بۇكىل شينجياڭداعى پروكۋراتۋرا ورگاندارى
بيىل 5 جاقتاعى قىزمەتتى ءتۇيىندى تۇردە ويداعىداي يگەرەدى
2023.02.02 16:49 كەلۋ قاينارى : شينجياڭ گازەتى
انار بۇلت \ شينجياڭ گازەتىنىڭ ءتىلشىسى ۋاڭ نا، پراكتيكانت ءتىلشى جاڭ لەي 1 - ايدىڭ 31 - كۇنى ۇرىمجىدەن حابارلايدى. 1 - ايدىڭ 31 - كۇنى اشىلعان شينجياڭ بويىنشا باس پروكۋرورلار قىزمەتى ءماجىلىسى 2023 - جىلعى قىزمەت ”باعدار كارتاسىن“ ايقىندادى. ءماجىلىستىڭ ورنالاستىرۋىنا ساي، بيىل شينجياڭ بويىنشا پروكۋراتۋرا ورگاندارى مىناداي 5 جاقتاعى قىزمەتتى ءتۇيىندى تۇردە ويداعىداي يگەرەدى:
مەملەكەتتىڭ حاۋىپسىزدىگى مەن قوعام ورنىقتىلىعىن قورعاۋ جاعىندا، كەڭشىلىك ەتۋ مەن قاتاڭ بولۋدى ءوزارا ۇشتاستىرۋعا، ءتۇرلى قىلمىستىق ىستەر قىلمىستارىن جازالاۋعا، ودان ساقتانۋعا تاباندى بولىپ، قارا كۇشتەردى الاستاۋدى، سۇرقيا كۇشتەردى جويۋدى ۇدايىلاندىرۋدى ۇزدىكسىز ويداعىداي يگەرىپ، بۇقارانىڭ اڭىسى كۇشتى بولعان اۋىر زورلىقتى كۇش قىلمىسى، ازىق - تۇلىك، ءدارى - دارمەك حاۋىپسىزدىگىنە زالال جەتكىزۋ، تەلەگراف، توراپ الدامكوستىگى، زەينەتكەرلىك الدامكوستىگى، ازاماتتاردىڭ جەكە ينفورماتسياسىنا سۇعاناقتىق جاساۋ سياقتى قىلمىستاردى ۇزدىكسىز جازالاۋ.
ەكونوميكانىڭ، قوعامنىڭ جوعارى ساپالى دامۋىنا قىزمەت وتەۋ جاعىندا، دەلوعا قاتىستى كاسىپورىنداردىڭ ەرەجەگە ۇيلەسىمدى رەفورماسىن جاپپاي ورىستەتىپ، كاسىپورىندارعا ساياتىن ”اياقسىز قالعان دەلولاردى“ اداقتاۋ قىزمەتىن ۇدايىلاندىرا ورىستەتۋ، زاڭمەن باسقارىلاتىن شارۋاشىلىق - ساۋدا ورتاسىن كۇش سالا قالىپتاستىرۋ. ەكولوگيالىق ورتانى تەكسەرۋ قىزمەتىن بارىنشا كۇشەيتىپ، قورشاعان ورتا، بايلىق تۇرىندەگى قىلمىستىق ىستەر دەلولارى مەحانيزمىن ساپالىلاندىرىپ، كوك اسپاندى، تۇنىق سۋدى، تازا توپىراقتى قورعاۋ شايقاسىن ويداعىداي جۇرگىزۋگە ۇزدىكسىز دەم بەرۋ.
حالىقتى بارىنەن جوعارى قويىپ، حالىق ءۇشىن ءادىليا جۇرگىزۋدى امالياتتا ايگىلەۋ جاعىندا، ءادىليالىق قۇتقارۋ - كومەكتەسۋدى ۇزدىكسىز تەرەڭدەتىپ، ارىز - شاعىم بەرۋىن قولداپ، ءالسىز قاۋىمنىڭ زاڭدى ۇقىق - مۇددەسىن قورعاۋدى كۇشەيتۋ؛ پارا الۋ مەن پارا بەرۋدى بىرگە تەكسەرۋ تەبىنىن ارتتىرىپ، باقىلاۋ - تەكسەرۋدى، دەلو ىستەۋدى ۇشتاستىرۋدى جانە سايكەسىپ تەجەۋدى كۇشەيتۋ؛ ازامات جاسىنا تولماعانداردى تەكسەرۋ دەلولارىن ءبىر تۇتاس شوعىرلى ءبىتىرۋدى جەدەل ىلگەرىلەتىپ، ءماجبۇري مالىمدەۋ، قىزمەتكە قابىلداۋعا بايلانىستى سۇراستىرۋ سىندى ”ەكى ءتۇرلى ءتۇزىمدى“، سونداي - اق قىلمىس ەستەلىگىن پەشەتتەپ ساقتاۋ ءتۇزىمىن تياناقتاندىرۋدى قۋزاپ، ”زاڭمەن باسقارۋدى مەكتەپ اۋلاسىنا ەنگىزۋ“ قيمىلىن ۇدايىلاندىرا ورىستەتۋ؛ اشىق ىسپات تىڭداۋ، ازاماتتىق ىستەردە جاراستىرۋ جانە اكىمشىلىك تالاس - تارتىستاردى ماندىك جاقتان شەشۋ سياقتى قىزمەتتەردى ۇدايىلاندىرا ىلگەرىلەتۋ.
زاڭدىق باقىلاۋدىڭ ساپاسى مەن ونىمدىلىگىن جوعارىلاتۋ جاعىندا، قىلمىستىق ىستەر ارىز - شاعىمىن باقىلاۋدى كۇشەيتىپ، قىلمىستىق ىستەر بويىنشا دەلو تۇرعىزۋدى، بارلاۋ - تەكسەرۋ قيمىلىن، تەرگەۋ قيمىلىن باقىلاۋدى كۇشەيتىپ، قىلمىستىق ىستەر دەلولارىن وزدىگىنەن تولىقتاپ بارلاۋ تەبىنىن ارتتىرىپ، ”شارلاۋ + وكىلەتتىك تۇرۋ“ باقىلاۋ ۇلگىسىنىڭ جالپى تۇلعالىق ساپاسىن، ونىمدىلىگىن ونان ارى جوعارىلاتۋ؛ كۇشكە يە تورەلىك ايتۋدى، ءادىليالىق جاراستىرۋ قاعازى، سونداي - اق سوت قىزمەتكەرلەرىنىڭ زاڭعا قايشىلىق جاساۋ، اتقارۋ قيمىلدارىن باقىلاۋدى كۇشەيتىپ، ارىز - شاعىم ىشىندەگى جانە ارىز - شاعىم سىرتىنداعى باقىلاۋداعى ”قوس تەگەرشىكپەن جەبەۋدى“ بەلسەنە ورناتىپ، اكىمشىلىك كۇشكە يە تورەلىك ايتۋ، تەرگەۋ جانە اتقارۋ قيمىلدارىن باقىلاۋدى ۇزدىكسىز تەرەڭدەتۋ.
پروكۋراتۋرا قىزمەتى وسىزامانداندىرۋدى ىلگەرىلەتۋ جاعىندا، سيفرلى پروكۋراتۋرانى كۇش سالا ىلگەرىلەتىپ، ”كاسىپتى جەتەكشى ەتۋ، ساندى مالىمەتتەردى بىرىكتىرۋ، تەحنيكانى تىرەك ەتۋ، قولدانىلمالىلىققا ءمان بەرۋ“ سىندى سيفرلى پروكۋراتۋرا قىزمەتى ۇلگىسىن بەلسەنە ورناتىپ، سيفرلى توڭكەرىس ارقىلى زاڭدىق باقىلاۋعا كۇش ۇستەپ، شينجياڭنىڭ باسقارۋ ونىمدىلىگىن جوعارىلاتۋ.
جاۋاپتى رەداكتورى : نۇرعيسا قۇرمانجان ۇلى
- 1.
جۇڭحۋا حالىق رەسپۋبليكاسىنىڭ قاتىستى زاڭ-ەرەجەلەرىنە بويسىنىپ، توراپتا ءمورالدى بولىڭىز، ءسىزدىڭ ارەكەتىڭىز سەبەبىنەن تىكەلەي نەمەسە جانامالاي تۋىنداعان زاڭدىق جاۋاپكەرشىلىكتى ءوزىڭىز ارقالايسىز.
2.
قالام اتىڭىز بەن جازعان لەبىزىڭىزدى باسقارۋدىڭ بارلىق ۇقىعى حالىق تورابىنا ءتان.
3. حالىق تورابىنىڭ ءسىزدىڭ حالىق تورابىنىڭ لەبىز جازۋ بەتىنە جازعان لەبىزىڭىزدى توراپ ىشىندە كوشىرۋ نەمەسە لەبىزىڭىزدەن سيتات كەلتىرۋ ۇقىعى بار.
4.
ەگەر باسقارۋ جاعىنا پىكىرىڭىز بولسا، لەبىز جازۋ بەتىنىڭ باسقارۋشىسىنا نەمەسە حالىق گازەتى مەكەمەسىنىڭ توراپ ورتالىعىنا اڭىس ەتىڭىز.
- ورتالىق
- ەل ءىشى
- شينجياڭ
- حالىقارا
مادەنيەت
تەلەفون: 67 /65368365-010 حات ساندىعى: kazakh@peopledaily.com.cn
بۇل بەتتىڭ مەنشىك ۇقىعى حالىق تورابىنا ءتان، كەلىسىمنەن وتپەگەندە كوشىرىپ پايدالانۋعا بولمايدى
Copyright © 1997-2012 by www.people.com.cn. all rights reserved
جۇڭگو كوممۋنيستىك پارتياسى اقپارات تورابى 
بۇل حابارعا باعاڭىز
لەبىز جازۋ
