لي كىچياڭ حالىق بانكەسىندە، شەتەل اقشاسىن باسقارۋ مەكەمەسىندە قىزمەت تەكسەرگەندە ءارى اڭگىمە ءماجىلىسىن باسقارىپ اشقاندا مىنانى دارىپتەدى
فينانستىڭ ماكرولىق ەكونوميكانىڭ ورنىقتىلىعىن قولداۋ رولىن اناعۇرلىم ساۋلەلەندىرىپ، فينانستىڭ ناقتى ەكونوميكاعا قىزمەت وتەۋ دەڭگەيىن ۇزدىكسىز جوعارىلاتۋ كەرەك
2023.02.01 16:57 كەلۋ قاينارى : حالىق تورابى
شينحۋا اگەنتتىگى، 1 - ايدىڭ 31 - كۇنى، بەيجيڭ. 1 - ايدىڭ 30 - كۇنى مەملەكەتتىك كەڭەستىڭ زۇڭليى لي كىچياڭ حالىق بانكەسىنە، شەتەل اقشاسىن باسقارۋ مەكەمەسىنە بارىپ قىزمەت تەكسەرىپ، اڭگىمە ءماجىلىسىن باسقارىپ اشتى. ول مىنالاردى دارىپتەدى: شي جينپيڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، پارتيا ورتالىق كوميتەتىنىڭ، مەملەكەتتىك كەڭەستىڭ ورنالاستىرۋلارىن دايەكتىلەندىرىپ، فينانستىڭ ماكرولىق ەكونوميكانىڭ ورنىقتىلىعىن قولداۋ رولىن ونان ارى ساۋلەلەندىرىپ، فينانستىق قىزمەت وتەۋ دەڭگەيىن ۇزدىكسىز جوعارىلاتىپ، ەكونوميكالىق اينالىمنىڭ ۇيلەسىمدى ارالىقتا بولۋىن ساقتاپ، ساپالى دامۋدى ىلگەرىلەتۋ كەرەك. ورتالىق سىرتقى پەرۆود كاسىبى ورتالىعىندا لي كىچياڭ قىزمەتكەرلەرمەن پىكىر الماستىرىپ، سىرتقى پەرۆود زاپاسىندا تيجارات تابىسىنىڭ ويداعىداي ورىندالعانىن تۇراقتاندىردى. ول بىلاي دەدى: سىرتقا ەسىك اشۋ − مەملەكەتتىڭ نەگىزگى ساياساتى، جۇڭگو ەكونوميكاسى دۇنيە جۇزىمەن ىشكەرىلەي توعىسۋدا، شەتەل اقشاسى زاپاسى حالىقارانىڭ ەلىمىزبەن ەكونوميكا - ساۋدا سەلبەستىگىن ورىستەتۋ سەنىمىن ايگىلەدى، سىندىرىلىمنىڭ ورنىقتىلىعى ەكونوميكا - فينانس جالپى جاعدايىنىڭ ورنىقتىلىعىنا سايادى. سوڭعى جىلدارى كوپ رەتكى سىرتقى سوققى الدىندا ەلىمىزدىڭ شەتەل اقشاسى زاپاسى 3 تريلليون دوللاردان جوعارى ورەنى ساقتادى، حالىق اقشاسىنىڭ سىندىرىلىمى نەگىزىنەن ورنىقتى بولىپ، حالىقاراداعى نەگىزگى اقشا تۇرلەرىندە سالىستىرمالى تۇردە ورنىقتى بولىپ، سىرتقى ساۋدا، فينانس، ەكونوميكا سياقتىلاردى ورنىقتىرۋعا پارمەندى تىرەك بولدى.
لي كىچياڭ فينانستىڭ ناقتى ەكونوميكاعا قىزمەت وتەۋ جاعدايىن ەگجەي – تەگجەيلى ۇعىستى. ول بىلاي دەدى: فينانس − وسى زامانعى ەكونوميكانىڭ وزەگى، تاياۋ جىلداردان بەرى فينانس رەفورماسىنىڭ دامۋى ەكونوميكانىڭ دامۋىن پارمەندى قولدادى. وتكەن 10 جىلدىق پەريودتان قاراعاندا، ەكونوميكانىڭ جىلدىق ورتاشا ارتۋى %6.2 بولىپ، 53 تريلليون يۋاننان 121 تريلليون يۋانعا جەتىپ، فينانس قۇرىلىمدارىنىڭ جالپى مال - مۇلكى زور مولشەردە ارتىپ، 400 تريلليون يۋاننان اسىپ، قازىر جارنا بازارىنىڭ، زايوم بازارىنىڭ كولەمى دۇنيە ءجۇزى بويىنشا 2 - ورىندى يەلەدى. ەكونوميكا جاقسى بولسا عانا فينانس جاقسى بولادى، فينانس ورنىقتى بولسا عانا ەكونوميكا ورنىقتى بولادى.
ماجىلىستە حالىق بانكەسى مالىمەت بەردى. لي كىچياڭ بىلاي دەدى: وسى بىرنەشە جىلدا ىندەت سياقتى اۋىر سوققى الدىندا شي جينپيڭ جولداستى ۇيىتقى ەتكەن پارتيا ورتالىق كوميتەتىنىڭ پارمەندى باسشىلىعىندا، بۇكىل ەل بويىنشا جوعارىدان تومەنگە دەيىن بىرگە قۇلشىنىپ، ەكونوميكانىڭ ءۇرتىس ارتۋىن ساقتادى. ءبىز ماكرولىق تىزگىندەۋدە جاڭالىق اشىپ جانە ونى كۇشەيتىپ، ورنىقتى اقشا ساياساتىن اتقارۋدا تاباندى بولىپ، جالپى شاما مەن قۇرىلىمدىق قۇرالدان ۋاقىتقا، جاعدايعا قاراي پايدالانىپ، اينالىمنىڭ ۇيلەسىمدى، جەتكىلىكتى بولۋىن ساقتاپ، ءتۇيىندى سالالاردى، ءالسىز بۋىنداردى قولداۋدى كۇشەيتىپ، ماكرولىق ەكونوميكانىڭ ورنىقتىلىعىن قورعاۋدا، ناقتى ەكونوميكانىڭ دامۋىنا قىزمەت وتەۋدە ماڭىزدى رول اتقاردىق. قازىر كاسىپورىندار، جەكەشە ونەركاسىپشىلەر مەن ساۋداگەرلەر 160 ميلليوننان اسىپ، 10 جىلدىڭ الدىنداعىنىڭ 3 ەسەسىندەي بولدى. ءبىز ورتا، شاعىن، ۇساق كاسىپورىنداردىڭ، جەكە ساۋدا - ونەركاسىپشىلەردىڭ قارجى قۇراۋى قيىن بولۋىن، قارجى قۇراۋى قىمبات بولۋىن باسەڭدەتۋدى ارقاۋ ەتىپ، قارىز اقشا ءوسىمىنىڭ ۇزدىكسىز تومەندەۋىنە جەتەكشىلىك ەتىپ، جالپىعا ءتيىمدى فينانستى دامىتىپ، قارىز اقشانىڭ نەگىزگى سوماسىن كەشەۋىلدەتىپ قايتارۋ، ءوسىمىن تولەي تۇرۋ شاراسىن اتقارىپ، بازار تۇلعالارىن ورنىقتىرۋ ارقىلى حالىق تۇرمىسىن قامتاماسىز ەتتىك. وتكەن 5 جىلدا جالپىعا ءتيىمدى شاعىن، ۇساق قارىز اقشانىڭ قالدىق سوماسى جىلىنا ورتا ەسەپپەن %24 ارتتى، بىلتىر كاسىپورىندار قارىز اقشاسىنىڭ ورتاشا ءوسىم مولشەرى 5 جىلدىڭ الدىنداعىدان ءبىر پايىز تومەندەدى، بۇل − رەفورما جاساپ، ەسىك اشقاننان بەرگى ەڭ تومەنگى ولشەم. ەرەكشە بەلگىلەنگەن مەملەكەت مەنشىگىندەگى فينانس قۇرىلىمدارى زاڭ بويىنشا قالدىق پايدانى جوعارىعا تاپسىرىپ، سالىق كەمەيتۋدى، سالىقتى قايتارۋدى پارمەندى قولدادى. وسى بارىستا اقشانى بەيپىل تاراتپاۋدا، مولشەردەن ارتىق تاراتپاۋدا تاباندى بولىپ، بۇكىل دۇنيە جۇزىندە اقشانىڭ قۇنسىزدانۋى جاعدايىندا ەل ىشىندە زات باعاسىن ورنىقتىرۋعا نەگىزدىك شارت - جاعداي ازىرلەندى، بىلتىر تۇرعىنداردىڭ تۇتىنۋ باعاسى ٪2 قانا جوعارىلادى، 10 جىلدىق پەريودتاعى ورتاشا ارتۋ شاماسى دا ٪2 اينالاسىندا بولدى. ول بىلاي دەدى: فينانس، ءسوز جوق، ورنىقتى، جوعارى ءونىمدى جۇمىس جۇرگىزۋى كەرەك. ءبىز بازارلاندىرۋ، زاڭمەن جونگە سالۋ تاسىلىنەن پايدالانىپ، فينانس بازارىنىڭ قالىپسىز تولقۋىنان، حاۋىپ - قاتەرىنەن ءونىمدى ساقتانىپ، ورتا، شاعىن فينانس قۇرىلىمدارى، قورا - جاي كاسىپورىندارى، ينتەرنەت قارىزى سياقتى سالالارداعى حاۋىپ - قاتەردى دەر كەزىندە ۇيلەسىمدى ءبىر جاقتى ەتىپ، جۇيەلىك حاۋىپ - قاتەر تۋىلماۋدىڭ تومەنگى شەگىن ساقتادىق. ارينە، ورىن تەۋىپ وتىرعان ماسەلەلەردى دە سەرگەكتىكپەن كورە ءبىلۋىمىز كەرەك، فينانستىڭ ورنىقتىلىعىن قورعاۋ، حاۋىپ - قاتەردەن ساقتانۋ ءالى دە ۇزاق ۋاقىتتىق ءارى جاپالى مىندەت سانالاى.
لي كىچياڭ بىلاي دەدى: قازىر ەكونوميكانىڭ ارتۋ قارقىنى قايتادان جاقسارا باستادى، فينانس جۇيەسى ناقتى ەكونوميكاعا قىزمەت وتەۋ دەڭگەيىن ۇزدىكسىز جوعارىلاتۋى كەرەك، بۇل بازار مەجەسىنە قاتىستى، ورنىقتى مەجە بازار شارۋاشىلىعىنىڭ پارمەندى قوزعاۋشى كۇشى سانالادى. ەكونوميكانى ورنىقتىرۋداعى ءبىرقىدىرۋ ساياسات پەن شارالارددى ىشكەرىلەي تياناقتاندىرىپ، فينانستىڭ تۇتىنۋدى كەڭەيتۋ جانە ءونىمدى قارجى قوسۋدى، قۇرىلىمدى ساپالىلاندىرۋدى قولداۋ تەبىنىن ارتتىرىپ، حالىقتىق شارۋاشىلىق پەن ورتا، شاعىن، ۇساق كاسىپورىنداردىڭ قارجى قۇراۋ ورتاسىن جاقسارتىپ، فينانس حاۋىپ - قاتەرىنەن ساقتانىپ جانە ونى شەشىپ، حالىق اقشاسى سىندىرىلىمىنىڭ ۇيلەسىمدى، تەپە - تەڭ دەڭگەيدەگى نەگىزگى ورنىقتىلىعىن ساقتاۋ كەرەك.
ليۋ حى، حى ليفىڭ جوعارىداعى قيمىلدارعا قاتىناستى.
كەلۋ قاينارى: حالىق تورابى
جاۋاپتى رەداكتورى : مانەپ ەربول ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
