ءجاڭاشار اۋدانى گۇندۇلقۇم قىستاعى
لازينانىڭ ۇيىندەگى كوكتەم بوساعالىعىن ول ءوزى جازعان
□ انار بۇلت \ شينجياڭ گازەتىنىڭ ءتىلشىسى لي لي
2023.02.01 15:22 كەلۋ قاينارى : شينجياڭ گازەتى
”ءسىزدىڭ كىشكەنتاي تۋىسىڭىز لازينانىڭ ۇيىنە بيىل جاپسىرىلعان كوكتەم بوساعالىعىن ول ءوزى جازعان“، - دەپتى كوكتەم مەرەكەسى كەزىندە اۆتونوميالى رايوندىق قوعامدىق عىلىمدار بىرلەستىگىنىڭ ورىنباسار ءتوراعاسى چىن حانليننىڭ قىستاقتا تۇراتىن قىزمەتتەسى ۋاڭ لۋبو ونىمەن ۋيشين ارقىلى حابارلاسقاندا. جازبادان كەيىن بىرنەشە سۋرەت جولدانىپتى، وندا لازينا ناسىردىڭ قولىنا قىل قالام الىپ مۇقيات جازۋ جازىپ وتىرعان كورىنىسى، سونداي - اق ءسىڭلىسى گۇلزينات ناسىرمەن بىرگە قىزىل بوساعالىق جاپسىرىپ ەسىك الدىندا شاتتانا سۋرەتكە تۇسكەن كورىنىسى بار ەكەن.
10 جاستاعى لازينا ءجاڭاشار اۋدانى جاڭا اۋات اۋىلى سەنترلى باستاۋىش مەكتەبى 4 - جىلدىق 1 - كلاسىنىڭ وقۋشىسى. 1 - ايدىڭ 16 - كۇنى ءجاڭاشار اۋدانى ”مادەنيەت ارقىلى تيانشاندى نارلەندىرۋ، كوكتەم بوساعالىعىن سان مىڭداعان وتباسىنا جەتكىزۋ“ قيمىلىن جاڭا اۋات اۋىلى گۇندۇلقۇم قىستاعىندا ورىستەتتى. حاتكەرلەردىڭ قىستاقتاعى مادەني قيمىل ۇيىندە قىل قالامدى قاعاز بەتىندە ويناتىپ، كوركەم ءارى تابيعي حاتكەرلىك تۋىندىلارىن شىعارىپ جاتقانىن كورگەن لازينا قىل قالام حاتكەرلىگىنە قاتتى قىزىعادى ءارى سىناپ كورمەكشى بولادى.
”كولدەنەڭ سىزىق تەگىس، تىك سىزىق ءتۇزۋ جازىلادى...“ مۇعالىمنىڭ قولما - قول جەتەكشىلىك ەتۋىندە لازينا كوركەم جازۋ جازۋعا قۇمارتا تۇسەدى. بولامىن دەگەن بالاعا ءتان باتىلدىق بايقاتقان ول قىزىل قاعازعا كوكتەم بوساعالىعىن، ”福“، ”春“ ارىپتەرىن اجەپتاۋىر ادەمى جازىپتى.
باسىپ شىعارىلعان كوكتەم بوساعالىعى جيناعىن مۇقيات كورگەننەن كەيىن لازينا ەكى جاعىنا ”20 - قۇرىلتايدىڭ كوكتەم سامالى وتباسىلارىنا جەتىپ، كوركەم كورىنىس كوپ كوڭىلىن جەلپىندىرەدى“ دەگەن مازمۇن، كولدەنەڭىنە ”تىنىش جۇڭگو“ دەگەن جازۋ جازىلعان كوكتەم بوساعالىعىن جازباق بولدى. حاتكەرلەردىڭ جازۋ جازعان كەزدەگى بەينەسىنە ەلىكتەگەن ول قالامىن سياعا مالىپ العاننان كەيىن ءبىر - ءبىر سىزىق بويىنشا جازا باستادى. جازىپ بولعان بوساعالىعىنا كوڭىلى تولماعان ول تاعى ءبىر قىزىل قاعازعا قايتادان مۇقيات جازىپ شىقتى.
ءوزى جازعان كوكتەم بوساعالىعىنا زەر سالا قاراعان لازينا شەشەسى مۇكارام اليامەتكە: ”شەشە، بيىل كوكتەم مەرەكەسىندە قاقپامىزعا ءوزىم جازعان بوساعالىقتى جاپسىرساق بولا ما“؟ - دەدى. تاباندا ماقۇل بولعان مۇكارام: ”بالامنىڭ تۇڭعىش رەت جازعان كوكتەم بوساعالىعىنىڭ وسىنشاما ادەمى بولارىن ويلاماپپىن“، - دەدى.
كوكتەم مەرەكەسى كەزىندە اۆتونوميالى رايوندىق قوعامدىق عىلىمدار بىرلەستىگىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا گۇندۇلقۇم قىستاعىندا تۇراتىن قىزمەت اترەتىنىڭ باستىعى، ءبىرىنشى شۋجي ۋاڭ لۋبو قىستاقتاعى قىزمەتتەستەرىمەن بىرگە مۇكارامنىڭ ۇيىنە مەرەكەنى قۇتتىقتاي باردى. مۇكارامنىڭ قاقپاسىنا كەلگەندە تىم ادەمى بولماسا دا مۇقيات جازىلعانى ءبىلىنىپ تۇرعان كوكتەم بوساعالىعىن كورگەن ولار سۇراعاندا بارىپ وسى كوكتەم بوساعالىعىن كىشكەنتاي قىزدىڭ جازعانىن بىلەدى.
”قاراڭىزدار، وڭتۇستىك شينجياڭداعى تۋىسىمنىڭ ۇيىندەگى بيىلعى كوكتەم بوساعالىعىن سۇيكىمدى بالاقاي گۇلي (لازينا) ءوزى جازىپتى، بۇل، شىنىندا، مەنى قاتتى تاڭ قالدىردى! حاتكەرلىك اۋەسكەرى جانە تالاي جىل بوساعالىق جازۋمەن اينالىسقان مەن بالالاردىڭ وسىنداي تابيعي كوركەمدىككە يە بوساعالىق جازۋىن شىن جۇرەكتەن ۇناتامىن. كەلەر جىلى گۇلي بالاقاي جازعان كوكتەم بوساعالىعىن جاپسىراتىن سياقتىمىز! تالپىنا ءتۇس“! ۋاڭ لۋبودان كەلگەن ينفورماتسيانى كورگەننەن كەيىن چىن حانلين تەبىرەنىسپەن جوعارىداعى جازۋدى، سونداي - اق لازينانىڭ كوكتەم بوساعالىعىمەن بىرگە تۇسكەن سۋرەتىن ۋيشيندەگى دوستار شەڭبەرىنە شىعارىپ قويدى.
لازينانىڭ قىل قالاممەن جازۋ جازۋعا اۋەس ەكەنىن بايقاعاننان كەيىن، حاتكەرلىككە قىزىعاتىن ۋاڭ لۋبو ءوزىنىڭ قىستاققا الا بارعان سۋمەن جازىلاتىن كوركەم جازۋ ۇلگىسىن لازيناعا ۇسىندى. ”ءبىز بيىل قىستاقتا مەرزىمدى تۇردە حاتكەرلىك ساباعىن ورنالاستىرىپ، بالالاردىڭ جۇڭحۋانىڭ ءداستۇرلى مادەنيەتىن ۇيرەنۋىنە كومەكتەسىپ، جۇڭحۋا مادەنيەتىنىڭ كوركەمدىگىن سەزىندىرمەكشىمىز“.
”قىل قالاممەن جازۋ جازۋ وتە ءماندى ەكەن، بۇدان بىلاي كوبىرەك جاتتىعىپ، حاتكەر ۇستازدارداي كوركەم جازا الاتىن بولۋعا قۇلشىنامىن“، - دەدى لازينا. قاقپاداعى ”福“ ءارىبى جاڭا ءبىر جىلدا ءبىر ءۇيلى جاننىڭ بالداي ءتاتتى باقىتتى تۇرمىسقا كەنەلۋ تىلەگىن بەينەلەيدى، ال كولدەنەڭ جازىلعان ”تىنىش جۇڭگو“ دەگەن جازۋ وتباسىنداعىلاردىڭ ورتاق تىلەگى ەسەپتەلەدى، ويتكەنى وتان تىنىش بولعاندا عانا، ءار وتباسى، ءاربىر ادام باقىتتى، جايلى تۇرمىس كەشىرە الادى - عوي.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
