”ءبىز بىرگە تۋىسقان جاندارداي وتە بەرەمىز“
□ انار بۇلت \ شينجياڭ گازەتىنىڭ ءتىلشىسى ۋاڭ يۇڭفي
2023.02.01 15:23 كەلۋ قاينارى : شينجياڭ گازەتى
كوكتەم مەرەكەسىنە قاراعان كۇنى، قار قاپالاقتاپ جاۋىپ تۇر، وتباسىلىق ءبىر جەڭىل اۆتوكولىك كورلادان جولعا شىعىپ، 80 كيلومەتر جەردەگى حىجيڭ اۋدانىنا قاراي زىمىراپ بارا جاتتى.
كولىكتە وتىرعاندار جۇڭگو اۋىل شارۋاشىلىق بانكەسى تيەمىنگۋان بيڭتۋان بولىمشە بانكەسى كورلا المۇرت داڭعىلى تارماق بانكەسىنىڭ قاريدارلارعا قىزمەت وتەۋ ديرەكتورى ءزىلايحان ءامارجان مەن جۇبايى الىمجان ەدى، ولار وزدەرىنىڭ ”تۋىسى“ ۋاڭ اعايدىڭ ۇيىنە كوكتەم مەرەكەسىن قۇتتىقتاۋعا بارا جاتقان بولاتىن.
بۇل ەرلى - زايىپتى ەكەۋىنىڭ ۋاڭ اعايدىكىنە 8 - رەت كوكتەم مەرەكەسىن قۇتتىقتاپ بارۋى.
2015 - جىلدىڭ باسىندا ءزىلايحان ءامارجاننىڭ جۇبايى حىجيڭ اۋدانىندا ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىنە قاتىناسقان كەزدە، حىجيڭ قالاشىعى كەجە باتىس جولى الەۋمەتتىك اۋماعىنداعى ۋاڭ فاميليالى حانزۋ قىستاق تۇرعىنىنىڭ تۇرمىسىندا قيىنشىلىعى اۋىر ەكەندىگىن، ايەلى ۇزاق جىل توسەك تارتىپ جاتقاندىعىن، ۋاڭ اعاي ۇساق - تۇيەك جۇمىس ىستەپ تاپقان ماردىمسىز تابىسىمەن ايەلىن ەمدەتۋمەن بىرگە، تاعى ەكى قىزىن وقىتىپ جاتقاندىعىن ۇعىسادى.
سول كەزدە ۋاڭ اعايدىڭ ەكى قىزى بىردەي داشۋەگە ءوتىپ، ءومىردىڭ شەشۋشى كەزەڭىندە تۇرعان ەدى. ”وسىدان وقۋدان قول ۇزەتىن بولسا، ومىرلەرى باسقا ارناعا بۇرىلىپ كەتەدى عوي“، - دەپ ويلاعاندا، الىمجاننىڭ ءىشى ۋداي اشيدى، ول ۋاڭ اعايعا كومەكتەسكىسى كەلەدى.
ءبىراق، سول كەزدە ايەلى ءزىلايحان ءامارجاننىڭ اكەسى اسقازان راگىنا شالدىعىپ، ەمدەلىپ جاتقان بولاتىن، وتباسىنىڭ شىعىنى دا از ەمەس، ايەلى قۇپتاي قويار ما؟
اسكەردەن بوساعانىنا تالاي جىل بولسا دا الىمجان جاۋىنگەرگە ءتان ادال نيەت پەن اڭقىلداقتىعىنان جازباعان بولاتىن، ويلانا كەلە، اقىرى ايەلىنە اقىل سالىپ، ۋاڭ اعايدىڭ ەكى قىزىنىڭ وقۋىنا قارجىلاي كومەكتەسۋدى ايتادى. بۇعان ءزىلايحان ءامارجان قارسى بولمادى، ول جۇبايىنا: ”قالاي دەگەنمەن دە ەكى بالانى وقۋدان قالدىرۋعا بولمايدى، وقۋ ماعلۇماتى جوعارى بولعاندا عانا، قىزمەتتى وڭاي تابا الادى عوي. اقشاعا كەلسەك، ءوزىمىز جايشىلىقتا ۇنەمدەپ جۇمساساق بولعانى“، - دەيدى.
ەرلى - زايىپتى ەكەۋىنىڭ مۇنداي ويعا كەلۋى استە قىزبالىق ەمەس ەدى. ءزىلايحان ءامارجاننىڭ اجەسى وزگەلەرگە كومەكتەسۋدى قۋانىش سانايتىن، قىستاقتا كىمدە قيىنشىلىق بولسا، اجەسى سوعان قول ۇشىن بەرەتىن جان ەدى. كىشكەنتايىنان اجەسىنىڭ قولىندا وسكەن ءزىلايحان ءامارجان دا سوعان داعدىلانىپ، جاقسىلىق ىستەۋگە جانى قۇشتار قاسيەت قالىپتاستىرادى.
1996 - جىلى تۇرمىس قۇرعاننان بەرى، ءزىلايحان ءامارجان مەن جۇبايى دا اجەسىنەن ۇيرەنىپ، ءار جىلى ءبىر - ەكى رەت ۋاقىت شىعارىپ، توڭىرەگىندەگى قىستاقتارعا بارىپ وتباسىلارىن ارالاپ، قايسى ۇيدە قيىنشىلىق بولسا، سول ۇيگە قويدىڭ سانى، كۇرىش، ۇن نەمەسە سۋ ماي اپارىپ بەرەدى.
ەرلى - زايىپتى ەكەۋى اقىلداسقاننان كەيىن، ۋاڭ اعايدىڭ وتباسىمەن جۇپ قۇراپ، تۋىس بولىپ، ءوز وتباسىندا تۇرمىستىق جاقتان ۇنەمدەپ، كۇن كورىستە ۇنەمشىل بولىپ، ۋاڭ اعايدىڭ ەكى قىزىنا ايىنا 700 يۋان كومەك بەرىپ تۇرۋ بەكىمىنە كەلەدى. ”سەندەردىڭ وتباسىلارىڭ دا باردام بولىپ تۇرعان جوق، 500 يۋان بولسىن“، - دەيدى ۋاڭ اعاي.
وسىلايشا، 2015 - جىلدان باستاپ ءبىر ءتۇرلى تۋىسقاندىق سۇيىسپەنشىلىك ۇقسامايتىن ەكى ۇلت وتباسىنىڭ اراسىن جالعايدى. زاتتىق جاقتان كومەكتەسۋدەن سىرت، ءزىلايحان ءامارجان مەن جۇبايى ءار جىلى ۋاڭ اعايدىڭ وتباسىنا امانداسىپ بارىپ تۇرادى. ەرلى - زايىپتى ەكەۋىنىڭ قارجىلاي كومەگىندە، ۋاڭ اعايدىڭ ۇلكەن قىزى 2018 - جىلى اسپيرانتتىق وقۋىن تامامدايدى.
2019 - جىلى ۋاڭ اعايدىڭ كىشى قىزى دا داشۋەنى ءساتتى ءبىتىرىپ، ”ءۇشتى قولداۋ، ءبىردى سۇيەمەلدەۋ“ بويىنشا ەرىكتى قىزمەت وتەۋگە قاتىناسىپ، كورلا قالاسىنا قىزمەتكە كەلەدى. اپتا سوڭىنداعى ۋاقىتتا ول ۇنەمى ءزىلايحان ءامارجاننىڭ ۇيىنە كەلىپ تۇرادى، ءزىلايحان ءامارجان دا وعان ءوز قىزىنداي قارايلاسىپ، وعان جاقسى كورەتىن تاماعى لاعىمان مەن پالاۋ جاساپ بەرەدى.
ەكى وتباسىنداعىلار بارعان سايىن ىشتەسىپ، تاتۋ - ءتاتتى بولا تۇسەدى، ءار جىلى كوكتەم مەرەكەسى مەن قۇربان ايتتا ءبىرىن - ءبىرى قۇتتىقتاي بارادى. ءبىر جولى، ۋاڭ اعاي تەبىرەنە ءزىلايحان ءامارجانعا: ”ەگەر سەندەردىڭ كومەكتەرىڭ بولماسا، ەكى قىزىمنىڭ وقۋىن ءساتتى ءبىتىرۋى قيىن ەدى“، - دەپ ايتادى دا، ەكى قىزىنا ءزىلايحان ءامارجاندى ”شەشە“ دەپ شاقىرۋلارىڭ كەرەك دەيدى.
2019 - جىلى ءزىلايحان ءامارجاننىڭ ەنەسى تۇتقيىل ميعا قان قۇيىلۋدان شيپاحاناعا جاتىپ قالادى، ولار كۇتۋشى قىزمەتكەر ۇسىنىس ەتكەن بولسا دا، 6 اي بويى شيپاحانادا جاتىپ ەمدەلۋ كەزىندە، ۋاڭ اعايدىڭ كىشى قىزى ۇنەمى كەلىپ اجەيگە ءدارىسىن، تاماعىن ۋاعىندا بەرىپ، قالتقىسىز قارايلاسادى.
قىزى بولعاندا، ءزىلايحان ءامارجاننىڭ ەكى قىزى دا ۋاڭ اعايدىڭ ەكى قىزىمەن جاستارى قارايلاس بولىپ شىعادى، ءتورت بويجەتكەن بەينە ءبىر ءۇيدىڭ بالاسىنداي بولىپ، سىرلاس جاندارعا اينالعان ەدى.
ءزىلايحان ءامارجان بۇل ىستەردى ەشكىمگە ءتىس جارىپ ايتىپ كورگەن ەمەس، تەك كوپ جىلداردان كەيىن عانا ادامدار مۇنى بىلەدى، ”اجەم كىشكەنتاي كەزىمنەن جاقسىلىق ىستەسەڭ جۇرتقا جاريا ەتپە، ايتپەسە ول جاقسىلىق ىستەگەندىك بولمايدى دەپ تاربيە بەرەتىن“، - دەيدى ول.
ءتىلشى ۋاڭ اعايدىڭ ەكى قىزىنا تىلشىلىك جاساماقشى بولعان كەزدە، ءزىلايحان ءامارجان اشىق تويتارىپ تاستادى، ول: ”ءبىزدىڭ تۋىس بولۋدا باسقا ماقساتىمىز جوق، ەكى بالاعا پسيحيكالىق قىسىم تۇسىرگىمىز كەلمەيدى. ءبىز بىرگە تۋىسقان جاندارداي وتە بەرەمىز“، - دەيدى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
