كوكتەم مەرەكەسى كەزىندە شينجياڭدا ەرەكشە جوعارى كەرنەۋلى ەلەكتردىڭ سىرتقا جەتكىزىلۋ مولشەرى سايكەس مەزگىلدەگىدەن ％45. 15 ارتتى
2023.02.01 15:15 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى چىن چياڭۋي 1 - ايدىڭ 30 - كۇنى ۇرىمجىدەن حابارلايدى. مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگىنەن ۇعىسۋىمىزشا، كوكتەم مەرەكەسى كەزىندە سانجى - گۋچۋان 1100± كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ جەلىسى (تومەندە قىسقارتىلىپ سانجى - گۋچۋان تۇراقتى ەلەكتر جەلىسى دەلىنەدى)، قۇمىل - جىڭجوۋ 800± كيلوۆولتتىق ەرەكشە جوعارى كەرنەۋلى تۇراقتى ەلەكتر جەتكىزۋ جەلىسى (تومەندە قىسقارتىلىپ قۇمىل - جىڭجوۋ تۇراقتى توك جەلىسى دەلىنەدى) ارقىلى سىرتقا جونەلتىلگەن ەلەكتر مولشەرى ءبىر ميلليارد 658 ميلليون 500 مىڭ كيلوۆات ساعاتقا جەتىپ، سايكەس مەزگىلدەگىدەن ％45. 15 ارتقان، بۇل 5 ميلليون 500 مىڭ وتباسىنىڭ ءبىر اي جۇمسايتىن ەلەكتر قاجەتىن قاناعاتتاندىرعانمەن بارابار.
كوكتەم مەرەكەسى كەزىندە بۇكىل ەلدىڭ كوپ جەرىنە سۋىق اعىس كىرىپ، ەلەكتردەن پايدالانۋ مولشەرى جوعارىلادى. شينجياڭنىڭ ەلەكترىن سىرتقا جەتكىزەتىن 4 ارنانىڭ ىشىندەگى ەرەكشە جوعارى كەرنەۋلى ءارى ەلەكتر جەتكىزۋ مولشەرى ەڭ زور بولعان تۇراقتى ەلەكتردى سىرتقا جەتكىزەتىن ەكى جەلى رەتىندە سانجى - گۋچۋان تۇراقتى ەلەكتر جەلىسىنىڭ 7 كۇندەگى سىرتقا جەتكىزگەن ەلەكتر مولشەرى 967 ميلليون 800 مىڭ كيلوۆات ساعاتقا جەتىپ، سايكەس مەزگىلدەگىدەن ％29.48 ارتتى؛ قۇمىل - جىڭجوۋ تۇراقتى ەلەكتر جەلىسىنىڭ سىرتقا جەتكىزگەن ەلەكتر مولشەرى 690 ميلليون 700 مىڭ كيلوۆات ساعاتقا جەتىپ، سايكەس مەزگىلدەگىدەن ％5.47 ارتتى.
1100± كيلوۆولتتىق سانجى اعىن اۋىستىرۋ پۋنكتىنىڭ باستىعى ۋاڭ حۇڭ تانىستىرىپ بىلاي دەدى: كوكتەم مەرەكەسى كەزىندە سانجى - گۋچۋان تۇراقتى ەلەكتر جەلىسىنىڭ ەلەكتر جەتكىزۋ قۋاتى بىلتىرعى سول تۇستاعىمەن سالىستىرعاندا شامامەن 1200 مەگاۆات جوعارى بولدى ءارى شىعىس جۇڭگو ءوڭىرىنىڭ ەلەكتردەن پايدالانۋ قاجەتى جوعارىلادى، مىنە بۇل سانجى - گۋچۋان تۇراقتى ەلەكتر جەلىسى ارقىلى سىرتقا جەتكىزىلگەن ەلەكتر مولشەرىنىڭ سايكەس مەزگىلدەگىدەن نەداۋىر جوعارى بولۋىنىڭ باستى سەبەبى.
سانجى - گۋچۋان تۇراقتى ەلەكتر جەلىسىنىڭ، قۇمىل - جىڭجوۋ تۇراقتى ەلەكتر جەلىسىنىڭ كوكتەم مەرەكەسى كەزىندە سىرتقا ەلەكتر جەتكىزۋ قۋاتى ءبىرشاما تۇراقتى بولدى، الايدا سۋىق اعىستى اۋا رايى ەلەكتر تورى جابدىقتارىنىڭ اينالىمىنا اسا زور سىن - سايىس الا كەلدى. سىرتقا تۇراقتى ەلەكتر جەتكىزەتىن ەكى ارنانىڭ ورنىقتى اينالىمىنا شىنايى كەپىلدىك ەتۋ ءۇشىن، مەملەكەت ەلەكتر تورى شينجياڭ ەلەكتر قۋاتى شەكتى سەرىكتەستىگى تۇراقتى ەلەكتر جابدىقتارىنداعى كەمىستىكتەر مەن كومەسكى قاتەرلەردى الدىن الا سالالاپ، شۇعىل جاعدايدان ساقتانۋ شارالارىن بەلگىلەپ، اۋا رايىنىڭ وزگەرىسىنە ايرىقشا نازار اۋدارىپ، جابدىقتاردى شارلاپ تەكسەرۋ جيىلىگىن ارتتىرىپ، سيفرلانعان اعىن اۋىستىرۋ پۋنكتى تۇعىرىنان جانە جەلىدەگى قاداعالاۋ تۇعىرىنان پايدالانىپ، ماڭىزدى جابدىقتاردى تاۋلىك بويى ۇزدىكسىز باقىلاپ - تەكسەردى.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
