىسانىن بىرىكتىرىپ، ءتۇرلى زارارسىزداندىرۋ سۇيىقتىعىنىڭ ءونىم مولشەرىن ارتتىرماقشى ...

  2022 - جىلى 6 - ايدا جۇڭدا جيارۇي سەرىكتەستىگى حاڭجوۋدا ساتۋ سەرىكتەستىگىن قۇرىپ، ەلەكتروندى ساۋدا تۇعىرىن ورناتىپ، ءتۇرلى اۋىل شارۋاشىلىق ونىمدەرىن ساتتى. ”مەجەمەن بيىل 3 - ايدان كەيىن ينتەرنەت جەلىسى ارقىلى ساتىلاتىن ونىمدەر زور مولشەردە ارتتىرىلىپ، سەرىكتەستىكتى ونان ارى دامىتۋعا جەتەكتەيدى“، - دەدى چىن زىڭگاڭ.
جاۋاپتى رەداكتورى : نۇرعيسا قۇرمانجان ۇلى
 
  بۇل حابارعا باعاڭىز
  • 1. جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
    2. قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
    3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
    4. ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
  • ورتالىق
  • ەل ءىشى
  • شينجياڭ
  • حالىقارا

سۋرەتتى حابار