باتىس سولتۇستىكتەگى 5 ولكە، رايوننىڭ ”اۋىل - قىستاقتى گۇلدەندىرۋ“ اتىنداعى تۇڭعىش ارناۋلى زايومىنىڭ 3 - مەرزىمدىك قارجىسى تياناقتاندى
اقسۋ ايماعىنداعى ەرەكشە كاسىپ سالاسىنىڭ دامۋىن قولدايدى
2023.01.31 15:58 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 1 - ايدىڭ 29 - كۇنى ۇرىمجىدەن حابارلايدى. جاڭا جىل باستالىسىمەن اقسۋ ايماقتىق جاسىل كاسىپكەرلىكتى وركەندەتۋ توبى شەكتى سەرىكتەستىگى شاڭحاي اكتسيا ساۋدا ورنى ارقىلى كاسىپتىك قارجى قوسۋشىلارعا باعىتتالعان اشىق تاراتىلاتىن زايومعا جاتپايتىن 700 ميلليون يۋاندىق 3 - مەرزىمدىك اۋىل - قىستاقتى گۇلدەندىرۋ سەرىكتەستىكتەرى زايومىن ءساتتى تاراتتى. بۇل زايوم باتىس سولتۇستىكتەگى 5 ولكە، رايوننىڭ ”اۋىل - قىستاقتى گۇلدەندىرۋ“ اتىنداعى تۇڭعىش ارناۋلى زايومى ەسەپتەلەدى.
”كەزەكتە بۇل زايوم قارجىسى توپ سەرىكتەستىكتىڭ ەسەبىنە ەندى، ءارقايسى تولىق قارجىلى بولىمشە سەرىكتەستىكتەرگە بوساتىپ بەرۋدەمىز“. 1 - ايدىڭ 29 - كۇنى اقسۋ ايماقتىق جاسىل كاسىپكەرلىكتى وركەندەتۋ توبى شەكتى سەرىكتەستىگى فينانس ىستەرى ءبولىمىنىڭ باس ديرەكتورى ياڭ ياڭنىڭ ايتۋىنشا، وسى قارجى كەلپىن اۋدانىنىڭ تۇيە شارۋاشىلىعى، ءۇشتۇرپان اۋدانىنىڭ شىرعاناق كاسىپ سالاسى، حۇڭچيپو جىلتىر وزەكتى الما كاسىپ سالاسى، توقسۋ اۋدانىنىڭ سيىر، قوي، كەپتەر شارۋاشىلىعى سياقتى قاتىستى اۋدان، قالالارداعى ەرەكشە اۋىل شارۋاشىلىعىن كاسىپ سالالاندىرۋ نىساندارىنىڭ دامۋىن قولداۋعا جۇمسالادى ەكەن.
وسى مەرزىمدەگى زايوم قارجىسى، نەگىزىنەن، كاپيتال بازارىنداعى تولىمدى قارجىلاندىرۋشىلارعا تاراتىلادى، باستى قارجىلاندىرۋ قۇرىلىمدارى شىعىس بولىكتەگى دامىعان رايوندارداعى زايوم ساۋداگەرلەرى، اماناتتاۋ، قامسىزداندىرۋ قاتارلى فينانس قۇرىلىمدارى، سونداي - اق شينجياڭنىڭ جەرگىلىكتى فينانس قۇرىلىمدارى ەكەن. حۋاشيا بانكەسىنىڭ ءۇرىمجى بولىمشە بانكەسى، شينجياڭ بانكەسى، ءۇرىمجى بانكەسى، ىلە اۋىل - قىستاق ساۋدا بانكەسى، اقسۋ اۋىل - قىستاق ساۋدا بانكەسى، شيڭيە اكتسياسى، يىنحى اكتسياسى سياقتى 13 قۇرىلىم جابال ساتىپ الىپ، قارجى قوسىپ، زايومنىڭ ءساتتى تاراتىلۋىنا كەپىلدىك ەتتى. وسىلاردىڭ قاتارىندا 100 ميلليون يۋان قارجى قوسقان حۋاشيا بانكەسىنىڭ ءۇرىمجى بولىمشە بانكەسى قارجى قوسقان بانكەلەر ىشىندەگى تەبىنى ەڭ زور بانكە بولدى. ”باس بانكەگە شۇعىل ءوتىنىش بەرگەن ەدىك، ءۇش - اق كۇندە بەكىتىلدى“، - دەدى حۋاشيا بانكەسىنىڭ ءۇرىمجى بولىمشە بانكەسى فينانس بازارى ءبولىمىنىڭ باس ديرەكتورى گاۋ زىڭرىن.
ياڭ ياڭ بىلاي دەپ تانىستىردى: ”اۋىل - قىستاقتى گۇلدەندىرۋ“ اتىنداعى وسى ارناۋلى سەرىكتەستىك زايومىنىڭ تاراتىلاتىن جالپى سوماسى 2 ميلليارد يۋان، شەكتى مەرزىمى 2 + 3 جىل، بىلتىر 4 - ايدا 1 - مەرزىمدەگى 480 ميلليون يۋانى، 9 - ايدا 2 - مەرزىمدەگى 520 ميلليون يۋانى تاراتىلدى، بيىل 1 - ايدا 3 - مەرزىمدەگى 700 ميلليون يۋانى تاراتىلدى، 2 - ايدىڭ 18 - كۇنى 4 - مەرزىمدەگى 300 ميلليون يۋانىن تاراتۋ جوسپارلاندى.
ياڭ ياڭ بىلاي دەدى: ”زايوم كىلەڭ سەنىمدىلىك تاسىلىمەن تاراتىلادى، كەپىلگە قويۋ مەن كەپىل بولۋدىڭ قاجەتى جوق، قارجى قۇراۋىمىزدىڭ قيىندىعى ءونىمدى جەڭىلدەدى، نەداۋىر يكەمدى پايدالانۋعا بولاتىن وسى قارجى سەرىكتەستىكتىڭ ورمان شارۋاشىلىعى، ەگىنشىلىك، باعىمشىلىق سياقتى قاتىستى ەرەكشە كاسىپ سالاسى نىساندارىنا پارمەندى فينانستىق قولداۋ كورسەتەدى“.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
