2 – ايدىڭ 10 – كۇنىنەن باستاپ، شەكارا سىرتىنداعى جۇڭگو ازاماتتارىنىڭ شوفەرلىك كۋالىكتى باسقالارعا اماناتتاۋ ارقىلى بىتىرۋىنە بولادى
2023.02.02 13:54 كەلۋ قاينارى : حالىق تورابى
جۇڭگو اقپارات اگەنتتىگىنىڭ ءتىلشىشى گو چاۋكاي 2 – ايدىڭ 1 – كۇنى بەيجيڭنەن حابارلايدى. ءتىلشىنىڭ 2 – ايدىڭ 1 – كۇنى جۇڭگو قوعام حاۋىپسىزدىگى مينيسترلىگىنەن ۇعىسۋىنشا، 2023 – جىلى 2 – ايدىڭ 10 – كۇنىنەن باستاپ، قوعام حاۋىپسىزدىگى مينيسترلىگى شەكارا سىرتىنداعى جۇڭگو ازاماتتارىنىڭ جۇمىس بىتىرۋىنە قولايلى 6 ءتۇرلى ساياساتتىق شارانى اتقارادى. سول كەزدە شەكارا سىرتىنداعى جۇڭگو ازاماتتارىنىڭ شوفەرلىك كۋالىكتى باسقالارعا اماناتتاۋ ارقىلى بىتىرۋىنە بولادى، ءوزىنىڭ ەلگە قايتۋىنىڭ (شەكارادان كىرۋىنىڭ) قاجەتى جوق.
مۇندا، شوفەرلىك كۋالىككە قاتىستى 3 ءتۇرلى شارا قامتىلعان: بىرىنشىدەن، شوفەرلىك كۋالىكتى اۋىستىرىپ الۋدىڭ ۋاقىتىن ۇزارتۋعا قولايلىلىق جاسالادى. شەكارا سىرتىنداعى جۇڭگو ازاماتتارىنىڭ ەلگە قايتىپ (شەكارادان كىرىپ)، ۋاقىتى تولعان شوفەرلىك كۋالىكتى الماستىرۋ، تەكسەرتۋ، دەنساۋلىق جاعدايىنا قاتىستى ىسپاتتاردى تاپسىرۋ قاتارلى جۇمىستاردى بىتىرۋىنە بەلگىلى سەبەپتەرمەن مۇمكىندىگى بولماسا، ەل ىشىندەگى (شەكارا ىشىندەگى) ادامداردىڭ سالاۋات ىسپاتى، اماناتتاۋ حاتى ارقىلى قوعام حاۋىپسىزدىگى قاتىناستى باسقارۋ تاراۋلارىنا ۋاقىتىن ۇزارتۋ جونىندە ءوتىنىش تاپسىرۋىنا بولادى، كۋالىك يەسىنىڭ ەلگە قايتۋىنىڭ (شەكارادان كىرۋىنىڭ) قاجەتى جوق. سالاۋات ىسپاتى مەن اماناتتاۋ حاتىنىڭ اسىلگى نۇسقاسىن تاپسىرۋعا مۇمكىندىگى بولماسا، كوپيالانعان نۇسقاسى نەمەسە سۋرەتتى باسىپ شىعارعان نۇسقاسى ارقىلى ۋاقىتىن كەشەۋىلدەتۋ رەسميەتىن بىتىرۋىنە بولادى.
ەكىنشىدەن، ەلگە قايتىپ شوفەرلىك كۋالىكتى اۋىستىرۋعا قولايلىلىق جاسالادى. شەكارا سىرتىنداعى جۇڭگو ازاماتتارىنىڭ بەلگىلى سەبەپتەرمەن 2023 – جىلدىڭ سوڭىنان بۇرىن ەلگە قايتۋعا (شەكارادان كىرۋگە) مۇمكىندىگى بولماسا، وسىنىڭ سالدارىنان شوفەرلىك كۋالىكتىڭ ۋاقىتى ءوتىپ كەتسە دە اۋىستىرا الماي قالعان، تەكسەرتۋدەن وتكىزە الماي قالعان جاعداي تۋىلسا، ەلگە قايتقان (شەكاردان كىرگەن) سوڭ 6 اي ىشىندە رەسميەتتى تولىقتاپ بىتىرۋىنە، شوفەرلىك تولىمدىلىعىن قالپىنا كەلتىرۋىنە بولادى. ۇشىنشىدەن، شەكارا سىرتىندا العان شوفەرلىك كۋالىكتى جۇڭگونىڭ شوفەرلىك كۋالىگىنە اۋىستىرۋعا قولايلىلىق جاسالادى. شەكارا سىرتىنداعى جۇڭگو ازاماتتارى ەلگە قايتقان (شەكارادان كىرگەن) سوڭ شەكارا سىرتىندا العان شوفەرلىك كۋالىكتى جۇڭگونىڭ شوفەرلىك كۋالىگىنە اۋىستىرماقشى بولسا، شەكارا سىرتىنداعى شوفەرلىك كۋالىگىنىڭ كۇشكە يە بولماي قالعان ۋاقىتى 6 ايدان اسىپ كەتپەگەن بولسا، جۇڭگونىڭ شوفەرلىك كۋالىگىنە اۋىستىرۋدى قالىپتى ءوتىنىش ەتۋگە بولادى.
مۇنان سىرت، ازاماتتىق كۋالىككە قاتىستى ەكى ءتۇرلى قولايلى شارا اتقارىلادى: بىرىنشىدەن، ازاماتتىق كۋالىكتى باسقالارعا اماناتتاۋ ارقىلى ءبىتىرۋ جاعىندا قولايلىلىق جاسالادى. شەكارا سىرتىنداعى جۇڭگو ازاماتتارى جاڭا تيپتى ايدارشا ۆيرۋس ىندەتىنىڭ سەبەبىنەن ازاماتتىق كۋالىكتى كۇشكە يە مەرزىم ىشىندە دەر كەزىندە اۋىستىرا الماعان بولسا، ەل ىشىندەگى تۋىس – تۋعاندارىنا اماناتتاۋ ارقىلى تۇراقتى قونىستانعان جەردەگى قوعام حاۋىپسىزدىگى بولىمشەسىنە نەمەسە نوپوس ىستەرىن ءبىتىرۋ زالىنا بارىپ كۋالىكتى الماستىرۋ جونىندە ءوتىنىش تاپسىرۋىنا بولادى، قوعام حاۋىپسىزدىگى ورگاندارى اماناتتى اتقارۋشىنىڭ ازاماتتىق ينفورماتسيالارىن، ينتەرنەت ارقىلى تاپسىرعان ماتەريالداردى تەكسەرگەن سوڭ، قاتىستى بەلگىلەمەلەرگە ساي قابىلداۋ، ماقۇلداۋ، كۋالىكتى جاساۋ جانە تاراتۋ قىزمەتتەرىن ورىندايدى. ەكىنشىدەن، ەل ىشىنە قايتقان سوڭ، جاقىن جەردە ازاماتتىق كۋالىكتى اۋىستىرۋ جاعىندا قولايلىلىق جاسالادى. شەكارا سىرتىنداعى جۇڭگو ازاماتتارى جاڭا تيپتى ايدارشا ۆيرۋس ىندەتىنىڭ سەبەبىنەن ازاماتتىق كۋالىگىن كۇشكە يە مەرزىم ىشىندە دەر كەزىندە اۋىستىرا الماعان بولسا، ەلگە قايتقان (شەكارادان كىرگەن) سوڭ، بۇكىل ەلىمىزدەگى ءارقانداي قوعام حاۋىپسىزدىگى بولىمشەسىنە بارىپ، ازاماتتىق كۋالىكتى اۋىستىرۋ جۇمىسىن جاقىن ماڭدا بىتىرۋىنە بولادى.
مۇنان سىرت، قوعام حاۋىپسىزدىگى مينيسترلىگى شەكارادان كىرىپ – شىعۋعا قاتىستى كاسىپتىك ىستەر مەن باسقارۋعا قاتىستى ساياساتتاردى تەكسەرىپ - بىلۋگە قولايلىلىق جاراتادى. شەكارا سىرتىنداعى جۇڭگو ازاماتتارى ەگەر ءوزىنىڭ شەكارادان كىرىپ – شىعۋ كۋالىگى، شەكارادان كىرىپ – شىعۋ ەستەلىگى قاتارلى ينفورماتسيالارعا يە بولۋدى قاجەت ەتسە، مەملەكەتتىك كوشى – قوندى باسقارۋ مەكەمەسىنىڭ ۇكىمەت ىستەرىنە ساياتىن قىزمەت وتەۋ تەكشەسىنە تىركەلۋ ارقىلى تەكسەرۋىنە جانە تۇسىرۋىنە بولادى.
كەلۋ قاينارى: حالىق تورابى
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
