پاكيستاننىڭ باتىس بولەگىندە قوپارىلىس تۋىلدى، ساقشىلاردىڭ مەجەلەۋىنشە، ءالى نەشە ونداعان ادام قيراندىنىڭ استىندا كوملىپ قالعان بولۋى مۇمكىن
2023.01.31 10:36 كەلۋ قاينارى : حالىق تورابى
پاكيستاننىڭ باتىس بولەگىندەگى حىبەر - پاشتۋن ولكەسىنىڭ ورتالىق قالاسى پەشاۆار قالاسىنداعى ءبىر مەشىتتە جەرگىلىكتى ۋاقىت 1 – ايدىڭ 30 – كۇنى قوپارىلىس تۋىلعان. جەرگىلىكتى ۋاقىت 1 – ايدىڭ 31 – كۇنى تاڭعا جاقىنعا دەيىن قوپارىلىستان 61 ادام ءولىپ، 150 دەن استام ادام جارالانعان. پەشاۆار ساقشى مەكەمەسىنىڭ باستىعى سول كۇنى مۇنىڭ جانكەشتى قوپارىلىس شابۋىلى ەكەندىگىن ءبىلدىردى. پاكيستان تاليبانىنىڭ اقپار جاريالاۋشىسى بۇل ۋاقيعامەن بايلانىسى بار دەگەندى تەرىستەدى.
ۇعىسۋعا قاراعاندا، ۋاقيعا تۋىلعاندا مەشىتتە 300 دە 400 ادام بار ەكەن، شابۋىلداۋشى مەشىتكە كىرگەن سوڭ ٴبىرىنشى قاباتتا قوپارىلىس تۋدىرعان، مەشىتتىڭ ەكىنشى قاباتى بۇكىلدەي ويراندالىپ قۇلاپ، ءبىرىنشى قاباتىنداعى كوپ ادام كومىلىپ قالعان، جەر استى ٴبىرىنشى قاباتىندا دا ءبىر ءبولىم ادام قامالىپ قالعان. قازىر قۇتقارۋ جۇمىسى جالعاستى جۇرگىزىلۋدە.
قۇتقارۋ قىزمەتكەرى: ءبىز مولشەرمەن جەتى جارالانعان ادامدى قۇتقاردىق ءارى ولاردى جاقىن ماڭداعى شيپاحاناعا جەدەل جەتكىزدىك، 2 ادام شيپاحاناعا بارار جولدا ءولدى، باسقالار شيپاحانادا ەمدەلۋدە. ءالى دە كوپتەگەن ادام قيراندىنىڭ استىندا جاتىر، ءبىراق ناقتى قانشا ادام بارى قازىرگە ءالى بەلگىسىز.
بۇل مەشىت ساقشى مەكەمەسىنىڭ اۋلاسىنا ورنالاسقاندىقتان، ولگەندەردىڭ كوبى مەشىتكە بارعان ساقشىلار ەكەن، ساقشىلار قازىر شابۋىلداۋشىنىڭ قالايدان – قالاي قات – قابات قاتاڭ تەكسەرۋلەردەن ءوتىپ مەشىت ىشىندە ۋاقيعا تۋدىرعاندىعىن تەكسەرۋدە.
پاكيستان تاليبانىنىڭ اقپار جاريالاۋشىسى بۇل ۋاقيعامەن بايلانىسى بار دەگەندى تەرىستەدى
جەرگىلىكتى ۋاقىت 1 – ايدىڭ 31 – كۇنى تاڭعا جاقىن، پاكيستان تاليبانىنىڭ اقپار جاريالاۋشىسى ولاردىڭ بۇل جولعى قوپارىلىس ۋاقيعاسىمەن قاتىسى جوق ەكەندىگىن ايتتى. وسىدان بۇرىن، پاكيستاننىڭ كوپتەگەن اقپارت قۇرالدى پاكيستان تاليبانى بۇل جولعى ۋاقيعاعا جاۋاپ بەرەتىندىكتەرىن ايتتى دەپ حابارلاعان بولاتىن.
پاكيستاننىڭ جەر – جەرى ساقتىق جاعدايىن جوعارىلاتتى
قوپارىلىس تۋىلعان سوڭ، پاكيستاننىڭ جەر – جەرى ساقتىق دارەجەسىن جوعارىلاتىپ، تەكسەرۋ پۋنكتىنىڭ حاۋىپسىزدىك قىزمەتىن كۇشەيتىپ، باسقا دا حاۋىپسىزدىك قوسىندارىن ورنالاستىردى.
بۇل پەشاۆاردا ءبىر جىلعا جەتپەيتىن ۋاقىت ىشىندە تۋىلعان ەكىنشى رەتكى اۋىر قوپارىلىس شابۋىلى. 2022 – جىلى 3 – ايدا، اتالعان جەردەگى ءبىر مەشىتتە جانكەشتى قوپارىلىس شابۋىلى تۋىلىپ، از دەگەندە 60 ادام ءولىپ، 200 گە تاياۋ ادام جارالانعان.
جۇڭگونىڭ پاكيستاندا تۇراتىن ەلشىحاناسى: قازىرگە دەيىن جۇڭگولىق ازاماتتاردىڭ ءولىم – ءجىتىم، جارالانۋ جاعدايى جونىندە مالىمەت جوق
جەرگىلىكتى ۋاقىت 1 – ايدىڭ 31 – كۇنى، جۇڭگونىڭ پاكيستاندا تۇراتىن ەلشىحاناسى قازىرگە دەيىن اتالعان شابۋىل ۋاقيعاسىندا جۇڭگولىق ازاماتتاردىڭ ءولىم – ءجىتىم، جارالانۋ جاعدايى جونىندە مالىمەت جوق دەگەندى ايتتى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
