ياۋجانزى قىستاعى:
ءبيداي ەگىمشىلىگى كاسىپ سالاسى تىزبەگىن ۇزارۋعا جەتەكتەدى
□ انار بۇلت \ شينجياڭ گازەتىنىڭ ءتىلشىسى سۇڭ ۋيگو
2023.01.31 16:02 كەلۋ قاينارى : شينجياڭ گازەتى
2022 - جىلى 12 - ايداعى شونجى اۋدانى بانجيەگوۋ قالاشىعىنىڭ ياۋجانزى قىستاعى، ءبيداي اتىزى ءبىر قابات قالىڭ ”اق كورپە“ جامىلدى، دۇمبە ءبيداي قاسات قاردىڭ استىندا قۋات توپتاپ، كوكتەمنىڭ كەلۋىن كۇتىپ جاتىر. بۇرىنعى جىلدارداعىدان قالىڭداۋ قاسات قارعا قاراعان ياۋجانزى قىستاعى قىستاق تۇرعىندار كوميتەتىنىڭ مەڭگەرۋشىسى، شونجى اۋدانى فىڭيۇي اۋىل شارۋاشىلىعىنا قىزمەت وتەۋ كاسىپتىك سەلبەستىك كووپەراتيۆىنىڭ القاسى گاۋ لۇڭنىڭ كوڭىلىن قۋانىش كەرنەدى، ول 2023 - جىلدىڭ دا مول ءونىم جىلى بولاتىندىعىن ءبىلدى.
گاۋ لۇڭ قىستاقتاعى 55 مىڭ مۋ جەردەگى ءبيداي اتىزىن باپتاۋعا جاۋاپتى. وسىنشا زور اۋماق گاۋ لۇڭ جونىنەن ماشاقاتتى جۇمىس ەمەس، ويتكەنى ياۋجانزى قىستاعىنىڭ ءبيداي ەگىمشىلىگى باياعىدا زەردەلىلەندىرۋدى، عىلىم - تەحنيكالاندىرۋدى جۇزەگە اسىرعان، تۇقىم سىڭىرۋدە بەيدۋ جول نۇسقاۋ جۇيەسىنىڭ جەتەكشىلىگى بار، سۋاراتىن كەزدە سۋ مەن تىڭايتقىشتى ءبىر تۇلعالاندىرۋ ارقىلى وزىندىك قۇندى ۇنەمدەپ، ونىمدىلىكتى ارتتىراتىن جاڭا تەحنيكا، ءدارى شاشقاندا ۇشقىشسىز اپپارات بار...
گاۋ لۇڭ بىلاي دەدى: قىستاق پارتيا باس ياچەيكاسىنىڭ باستاۋىندا، 2009 - جىلى شونجى اۋدانى فىڭيۇي اۋىل شارۋاشىلىعىنا قىزمەت وتەۋ كاسىپتىك سەلبەستىك كووپەراتيۆى قۇرىلدى. سەلبەستىك كووپەراتيۆى ”پارتيا باس ياچەيكاسى + سەلبەستىك كووپەراتيۆى + شارۋالار“ ۇشەۋى ءبىر تۇلعالاندىرىلعان شوعىرلى تيجارات ۇلگىسىن اتقارىپ، بۇكىل قىستاقتاعى 393 وتباسى سەلبەستىك كووپەراتيۆىنىڭ ”جارناگەرلەرىنە“ اينالدى. 2022 - جىلى بۇكىل قىستاق جيىنى 180 مىڭ مۋ جەردى اينالىمعا سالدى، مۇنىڭ ىشىندە 75 مىڭ مۋ جەرگە ءبيداي ەگىلىپ، ءبيدايدىڭ بۇكىل جىلداعى ساتىلۋ جالپى ءونىم قۇنى 108 ميلليون يۋانعا جەتىپ، بۇكىل قىستاق 4 ميلليون 400 مىڭ يۋان پايدانى بولىسكە سالىپ، ورتا ەسەپپەن ءار وتباسى 11 مىڭ يۋاننان استام پايداسىن الدى.
بۇل عانا ەمەس، سەلبەستىك كووپەراتيۆى تاعى ەگىمشىلىك شەبەرلەرىن، كاسىپورىننىڭ وزات جۇمىسشى - قىزمەتكەرلەرىن پارتيا مۇشەسى ەتىپ جەتىلدىرىپ، ۇزدىك پارتيا مۇشەلەرىن سەلبەستىك كووپەراتيۆىنە قابىلداپ ”اۋماق باستىعى“ مىندەتىنە تاعايىندادى. قىستاق تۇرعىنى گاۋ چي ءبيداي ەگىمشىلىگىن باسقارۋعا جاۋاپتى ”اۋماق باستىعى“.
قىستاقتا نەداۋىر اتى بار ءبيداي ەگىمشىلىك شەبەرى رەتىندە، گاۋ چيدىڭ سەلبەستىك كووپەراتيۆىنىڭ ءبيداي اتىزىن باپتاعاندىعىنا 13 جىل بولدى. ”ياۋجانزى قىستاعى قازىر تەك ءبيداي ەگىپ قانا قويماي، تاعى ءبيداي وڭدەدى، ساتتى، ءتىپتى مادەنيەت كاسىپ سالاسىن، ساياحات كاسىبىن دە بيدايمەن بايلانىستىردى“، - دەدى گاۋ چي.
بۇگىنگى تاڭدا، ياۋجانزى قىستاعى جيىنى ءار ءتۇرلى 6 سەرىكتەستىك، 2 سەلبەستىك كووپەراتيۆىن قۇردى. ءارقايسى كاسىپورىندار قىستاق تۇرعىندارىمەن تىعىز مۇددە بايلانىسى مەحانيزمىن ورناتتى، سەلبەستىك كووپەراتيۆى جانە سەرىكتەستىك وسى قىستاقتىڭ جانە توڭىرەكتەگى قىستاقتاردىڭ تۇرعىندارىنا 255 ۇزاق ۋاقىتتىق جۇمىس ورنىن، 2000نان استام قىسقا مەرزىمدىك جۇمىس ورنىن ازىرلەدى.
ءار جىلى جاز سوڭىندا كوسىلىپ جاتقان التىن سارى ءبيداي اتىزىن كۇز سامالى جەلپىپ وتكەندە ءبيداي اتىزى تولقىنداي جوڭكىلىپ، ساياحاتشىلاردى قىزىقتىرا تۇسەدى.
شينجياڭ فىڭي مادەنيەتتى، ساياحاتتى دامىتۋ شەكتى سەرىكتەستىگى قۇرىلعاننان كەيىن، 20 ميلليون يۋاننان استام قارجى قوسىپ مادەنيەت، ساياحات قىزمەت وتەۋ ورتالىعى، اۋىل - قىستاقتى گۇلدەندىرۋ بويىنشا پراكتيكا بازاسى، قىستاق تاريحى سارايى، ءبيداي مۇراجايى، ءدامدى تاعامدار كوشەسى، ءبيداي ساياباعى، ورگانيكالى اۋىل شارۋاشىلىق ونىمدەرى زاۆودىن سەرۋەندەۋ ءتۇيىنى جانە حالىقتىق تۇسەلحانا سياقتىلاردى قۇردى.
شينجياڭ داشۋەسىن بىتىرگەن حان لى اۋىلعا قايتىپ شارۋاشىلىق قۇرىپ، ينتەرنەتتە تانىلعان ”ياۋجانزىنى تانىستىرۋشى“ بولدى. بيىل حان لى جەر - جەردىڭ ينتەرنەتتە تانىمالىلارىن قىستاققا كەلىپ قايتۋعا ۇزدىكسىز ۇيىمداستىرىپ، مادەنيەتتى، ساياحاتتى تانىستىرۋ قيمىلى، جاڭا كورىنىس ءتۇيىنى كورىنىستەرىن تۇلعالاۋ سياقتىلاردى ورىستەتتى، ونىڭ ءار ءتۇرلى وزگەشە ويلارى قىستاقتىڭ ساياحات كاسىبىنىڭ دامۋىن جەتەكتەدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
